Gétsutsuéô 16
16
Ebungu émayôa n’opisa aNzambé
1Va mbenene vane, me Jean namookô ôgi angudi ômavovo gô eba aNzambé. Ogie ômatôma asi g’ôba tsambué mbe: Kiakani. Nôkéetéa gô tsinane ébungue tsambué émayôa n’opisa aNzambé.
2Môsi g’ôba ône amapanga amakea na ameetéa gébunguge sedi gô tsinane. Na vane miitsô mivôni miamisigéô mimapekôgana gô yôtôye yoma muetso ane ahmabaka na ndémbône éaGényamanyama te ane ahmaneegeda gégonige sedi.
3Môsi g’ôba ône amôbaé ameetéa gébunguge sedi gô mubu. Mebame mamakoga maka ga nzina yamôma awééni. Eetso édôngani émabaka gô mubu émawa.
4One amôtatô ameetéa gébunguge sedi gô mbéye na gô étôkee na émakoga yetso éka ti nzina ditévo. 5Namookô môsi g’ôba andé n’otômu ameba amavovo mbe: Ah Kumu éetsimama. Ewe ôsabômu évovo. Oesédi omeaa ti kuanakue. Ewe Kumu ômabakani na ôndékéni. 6Omeaa te ahngô ahmeetéa gô tsina nzina yasi mbumu éaNzambé na dine yapandôédi amatasa medi. Deo noo éwe Kumu ômeetsa ahngô nzina gô étôkee éaô na gô mbéyi yaô gôényua. Endé te kuanakue. Eetsiô te éne émanyôngéô ahngô. 7Na vane me Jean namookô ôgi ômavovo gô gévumbéô sadigondoku mbe: Ii, Kumu Nzambé, éwe Kumu angudi yetso, ôsabômu évovo. Oeséda oma ti kuanakue.
8Môsi g’ôba ône amônayi ameetéa gébunguge sedi gô kômbéne. Na kômbéne émeetsô ôtômu gôéyôéda omee na gésotosoto sedi. 9Omeaa ahmayôédu n’obabaka agéndégégé. Ahmatoko ina aNzambé. Ahmatoko ényangee éedi gômakudéga angô mônongoe agévunga na gôndé oma. Buéyé mbe gameenahngô pandaye dine ahmakina éviia ngima mabégô maô mabévani na gôékuméda Nzambé.
10Môsi g’ôba amôtayi ameetéa gébunguge sedi gô gédigaa sokumaka gémadigaa nyamane. Okumue wedi ômakukégu n’evitsie. Gô pievia dimookô oma gô yôtôye yaô ahngô ahmambata dimeni yaô. 11Ahmatoko Nzambé ag’ôba gô pievia dimookô ahngô na miitsô miaô. Ivô ahsinzeegede éyanza mayanza maô mabévani.
12Môsi g’ôba amôtôba ameetéa gébunguge sedi gô mbéyi épôni ééndô mbe Euphrate. Mbéne émasinégéa gôétsika nzéa gôndé atômi atsengeye dindé gésa gékusa kômbéne gôéôta. 13Nameena édidie étatô ébévani émagono na mônyaa émakusa gévo gévo gô mônya aGényogonyogo na gô mônya aGényamanyama na gô mônya amôékédi adiboe. 14Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.
15Angô mbe: Oôkôni édué. Me naviga gaviga muisui na waada. Gényônga gôndé ône adenganô andé môsiki gébé gô vio na akenea môkandee wedi. Asangakea mônyenge va gatse akedi na asangeena tsoyi.
16Edidie émakôva atômie na gô tungu émeendô g’ôgi aHébreu mbe Harmaguédon.
17Môsi g’ôba ône atsambué ameetéa gébunguge sedi g’ôpunga. Ogie ôvôni ômavovo gô eba aNzambé ômakusa gésa sagédigaa sokumaka. Ogi ômavovo mbe: Egôgi. 18Mikadikadi mimakadima. Nzongodine émookanô. Midumumie mimakunga. Tsinane ématatéa ti tatéa. Bandôa v’ebandô amôma ngu na nyoone, tsinane madeo ésitatéa gô ône mônongo. 19Môsenge ôvôni ômatatôga dikabô ditatô. Yebaye yagô misengemie mietso miava tsina dimapanzéga. Nzambé amabangôa môsenge ôvôni ôéndô mbe Babylone. Nzambé amanyuéséda môsengee ône gébunguge s’opisedi ôsaba na ngeba. 20Nengéye yetso dimadimbana na gôsienanôdô mikôdi. 21Mataa mavôni mamaaga g’ôba na gô tsina gôédenga oma. Etaa évo émadita gadita gésambi satsanga.#16:21 Editee éne ééndô gô suada mbe, 40 kilos. Omee amatoko Nzambé gôébégô éamataa. Mangô mamabaka gévunga gédagani sapanda.
Currently Selected:
Gétsutsuéô 16: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
