Philippiens 2
2
Christ amasugéda amuene na amasangégu
1Nandé na nyivôye gôndé anye. Gôétsi anye Jésus‐Christ mitéma mianyô gémôtsumé paga ?nôôtéa na ngudi‐a¿ Etondoe éedi énôkasôgéda‐a? ?Nôndé na évamba na Gédidi SaNzambé‐a? ?Nôndé na vitoo na ngeba anyene n’anyene‐a? 2Tambô nanôtôma mbe: Bakani évambevo na vitoo épo na môtémovo na ngudi dipo. Vane nôdugéda ékasôga éami. 3Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami. 4Môma asabuta édugéda éne édagéô amuene étévô, ivô atasé gô éne édagéô môkedi. 5Anye bakani na ôtasédie ôndé na amuene Jésus‐Christ.
6Bandôa v’ebandô, andéké ényangevo na Nzambé.
Ivô asigényôga gôémenyanganô mbe
Angô te môvo na Nzambé.
7Tambô amatsika amuene ényangee émabaka n’edi
Na amaasugéda amuene gôéba môvéga.
Amabongo gégoni samôma gôédigaa gadigaa môma.
8Amamana pitsi yedi te andé amaasugédani.
Amagobeda Téta ngu na ôwa.
Amawa ôwa ôdagani ava gésumu.
9T’ebandô Nzambé amamôsangéga gôéba gô ngongo amuetso.
Na amamôétsa ina éôtéa na miname metso mookanôni.
10Gômbe gô ina éne éaJésus, asi g’ôba muetso, n’asi tsinane,
N’ane andé gô tsenge éane amawani, muetso angasiba mabongome mao.
11Na yôgi yamongome metso mangakuméda Nzambé nyaa ônganigôa yangô mbe: Jésus te Kumu apie.
Bakani ga dambi gôétanéda évitsi éatsengene
12Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye. 13Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.
14Indakani metso mane gébé na mikebanganô na gétsumané paga. 15Vane nôngaba n’etsimama na nômagôgéani. Nôngamenyanganô mbe ana aNzambé agébé n’oési, nôdigaa va gatse oma abévani adiboe andé gô tsengene. Tanani ga minanga gô tsina evitsi. 16Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.
17Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami. 18Na vatsôkéanye, me dôta nangagésangana gôétsôkéa gényônga gévo n’anye.
Timothée na Epaphrodite
19Okô Kumu Jésus asingi ganyôngéô me, nanganôkudégéa Timothée. Na vanganika angô n’eva, anganigôa me tsangône yanyô gôékasôgéda me. 20Te Timothée amuene andé môtémovo n’ami gôékebangana gôndé anye na môdigéôe wanyô. 21Akasô muetso akebangana te mane manguene matévo, kaka mane maJésus‐Christ. 22Anyene nôsabômu gamatubéda Timothée wa n’anyô mônongoe ôndé n’edi amôvinéné. Nôsabômu dôta gamayanzangô n’ami. Amayanza n’ami gô Tsangô Eamôsôba gayanza muana môtémovo na tétedi. 23Nanyôngéô énôkudégéa Timothée vangookô me éne éngeendô me éva. 24Naténdéda gô ina aKumu Jésus mbe gô pesu andéô nangaviga memuene na gôndé anye.
25Namani évangana na Epaphrodite mbe anika te na gôndé anye. Amabaka n’ami gô ébadi émagenyuni. Amayanza n’ami mônongovo gamanyôngéô anye nômamôtômakani gô ndéône émadagéô me. 26Angô ookô anye tsôvé. Amakebangana gôndé anye gôébegô éatsangô éebeea éedi émookô anye. 27Na gô pie amabaka na beeaga éowa na monyo. Ivô Nzambé amamôena ngeba. Ivô kaka Epaphrodite amuene, ameena te na me ngeba mbe kabaga panda yami diomba ékôndama gôéwéô n’one abaki n’ami. 28T’ebandô tsadinga énôkudégéa angô. Memuene nangeena buedi vangatsôkéanye na gényônga vangoombanye émôena. 29Tambô keneani angô n’ekasôga, gakeneo ana aTéta agô mbumu éaKumu Nzambé. Buedi mbe nômôtubéda egôba, angô n’akedi andé g’angô. 30Gôébégô amavétsô n’owa gôétsuéa me éne émabuta me, ésiôngôé anye étsua. Amabaka mbe awa gô gésoo saJésus‐Christ.
Currently Selected:
Philippiens 2: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Philippiens 2
2
Christ amasugéda amuene na amasangégu
1Nandé na nyivôye gôndé anye. Gôétsi anye Jésus‐Christ mitéma mianyô gémôtsumé paga ?nôôtéa na ngudi‐a¿ Etondoe éedi énôkasôgéda‐a? ?Nôndé na évamba na Gédidi SaNzambé‐a? ?Nôndé na vitoo na ngeba anyene n’anyene‐a? 2Tambô nanôtôma mbe: Bakani évambevo na vitoo épo na môtémovo na ngudi dipo. Vane nôdugéda ékasôga éami. 3Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami. 4Môma asabuta édugéda éne édagéô amuene étévô, ivô atasé gô éne édagéô môkedi. 5Anye bakani na ôtasédie ôndé na amuene Jésus‐Christ.
6Bandôa v’ebandô, andéké ényangevo na Nzambé.
Ivô asigényôga gôémenyanganô mbe
Angô te môvo na Nzambé.
7Tambô amatsika amuene ényangee émabaka n’edi
Na amaasugéda amuene gôéba môvéga.
Amabongo gégoni samôma gôédigaa gadigaa môma.
8Amamana pitsi yedi te andé amaasugédani.
Amagobeda Téta ngu na ôwa.
Amawa ôwa ôdagani ava gésumu.
9T’ebandô Nzambé amamôsangéga gôéba gô ngongo amuetso.
Na amamôétsa ina éôtéa na miname metso mookanôni.
10Gômbe gô ina éne éaJésus, asi g’ôba muetso, n’asi tsinane,
N’ane andé gô tsenge éane amawani, muetso angasiba mabongome mao.
11Na yôgi yamongome metso mangakuméda Nzambé nyaa ônganigôa yangô mbe: Jésus te Kumu apie.
Bakani ga dambi gôétanéda évitsi éatsengene
12Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye. 13Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.
14Indakani metso mane gébé na mikebanganô na gétsumané paga. 15Vane nôngaba n’etsimama na nômagôgéani. Nôngamenyanganô mbe ana aNzambé agébé n’oési, nôdigaa va gatse oma abévani adiboe andé gô tsengene. Tanani ga minanga gô tsina evitsi. 16Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.
17Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami. 18Na vatsôkéanye, me dôta nangagésangana gôétsôkéa gényônga gévo n’anye.
Timothée na Epaphrodite
19Okô Kumu Jésus asingi ganyôngéô me, nanganôkudégéa Timothée. Na vanganika angô n’eva, anganigôa me tsangône yanyô gôékasôgéda me. 20Te Timothée amuene andé môtémovo n’ami gôékebangana gôndé anye na môdigéôe wanyô. 21Akasô muetso akebangana te mane manguene matévo, kaka mane maJésus‐Christ. 22Anyene nôsabômu gamatubéda Timothée wa n’anyô mônongoe ôndé n’edi amôvinéné. Nôsabômu dôta gamayanzangô n’ami. Amayanza n’ami gô Tsangô Eamôsôba gayanza muana môtémovo na tétedi. 23Nanyôngéô énôkudégéa Timothée vangookô me éne éngeendô me éva. 24Naténdéda gô ina aKumu Jésus mbe gô pesu andéô nangaviga memuene na gôndé anye.
25Namani évangana na Epaphrodite mbe anika te na gôndé anye. Amabaka n’ami gô ébadi émagenyuni. Amayanza n’ami mônongovo gamanyôngéô anye nômamôtômakani gô ndéône émadagéô me. 26Angô ookô anye tsôvé. Amakebangana gôndé anye gôébegô éatsangô éebeea éedi émookô anye. 27Na gô pie amabaka na beeaga éowa na monyo. Ivô Nzambé amamôena ngeba. Ivô kaka Epaphrodite amuene, ameena te na me ngeba mbe kabaga panda yami diomba ékôndama gôéwéô n’one abaki n’ami. 28T’ebandô tsadinga énôkudégéa angô. Memuene nangeena buedi vangatsôkéanye na gényônga vangoombanye émôena. 29Tambô keneani angô n’ekasôga, gakeneo ana aTéta agô mbumu éaKumu Nzambé. Buedi mbe nômôtubéda egôba, angô n’akedi andé g’angô. 30Gôébégô amavétsô n’owa gôétsuéa me éne émabuta me, ésiôngôé anye étsua. Amabaka mbe awa gô gésoo saJésus‐Christ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983