Philippiens 1
1
Mikudéga na kômbô
1Oô te me Paul na Timothée tôndé ayanzie aJésus‐Christ, tônôkudéga gésangô gegé.
Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé. 2Tônyôngéô mbe Nzambé, Tétene éasô n’anyô na Kumu Jésus‐Christ anôétsa mate medi na gétabé sedi.
Osambô ômasambéda Paul gôndé oma aChrist gô Philippes
3Gô mônongoe wanyô, me nakuméda Nzambé éami kuka yetso dibangôa me gandé anye. 4Kuka yetso diteta me miname manyô g’ôsambô, namateta te na gényônga. 5Gényôngage géne te gômawedéa anye me gôétsanzabanéda Tsangô Eamôsôba éaJésus‐Christ bandôa v’ebandô ngu na deo noo. 6Me tsatsuma paga ta na pesu. Tsabômu mbe Nzambé, ône amabandôa n’eyanzee éamôsôba gô mitéma mianyô, asangeenzeegeda. Angeebôngaméda gôéemangôa nyoo ôngaviga Jésus‐Christ. 7Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo. 8Amuene Nzambé te mbangine yami asabômu mbe me tsapata veenda me anye mbe me nanônyôngéô ti na vitoone éangudi éviga gôndé amuene Jésus‐Christ.
9Oôkoni éne évovo me na Nzambé gôndé anye. Namôduka mbe: Ah Nzambé, yanza mbe ényônganéô éaô évutuga na évunda. Yanza dôta mbe ényônganéô éaô ébaké na tsoongo. Tsoongone te vandé ahngô n’eodo éapie gôémenya ébandôe n’ekôdéôe éamabégô mapie. Naduka Nzambé te nane. 10Namôduka dôta mbe nôngamenya ésevoa mane mamisôba na gôétsika mane mabévani. Te mbe nôngaba nômagôgéani, gébé na mabégô mabévani mamasuégu na buembe. Na nôsangeetsô ôési nyaa ôngaviga Christ. 11Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.
Monyoe wasô n’anyô apie te Jésus‐Christ
12Ana aTétee n’ami asi mbumu éaNzambé, nanyôngéô mbe nônigôgéô ébégôe édué. Mane mamabuéa gôndé me masibévé bévaga. Ivô mamanyepa gômaweseda mangô Tsangô Eamôsôba éaJésus‐Christ gô mbene na gô mbene na gô dipo tungu. 13T’ebandô, akasô muetso éva, buéyé na migode mikenea eba amôtômine atsenge, asabômu mbe me Paul nandé gô tsôgôô gôyanza me Christ, ône amasevou na Nzambé. 14Buéyé n’ana aTétee amootéa éétsa Kumu Jésus mitéma miaô gémôtsumé paga, te vameenahngô me nandé gô tsôgôô. Vane bôkédée waô ômoomba ékôndama gôénigôa Mane Mamavovo Nzambé gébé na gomo.
15Na gô pie va gatse eekédie gôndéké avo andé gôénigôa Tsangô éaChrist gô tsingayi éangusune éenangô me. Ivô gôndé ayekani eekéda na mitéma miagényônga. 16Ahngô eekéda gôébégô anyôngéô éwedéa me gô éyanzee évôni émeetsô me gôésungéa Tsangô Eamôsôba éaJésus‐Christ. 17Géé avo, andé gôéékéda mabégô maChrist te gandé matséva gôéénda tsaé n’akaô. Ahngô anyôngéô ékôndéga panda yami na pieviane éôkô me gô môtéma gôndé me gô eba atsôgôô.
18Ebandôe ékeangô éékéda ényepéyee, ésanyepéyee mbôôkô. Eekédéké. Tsangô éaChrist énigôganéô gô minongo mietso, na me neena te gényônga. Tsangatsika étsôkéa. 19Tsabômu mbe gô ngudi yadisambô divovo anye na Nzambé gôndé me, na gô ngudi yaGédidi gémeetsô wa n’anyô na Jésus‐Christ, mabégôme metso makoga maka mamisôba gôndé me. 20Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee. 21Menyani mbe monyoe wami te Christ. Owee wami te tsoongo gôéômba ékôndéga me mane mamisôba. 22Ivô mavooe ényepa gôndé me gôéomba édigaa gô monyô ôtôndéni ôdôô, buta mbe namangôa dôta évo éyanza éndé na tsoongo. Na gôéwa, na gôédigaa gô monyoe ôdôô, me tsangamenya éne étéka me. 23Gôndé me ébégôe éndé te gésa ômbôe, gésa viangavie. Nanyôngéô énôtôga gô tsina nedué nakedigaa na Jésus‐Christ. Ene te éne étéka me pepe. 24Ivô gôndé anye, éôtéa ényepa mbe noomba édigaa n’otôe ôdôô va gatse anyô. 25Gô éne, me tsaba na buétsé tambô namenya mbe tsanganôtôga n’atsatsee. Nangoomba édigaa va gatse anyô gôénôwesedéa na gényônga na gô mbene anzéane éaJésus‐Christ étôkéani édué. 26Vangeenanye me, môékédine wanyô nanika édigaa va gatse anyô, genyôngage sanyô géngakôndama gôékuméda Jésus‐Christ.
27Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia. 28Nômbiasinga adudeoe wanyô anôétsa gomo. Bôkédee wanyô te gémbégéa gétubéda mabégô mabaé. Gôndé adudeoe wanyô gétubéda mbe ahkea te gô nzéa éebungana. Gôndé anye gétubéda mbe nôkea te gô nzéa éagéobogeo. Gémbégéage sanyô sabôkédé géviga te gôndé Nzambé. 29Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi. 30Deo noo nôndé gôégenya ébadi évo n’ami te éne éagékuanô. Ebadie te éne émagenya me na mbeego na égenya me deo noo gasabômu anye.
Currently Selected:
Philippiens 1: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Philippiens 1
1
Mikudéga na kômbô
1Oô te me Paul na Timothée tôndé ayanzie aJésus‐Christ, tônôkudéga gésangô gegé.
Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé. 2Tônyôngéô mbe Nzambé, Tétene éasô n’anyô na Kumu Jésus‐Christ anôétsa mate medi na gétabé sedi.
Osambô ômasambéda Paul gôndé oma aChrist gô Philippes
3Gô mônongoe wanyô, me nakuméda Nzambé éami kuka yetso dibangôa me gandé anye. 4Kuka yetso diteta me miname manyô g’ôsambô, namateta te na gényônga. 5Gényôngage géne te gômawedéa anye me gôétsanzabanéda Tsangô Eamôsôba éaJésus‐Christ bandôa v’ebandô ngu na deo noo. 6Me tsatsuma paga ta na pesu. Tsabômu mbe Nzambé, ône amabandôa n’eyanzee éamôsôba gô mitéma mianyô, asangeenzeegeda. Angeebôngaméda gôéemangôa nyoo ôngaviga Jésus‐Christ. 7Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo. 8Amuene Nzambé te mbangine yami asabômu mbe me tsapata veenda me anye mbe me nanônyôngéô ti na vitoone éangudi éviga gôndé amuene Jésus‐Christ.
9Oôkoni éne évovo me na Nzambé gôndé anye. Namôduka mbe: Ah Nzambé, yanza mbe ényônganéô éaô évutuga na évunda. Yanza dôta mbe ényônganéô éaô ébaké na tsoongo. Tsoongone te vandé ahngô n’eodo éapie gôémenya ébandôe n’ekôdéôe éamabégô mapie. Naduka Nzambé te nane. 10Namôduka dôta mbe nôngamenya ésevoa mane mamisôba na gôétsika mane mabévani. Te mbe nôngaba nômagôgéani, gébé na mabégô mabévani mamasuégu na buembe. Na nôsangeetsô ôési nyaa ôngaviga Christ. 11Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.
Monyoe wasô n’anyô apie te Jésus‐Christ
12Ana aTétee n’ami asi mbumu éaNzambé, nanyôngéô mbe nônigôgéô ébégôe édué. Mane mamabuéa gôndé me masibévé bévaga. Ivô mamanyepa gômaweseda mangô Tsangô Eamôsôba éaJésus‐Christ gô mbene na gô mbene na gô dipo tungu. 13T’ebandô, akasô muetso éva, buéyé na migode mikenea eba amôtômine atsenge, asabômu mbe me Paul nandé gô tsôgôô gôyanza me Christ, ône amasevou na Nzambé. 14Buéyé n’ana aTétee amootéa éétsa Kumu Jésus mitéma miaô gémôtsumé paga, te vameenahngô me nandé gô tsôgôô. Vane bôkédée waô ômoomba ékôndama gôénigôa Mane Mamavovo Nzambé gébé na gomo.
15Na gô pie va gatse eekédie gôndéké avo andé gôénigôa Tsangô éaChrist gô tsingayi éangusune éenangô me. Ivô gôndé ayekani eekéda na mitéma miagényônga. 16Ahngô eekéda gôébégô anyôngéô éwedéa me gô éyanzee évôni émeetsô me gôésungéa Tsangô Eamôsôba éaJésus‐Christ. 17Géé avo, andé gôéékéda mabégô maChrist te gandé matséva gôéénda tsaé n’akaô. Ahngô anyôngéô ékôndéga panda yami na pieviane éôkô me gô môtéma gôndé me gô eba atsôgôô.
18Ebandôe ékeangô éékéda ényepéyee, ésanyepéyee mbôôkô. Eekédéké. Tsangô éaChrist énigôganéô gô minongo mietso, na me neena te gényônga. Tsangatsika étsôkéa. 19Tsabômu mbe gô ngudi yadisambô divovo anye na Nzambé gôndé me, na gô ngudi yaGédidi gémeetsô wa n’anyô na Jésus‐Christ, mabégôme metso makoga maka mamisôba gôndé me. 20Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee. 21Menyani mbe monyoe wami te Christ. Owee wami te tsoongo gôéômba ékôndéga me mane mamisôba. 22Ivô mavooe ényepa gôndé me gôéomba édigaa gô monyô ôtôndéni ôdôô, buta mbe namangôa dôta évo éyanza éndé na tsoongo. Na gôéwa, na gôédigaa gô monyoe ôdôô, me tsangamenya éne étéka me. 23Gôndé me ébégôe éndé te gésa ômbôe, gésa viangavie. Nanyôngéô énôtôga gô tsina nedué nakedigaa na Jésus‐Christ. Ene te éne étéka me pepe. 24Ivô gôndé anye, éôtéa ényepa mbe noomba édigaa n’otôe ôdôô va gatse anyô. 25Gô éne, me tsaba na buétsé tambô namenya mbe tsanganôtôga n’atsatsee. Nangoomba édigaa va gatse anyô gôénôwesedéa na gényônga na gô mbene anzéane éaJésus‐Christ étôkéani édué. 26Vangeenanye me, môékédine wanyô nanika édigaa va gatse anyô, genyôngage sanyô géngakôndama gôékuméda Jésus‐Christ.
27Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia. 28Nômbiasinga adudeoe wanyô anôétsa gomo. Bôkédee wanyô te gémbégéa gétubéda mabégô mabaé. Gôndé adudeoe wanyô gétubéda mbe ahkea te gô nzéa éebungana. Gôndé anye gétubéda mbe nôkea te gô nzéa éagéobogeo. Gémbégéage sanyô sabôkédé géviga te gôndé Nzambé. 29Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi. 30Deo noo nôndé gôégenya ébadi évo n’ami te éne éagékuanô. Ebadie te éne émagenya me na mbeego na égenya me deo noo gasabômu anye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983