Hébreux 8
8
Jésus te môsungéne asô n’anyô môvôni
1Vootanganôni ébégô évôni édué étônigôni. Tôndéké na môdeekedi adigondoku môsungéyi môvôni. Na angô andé digaa g’ôba gô géeyo gémôgôô sangudi va kôbangô agédigaa saNzambé sokumaka. Na amuene Nzambé te kumu angudi yetso. 2Jésus andé gôésungéa wa n’anyô gô éyanzee éamôdeekedi adigondoku gô tsongo éadisambô. Tungune éyanzangô émakônzu na amuene Kumu Nzambé, kaka na môma.
3Adeekedie muetso adigondoku eengédu gô éyanzee éne gôédeekeda Nzambé dibiia na digondoku yoma. Buedi mbe ône wasô n’anyô dôto aba na sôma sedeekeda. 4Jésus mbe andé gô tsengene angô mbe asaba môsungéyi oma gôébégô gô tsenge nedué gôndéké adeekedi adigondoku ayanza gô tsina otômu Ajuif gôégobeda mige miaô. 5Ene éyanza adeekedi adigondoku gô tsina, te gôékanéga éne éapie éyanza Jésus g’ôba. Tasani éne émabuéa gôndé Moïse gô ndéône émasaa angô eba agébandé ôneegedu Nzambé. Nzambé amavovo n’edi mbe: Moïse, ôba n’ekena gôésaa ti kuanakue ga gégoni gétubédiô éwe vamabaka éwe n’ami gô ngongo amôkôdi. 6Ivô gô ndéô nedué, Jésus ameetsô éyanza éôtéa éne éadeekedi adigondoku. Gôébégô angô te môsungéyi ayene évamba éôtéa ényepa na éne émabaka n’asungéyi ambeego. Evambee éôtea ényepani éyanza Jésus gôétôvambéda na Nzambé ébandôa na divanga diôtéa ényepani dimeetsa Nzambé.
7Evambee éamapanga éAbraham na Nzambé mbe émabaka na ngudi éangô mbe ésinôtôu gôéviaganédu na éne éamôbaé, éaJésus na Nzambé. 8Ivô Nzambé ameena diési dimasemba angô omedi vamavovo angô mbe:
Kumu avovo mbe: Nyee ôwesea.
Te nyee ôngavamba me éene évamba n’asi éongo éaIsraël.
Nangavamba n’asi ébôta éaJuda.
9Evambee éamôbaé ésangaba ga éne émavamba me na peeye yaô
Gô ndéône ématsôpa me ahngô g’ôgogo gôékuséda ahngô gô tsenge éEgypte.
Ahngô amapanza évambee éne émavamba me n’ahngô.
T’ebandô, me Kumu aô namanzeegeda ahngô.
10Kumu amavovo mbe: Nôeni évambee éamôbaé éngavamba me n’eongo éaIsraël
Vangabuéa ndéône, me Kumu nangakoa matasa maô mbe angamenya pepe mitôma miami.
Nangatenda mige na mitôma miami gô mitéma miaô.
Me nangaba Nzambé aô, n’ahngô angaba omami.
11Asangadôbuta môma gôéékéda angô.
Na gôsangaba môma anganogôa môkedi mbe: Buedi gôémenya Kumu.
Gôébégô muetso angamenya me, Kumu aô.
Bandôa n’anéngé ngu na payi, ahngamenya me.
12Nangasingéa ahngô kokoo gô diési yaô.
Tsangadôtanganéda ébévee émabaka n’ahngô.
13Vavovo Nzambé gôébégô éevambee éne éamôbaé, tômenya mbe éne éamapanga émadinga na émagogo. Tambô sôma gédingini na gégogini géndé gôédimbana.
Currently Selected:
Hébreux 8: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
