Hébreux 1
1
Ogi aNzambé te Muanedi Jésus
1Va mbeego Nzambé amavovo na peeye yasô n’anyô kuka diyekani na gô minongo mietso gô ngudi yapandôédi amatasa medi. 2Ivô gô pitsiye yamôyusumédue édi Ogie ôvovo angô na wa n’anyô te Muanedi Jésus. Gô ngudi yaMuanedi, Nzambé amakana tsina n’oba. Na amakonza mbe Muanedi te ône angaba Kumu ayetso. 3Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.
Muana ANzambé ootéa asi g’ôba gô minongo mietso
4Vane Muana ANzambé ootéa pepe asi g’ôba ayanzi aNzambé, gô minongo mietso. Mienanô gômoogu angô na Tétedi mbe, Muana ANzambé. Asi g’ôba asiôgu ina évôni nane. 5Na gô pie Nzambé asivovo n’ayanzi edi asi g’ôba éne émavovo angô na Muanedi mbe:
Ewe te Muanami.
Deo noo naka Tétoo.
Na Nzambé madeo asinigôé muene mbe: Oeni môyanzi ami, môsi g’ôba
Me nangaba Tétedi
N’angô angaba muanami.
6Ivô gô ndéône émakudéga Nzambé Muanedi akuua na gô tsina amatôma asi g’ôba mbe:
Anye ayanzi ami asi g’ôba muetso neegedani Muanami.
7Oôkôni éne émavovo Nzambé gôébégô éayanzi edi asi g’ôba.
Angô mbe: Asi g’ôba andé ga ôpunga gôéyanzéa me.
Na andéké ayanzie ga soto géyôani.
8Na gôébégô éaMuanedi, Nzambé amavovo mbe:
Ah Nzambé, gédigéô soo sokumaka géndéké samôbô na môbô.
Otômue woo ôsapengana gatôma éwe na môtungee woo.
9Onyôngéô éénda te mane mamatsimamani.
Okina éénda ébévani.
T’ebandô Nzambé, te Nzambé éoo, amagôsevoa.
Môtémoo ômayôa na gényônga gô gédigaa soo sokumaka.
Akoo asidigédu gô sangô.
10Nzambé amoomba évovo mbe:
Te éwe Kumu, ômakana tsinane v’ebandô.
Na ômamenya ômuene éyanza ôbee.
11Eômee éetso éne éngadimbana, ivô éwe ôngasanéa.
Eômee éngaboo gaboo mikanda.
12Ongavutéga éangô gavutéga môma ngoyi,
Na éngakou gakoga maduani.
Ivô éwe ôndé te ôbéôbéô na éwe ôsangadômbéa.
13Nzambé asiôngôé évovo ta na môsi g’ôba môvo môyanzi edi mbe:
Digaaka éwe gô géeyo sami gémôgôô
Ngu na vangatseda me adudeoe woo.
Nakoa ahngô aka géyeteo samakôdô moo.
14?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.
Currently Selected:
Hébreux 1: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
