I Pierre 3
3
Ndongi yamôgadi na mômé
1Anye ageto ookéôni omée wanyô. Buéyé mbe avo amôgôô asagobeda Mane Mamavovo Nzambé, angô angeetsa Nzambé mitéma miaô, kaka go meekédu na ndongi yanyô ivô te veenahngô midigédi mianyô ageto. 2Vane angeena midigédi mianyô mindé miamisôba na gagobedanye ahngô. 3Nômbiabuta ényepeda yôtô ditévo. Nômbiaba na tsoki gôébégô éatsôgé yanyô, na mapungadede, na miôdô, na mianza, na eetso émasaô na dodo, na édénga éonami. 4Ivô bakani n’enyepa ésenanôni éndé gô môtéma. Enyepee éagô môtéma ésagukani na ésakogani te éne éndé gô môtéma ômasumani na agébé na mikebanganô. Te éne ésingéda Nzambé. 5Enyepee éne te ôatédi ambeego ômataka ageto amatsimamani ahmakôngédaka Nzambé. Ahngô ahmookéôkô omée waô. 6Te gamabaka Sara amookéôkô mômiedi Abraham. Na amamôtetaka mbe: Kumu ami. Anye deo noo nôndéké anageto aSara ôkô nôénda mabégô mamisôba gébé na tsoyi na gébé na gomo.
7Anye amôgôô keneakani agayanyô. Bangôani mbe ageto ahsaba na ngudi gandé anye amôgôô. Nyôngéôni ahngô na géneega gôébégô ahngô ahdiia kukepo n’anyô monyo ômeetsa Nzambé ôbiia. Indani nane buta mbe gôsaba ébégô ta n’evo gébakanédéô sadisambô yanyô.
Gô tsina amaguga yanzani mane mamisôba
8Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô. 9Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi. 10Te gatôbeendu na Matendeo MaNzambé mbe:
Gôndé ône anyôngéô édigaa gétabé gô tsengene,
Na anyôngéô éena minya mietso gényônga.
Aweme ômeni edi gô mikokou na miumbu miedi gô diboe.
11Te buedi mbe môma nône aviié mabégô mabévani ngima, ayanzé mane mamisôba.
Abéngé gétabé. Adigéé gô sangô.
12Gôébégô miso maKumu mandéké gôndé ane amatsimamani.
Na matô medi mookô disambô yaô.
Ivô gédimô saKumu gégengôgéa ane ahndé na kéé.
13?Indaa angavinga anye ôkô nôndé na géviôviô gô mane mamisôba? 14Buéyé mbe nane, vangeenanye maguga gô mane meendanye mamisôba, tsôkéani. Nômbiasinga oma eetsa anye gomo na mikebanganô. 15Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé? 16Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô. 17Okô Nzambé anyôngéô mbe wa n’anyô tôena maguga? na gôétubédu maguga gô mayanza mamisôba, na gôétubédu maguga gô mane mabévani, éne ényepani, yééni? Tôtubédu te gô mane masô mamisôba. 18Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi. 19Gô Gédidige sangô amakea akéekéda édidie émabaka gô tsôgôô. 20Edidie éangô ésiôkéôkô Nzambé va mbeego. Vamabibéda Nzambé abibéda ndéô diyekani gô pitsi dimasaaka Noé mbôngône. Ane amoobouni asibaké ayekani. Te oma génana amabaka gô gatse ambôngône vamapepa yangô va ngongo ameba. 21Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ. 22Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.
Currently Selected:
I Pierre 3: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
