1 Hakatesalonika 1
1
Mbapira dhokutanga kwaWakatesalonika
1Edhi dha tunda kwaPaghulusi, Silvanusi naTimoteghusi. Edhi dhina tamba kumbungakriste dha. Tesalonika, ho dha kundama kwaNyambi Wihe no kwaHekudyetu Jesus Kristusi.
Thin̂eke nothiraro yikare nenu!
Thitamenedhi thaWakatesalonika
2Tuna kutumera Nyambi roruhe, apa tuna mu vurukanga mumandapero ghetu. Mbadi tuna kuhura, 3ho twa reta kwaNyambi mavurukero ghoyirughana yomatawero ghenu, ngcamu dhoruhakitho rwenu no ghutanara ghomakurupero ghopaHekudyetu Jesus Kristusi. 4Mwayendhange, twa dimuka eshi Nyambi yu gha mu haka gha mu tororire. 5Yoyishi mbudhi dhi twa mu yuvithire mbadi dheyire kukwenu noman̂ando vene. Ene nongcamu no paMupepo ghoKupongoka, no pamanongweneno ghetu ghokuyara. Amwe mwa dimuka karo eshi, ngepi di twa mu rughanenine. 6Namwe mwa kuthire thitamenedhi thetu no mwa karire mwakathishongero waFumu. Mumaghukukutu ghomahe, amwe ne mwa tamburire n̂ando dhi dha tunda kwaMupepo ghoKupongoka noghushamberera. 7No kemo dyo mwa karire mwe thitamenedhi kwawatawi wahe homuMasedoniya no homuAgaye. 8Matunderero ghon̂ando dhaFumu, edhi hana kuyuvitha muMasedoniya no muAgaye, kukwenu gha tunda. No kokuhe gha yukathana matawero ghenu kwawanu. Atwe mbadi twa nyanda kughamba ko karo yinu yoyingi. 9Yoyishi hanu hathinda hana kuyithimwetwedha eshi, ngepi di mwana tu tamburire no ngepi di mwa thighire hanyambi hombango eshi, mu piruke no mu karere Nyambi ghomuyumi no ghoghushemwa. 10Namwe eshi kutaterera muna kutaterera kudiwiru Mwanendi Yu gha vumbukire mwawafu. Oyu mbo gha tu ghamwena kundhango dhi mbo dhiya.
Currently Selected:
1 Hakatesalonika 1: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
1 Hakatesalonika 1
1
Mbapira dhokutanga kwaWakatesalonika
1Edhi dha tunda kwaPaghulusi, Silvanusi naTimoteghusi. Edhi dhina tamba kumbungakriste dha. Tesalonika, ho dha kundama kwaNyambi Wihe no kwaHekudyetu Jesus Kristusi.
Thin̂eke nothiraro yikare nenu!
Thitamenedhi thaWakatesalonika
2Tuna kutumera Nyambi roruhe, apa tuna mu vurukanga mumandapero ghetu. Mbadi tuna kuhura, 3ho twa reta kwaNyambi mavurukero ghoyirughana yomatawero ghenu, ngcamu dhoruhakitho rwenu no ghutanara ghomakurupero ghopaHekudyetu Jesus Kristusi. 4Mwayendhange, twa dimuka eshi Nyambi yu gha mu haka gha mu tororire. 5Yoyishi mbudhi dhi twa mu yuvithire mbadi dheyire kukwenu noman̂ando vene. Ene nongcamu no paMupepo ghoKupongoka, no pamanongweneno ghetu ghokuyara. Amwe mwa dimuka karo eshi, ngepi di twa mu rughanenine. 6Namwe mwa kuthire thitamenedhi thetu no mwa karire mwakathishongero waFumu. Mumaghukukutu ghomahe, amwe ne mwa tamburire n̂ando dhi dha tunda kwaMupepo ghoKupongoka noghushamberera. 7No kemo dyo mwa karire mwe thitamenedhi kwawatawi wahe homuMasedoniya no homuAgaye. 8Matunderero ghon̂ando dhaFumu, edhi hana kuyuvitha muMasedoniya no muAgaye, kukwenu gha tunda. No kokuhe gha yukathana matawero ghenu kwawanu. Atwe mbadi twa nyanda kughamba ko karo yinu yoyingi. 9Yoyishi hanu hathinda hana kuyithimwetwedha eshi, ngepi di mwana tu tamburire no ngepi di mwa thighire hanyambi hombango eshi, mu piruke no mu karere Nyambi ghomuyumi no ghoghushemwa. 10Namwe eshi kutaterera muna kutaterera kudiwiru Mwanendi Yu gha vumbukire mwawafu. Oyu mbo gha tu ghamwena kundhango dhi mbo dhiya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986