Marko 15
15
Pilat yv́ng Yesu koò we
Mat. 27:11-31; Luk. 23:2-25; Yoh. 18:29-19:16
1Mèpvng sháng mvgá la:ngí, shvrúngshú vjìrì nø shaqré shaqtvngrì nv̀ng dvrá svrarì nv̀ng Shaqré Lìpòngmè vsv̀ngrì shvngbe tiqdø vrashì dá:ngí, Yesu sv̀ng dù:ngò dá:ngí shøl bǿà nø̀ Pilat sv̀ng tvle bǿà.
2Wekvt Pilatní Àng sv̀ng, “Nà nø Yuda vsv̀ngrìò koqkv́m èí ó?” wa rø:tnòe.
Yesuí àng sv̀ng, “Nàí ni èshø̀n bǿà,” wa vtá:nòe.
3Shvrúngshú vjìrìí nø, Àng sv̀ng mvme ciqí koòe. 4Wekvtrá Pilatní Àng sv̀ng, “Àngmaqí Nà sv̀ng wedv́ngte èko nìgø, Nà tiqkà gø mèshø̀n má?” wa rø:tnòe.
5Íwe, Yesu tiqkà gø mvshø̀n rvt Pilat dàe.#Mak. 14:61; Esa. 53:7
Yesu sv̀ng shvtlv́m kàra:tnò we
6Shvle Bóy vrv̀m taq, Pilatní bashàrì røtshì ra we tung rung vsv̀ng kagǿ ínìgø, wegǿ shvlángalv́m vtóng vle. 7Wenila taq vhaq vjángshì nø̀ vsv̀ng shvt dvkà rvt tung rung we vsv̀ngrì vle. Àngmaq nv̀ng tiqdø Baraba tǿò we tiqpè vle. 8Wekvt vsv̀ng loksokrì nø àngmaq dvpvt àngwà wáaò dø, tung rung vsv̀ng tiqgǿ shvlángalv́m Pilat yv́ng di nø̀ røtshìe.
9Íwe Pilatní àngmaq sv̀ng, “Yuda vsv̀ngrì Koqkv́mpè mv̀ng nàmaq dvpvt shvlángaì kvt èshòngnø̀nge má?” wa rø:tnòe. 10Kadø íe wani shvrúngshú vjìrì nø Yesu sv̀ng shǿm rvtnø̀ Àng kaq dvshílv́m tvlea:tnà we, à:ngí dǿm bǿà. #Yoh. 11:48; 12:19 11Ínìgø, shvrúngshú vjìrìí nø àngmaq dvpvt Baraba shèlángashà wa røtlv́m, vsv̀ng loksokrì sv̀ng dvzà:ngòe.
12Wekvt Pilatní vrá tiqkvt àngmaq sv̀ng, “Wedø íni, nàmaqí Yuda vsv̀ngrì Koqkv́m èlv́nnø̀ng pè sv̀ng ngàí kadø wv̀ngònø̀ng?” wa rø:tnòe.
13“Àng sv̀ng wurgang taq nàtaqò!” wa àngmaq vrá vkiq lú:ngì.
14Pilatní àngmaq sv̀ng, “Pàwá lè? À:ngí kapà mvrà wà bǿà má?” wa rø:tnòe.
Íwe àngmaq téwa vkiq lú:ngì nø̀, “Àng sv̀ng nàtaqò!” wae.
15Wekvt Pilatní vsv̀ng loksokrì sv̀ng nøt dvshǿm mvyǿ weí, àngmaq dvpvt Baraba shvlángaò nø̀, Yesu sv̀ng nø vdi:pmò dá:ngí, wurgang taq vtaqlv́m tvle bǿà.
Yesu sv̀ng dvshá dvcø wàò we nv̀ng vdi:pmò we
16Wekvt cìlcèrìí nø, Pilat chø̀mdø̀ng#15:16 Latin kàí “Pvretorivm” a:lò nø̀ øpkv́ng rúngchø̀m sv̀ng wae. vdòng sv̀ng Yesu kaq shøl bǿà nø̀, cìl tiqdap køp dvkø̀:mòe. 17Wekvt àngmaqí mvdv̀m shvmoq bèlaq yvnggúng tiqdùng Àng sv̀ng dvgwaò nø̀, bv̀nghǿí za:tnò we koqkv́m vmo gø shvmoòe. 18Wedá:ngí Àng sv̀ng vpǿò nø̀, “Yuda vsv̀ngrì Koqkv́mpèá, gǿngzø̀l leq vl dvr,” a:lòe. 19Wekvtrá àngmaqí kø̀mbàng tiqtà:ngí Àng vgo sv̀ng vdi:pmò nø̀, tø:lí vpíòe. Àngmaq pvnciq tushì sórí vgo ngǿmshi nø̀ Àng sv̀ng noqòe. 20Àng sv̀ng wedø dvcøò dá:ngí, mvdv̀m shvmoq bèlaq dùng gø chu:tnò nø̀ Àngò gónggwárì todø dvgwaòe. Wekvt wurgang taq vtaqlv́m Àng sv̀ng shøl bǿà.
Yesu sv̀ng wurgang taq vtaqò we
Mat. 27:31-56; Luk. 23:26-49; Yoh. 19:16-30
21Wekvt vtv́r rvgaq kèní dìa:tnì nø̀ chàng vzv̀ng we Kureni wamà pè Simon sv̀ng cìlcèrìí mvdø̀ng mvdaq Yesu wurgang baq dvzá:ròe. Àng nø Alesander nv̀ng Rufus àngnínvm àngpè íe. #Rom. 16:13 22Wekvt cìlcèrìí Yesu sv̀ng Golgota tǿò zàng sv̀ng shøl bǿà. (Golgota nø “Vgo Sharø Rvgaq” wa kà íe). 23Àngmaqí muracì vshúò we bìmtì Àng sv̀ng shvaqò we À:ngí màtoò. 24Àngmaqí wurgang taq Àng sv̀ng vtaqòe. Wedá:ngí, Àng gónggwárì nø kagǿ vpvt vdu má, wa shvwøn dóò weí vwalshìe. #Shz. 22:18
25Àngmaqí vsháng dvgø̀nari taq Àng sv̀ng vtaqòe. 26Kàrukø̀m taq, “Yuda vsv̀ngrìò Koqkv́mpè” wa Àng sv̀ng koò kà vruòe. 27Wekvtrá àngmaqí tølvm vsv̀ng vnípè gø Yesu nv̀ng tiqdø, vbàngpa tiqpè, vgwépa tiqpè vtaqòe. 28[Yalòng nø shànshér kàru taq, “Àng sv̀ng nø dvrá vléò vsv̀ngrì døni dvdut bǿà,” wa vru yà:ngà kà vhømá:mì we íe]. #15:28 Àngkè kà tiqmaq taq ya ciq màbá. 29Chàng vzv̀ng rìí gø vgo hwashì sórí Àng sv̀ng shvyǿ:mò nø̀, “Ó, Noqngø̀m Tø̀ngnø èca:tnò nø̀, vshø̀mnií vrá wàlv́m pèé, #Shz. 22:7; 109:25; Mak. 14:58 30Nà vdè shèlutshì nø̀, wurgang kèní èlashì daq lè!” a:lòe.
31Wedø tiqdvchá, shvrúngshú vjìrì nv̀ng dvrá svrarìí gø, Àng sv̀ng, “Dvgárì sv̀ng nø shvlu:tnò we, Àng vdè nø shvlut la mvngutshì dá:rì ni! 32Nøngmaqí yà:ngì nø̀ kv́m lúnlv́m rvt Israel Koqkv́mpè, Kristu wa pè nø, wurgang kèní akvt laq lashì daq lè,” wa dvcǿ kàí tasv̀ng vrùnge. Àng nv̀ng tiqdø vtaqò pèní gø, Àng sv̀ng wedøni zershìe.#Mat. 16:1,4
Yesu shì we
33Vyáng rvwè tiqcé vnínari kèní nv̀mtan vshø̀mnari høq, wemóng køp døá:mì. #Amo. 8:9 34Nv̀mtan vshø̀mnari taq Yesu nø, “Eloi, Eloi, lama sabaktani?” wa shaqmèí vkiqe. Wekà nø, “Ngà Gvrayá, Ngà Gvrayá, pàwá Ngà sv̀ng èguràe má?” wa kà íe. #Shz. 22:1
35Weshvnvng rip rì tiqmaqí wekà tá bǿà nìnø, “Ku, À:ngí Eliya sv̀ng goòe,” wae.
36Wekvt tiqgǿ kvlv̀ngá:mì nø̀, bìmtì mvcat taq tìrvmøt tiqpù zø:nò nø̀, tvmùm mvtú taq dvcuqò dá:ngí, Àng sv̀ng shvaqò sórí, “Shini vwa laq vl. Eliya di daq nø̀ Àng sv̀ng ka daqò má yà:ngì,” wae. #Shz. 69:21
37Wekvt Yesu nø, shaqmèí vkiq sórí shaq dvtná:mì.
38Wekvt Shànshér Tø̀ngnø vdòng dvkøq laqtun gø, taq mvtú kèní pvng mvtú høq, talàm díngá:mì. 39Yesu nø wedø vkiq#15:39 Àngkè kà tiqmaq taq nø “vkiq” wa kà màbá. nø̀ shaq dvtná:mì we sv̀ng, Àng vzv̀ng lap rip we cìlcè tiqyá øpshú dupèí yv̀ng bǿà kvt, “Yapè nø jø̀ngjǿngni Gvray Àngcèpè í dá:rì!” wae.
40Cvmaq vrúm yv́ngkèní dvjaqò we svmaré tiqmaq gø vle. Àngmaq dvhø̀ taq Makdvla mvrìng kèní Mari nv̀ng, Yaku cv̀mpè ó Yose àngnínvm àngmè Mari gø, Salomi gø vbáe. #Luk. 8:2-3 41Àngmaq nø Yesu Galili rvgaqø vl dvgvp Àng mèpvng cà:nò nø̀ dvzø:mò rì íe. Vrá, Yesu nv̀ng tiqdø Yerusalem wamà sv̀ng ngang lú:ngì we, dvgádø svmaré mvme mè gø weyv́ng vbáe.
Yosepmí Yesu kǿ:mò we
Mat. 27:57-61; Luk. 23:50-55; Yoh. 19:38-42
42Narni vzv̀ng ni nø, Dvgǿshilv́m Àngni í rvtnø̀, dørø̀m høqa:tnà dvgvp 43Arimatia mvrìngpè Yosep nø Pilat yv́ngsv̀ng vzaqshì sórí di nø̀, Yesu vnàng rø:tnòe. Yosep nø Shaqré Lìpòngmè taq vbá nø̀ dvgùng vl we mvgàm tiqpè íe. Vrá, àng nø Gvray móngdàn tuq daq we sv̀ng caò we tiqpè gø íe. 44Yesu shìá:mì wa kà Pilatní tá bǿà kvt dà lú:ngì nø̀, cìlcè tiqyá øpshú dupè sv̀ng goò dá:ngí, “Àng nø jø̀ngjǿng shìá:mì má?” wa rø:tnòe. 45Cìldùpèí, Yesu nø jø̀ngjǿng shìá:mì, wa àng sv̀ng vl bǿà kvt, Pilatní Yosep sv̀ng vnàng tvleòe. 46Yosepmí vzi shv́nàng laqtun wa:nò nø̀, Yesu vnàng kaò dá:ngí laqtun dù:ngí du:pmòe. Wedá:ngí vchuqshaq lóngdùng dvgv̀m tiqlòng vdòng taq Àng vnàng vyà:lò nø̀ lóngkø̀mmè tiqgø̀m tvriò weí dvgv̀m bv́ngkà chit sv̀ng bvt shøòe. 47Makdvla mvrìng kèní Mari nv̀ng Yose àngmè Mari níí Yesu vnàng kayv́ng vyà:lò we yà:ngòe.
Currently Selected:
Marko 15: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 15
15
Pilat yv́ng Yesu koò we
Mat. 27:11-31; Luk. 23:2-25; Yoh. 18:29-19:16
1Mèpvng sháng mvgá la:ngí, shvrúngshú vjìrì nø shaqré shaqtvngrì nv̀ng dvrá svrarì nv̀ng Shaqré Lìpòngmè vsv̀ngrì shvngbe tiqdø vrashì dá:ngí, Yesu sv̀ng dù:ngò dá:ngí shøl bǿà nø̀ Pilat sv̀ng tvle bǿà.
2Wekvt Pilatní Àng sv̀ng, “Nà nø Yuda vsv̀ngrìò koqkv́m èí ó?” wa rø:tnòe.
Yesuí àng sv̀ng, “Nàí ni èshø̀n bǿà,” wa vtá:nòe.
3Shvrúngshú vjìrìí nø, Àng sv̀ng mvme ciqí koòe. 4Wekvtrá Pilatní Àng sv̀ng, “Àngmaqí Nà sv̀ng wedv́ngte èko nìgø, Nà tiqkà gø mèshø̀n má?” wa rø:tnòe.
5Íwe, Yesu tiqkà gø mvshø̀n rvt Pilat dàe.#Mak. 14:61; Esa. 53:7
Yesu sv̀ng shvtlv́m kàra:tnò we
6Shvle Bóy vrv̀m taq, Pilatní bashàrì røtshì ra we tung rung vsv̀ng kagǿ ínìgø, wegǿ shvlángalv́m vtóng vle. 7Wenila taq vhaq vjángshì nø̀ vsv̀ng shvt dvkà rvt tung rung we vsv̀ngrì vle. Àngmaq nv̀ng tiqdø Baraba tǿò we tiqpè vle. 8Wekvt vsv̀ng loksokrì nø àngmaq dvpvt àngwà wáaò dø, tung rung vsv̀ng tiqgǿ shvlángalv́m Pilat yv́ng di nø̀ røtshìe.
9Íwe Pilatní àngmaq sv̀ng, “Yuda vsv̀ngrì Koqkv́mpè mv̀ng nàmaq dvpvt shvlángaì kvt èshòngnø̀nge má?” wa rø:tnòe. 10Kadø íe wani shvrúngshú vjìrì nø Yesu sv̀ng shǿm rvtnø̀ Àng kaq dvshílv́m tvlea:tnà we, à:ngí dǿm bǿà. #Yoh. 11:48; 12:19 11Ínìgø, shvrúngshú vjìrìí nø àngmaq dvpvt Baraba shèlángashà wa røtlv́m, vsv̀ng loksokrì sv̀ng dvzà:ngòe.
12Wekvt Pilatní vrá tiqkvt àngmaq sv̀ng, “Wedø íni, nàmaqí Yuda vsv̀ngrì Koqkv́m èlv́nnø̀ng pè sv̀ng ngàí kadø wv̀ngònø̀ng?” wa rø:tnòe.
13“Àng sv̀ng wurgang taq nàtaqò!” wa àngmaq vrá vkiq lú:ngì.
14Pilatní àngmaq sv̀ng, “Pàwá lè? À:ngí kapà mvrà wà bǿà má?” wa rø:tnòe.
Íwe àngmaq téwa vkiq lú:ngì nø̀, “Àng sv̀ng nàtaqò!” wae.
15Wekvt Pilatní vsv̀ng loksokrì sv̀ng nøt dvshǿm mvyǿ weí, àngmaq dvpvt Baraba shvlángaò nø̀, Yesu sv̀ng nø vdi:pmò dá:ngí, wurgang taq vtaqlv́m tvle bǿà.
Yesu sv̀ng dvshá dvcø wàò we nv̀ng vdi:pmò we
16Wekvt cìlcèrìí nø, Pilat chø̀mdø̀ng#15:16 Latin kàí “Pvretorivm” a:lò nø̀ øpkv́ng rúngchø̀m sv̀ng wae. vdòng sv̀ng Yesu kaq shøl bǿà nø̀, cìl tiqdap køp dvkø̀:mòe. 17Wekvt àngmaqí mvdv̀m shvmoq bèlaq yvnggúng tiqdùng Àng sv̀ng dvgwaò nø̀, bv̀nghǿí za:tnò we koqkv́m vmo gø shvmoòe. 18Wedá:ngí Àng sv̀ng vpǿò nø̀, “Yuda vsv̀ngrì Koqkv́mpèá, gǿngzø̀l leq vl dvr,” a:lòe. 19Wekvtrá àngmaqí kø̀mbàng tiqtà:ngí Àng vgo sv̀ng vdi:pmò nø̀, tø:lí vpíòe. Àngmaq pvnciq tushì sórí vgo ngǿmshi nø̀ Àng sv̀ng noqòe. 20Àng sv̀ng wedø dvcøò dá:ngí, mvdv̀m shvmoq bèlaq dùng gø chu:tnò nø̀ Àngò gónggwárì todø dvgwaòe. Wekvt wurgang taq vtaqlv́m Àng sv̀ng shøl bǿà.
Yesu sv̀ng wurgang taq vtaqò we
Mat. 27:31-56; Luk. 23:26-49; Yoh. 19:16-30
21Wekvt vtv́r rvgaq kèní dìa:tnì nø̀ chàng vzv̀ng we Kureni wamà pè Simon sv̀ng cìlcèrìí mvdø̀ng mvdaq Yesu wurgang baq dvzá:ròe. Àng nø Alesander nv̀ng Rufus àngnínvm àngpè íe. #Rom. 16:13 22Wekvt cìlcèrìí Yesu sv̀ng Golgota tǿò zàng sv̀ng shøl bǿà. (Golgota nø “Vgo Sharø Rvgaq” wa kà íe). 23Àngmaqí muracì vshúò we bìmtì Àng sv̀ng shvaqò we À:ngí màtoò. 24Àngmaqí wurgang taq Àng sv̀ng vtaqòe. Wedá:ngí, Àng gónggwárì nø kagǿ vpvt vdu má, wa shvwøn dóò weí vwalshìe. #Shz. 22:18
25Àngmaqí vsháng dvgø̀nari taq Àng sv̀ng vtaqòe. 26Kàrukø̀m taq, “Yuda vsv̀ngrìò Koqkv́mpè” wa Àng sv̀ng koò kà vruòe. 27Wekvtrá àngmaqí tølvm vsv̀ng vnípè gø Yesu nv̀ng tiqdø, vbàngpa tiqpè, vgwépa tiqpè vtaqòe. 28[Yalòng nø shànshér kàru taq, “Àng sv̀ng nø dvrá vléò vsv̀ngrì døni dvdut bǿà,” wa vru yà:ngà kà vhømá:mì we íe]. #15:28 Àngkè kà tiqmaq taq ya ciq màbá. 29Chàng vzv̀ng rìí gø vgo hwashì sórí Àng sv̀ng shvyǿ:mò nø̀, “Ó, Noqngø̀m Tø̀ngnø èca:tnò nø̀, vshø̀mnií vrá wàlv́m pèé, #Shz. 22:7; 109:25; Mak. 14:58 30Nà vdè shèlutshì nø̀, wurgang kèní èlashì daq lè!” a:lòe.
31Wedø tiqdvchá, shvrúngshú vjìrì nv̀ng dvrá svrarìí gø, Àng sv̀ng, “Dvgárì sv̀ng nø shvlu:tnò we, Àng vdè nø shvlut la mvngutshì dá:rì ni! 32Nøngmaqí yà:ngì nø̀ kv́m lúnlv́m rvt Israel Koqkv́mpè, Kristu wa pè nø, wurgang kèní akvt laq lashì daq lè,” wa dvcǿ kàí tasv̀ng vrùnge. Àng nv̀ng tiqdø vtaqò pèní gø, Àng sv̀ng wedøni zershìe.#Mat. 16:1,4
Yesu shì we
33Vyáng rvwè tiqcé vnínari kèní nv̀mtan vshø̀mnari høq, wemóng køp døá:mì. #Amo. 8:9 34Nv̀mtan vshø̀mnari taq Yesu nø, “Eloi, Eloi, lama sabaktani?” wa shaqmèí vkiqe. Wekà nø, “Ngà Gvrayá, Ngà Gvrayá, pàwá Ngà sv̀ng èguràe má?” wa kà íe. #Shz. 22:1
35Weshvnvng rip rì tiqmaqí wekà tá bǿà nìnø, “Ku, À:ngí Eliya sv̀ng goòe,” wae.
36Wekvt tiqgǿ kvlv̀ngá:mì nø̀, bìmtì mvcat taq tìrvmøt tiqpù zø:nò nø̀, tvmùm mvtú taq dvcuqò dá:ngí, Àng sv̀ng shvaqò sórí, “Shini vwa laq vl. Eliya di daq nø̀ Àng sv̀ng ka daqò má yà:ngì,” wae. #Shz. 69:21
37Wekvt Yesu nø, shaqmèí vkiq sórí shaq dvtná:mì.
38Wekvt Shànshér Tø̀ngnø vdòng dvkøq laqtun gø, taq mvtú kèní pvng mvtú høq, talàm díngá:mì. 39Yesu nø wedø vkiq#15:39 Àngkè kà tiqmaq taq nø “vkiq” wa kà màbá. nø̀ shaq dvtná:mì we sv̀ng, Àng vzv̀ng lap rip we cìlcè tiqyá øpshú dupèí yv̀ng bǿà kvt, “Yapè nø jø̀ngjǿngni Gvray Àngcèpè í dá:rì!” wae.
40Cvmaq vrúm yv́ngkèní dvjaqò we svmaré tiqmaq gø vle. Àngmaq dvhø̀ taq Makdvla mvrìng kèní Mari nv̀ng, Yaku cv̀mpè ó Yose àngnínvm àngmè Mari gø, Salomi gø vbáe. #Luk. 8:2-3 41Àngmaq nø Yesu Galili rvgaqø vl dvgvp Àng mèpvng cà:nò nø̀ dvzø:mò rì íe. Vrá, Yesu nv̀ng tiqdø Yerusalem wamà sv̀ng ngang lú:ngì we, dvgádø svmaré mvme mè gø weyv́ng vbáe.
Yosepmí Yesu kǿ:mò we
Mat. 27:57-61; Luk. 23:50-55; Yoh. 19:38-42
42Narni vzv̀ng ni nø, Dvgǿshilv́m Àngni í rvtnø̀, dørø̀m høqa:tnà dvgvp 43Arimatia mvrìngpè Yosep nø Pilat yv́ngsv̀ng vzaqshì sórí di nø̀, Yesu vnàng rø:tnòe. Yosep nø Shaqré Lìpòngmè taq vbá nø̀ dvgùng vl we mvgàm tiqpè íe. Vrá, àng nø Gvray móngdàn tuq daq we sv̀ng caò we tiqpè gø íe. 44Yesu shìá:mì wa kà Pilatní tá bǿà kvt dà lú:ngì nø̀, cìlcè tiqyá øpshú dupè sv̀ng goò dá:ngí, “Àng nø jø̀ngjǿng shìá:mì má?” wa rø:tnòe. 45Cìldùpèí, Yesu nø jø̀ngjǿng shìá:mì, wa àng sv̀ng vl bǿà kvt, Pilatní Yosep sv̀ng vnàng tvleòe. 46Yosepmí vzi shv́nàng laqtun wa:nò nø̀, Yesu vnàng kaò dá:ngí laqtun dù:ngí du:pmòe. Wedá:ngí vchuqshaq lóngdùng dvgv̀m tiqlòng vdòng taq Àng vnàng vyà:lò nø̀ lóngkø̀mmè tiqgø̀m tvriò weí dvgv̀m bv́ngkà chit sv̀ng bvt shøòe. 47Makdvla mvrìng kèní Mari nv̀ng Yose àngmè Mari níí Yesu vnàng kayv́ng vyà:lò we yà:ngòe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.