MATIUS 26
26
Nerancang ha Perdat Yesus
(Mrk 14:1-2; Luk 22:1-2; Yoh 11:45-53)
1Ya telas Yesus Kiajar dikdij hal ajeh, Kek Kiurok nu Ipengikot-pengikot, 2“Engkepanei nar arik nij doh hisamut Arik Raya Paskah,#26:2 Arik Raya Paskah: Mai Yahudi nairaya arik adeh untok naiingat ha kejadian Jenang Kiterlas jenang rak enai de bipehambe ku lengrik Mesir entem. Neng Keluaran 12:1-14. ru ku mase ajeh doh Eng Kenon Manusia biserah baha-saleb!”
3Ku mase ajeh, raknak-raknak imam agame Yahudi ru raknak-raknak mai Yahudi naibekumpol ku deg Imam Agong agame Yahudi imuh Kayafas. 4Naibepakat naiha-cap Yesus serakngek ru naiha-perdat Kek. 5Naiurok, “Hik pek buleh hibeh hal ajeh ku mase arik raya kerana doh mai jengoi naimerusoh.”
Numom Kerdor Kikoh Minyak Wangi ku Yesus
(Mrk 14:3-9; Yoh 12:1-8)
6Ku mase Yesus mong ku kampug Betania ku deg Simon de entemjeh kinyik kuste, 7mong numom kerdor kihol nu Yesus mase Yesus tengah Kigei cerner ku mije Kaha-cakcak.#26:7 Kigei cerner ku mije Kaha-cakcak: Begei adehloh icare mai Yahudi ku jaman ajeh naicakcak ku mije. Kerdor ajeh kien nubutol marmar iisi minyak wangi de ihad mahal. Kek kikoh minyak wangi ajeh ku kemil kui Yesus. 8Pengikot-pengikot Yesus naibakek ma de tejadi ajeh lalu naibelal. Naitanya, “Kerdor ajeh pek patot kijendak iminyak wangi ajeh. 9Minyak ajeh buleh bijual ru regak de mahal, ru iduet buleh biog nu mai hajap!”
10Yesus Kipanei bengal enai ajeh lalu Kiurok, “Yama engkek rok kerdor adeh? Ma de kibeh nu Eng adeh bor. 11Kerana, mai hajap selalo mong besama ru engkek tapi Eng pek selalo mong besama ru engkek. 12Kerdor adeh kikoh minyak wangi ku Eng kaha-sedia berog Eng ha ceknop danan Eng doh. 13Cerngailoh abor! Ku belok taleh Gah Bor biperlei ku seluroh dunia, bahneh kerdor adeh doh bicerite juga supaye kek bikenang.”
Yudas Kikianat Yesus
(Mrk 14:10-11; Luk 22:3-6)
14Telas ajeh, Yudas Iskariot de numom ju 12 pengikot Yesus kiet nu raknak-raknak imam agame Yahudi. 15Kek kiurok, “Ma de buleh engkeog nu eng amen ngog Yesus nu engkek?” Raknak-raknak imam agame Yahudi naikira 30 kepeg duet perak lalu naiog duet ajeh nu Yudas. 16Sejak ju kenjeh, Yudas kikek mase de bor kaha-kianat Yesus.
Yesus Kicak Caknak Paskah ru Ipengikot-pengikot
(Mrk 14:12-21; Luk 22:7-14, 21-23; Yoh 13:21-30)
17Ku arik petame Arik Raya Ruti Pek Beragi,#26:17 Arik Raya Ruti Pek Beragi: Raya adeh bimula telas caknak Paskah kidij. Raya adeh kibelangsong selame tujoh arik. Ku mase raya adeh, mai Yahudi had naicak caknak de pek beragi. Neng Keluaran 12:15-20. pengikot-pengikot Yesus naihol nu Kek ru naitanya, “Ku belokka de Jenhod jisedia caknak Paskah ha Jen?”
18Yesus Kiberlag, “Etloh terbuk numom sengoi ku kateh kote Yerusalem. Urokloh nu kek, ‘Guru Kiurok begei adeh: “Imase de bipetentu ya Jenang ha Eng ya kaha-merek. Eng Ngha-beh caknak Paskah ku deg hek ha LiEng ru pengikot-pengikot Eng.” ’ ”
19Ipengikot-pengikot naibeh begei de bior ya Yesus lalu naisedia caknak Paskah ajeh.
20Bile iarik ya kelem, Yesus ru 12 urag Ipengikot pen naigei cerner ku mije naiha-cakcak. 21Mase tengah naicakcak, Yesus Kiurok, “Cerngailoh abor, numom ju engkek doh kikianat Eng.”
22Ipengikot-pengikot ihad naisedeh bile naicerngai bengwal Yesus ajeh. Nuurag penuurag mula naitanya nu Yesus, “Guru, tentu pek eng de Jenmaksod ajeh?”
23Yesus Kiberlag, “Sengoi de kicerlog iruti nu kateh mangkok besama ru Eng, kekloh doh de bekianat Eng. 24Mimang Eng Kenon Manusia doh Ngdat begei de bicot ku kateh Alkitab. Tapi ihad celaka sengoi de bekianat ha Kenon Manusia! Lebeh bor amen sengoi ajeh pek pernah biperyos!”
25Lalu Yudas pengkianat ajeh kiurok, “Guru, tentu pek eng de Jenmaksod?”
Yesus Kiberlag, “Hekloh pengkianat ajeh!”
Caknak Paskah
(Mrk 14:22-26; Luk 22:14-20)
26Mase tengah naicakcak, Yesus Kikot ruti lalu Kiucap syukor nu Jenang. Telas ajeh Kiceh ru Kibahagi ruti ajeh. Kiog ruti ajeh nu Ipengikot-pengikot ru Kiurok, “Adehloh berog Eng. Kotloh ru cakloh.”
27Telas ajeh Kek Kikot cawan de biisi teu wain lalu Kiucap syukor nu Jenang ru Kiog nu Ipengikot-pengikot. Kiurok, “Ngutloh, dikdij liengkek. 28Adehloh behip Eng de kisahkan jenanji pai antare Jenang ru Isengoi-sengoi. Behip Eng ajeh bipesaruk ha jeoi sengoi supaye dosa enai biampon. 29Cerngailoh, Eng doh pek Ngngut teu wain nij lei iarik bile Eng Ngngut teu wain pai besama-sama ru engkek ku serga de biperintah ya Menek sebegei Raja.”
30Telas naidindang nanek lagu pujian, enai pen naiet nu Lod Zaiton.
Yesus Kipasal Petrus Doh Pek Kiaku Kikenal Ilei
(Mrk 14:27-31; Luk 22:31-34; Yoh 13:36-38)
31Telas ajeh Yesus Kiurok nu Ipengikot-pengikot, “Ku kelem adeh juga doh engkejar engkewes Eng kerana hal de doh tejadi nu Eng. Hal ajeh ya bicot ku kateh Alkitab begei adeh: ‘Eng doh Ngperdat gembale ajeh lalu kenawat dombe ajeh doh naiceraklah.’#Za 13:7 32Tapi telas Eng biberkos ju danan Eng, Eng doh Nget nu lengrik Galilea lebeh canuk daripade engkek.”
33Petrus kiurok nu Yesus, “Hamapen dikdij mai kilek naiwes Jen bile naineng ma de tejadi ku Jen, eng doh pek ngbeh begei ajeh!”
34Yesus Kiurok nu kek, “Cerngailoh abor, sebelom pog kibetader ku kelem adeh, doh nik kali haurok pek hakenal Eng.”
35Petrus kiberlag, “Eng doh pek sekali-kali ngurok pek ngkenal Jen hamapen eng hod ngdat besama ru Jen!”
Dikdij Ipengikot-pengikot de kilek pen naiurok begei ajeh juga.
Yesus Kibedoa ku Getsemani
(Mrk 14:32-42; Luk 22:39-46)
36Telas ajeh Yesus ru Ipengikot-pengikot naiet nu tempat de imuh Getsemani. Yesus Kiurok nu Ipengikot-pengikot, “Geiloh ku padeh. Eng Nget diteh Ngha-bedoa.” 37Yesus Kiajak Petrus ru nar mom kekenon Zebedeus naiet besama ru Kek. Kek mula Kijadi ihad susah Isengik. 38Kek Kiurok nu enai, “Sengik Eng ihad sedeh. Ngrasa begei Ngha-dat. Geiloh ku padeh, jagaloh besama ru Eng.”
39Yesus Kiet nyak gek ju enai ru Kikekkop ku patik ru Kibedoa, “Menek Eng, amen buleh, pernyakloh cawan seniksa adeh ju Eng. Tapi agokloh joi heknod Eng, biarloh heknod Jen taleh de tejadi.”
40Telas ajeh Yesus Kilos nu nik mom Ipengikot ajeh ru Kineng enai naibukbet. Kek Kiurok nu Petrus, “Pek dapatka had nujam taleh engkebejaga besama ru Eng? 41Bejaga-jagaloh ru bedoaloh supaye engkek pek bicuba. Mimang sengik engkek kaha-beh ma de bor tapi pek lalu engkeha-beh kerana berog engkek lemah.”
42Nukali nij Yesus Kiet ru Kibedoa, “Menek Eng, amen cawan seniksa adeh pek buleh bipernyak ju Eng tapi hod Ngngut, biarloh heknod Enjen ajeh kitejadi.” 43Telas ajeh Yesus Kilos nij nu Ipengikot-pengikot ru Kek Kineng enai lekat naibukbet kerana ihad naileoi.
44Nukali nij Yesus Kiwes enai lalu Kiet ru Kibedoa engrok de sama ku inik kali. 45Lalu Yesus Kilos nij nu Ipengikot-pengikot ru Kiurok, “Lekat engkebukbet ru engkeberihatka? Nengloh, imase ya lei untok Eng Kenon Manusia baha-serah nu kuasa mai bedosa. 46Kosloh, bei hiet. Nengloh, sengoi de kikianat Eng ya kilei!”
Yesus Bicap
(Mrk 14:43-50; Luk 22:47-53; Yoh 18:3-12)
47Mase Yesus lekat Kibelwal, leiloh Yudas. Kek ajeh numom ju 12 urag Ipengikot. Kek kilei besama ru jeoi mai jengoi de naien pedang ru jehuk peknet. Enai ajeh bingeng ya raknak-raknak imam agame Yahudi ru raknak-raknak mai Yahudi. 48Sebelom ajeh Yudas ya kipasal canuk nu enai ajeh begei adeh: “Sengoi de ngnyui ajehloh Ilei. Caploh Kek!”
49Bile Yudas kilei, kek deras kiperek nu Yesus ru kiurok, “Ma igah, Jen?” Lalu kek pen kinyui Yesus.
50Yesus Kiberlag, “Behloh ma de haha-beh!”
Lalu mai de naihol besama ru Yudas naiperek nu Yesus ru naicap Kek. 51Numom ju mai de besama ru Yesus kiperhol ipedang lalu kitas entag hambe Imam Agong agame Yahudi. 52Yesus Kiurok nu sengoi ajeh, “Permuj balek pedang hek ajeh nu kateh isarop kerana bok imai de kiguna pedang doh kibinasa ya pedang. 53Pek hapaneika Eng buleh Ngsemanj Menek Eng Kitulog ha Eng? Kek doh gij Kingeng lebeh daripade 12 pasukan#26:53 Pasukan: Ku kateh engrok Yunani, bicot ‘legiun.’ Ku jaman ajeh, nanek legiun mong enam ribu urag aska. malikat-malikat. 54Tapi Eng pek Ngsemanj begei ajeh nu Menek Eng kerana dikdij hal adeh hod kitejadi begei ma de ya bicot tentang Eng ku kateh Alkitab.”
55Lalu Yesus Kiurok nu dikdij sengoi ajeh, “Eng adeh mai pemberontakka lei engkeen pedang ru jehuk peknet engkeha-cap ha Eng? Tiap arik Ngbeajar ku laman Deg Jenang tapi pek engkecap Eng ku pajeh. 56Tapi dikdij hal adeh kitejadi supaye ma de bicot ya nabi-nabi ku kateh Alkitab kitejadi.” Telas ajeh dikdij Ipengikot-pengikot naijar naiwes Yesus.
Yesus ku Ngar Mahkamah Agame Yahudi
(Mrk 14:53-65; Luk 22:54-55, 63-71; Yoh 18:13-14, 19-24)
57Mai de naicap Yesus naien Kek nu deg Kayafas. Kayafas ajeh Imam Agong agame Yahudi. Guru-guru Hukom Taurat ru raknak-raknak mai Yahudi ya naibekumpol ku pajeh. 58Petrus kijoi Yesus ju kennyak lei nu laman deg Imam Agong agame Yahudi ajeh. Petrus kimuj nu laman deg ajeh ru kigigei besama ru pengawal-pengawal kaha-neng ma de belaku. 59Raknak-raknak imam agame Yahudi ru dikdij anggote Mahkamah Agame Yahudi naikerekwat naiha-kek bukti palsu naiha-tudoh Yesus supaye buleh naihukom Kek dat. 60Tapi enai pek naikep nanek bukti pen hamapen jeoi sengoi naiog kesaksian palsu tentang Yesus. Ipenyudah hol nar mom baihol 61ru baiurok, “Sengoi adeh Kiurok Kek dapat Kiteh Deg Jenang ru Kibeh nij Deg ajeh ku kateh nik arik.”
62Lalu Imam Agong agame Yahudi kijinjeg ru kitanya nu Yesus, “Pek Haha-berlagka dikdij tenudoh mai nu Hek ajeh?” 63Tapi Yesus Kikerakdik serakngek. Nukali nij Imam Agong agame Yahudi kiurok nu Kek, “Ku kateh muh Jenang de sui, pasalloh nu jik! Betolka Hek adeh Peselamat de bijanji ya Jenang? Ru betolka Hek Kenon Jenang?”
64Yesus Kiberlag, “Ju tenanya hek ajeh, hek ya hapasal Eng adeh bok. Tapi cerngailoh, doh engkeneng Eng Kenon Manusia Nggei ku kedudukan de tehormat ku englag kentop Jenang de Bekuasa. Ru engkek juga doh engkeneng Eng Nghol bikelileg ya sagop.”
65Lalu Imam Agong agame Yahudi kiteg ileknog ru kiurok, “Kek Kihina Jenang! Hik pek hiperlu ha saksi kilek nij. Engkek ya engkecerngai Kek ya Kihina Jenang. 66Ma keputusan engkek?”
67Naiberlag, “Kek Kibesalah ru mesti bihukom dat.”
Naitoh renes Yesus ru naitumbok Kek. Mong memerip urag juga naitampar Yesus 68ru naiurok, “Peselamat de bijanji ya Jenang, pasalloh bok de pekpet Hek.”
Petrus Pek Kiaku Kikenal Yesus
(Mrk 14:66-72; Luk 22:56-62; Yoh 18:15-18, 25-27)
69Ku mase Petrus tengah kigigei ku luar, ku laman deg Imam Agong agame Yahudi, numom hambe kerdor deg ajeh kihol ru kiurok nu kek, “Hek mong besama ru Yesus Mai lengrik Galilea ajeh.”
70Tapi Petrus pek kiaku hal ajeh ku ngar dikdij mai. Kek kiurok, “Eng pek ngreti ma de haurok.” 71Lalu kek kiet nu pintu gerbang laman deg ajeh. Numom hambe kerdor kilek kibakek Petrus ru kiurok nu dikdij mai de mong ku pajeh, “Sengoi adeh kijoi Yesus Sengoi Nazaret ajeh.”
72Nukali nij Petrus pek kiaku hal ajeh ru kibesumpah, “Eng pek ngkenal Sengoi ajeh.”
73Pek liu ju kenjeh, mai de naijinjeg ku pajeh naiperek nu Petrus ru naiurok, “Tentu hek adeh numom ju pengikot-pengikot Yesus kerana logat bengwal hek sama begei logat bengwal Yesus Mai lengrik Galilea ajeh.”
74Kerana ajeh, Petrus kibesumpah ru kiurok, “Biarloh Jenang Kipecelaka eng amen ngbelenglod! Eng pek ngkenal Sengoi ajeh!”
Ku sarik jijeh juga pog pen kibetader. 75Jadi, Petrus kiteingat ha bengwal Yesus adeh: “Sebelom pog kibetader, hek doh nik kali haurok pek hakenal Eng.” Petrus kihol ju kenjeh ru kipanjap.
Currently Selected:
MATIUS 26: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 26
26
Nerancang ha Perdat Yesus
(Mrk 14:1-2; Luk 22:1-2; Yoh 11:45-53)
1Ya telas Yesus Kiajar dikdij hal ajeh, Kek Kiurok nu Ipengikot-pengikot, 2“Engkepanei nar arik nij doh hisamut Arik Raya Paskah,#26:2 Arik Raya Paskah: Mai Yahudi nairaya arik adeh untok naiingat ha kejadian Jenang Kiterlas jenang rak enai de bipehambe ku lengrik Mesir entem. Neng Keluaran 12:1-14. ru ku mase ajeh doh Eng Kenon Manusia biserah baha-saleb!”
3Ku mase ajeh, raknak-raknak imam agame Yahudi ru raknak-raknak mai Yahudi naibekumpol ku deg Imam Agong agame Yahudi imuh Kayafas. 4Naibepakat naiha-cap Yesus serakngek ru naiha-perdat Kek. 5Naiurok, “Hik pek buleh hibeh hal ajeh ku mase arik raya kerana doh mai jengoi naimerusoh.”
Numom Kerdor Kikoh Minyak Wangi ku Yesus
(Mrk 14:3-9; Yoh 12:1-8)
6Ku mase Yesus mong ku kampug Betania ku deg Simon de entemjeh kinyik kuste, 7mong numom kerdor kihol nu Yesus mase Yesus tengah Kigei cerner ku mije Kaha-cakcak.#26:7 Kigei cerner ku mije Kaha-cakcak: Begei adehloh icare mai Yahudi ku jaman ajeh naicakcak ku mije. Kerdor ajeh kien nubutol marmar iisi minyak wangi de ihad mahal. Kek kikoh minyak wangi ajeh ku kemil kui Yesus. 8Pengikot-pengikot Yesus naibakek ma de tejadi ajeh lalu naibelal. Naitanya, “Kerdor ajeh pek patot kijendak iminyak wangi ajeh. 9Minyak ajeh buleh bijual ru regak de mahal, ru iduet buleh biog nu mai hajap!”
10Yesus Kipanei bengal enai ajeh lalu Kiurok, “Yama engkek rok kerdor adeh? Ma de kibeh nu Eng adeh bor. 11Kerana, mai hajap selalo mong besama ru engkek tapi Eng pek selalo mong besama ru engkek. 12Kerdor adeh kikoh minyak wangi ku Eng kaha-sedia berog Eng ha ceknop danan Eng doh. 13Cerngailoh abor! Ku belok taleh Gah Bor biperlei ku seluroh dunia, bahneh kerdor adeh doh bicerite juga supaye kek bikenang.”
Yudas Kikianat Yesus
(Mrk 14:10-11; Luk 22:3-6)
14Telas ajeh, Yudas Iskariot de numom ju 12 pengikot Yesus kiet nu raknak-raknak imam agame Yahudi. 15Kek kiurok, “Ma de buleh engkeog nu eng amen ngog Yesus nu engkek?” Raknak-raknak imam agame Yahudi naikira 30 kepeg duet perak lalu naiog duet ajeh nu Yudas. 16Sejak ju kenjeh, Yudas kikek mase de bor kaha-kianat Yesus.
Yesus Kicak Caknak Paskah ru Ipengikot-pengikot
(Mrk 14:12-21; Luk 22:7-14, 21-23; Yoh 13:21-30)
17Ku arik petame Arik Raya Ruti Pek Beragi,#26:17 Arik Raya Ruti Pek Beragi: Raya adeh bimula telas caknak Paskah kidij. Raya adeh kibelangsong selame tujoh arik. Ku mase raya adeh, mai Yahudi had naicak caknak de pek beragi. Neng Keluaran 12:15-20. pengikot-pengikot Yesus naihol nu Kek ru naitanya, “Ku belokka de Jenhod jisedia caknak Paskah ha Jen?”
18Yesus Kiberlag, “Etloh terbuk numom sengoi ku kateh kote Yerusalem. Urokloh nu kek, ‘Guru Kiurok begei adeh: “Imase de bipetentu ya Jenang ha Eng ya kaha-merek. Eng Ngha-beh caknak Paskah ku deg hek ha LiEng ru pengikot-pengikot Eng.” ’ ”
19Ipengikot-pengikot naibeh begei de bior ya Yesus lalu naisedia caknak Paskah ajeh.
20Bile iarik ya kelem, Yesus ru 12 urag Ipengikot pen naigei cerner ku mije naiha-cakcak. 21Mase tengah naicakcak, Yesus Kiurok, “Cerngailoh abor, numom ju engkek doh kikianat Eng.”
22Ipengikot-pengikot ihad naisedeh bile naicerngai bengwal Yesus ajeh. Nuurag penuurag mula naitanya nu Yesus, “Guru, tentu pek eng de Jenmaksod ajeh?”
23Yesus Kiberlag, “Sengoi de kicerlog iruti nu kateh mangkok besama ru Eng, kekloh doh de bekianat Eng. 24Mimang Eng Kenon Manusia doh Ngdat begei de bicot ku kateh Alkitab. Tapi ihad celaka sengoi de bekianat ha Kenon Manusia! Lebeh bor amen sengoi ajeh pek pernah biperyos!”
25Lalu Yudas pengkianat ajeh kiurok, “Guru, tentu pek eng de Jenmaksod?”
Yesus Kiberlag, “Hekloh pengkianat ajeh!”
Caknak Paskah
(Mrk 14:22-26; Luk 22:14-20)
26Mase tengah naicakcak, Yesus Kikot ruti lalu Kiucap syukor nu Jenang. Telas ajeh Kiceh ru Kibahagi ruti ajeh. Kiog ruti ajeh nu Ipengikot-pengikot ru Kiurok, “Adehloh berog Eng. Kotloh ru cakloh.”
27Telas ajeh Kek Kikot cawan de biisi teu wain lalu Kiucap syukor nu Jenang ru Kiog nu Ipengikot-pengikot. Kiurok, “Ngutloh, dikdij liengkek. 28Adehloh behip Eng de kisahkan jenanji pai antare Jenang ru Isengoi-sengoi. Behip Eng ajeh bipesaruk ha jeoi sengoi supaye dosa enai biampon. 29Cerngailoh, Eng doh pek Ngngut teu wain nij lei iarik bile Eng Ngngut teu wain pai besama-sama ru engkek ku serga de biperintah ya Menek sebegei Raja.”
30Telas naidindang nanek lagu pujian, enai pen naiet nu Lod Zaiton.
Yesus Kipasal Petrus Doh Pek Kiaku Kikenal Ilei
(Mrk 14:27-31; Luk 22:31-34; Yoh 13:36-38)
31Telas ajeh Yesus Kiurok nu Ipengikot-pengikot, “Ku kelem adeh juga doh engkejar engkewes Eng kerana hal de doh tejadi nu Eng. Hal ajeh ya bicot ku kateh Alkitab begei adeh: ‘Eng doh Ngperdat gembale ajeh lalu kenawat dombe ajeh doh naiceraklah.’#Za 13:7 32Tapi telas Eng biberkos ju danan Eng, Eng doh Nget nu lengrik Galilea lebeh canuk daripade engkek.”
33Petrus kiurok nu Yesus, “Hamapen dikdij mai kilek naiwes Jen bile naineng ma de tejadi ku Jen, eng doh pek ngbeh begei ajeh!”
34Yesus Kiurok nu kek, “Cerngailoh abor, sebelom pog kibetader ku kelem adeh, doh nik kali haurok pek hakenal Eng.”
35Petrus kiberlag, “Eng doh pek sekali-kali ngurok pek ngkenal Jen hamapen eng hod ngdat besama ru Jen!”
Dikdij Ipengikot-pengikot de kilek pen naiurok begei ajeh juga.
Yesus Kibedoa ku Getsemani
(Mrk 14:32-42; Luk 22:39-46)
36Telas ajeh Yesus ru Ipengikot-pengikot naiet nu tempat de imuh Getsemani. Yesus Kiurok nu Ipengikot-pengikot, “Geiloh ku padeh. Eng Nget diteh Ngha-bedoa.” 37Yesus Kiajak Petrus ru nar mom kekenon Zebedeus naiet besama ru Kek. Kek mula Kijadi ihad susah Isengik. 38Kek Kiurok nu enai, “Sengik Eng ihad sedeh. Ngrasa begei Ngha-dat. Geiloh ku padeh, jagaloh besama ru Eng.”
39Yesus Kiet nyak gek ju enai ru Kikekkop ku patik ru Kibedoa, “Menek Eng, amen buleh, pernyakloh cawan seniksa adeh ju Eng. Tapi agokloh joi heknod Eng, biarloh heknod Jen taleh de tejadi.”
40Telas ajeh Yesus Kilos nu nik mom Ipengikot ajeh ru Kineng enai naibukbet. Kek Kiurok nu Petrus, “Pek dapatka had nujam taleh engkebejaga besama ru Eng? 41Bejaga-jagaloh ru bedoaloh supaye engkek pek bicuba. Mimang sengik engkek kaha-beh ma de bor tapi pek lalu engkeha-beh kerana berog engkek lemah.”
42Nukali nij Yesus Kiet ru Kibedoa, “Menek Eng, amen cawan seniksa adeh pek buleh bipernyak ju Eng tapi hod Ngngut, biarloh heknod Enjen ajeh kitejadi.” 43Telas ajeh Yesus Kilos nij nu Ipengikot-pengikot ru Kek Kineng enai lekat naibukbet kerana ihad naileoi.
44Nukali nij Yesus Kiwes enai lalu Kiet ru Kibedoa engrok de sama ku inik kali. 45Lalu Yesus Kilos nij nu Ipengikot-pengikot ru Kiurok, “Lekat engkebukbet ru engkeberihatka? Nengloh, imase ya lei untok Eng Kenon Manusia baha-serah nu kuasa mai bedosa. 46Kosloh, bei hiet. Nengloh, sengoi de kikianat Eng ya kilei!”
Yesus Bicap
(Mrk 14:43-50; Luk 22:47-53; Yoh 18:3-12)
47Mase Yesus lekat Kibelwal, leiloh Yudas. Kek ajeh numom ju 12 urag Ipengikot. Kek kilei besama ru jeoi mai jengoi de naien pedang ru jehuk peknet. Enai ajeh bingeng ya raknak-raknak imam agame Yahudi ru raknak-raknak mai Yahudi. 48Sebelom ajeh Yudas ya kipasal canuk nu enai ajeh begei adeh: “Sengoi de ngnyui ajehloh Ilei. Caploh Kek!”
49Bile Yudas kilei, kek deras kiperek nu Yesus ru kiurok, “Ma igah, Jen?” Lalu kek pen kinyui Yesus.
50Yesus Kiberlag, “Behloh ma de haha-beh!”
Lalu mai de naihol besama ru Yudas naiperek nu Yesus ru naicap Kek. 51Numom ju mai de besama ru Yesus kiperhol ipedang lalu kitas entag hambe Imam Agong agame Yahudi. 52Yesus Kiurok nu sengoi ajeh, “Permuj balek pedang hek ajeh nu kateh isarop kerana bok imai de kiguna pedang doh kibinasa ya pedang. 53Pek hapaneika Eng buleh Ngsemanj Menek Eng Kitulog ha Eng? Kek doh gij Kingeng lebeh daripade 12 pasukan#26:53 Pasukan: Ku kateh engrok Yunani, bicot ‘legiun.’ Ku jaman ajeh, nanek legiun mong enam ribu urag aska. malikat-malikat. 54Tapi Eng pek Ngsemanj begei ajeh nu Menek Eng kerana dikdij hal adeh hod kitejadi begei ma de ya bicot tentang Eng ku kateh Alkitab.”
55Lalu Yesus Kiurok nu dikdij sengoi ajeh, “Eng adeh mai pemberontakka lei engkeen pedang ru jehuk peknet engkeha-cap ha Eng? Tiap arik Ngbeajar ku laman Deg Jenang tapi pek engkecap Eng ku pajeh. 56Tapi dikdij hal adeh kitejadi supaye ma de bicot ya nabi-nabi ku kateh Alkitab kitejadi.” Telas ajeh dikdij Ipengikot-pengikot naijar naiwes Yesus.
Yesus ku Ngar Mahkamah Agame Yahudi
(Mrk 14:53-65; Luk 22:54-55, 63-71; Yoh 18:13-14, 19-24)
57Mai de naicap Yesus naien Kek nu deg Kayafas. Kayafas ajeh Imam Agong agame Yahudi. Guru-guru Hukom Taurat ru raknak-raknak mai Yahudi ya naibekumpol ku pajeh. 58Petrus kijoi Yesus ju kennyak lei nu laman deg Imam Agong agame Yahudi ajeh. Petrus kimuj nu laman deg ajeh ru kigigei besama ru pengawal-pengawal kaha-neng ma de belaku. 59Raknak-raknak imam agame Yahudi ru dikdij anggote Mahkamah Agame Yahudi naikerekwat naiha-kek bukti palsu naiha-tudoh Yesus supaye buleh naihukom Kek dat. 60Tapi enai pek naikep nanek bukti pen hamapen jeoi sengoi naiog kesaksian palsu tentang Yesus. Ipenyudah hol nar mom baihol 61ru baiurok, “Sengoi adeh Kiurok Kek dapat Kiteh Deg Jenang ru Kibeh nij Deg ajeh ku kateh nik arik.”
62Lalu Imam Agong agame Yahudi kijinjeg ru kitanya nu Yesus, “Pek Haha-berlagka dikdij tenudoh mai nu Hek ajeh?” 63Tapi Yesus Kikerakdik serakngek. Nukali nij Imam Agong agame Yahudi kiurok nu Kek, “Ku kateh muh Jenang de sui, pasalloh nu jik! Betolka Hek adeh Peselamat de bijanji ya Jenang? Ru betolka Hek Kenon Jenang?”
64Yesus Kiberlag, “Ju tenanya hek ajeh, hek ya hapasal Eng adeh bok. Tapi cerngailoh, doh engkeneng Eng Kenon Manusia Nggei ku kedudukan de tehormat ku englag kentop Jenang de Bekuasa. Ru engkek juga doh engkeneng Eng Nghol bikelileg ya sagop.”
65Lalu Imam Agong agame Yahudi kiteg ileknog ru kiurok, “Kek Kihina Jenang! Hik pek hiperlu ha saksi kilek nij. Engkek ya engkecerngai Kek ya Kihina Jenang. 66Ma keputusan engkek?”
67Naiberlag, “Kek Kibesalah ru mesti bihukom dat.”
Naitoh renes Yesus ru naitumbok Kek. Mong memerip urag juga naitampar Yesus 68ru naiurok, “Peselamat de bijanji ya Jenang, pasalloh bok de pekpet Hek.”
Petrus Pek Kiaku Kikenal Yesus
(Mrk 14:66-72; Luk 22:56-62; Yoh 18:15-18, 25-27)
69Ku mase Petrus tengah kigigei ku luar, ku laman deg Imam Agong agame Yahudi, numom hambe kerdor deg ajeh kihol ru kiurok nu kek, “Hek mong besama ru Yesus Mai lengrik Galilea ajeh.”
70Tapi Petrus pek kiaku hal ajeh ku ngar dikdij mai. Kek kiurok, “Eng pek ngreti ma de haurok.” 71Lalu kek kiet nu pintu gerbang laman deg ajeh. Numom hambe kerdor kilek kibakek Petrus ru kiurok nu dikdij mai de mong ku pajeh, “Sengoi adeh kijoi Yesus Sengoi Nazaret ajeh.”
72Nukali nij Petrus pek kiaku hal ajeh ru kibesumpah, “Eng pek ngkenal Sengoi ajeh.”
73Pek liu ju kenjeh, mai de naijinjeg ku pajeh naiperek nu Petrus ru naiurok, “Tentu hek adeh numom ju pengikot-pengikot Yesus kerana logat bengwal hek sama begei logat bengwal Yesus Mai lengrik Galilea ajeh.”
74Kerana ajeh, Petrus kibesumpah ru kiurok, “Biarloh Jenang Kipecelaka eng amen ngbelenglod! Eng pek ngkenal Sengoi ajeh!”
Ku sarik jijeh juga pog pen kibetader. 75Jadi, Petrus kiteingat ha bengwal Yesus adeh: “Sebelom pog kibetader, hek doh nik kali haurok pek hakenal Eng.” Petrus kihol ju kenjeh ru kipanjap.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.