MATIUS 2
2
Mai Bekaji Perloi Naikek Yesus
1Yesus Kiyos ku pekan Betlehem ku lengrik Yudea, ku mase Raja Herodes Agong kimemerintah. Telas Yesus Kiyos, mong mai de bekaji perloi ju Timur naihol nu kote Yerusalem 2ru naitanya, “Ku belok Ilei Sanget de Kiyos sebegei Raja mai Yahudi? Jibakek Iperloi ya kiterbet ku Timur, jadi jihol nu madeh jiha-sembah ha Kek.”
3Bile Raja Herodes Agong kicerngai tentang hal ajeh, kek kijadi ihad susah isengik. Dikdij mai ku kote Yerusalem pen naijadi susah sengik. 4Raja Herodes Agong kicereg dikdij raknak imam agame Yahudi ru guru Hukom Taurat lalu kitanya, “Ku belok Peselamat de bijanji ya Jenang ajeh Kiyos?”
5Naiberlag, “Ku pekan Betlehem ku lengrik Yudea kerana mong nabi ya kicot tentang hal ajeh begei adeh: 6Jenang Kiurok,
‘Betlehem ku lengrik Yudea,
hek pek ilei de paleng macot ku engkap pekan-pekan de entoi ku Yudea
kerana ju hek doh hol numom Pemimpen
de doh Kipimpen ha sengoi-sengoi Eng, Israel.’ ”#Mi 5:1
7Telas ajeh Raja Herodes Agong kibeh perjumpaan serakngek ru mai de bekaji perloi. Ju enai ajeh, kek kipanei ku arik ma perloi ajeh mula-mula biburuk. 8Lalu Raja Herodes Agong kior mai bekaji perloi ajeh naiet nu pekan Betlehem supaye naikek cermat ha Sanget ajeh. Kek kior juga, bile ya naiburuk Sanget ajeh, gah ajeh hod naipasal nu kek supaye kek juga buleh kiet kisembah Sanget ajeh.
9-10Jadi, enai pen naiet telas naicerngai bengwal raja ajeh. Ku kateh ceknip enai ajeh, naiburuk nij perloi de pernah naibakekjeh lalu enai ihad naikerakmik. Perloi ajeh kicip canuk lei kibehenti ku kemil tempat Sanget ajeh mong. 11Enai pen naimuj nu kateh deg ajeh ru naiburuk Sanget ajeh ru Iamek Maria. Enai naisujod ru naisembah ha Sanget ajeh, lalu naiperhol mas, kijai, ru mur, ru naiog dikdij hadiah ajeh nu Kek.
12Telas ajeh ku kateh empok, Jenang Kibesat nu enai supaye pek nailos nij nu Raja Herodes Agong. Kerana ajehloh, enai naijog nu lengrik liknai naijoi nong kilek.
Peringak Yusuf Naijar nu Lengrik Mesir
13Ya telas mai bekaji perloi ajeh naiet, malikat TUHAN kiperneng ilei ku kateh empok Yusuf ru kiurok, “Kosloh ru en jar Sanget ajeh ru Iamek nu lengrik Mesir. Geiloh ku pajeh lei ngog panei nu hek doh nij kerana Raja Herodes Agong doh kiog perintah kaha-kek Sanget ajeh ru kaha-perdat Kek.”
14Lalu Yusuf pen kikos ku kelem ajeh juga ru kien jar Sanget ajeh ru Iamek nu lengrik Mesir. 15Naigei ku lengrik Mesir lei Raja Herodes Agong kidat. Hal ajeh kitejadi begei de biurok ya TUHAN melalui Inabi, “Eng Ngpangel Kenon Eng hol ju lengrik Mesir.”#Hos 11:1
Sesanget ku Pekan Betlehem Biperdat
16Bile Raja Herodes Agong kipanei mai de bekaji perloi nailenglod kek, kek pen ihad kibelal. Lalu kiog perintah supaye dikdij sesanget keral ku pekan Betlehem ru ku dikdij tempat de rek beng Betlehem, de umur enai nar tahut ru kerop ju nar tahut biperdat. Kerana, hal ajeh kena ru penasal mai de bekaji perloi ha mase perloi ajeh biburuk entemjeh. 17Hal sesanget biperdat ajeh tejadi begei de biurok ya Nabi Yeremia,
18“Ku pekan Rama hicerngai engrok jengnam serayog de ihad sedeh.
Rahel kijap ha ikekenon ru kinyek behenti ijengnam
kerana ikekenon dij ya tiktok.”#Yer 31:15
Peringak Yusuf Naijog ju Lengrik Mesir
19Telas Raja Herodes Agong kidat, malikat TUHAN kiperneng ilei ku kateh empok Yusuf. Ku mase ajeh, Yusuf lekat mong ku lengrik Mesir. 20Malikat ajeh kiurok, “Kosloh ru enloh Sanget ajeh ru Iamek jog nu lengrik Israel kerana mai de naiha-perdat Sanget ajeh ya naidat.” 21Yusuf pen kikos lalu kien Sanget ajeh ru Iamek jog nu lengrik Israel.
22Tapi bile Yusuf kicerngai gah tentang Arkelaus kenon Raja Herodes Agong ya kiganti iapak kijadi raja lengrik Yudea, kek kisengoh kaha-jog nu majeh. Yusuf kiterima nij ernor ku kateh iempok lalu kiet nu lengrik Galilea. 23Kek kigei ku pekan imuh Nazaret. Begei ajehloh kitejadi ma de biurok ya nabi-nabi tentang Sanget ajeh, “Kek doh bisebot Sengoi Nazaret.”
Currently Selected:
MATIUS 2: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 2
2
Mai Bekaji Perloi Naikek Yesus
1Yesus Kiyos ku pekan Betlehem ku lengrik Yudea, ku mase Raja Herodes Agong kimemerintah. Telas Yesus Kiyos, mong mai de bekaji perloi ju Timur naihol nu kote Yerusalem 2ru naitanya, “Ku belok Ilei Sanget de Kiyos sebegei Raja mai Yahudi? Jibakek Iperloi ya kiterbet ku Timur, jadi jihol nu madeh jiha-sembah ha Kek.”
3Bile Raja Herodes Agong kicerngai tentang hal ajeh, kek kijadi ihad susah isengik. Dikdij mai ku kote Yerusalem pen naijadi susah sengik. 4Raja Herodes Agong kicereg dikdij raknak imam agame Yahudi ru guru Hukom Taurat lalu kitanya, “Ku belok Peselamat de bijanji ya Jenang ajeh Kiyos?”
5Naiberlag, “Ku pekan Betlehem ku lengrik Yudea kerana mong nabi ya kicot tentang hal ajeh begei adeh: 6Jenang Kiurok,
‘Betlehem ku lengrik Yudea,
hek pek ilei de paleng macot ku engkap pekan-pekan de entoi ku Yudea
kerana ju hek doh hol numom Pemimpen
de doh Kipimpen ha sengoi-sengoi Eng, Israel.’ ”#Mi 5:1
7Telas ajeh Raja Herodes Agong kibeh perjumpaan serakngek ru mai de bekaji perloi. Ju enai ajeh, kek kipanei ku arik ma perloi ajeh mula-mula biburuk. 8Lalu Raja Herodes Agong kior mai bekaji perloi ajeh naiet nu pekan Betlehem supaye naikek cermat ha Sanget ajeh. Kek kior juga, bile ya naiburuk Sanget ajeh, gah ajeh hod naipasal nu kek supaye kek juga buleh kiet kisembah Sanget ajeh.
9-10Jadi, enai pen naiet telas naicerngai bengwal raja ajeh. Ku kateh ceknip enai ajeh, naiburuk nij perloi de pernah naibakekjeh lalu enai ihad naikerakmik. Perloi ajeh kicip canuk lei kibehenti ku kemil tempat Sanget ajeh mong. 11Enai pen naimuj nu kateh deg ajeh ru naiburuk Sanget ajeh ru Iamek Maria. Enai naisujod ru naisembah ha Sanget ajeh, lalu naiperhol mas, kijai, ru mur, ru naiog dikdij hadiah ajeh nu Kek.
12Telas ajeh ku kateh empok, Jenang Kibesat nu enai supaye pek nailos nij nu Raja Herodes Agong. Kerana ajehloh, enai naijog nu lengrik liknai naijoi nong kilek.
Peringak Yusuf Naijar nu Lengrik Mesir
13Ya telas mai bekaji perloi ajeh naiet, malikat TUHAN kiperneng ilei ku kateh empok Yusuf ru kiurok, “Kosloh ru en jar Sanget ajeh ru Iamek nu lengrik Mesir. Geiloh ku pajeh lei ngog panei nu hek doh nij kerana Raja Herodes Agong doh kiog perintah kaha-kek Sanget ajeh ru kaha-perdat Kek.”
14Lalu Yusuf pen kikos ku kelem ajeh juga ru kien jar Sanget ajeh ru Iamek nu lengrik Mesir. 15Naigei ku lengrik Mesir lei Raja Herodes Agong kidat. Hal ajeh kitejadi begei de biurok ya TUHAN melalui Inabi, “Eng Ngpangel Kenon Eng hol ju lengrik Mesir.”#Hos 11:1
Sesanget ku Pekan Betlehem Biperdat
16Bile Raja Herodes Agong kipanei mai de bekaji perloi nailenglod kek, kek pen ihad kibelal. Lalu kiog perintah supaye dikdij sesanget keral ku pekan Betlehem ru ku dikdij tempat de rek beng Betlehem, de umur enai nar tahut ru kerop ju nar tahut biperdat. Kerana, hal ajeh kena ru penasal mai de bekaji perloi ha mase perloi ajeh biburuk entemjeh. 17Hal sesanget biperdat ajeh tejadi begei de biurok ya Nabi Yeremia,
18“Ku pekan Rama hicerngai engrok jengnam serayog de ihad sedeh.
Rahel kijap ha ikekenon ru kinyek behenti ijengnam
kerana ikekenon dij ya tiktok.”#Yer 31:15
Peringak Yusuf Naijog ju Lengrik Mesir
19Telas Raja Herodes Agong kidat, malikat TUHAN kiperneng ilei ku kateh empok Yusuf. Ku mase ajeh, Yusuf lekat mong ku lengrik Mesir. 20Malikat ajeh kiurok, “Kosloh ru enloh Sanget ajeh ru Iamek jog nu lengrik Israel kerana mai de naiha-perdat Sanget ajeh ya naidat.” 21Yusuf pen kikos lalu kien Sanget ajeh ru Iamek jog nu lengrik Israel.
22Tapi bile Yusuf kicerngai gah tentang Arkelaus kenon Raja Herodes Agong ya kiganti iapak kijadi raja lengrik Yudea, kek kisengoh kaha-jog nu majeh. Yusuf kiterima nij ernor ku kateh iempok lalu kiet nu lengrik Galilea. 23Kek kigei ku pekan imuh Nazaret. Begei ajehloh kitejadi ma de biurok ya nabi-nabi tentang Sanget ajeh, “Kek doh bisebot Sengoi Nazaret.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.