MATIUS 15
15
Adat Jenang Rak
(Mrk 7:1-13)
1Telas ajeh memerip urag mai Farisi ru guru-guru Hukom Taurat ju kote Yerusalem naihol nu Yesus ru naibetanya, 2“Yama pengikot-pengikot Hek pek naijoi adat jenang rak hik? Enai pek naibeh upacare siknuj teg sebelom naicakcak!”
3Yesus Kiberlag, “Yama pek engkejoi ernor Jenang tapi engkejoi adat jenang rak liengkek? 4Jenang Kiurok, ‘Hormatloh keneng-menek hek,’#Kel 20:12; Ul 5:16 ru ‘Mai de kihina ha ikeneng-menek mesti bihukom dat.’#Kel 21:17; Im 20:9 5Tapi engkeajar nu mai begei adeh: Numom buleh kiurok nu ikeneng-menek, ‘Ma de patot ngog nu jerkek ya ngog nu Jenang.’ 6Jadi, engkeajar mai ajeh pek kihormat ha ikeneng-menek nij. Begei ajehloh engkek petiktok engrok Jenang kerana engkeha-joi adat jenang rak liengkek. 7Engkek mai de nekbepure-pure! Mimang betol ma de biurok ya Nabi Yesaya mase kibenubuat tentang engkek:
8Jenang Kiurok, ‘Sengoi-sengoi adeh naihormat Eng had ya nyinyui enai taleh
tapi sengik enai nyak ju Eng.
9Sie-sie taleh naisembah Eng
kerana naiajar nu mai kilek neajar de beasal ju peraturan manusia apeka neajar ju Eng.’ ”#Yes 29:13
Hal-Hal de Kipekutor Sengoi
(Mrk 7:14-23)
10Telas ajeh Yesus Kicereg mai jengoi ru Kiurok nu enai, “Cerngailoh ru retiloh! 11Ma de muj nu kateh empag pek kipekutor numom. Tapi ma de hol ju iempag, ajehloh kipekutor kek.”
12Telas ajeh Ipengikot-pengikot naiderleh ru naiurok, “Pek Jenpaneika mai Farisi ajeh nek naibelig ha bengwal Jen?”
13Yesus Kiberlag, “Tiap-tiap ceknet de pek bicet ya Apak Eng de ku serga doh biroj. 14Agok irau ha mai Farisi ajeh. Enai ajeh mai buta de bebetek ha mai buta. Amen mai buta kibetek ha mai buta kilek, ubai rimnar doh baijer nu kateh lubang.”
15Petrus kiurok, “Pasalloh reti perumpamaan ajeh nu jik.”
16Yesus Kiurok nu Ipengikot-pengikot, “Lekat pek engkepaham jugaka? 17Ma de muj nu kateh empag kiceleh nu kateh ej lalu bicoh. 18Tapi ma de hol ju empag, iasal ju sengik. Hal ajehloh de kipekutor sengoi. 19Kerana, ju sengikloh hol peniker jehat begei ha perdat mai kilek, zinah, heknod seks de niknej, siksij, kesaksian palsu, ru pitnah ha mai kilek. 20Hal-hal ajehloh de kipekutor sengoi, pek ya kerana hicakcak pek hisuj teg hijoi adat!”
Iman Numom Kerdor Kanaan
(Mrk 7:24-30)
21Yesus Kidek ju tempat ajeh lalu Kiet nu kawasan kote Tirus ru Sidon. 22Numom kerdor Kanaan de kigei ku daerah ajeh kiterbuk nu Yesus ru kiurok ya suara de kuat, “Tuhan, Kenon-cenok Raja Daud, yayakloh eng! Kenon kerdor eng bisangrog ya nyanik ru ikeadaan ihad terok.”
23Tapi Yesus pek Kiberlag ma-ma pen. Ipengikot-pengikot naiderleh ru naisemanj nu Kek, “Orloh kerdor ajeh kiet. Kek kijoi hik ru kirahnyah taleh!”
24Yesus Kiberlag nu kerdor ajeh, “Eng bingeng had nu mai Israel de rikroj.”
25Tapi kerdor ajeh kiderleh nu Yesus ru kisujod ku Ingar. Kek kiurok, “Tuhan, tulogloh eng.”
26Yesus Kiberlag nij, “Pek patot Ngkot caknak kekenon lijik lalu Ngpej nu cok.”
27Kerdor ajeh kiberlag, “Betol, Tuhan. Tapi cok pen kicak sesak caknak de jer ju mije ijenang.”
28Kerana ajeh, Yesus Kiurok nu kek, “Ihad entoi iman hek! Ma de hahod doh kijadi!” Ku sarik jijeh juga ikenon ajeh kibor.
Yesus Kiperbor Mai Jengoi
29Yesus Kidek tempat ajeh lalu Kicip ku beg Tasek Galilea. Telas ajeh Kek Kihuj nu nanek lod lalu kigei ku pajeh. 30Ihad jeoi mai jengoi de naihol ru naien mai nyik nu Kek temasok mai capek, mai buta, mai lumpoh, ru mai pekak. Naidek dikdij mai nyik ajeh ku ngar Yesus ru Yesus Kiperbor enai. 31Mai jengoi cengang empag enai bile naineng mai bisu kibelwal, mai capek ya bor, mai lumpoh kicekcip, ru mai buta kinengneng. Enai naipateh Jenang mai Israel.
Yesus Kiog Caknak Nu Empat Ribu Urag
(Mrk 8:1-10)
32Yesus Kicereg Ipengikot-pengikot lalu Kiurok, “Eng Ngyayak nu mai jengoi adeh. Ya nik arik naibesama ru Eng, ru pek mong ma-ma de naiha-cak. Eng Ngnyek pek Ngha-or naijog ru cengwag kerana doh naidendat ku semakdek nong.”
33Ipengikot-pengikot naitanya nu Kek, “Ku tempat de nyak adeh, ku belok hiha-berkep caknak de cukop ha mai jengoi de ihad jeoi adeh?”
34Yesus Kitanya nu enai, “Merip ijengoi ruti de mong ku engkek?”
Naiberlag, “Tujoh kebek.”
Naiurok nij, “Ru memerip ikor kak macot.”
35Yesus Kior mai jengoi ajeh naigei ku kemil tik. 36Telas ajeh Kek Kikot tujoh kebek ruti ru kak ajeh. Kek Kiucap syukor nu Jenang, lalu Kiceh caknak ajeh ru Kiog nu Ipengikot-pengikot supaye naibahagi nu mai jengoi. 37Dikdij mai naicakcak lei naibakhek. Telas ajeh pengikot-pengikot Yesus naikumpol lembeh caknak ajeh ijengoi lei tujoh bakol. 38Ijengoi mai de cakcak ajeh empat ribu urag keral, pek bikira kerdor ru sesanget.
39Telas ajeh Yesus Kior mai jengoi ajeh naijog, lalu Kihuj perahu ru Kiet nu daerah Magadan.
Currently Selected:
MATIUS 15: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 15
15
Adat Jenang Rak
(Mrk 7:1-13)
1Telas ajeh memerip urag mai Farisi ru guru-guru Hukom Taurat ju kote Yerusalem naihol nu Yesus ru naibetanya, 2“Yama pengikot-pengikot Hek pek naijoi adat jenang rak hik? Enai pek naibeh upacare siknuj teg sebelom naicakcak!”
3Yesus Kiberlag, “Yama pek engkejoi ernor Jenang tapi engkejoi adat jenang rak liengkek? 4Jenang Kiurok, ‘Hormatloh keneng-menek hek,’#Kel 20:12; Ul 5:16 ru ‘Mai de kihina ha ikeneng-menek mesti bihukom dat.’#Kel 21:17; Im 20:9 5Tapi engkeajar nu mai begei adeh: Numom buleh kiurok nu ikeneng-menek, ‘Ma de patot ngog nu jerkek ya ngog nu Jenang.’ 6Jadi, engkeajar mai ajeh pek kihormat ha ikeneng-menek nij. Begei ajehloh engkek petiktok engrok Jenang kerana engkeha-joi adat jenang rak liengkek. 7Engkek mai de nekbepure-pure! Mimang betol ma de biurok ya Nabi Yesaya mase kibenubuat tentang engkek:
8Jenang Kiurok, ‘Sengoi-sengoi adeh naihormat Eng had ya nyinyui enai taleh
tapi sengik enai nyak ju Eng.
9Sie-sie taleh naisembah Eng
kerana naiajar nu mai kilek neajar de beasal ju peraturan manusia apeka neajar ju Eng.’ ”#Yes 29:13
Hal-Hal de Kipekutor Sengoi
(Mrk 7:14-23)
10Telas ajeh Yesus Kicereg mai jengoi ru Kiurok nu enai, “Cerngailoh ru retiloh! 11Ma de muj nu kateh empag pek kipekutor numom. Tapi ma de hol ju iempag, ajehloh kipekutor kek.”
12Telas ajeh Ipengikot-pengikot naiderleh ru naiurok, “Pek Jenpaneika mai Farisi ajeh nek naibelig ha bengwal Jen?”
13Yesus Kiberlag, “Tiap-tiap ceknet de pek bicet ya Apak Eng de ku serga doh biroj. 14Agok irau ha mai Farisi ajeh. Enai ajeh mai buta de bebetek ha mai buta. Amen mai buta kibetek ha mai buta kilek, ubai rimnar doh baijer nu kateh lubang.”
15Petrus kiurok, “Pasalloh reti perumpamaan ajeh nu jik.”
16Yesus Kiurok nu Ipengikot-pengikot, “Lekat pek engkepaham jugaka? 17Ma de muj nu kateh empag kiceleh nu kateh ej lalu bicoh. 18Tapi ma de hol ju empag, iasal ju sengik. Hal ajehloh de kipekutor sengoi. 19Kerana, ju sengikloh hol peniker jehat begei ha perdat mai kilek, zinah, heknod seks de niknej, siksij, kesaksian palsu, ru pitnah ha mai kilek. 20Hal-hal ajehloh de kipekutor sengoi, pek ya kerana hicakcak pek hisuj teg hijoi adat!”
Iman Numom Kerdor Kanaan
(Mrk 7:24-30)
21Yesus Kidek ju tempat ajeh lalu Kiet nu kawasan kote Tirus ru Sidon. 22Numom kerdor Kanaan de kigei ku daerah ajeh kiterbuk nu Yesus ru kiurok ya suara de kuat, “Tuhan, Kenon-cenok Raja Daud, yayakloh eng! Kenon kerdor eng bisangrog ya nyanik ru ikeadaan ihad terok.”
23Tapi Yesus pek Kiberlag ma-ma pen. Ipengikot-pengikot naiderleh ru naisemanj nu Kek, “Orloh kerdor ajeh kiet. Kek kijoi hik ru kirahnyah taleh!”
24Yesus Kiberlag nu kerdor ajeh, “Eng bingeng had nu mai Israel de rikroj.”
25Tapi kerdor ajeh kiderleh nu Yesus ru kisujod ku Ingar. Kek kiurok, “Tuhan, tulogloh eng.”
26Yesus Kiberlag nij, “Pek patot Ngkot caknak kekenon lijik lalu Ngpej nu cok.”
27Kerdor ajeh kiberlag, “Betol, Tuhan. Tapi cok pen kicak sesak caknak de jer ju mije ijenang.”
28Kerana ajeh, Yesus Kiurok nu kek, “Ihad entoi iman hek! Ma de hahod doh kijadi!” Ku sarik jijeh juga ikenon ajeh kibor.
Yesus Kiperbor Mai Jengoi
29Yesus Kidek tempat ajeh lalu Kicip ku beg Tasek Galilea. Telas ajeh Kek Kihuj nu nanek lod lalu kigei ku pajeh. 30Ihad jeoi mai jengoi de naihol ru naien mai nyik nu Kek temasok mai capek, mai buta, mai lumpoh, ru mai pekak. Naidek dikdij mai nyik ajeh ku ngar Yesus ru Yesus Kiperbor enai. 31Mai jengoi cengang empag enai bile naineng mai bisu kibelwal, mai capek ya bor, mai lumpoh kicekcip, ru mai buta kinengneng. Enai naipateh Jenang mai Israel.
Yesus Kiog Caknak Nu Empat Ribu Urag
(Mrk 8:1-10)
32Yesus Kicereg Ipengikot-pengikot lalu Kiurok, “Eng Ngyayak nu mai jengoi adeh. Ya nik arik naibesama ru Eng, ru pek mong ma-ma de naiha-cak. Eng Ngnyek pek Ngha-or naijog ru cengwag kerana doh naidendat ku semakdek nong.”
33Ipengikot-pengikot naitanya nu Kek, “Ku tempat de nyak adeh, ku belok hiha-berkep caknak de cukop ha mai jengoi de ihad jeoi adeh?”
34Yesus Kitanya nu enai, “Merip ijengoi ruti de mong ku engkek?”
Naiberlag, “Tujoh kebek.”
Naiurok nij, “Ru memerip ikor kak macot.”
35Yesus Kior mai jengoi ajeh naigei ku kemil tik. 36Telas ajeh Kek Kikot tujoh kebek ruti ru kak ajeh. Kek Kiucap syukor nu Jenang, lalu Kiceh caknak ajeh ru Kiog nu Ipengikot-pengikot supaye naibahagi nu mai jengoi. 37Dikdij mai naicakcak lei naibakhek. Telas ajeh pengikot-pengikot Yesus naikumpol lembeh caknak ajeh ijengoi lei tujoh bakol. 38Ijengoi mai de cakcak ajeh empat ribu urag keral, pek bikira kerdor ru sesanget.
39Telas ajeh Yesus Kior mai jengoi ajeh naijog, lalu Kihuj perahu ru Kiet nu daerah Magadan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.