MATIUS 14
14
Danan Yohanes Pembaptis
(Mrk 6:14-29; Luk 9:7-9)
1Ku mase ajeh, Raja Herodes Antipas penguasa lengrik Galilea kicerngai gah tentang Yesus. 2Kek kiurok nu ipepegawei, “Sengoi ajeh mesti Yohanes Pembaptis! Kek ya kisui nij! Kerana ajehloh, kek mong kuasa kibeh tanda-tanda ajaib.”
3Raja Herodes Antipas kisangka begei ajeh kerana sebelom ajeh kek pernah kiog perintah supaye Yohanes Pembaptis bicap, birantei lalu bipermuj nu kateh jel. Kek kibeh begei ajeh kerana Yohanes Pembaptis kitegor kek tentang hal kikot kenah imenang Filipus. Muh kerdor ajeh Herodias. 4Yohanes Pembaptis selalo kiurok, “Amen hijoi Hukom Taurat, jenbesalah kerana jenbekenah ru Herodias!” 5Raja Herodes Antipas kahagu-perdat ha Yohanes Pembaptis tapi kisengoh ha mai Yahudi kerana naianggap kek numom nabi.
6Ku senamut arik yisnos Raja Herodes Antipas, kenon kerdor Herodias kiberunggen ku ngar tengloh ru kihibor sengik Raja Herodes Antipas. 7Kerana ajeh, raja ajeh kibesumpah kaha-og ma taleh de bisemanj ya kerdor ajeh. 8Amek kerdor ajeh kior supaye kisemanj, “Nghod kui Yohanes Pembaptis ku kemil talam ku sarik adeh juga!”
9Bile kicerngai semmanj ajeh, Raja Herodes Antipas kijadi sedeh. Tapi, kerana ya kibesumpah ku ngar itengloh, kek kiog perintah supaye sengmanj kerdor ajeh bitunei 10ru mai pen naiet nu jel ru pancog kui Yohanes Pembaptis. 11Kui Yohanes Pembaptis bidek ku kemil talam ru biog nu kerdor ajeh. Lalu kerdor ajeh kien kui ajeh nu iamek. 12Telas ajeh pengikot-pengikot Yohanes Pembaptis naihol ru naikot berog guru enai lalu naicop. Lalu naiet ru naipasal hal ajeh nu Yesus.
Yesus Kiog Caknak nu Lima Ribu Urag
(Mrk 6:30-44; Luk 9:10-17; Yoh 6:1-14)
13Bile Yesus Kicerngai Yohanes Pembaptis ya kidat, Kek Kidek tempat ajeh Kitebot perahu lalu Kiet nu tempat de sengek Kihalei. Tapi mai jengoi naicerngai Yesus ya Kidek nu tempat sengek, lalu naidek pekan-pekan enai ru naidalag Yesus naijoi nong darat. 14Bile Yesus Kiceleh ju perahu, Kek Kineng ha jeoi mai jengoi ajeh ru Kiyayak ha enai, lalu Kiperbor mai de nyik ku engkap enai.
15Ku dui ajeh, pengikot-pengikot Yesus naiderleh ru naiurok nu Kek, “Iarik ya kaha-kelem ru tempat adeh sengek. Orloh dikdij mai adeh naiet nu kampug supaye naibeli caknak ha liknai sendiri.”
16Tapi Yesus Kiberlag, “Enai pek payah naiet. Engkek ogloh caknak nu enai.”
17Ipengikot-pengikot naiberlag, “Jik had mong nek lima kebek ruti ru nar ikor kak!”
18Yesus Kiurok, “Enloh caknak ajeh nu Eng.” 19Telas ajeh Kek Kior mai jengoi naigei ku kemil rumpot. Lalu Kikot lima kebek ruti ru nar ikor kak ajeh. Telas ajeh Kek Kiceog nu langit ru Kiucap syukor nu Jenang. Telas ajeh Kiceh ruti ajeh ru Kiog nu Ipengikot-pengikot supaye naibahagi nu mai jengoi. Kibeh begei ajeh juga nu kak. 20Dikdij mai ku pajeh naicak lei naibakhek. Telas ajeh pengikot-pengikot Yesus naicatuk ilembeh caknak ajeh ijengoi 12 bakol. 21Ijengoi sengoi de naicakcak kira-kira lima ribu urag keral, pek bikira kerdor ru sanget.
Yesus Kicip ku Kemil Teu
(Mrk 6:45-52; Yoh 6:15-21)
22Telas ajeh Yesus deras-deras Kior Ipengikot-pengikot naihuj perahu ru naicip canuk nu englag tasek. Sementare ajeh, Kior mai jengoi naijog. 23Telas mai naijog, Yesus Kicat lod Kihalei Kaha-bedoa. Bile iarik ya kelem, Yesus lekat Kihalei ku pajeh. 24Sementare ajeh, perahu de bitebot ya Ipengikot-pengikot ya nyak nu semakdek tasek ru derayol bilanggar ya umbak kerana pinoi kipoi ju alak de betentangan. 25Kira-kira rilah pukol tige ru enam pegelap, Yesus Kicip ku kemil teu Kiderleh nu enai. 26Bile Ipengikot-pengikot naibakek Yesus Kicekcip ku kemil teu, enai jadi ihad naisengoh. Naiwig ru sengngoh, “Nyanik!”
27Tapi Yesus deras Kiurok nu enai, “Agok sengoh, Eng Yesus!”
28Lalu Petrus kiurok, “Guru, amen betol Jen Yesus, orloh eng ngcip ku kemil teu nu Jen.”
29Yesus Kiberlag, “Beiloh!” Petrus pen kiceleh ju perahu ru mula kicip ku kemil teu kiderleh nu Yesus. 30Tapi Petrus kisengoh bile kirasa pinoi kipoi ru mula kitenggelam nu kateh teu. Lalu Petrus kisemanj tulog nu Yesus, “Guru, tulogloh eng!”
31Yesus deras Kisurong Iteg lalu Kicap Petrus. Kiurok, “Hek mai de kurang pecaya, yama haragu-ragu ha Eng?”
32Lalu ubai pen baihuj nu perahu ru pinoi pen kibehenti. 33Telas ajeh pengikot-pengikot Yesus de mong ku perahu naisujod nu Kek ru naiurok, “Jen mimang Kenon Jenang!”
Yesus Kiperbor Mai Nyik ku Genesaret
(Mrk 6:53-56)
34Bile ya nailintas nu englag tasek, naibelaboh ku tik Genesaret. 35Mai ku pajeh naicam ha Yesus lalu naipasal nu dikdij mai ku sekelileg tempat ajeh tentang helnol Yesus. Lalu naien dikdij mai nyik nu Kek. 36Naimerayu nu Kek supaye Kiog mai nyik ajeh naipep Imol jubah, gek pen pek ma. Dikdij mai nyik de naipep mol jubah Kek naijadi bor.
Currently Selected:
MATIUS 14: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 14
14
Danan Yohanes Pembaptis
(Mrk 6:14-29; Luk 9:7-9)
1Ku mase ajeh, Raja Herodes Antipas penguasa lengrik Galilea kicerngai gah tentang Yesus. 2Kek kiurok nu ipepegawei, “Sengoi ajeh mesti Yohanes Pembaptis! Kek ya kisui nij! Kerana ajehloh, kek mong kuasa kibeh tanda-tanda ajaib.”
3Raja Herodes Antipas kisangka begei ajeh kerana sebelom ajeh kek pernah kiog perintah supaye Yohanes Pembaptis bicap, birantei lalu bipermuj nu kateh jel. Kek kibeh begei ajeh kerana Yohanes Pembaptis kitegor kek tentang hal kikot kenah imenang Filipus. Muh kerdor ajeh Herodias. 4Yohanes Pembaptis selalo kiurok, “Amen hijoi Hukom Taurat, jenbesalah kerana jenbekenah ru Herodias!” 5Raja Herodes Antipas kahagu-perdat ha Yohanes Pembaptis tapi kisengoh ha mai Yahudi kerana naianggap kek numom nabi.
6Ku senamut arik yisnos Raja Herodes Antipas, kenon kerdor Herodias kiberunggen ku ngar tengloh ru kihibor sengik Raja Herodes Antipas. 7Kerana ajeh, raja ajeh kibesumpah kaha-og ma taleh de bisemanj ya kerdor ajeh. 8Amek kerdor ajeh kior supaye kisemanj, “Nghod kui Yohanes Pembaptis ku kemil talam ku sarik adeh juga!”
9Bile kicerngai semmanj ajeh, Raja Herodes Antipas kijadi sedeh. Tapi, kerana ya kibesumpah ku ngar itengloh, kek kiog perintah supaye sengmanj kerdor ajeh bitunei 10ru mai pen naiet nu jel ru pancog kui Yohanes Pembaptis. 11Kui Yohanes Pembaptis bidek ku kemil talam ru biog nu kerdor ajeh. Lalu kerdor ajeh kien kui ajeh nu iamek. 12Telas ajeh pengikot-pengikot Yohanes Pembaptis naihol ru naikot berog guru enai lalu naicop. Lalu naiet ru naipasal hal ajeh nu Yesus.
Yesus Kiog Caknak nu Lima Ribu Urag
(Mrk 6:30-44; Luk 9:10-17; Yoh 6:1-14)
13Bile Yesus Kicerngai Yohanes Pembaptis ya kidat, Kek Kidek tempat ajeh Kitebot perahu lalu Kiet nu tempat de sengek Kihalei. Tapi mai jengoi naicerngai Yesus ya Kidek nu tempat sengek, lalu naidek pekan-pekan enai ru naidalag Yesus naijoi nong darat. 14Bile Yesus Kiceleh ju perahu, Kek Kineng ha jeoi mai jengoi ajeh ru Kiyayak ha enai, lalu Kiperbor mai de nyik ku engkap enai.
15Ku dui ajeh, pengikot-pengikot Yesus naiderleh ru naiurok nu Kek, “Iarik ya kaha-kelem ru tempat adeh sengek. Orloh dikdij mai adeh naiet nu kampug supaye naibeli caknak ha liknai sendiri.”
16Tapi Yesus Kiberlag, “Enai pek payah naiet. Engkek ogloh caknak nu enai.”
17Ipengikot-pengikot naiberlag, “Jik had mong nek lima kebek ruti ru nar ikor kak!”
18Yesus Kiurok, “Enloh caknak ajeh nu Eng.” 19Telas ajeh Kek Kior mai jengoi naigei ku kemil rumpot. Lalu Kikot lima kebek ruti ru nar ikor kak ajeh. Telas ajeh Kek Kiceog nu langit ru Kiucap syukor nu Jenang. Telas ajeh Kiceh ruti ajeh ru Kiog nu Ipengikot-pengikot supaye naibahagi nu mai jengoi. Kibeh begei ajeh juga nu kak. 20Dikdij mai ku pajeh naicak lei naibakhek. Telas ajeh pengikot-pengikot Yesus naicatuk ilembeh caknak ajeh ijengoi 12 bakol. 21Ijengoi sengoi de naicakcak kira-kira lima ribu urag keral, pek bikira kerdor ru sanget.
Yesus Kicip ku Kemil Teu
(Mrk 6:45-52; Yoh 6:15-21)
22Telas ajeh Yesus deras-deras Kior Ipengikot-pengikot naihuj perahu ru naicip canuk nu englag tasek. Sementare ajeh, Kior mai jengoi naijog. 23Telas mai naijog, Yesus Kicat lod Kihalei Kaha-bedoa. Bile iarik ya kelem, Yesus lekat Kihalei ku pajeh. 24Sementare ajeh, perahu de bitebot ya Ipengikot-pengikot ya nyak nu semakdek tasek ru derayol bilanggar ya umbak kerana pinoi kipoi ju alak de betentangan. 25Kira-kira rilah pukol tige ru enam pegelap, Yesus Kicip ku kemil teu Kiderleh nu enai. 26Bile Ipengikot-pengikot naibakek Yesus Kicekcip ku kemil teu, enai jadi ihad naisengoh. Naiwig ru sengngoh, “Nyanik!”
27Tapi Yesus deras Kiurok nu enai, “Agok sengoh, Eng Yesus!”
28Lalu Petrus kiurok, “Guru, amen betol Jen Yesus, orloh eng ngcip ku kemil teu nu Jen.”
29Yesus Kiberlag, “Beiloh!” Petrus pen kiceleh ju perahu ru mula kicip ku kemil teu kiderleh nu Yesus. 30Tapi Petrus kisengoh bile kirasa pinoi kipoi ru mula kitenggelam nu kateh teu. Lalu Petrus kisemanj tulog nu Yesus, “Guru, tulogloh eng!”
31Yesus deras Kisurong Iteg lalu Kicap Petrus. Kiurok, “Hek mai de kurang pecaya, yama haragu-ragu ha Eng?”
32Lalu ubai pen baihuj nu perahu ru pinoi pen kibehenti. 33Telas ajeh pengikot-pengikot Yesus de mong ku perahu naisujod nu Kek ru naiurok, “Jen mimang Kenon Jenang!”
Yesus Kiperbor Mai Nyik ku Genesaret
(Mrk 6:53-56)
34Bile ya nailintas nu englag tasek, naibelaboh ku tik Genesaret. 35Mai ku pajeh naicam ha Yesus lalu naipasal nu dikdij mai ku sekelileg tempat ajeh tentang helnol Yesus. Lalu naien dikdij mai nyik nu Kek. 36Naimerayu nu Kek supaye Kiog mai nyik ajeh naipep Imol jubah, gek pen pek ma. Dikdij mai nyik de naipep mol jubah Kek naijadi bor.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.