YUNUS 4
4
Yunus Kiberiknos nu Yahweh
1Tapi Yunus kiberiknos bernor kerana mai Niniwe pek bihukom. 2Kek kibedoa begei adeh: “Yahweh, eng mimang ya ngpanei Jen doh pek Jenha-hukom ha enai. Kerana ajeh, entemjeh eng ngperakdek nu Sepanyol ju ernor Jen. Kerana ya ngpanei Jen Jenang de nekneyayak, nekbehaknok, senabar Jen cukop jerek, sengik Jen leop bernor, ru Jen ubah peniker Jen lei pek jadi Jenha-pejatoh hukom. 3Amen begei adehloh Yahweh, kotloh nyawe eng. Bor eng ngdat daripade ngsui!”
4Yahweh Kiberlag, “Hek pek patot haberiknos begei ajeh.”
5Telas ajeh Yunus kihol ju kote Niniwe ru kiet nu englag timur. Ku pajeh kek kibeh deg pender ru kigei kaha-neng ma de tejadi nu kote Niniwe. 6Ku mase ajeh juga, Jenang Yahweh Kicerwai nutarek cincog kitalek ha Yunus ju mat arik. Yunus kirasa senang isengik ha cengwai cincog ajeh.
7Tapi ku ipegelap huper nij, Jenang Kior nuikor kemor supaye kirej reis cincog ajeh lei selei. 8Mat arik pen kihuj betol-betol ku kemil kui Yunus. Ku mase ajeh juga, Jenang Kior pinoi beked ju timur bipoi nu Yunus. Kek kirasa beked bernor lei kaha-dendat. Aleh kiurok, “Amen begei adeh, bor eng ngdat taleh.”
9Tapi Jenang Kiurok nu Yunus, “Hek pek patot haberiknos ha nutarek cincog ajeh.”
Yunus kiberlag, “Eng patot ngberiknos. Eng ihad beriknos lei ngha-dat!”
10Yahweh Kiurok nij nu Yunus, “Hek hahok ha cincog de kicuai had nek nukenglem taleh tapi ku iyah huper kiselei, de pek hacet ru habela pen. 11Ma lagi Eng lebeh Nghok ru Ngyayak ha mai Niniwe de ijengoi 120 ribu urag de pek naipanei ma de bor ru ma de jehat. Eng juga Nghok ru Ngyayak binatag-binatag daknek enai de jeoi bernor.”
Currently Selected:
YUNUS 4: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
