YUNUS 3
3
Tenobat Mai Niniwe
1Ku inar kali nij Yahweh Kiurok nu Yunus begei adeh: 2“Etloh nu kote Niniwe de entoi ajeh. Perleiloh nu mai Niniwe ma de ya Ngurok nu hek begei adeh: Eng Ngha-hukom enai.”
3Telas ajeh Yunus kitaat engrok Yahweh ru kiet nu Niniwe. Niniwe adeh kote ilei de ihad entoi, ilengwas nik arik ceknip jog. 4Yunus pen kimuj nu kateh kote ajeh ru ya kicip nuarik ceknip jog, kek mula kipasal engrok Yahweh begei adeh: “40 arik nij Yahweh Kaha-perher kote Niniwe.”
5Mai Niniwe naicerngai engrok Yunus ajeh de kipasal ma de Jenang Kaha-beh nu enai. Enai pen naipasal nu dikdij sanget ru raknak, naiha-puase ru nailog abat guni, kerana naisekreg ha kelaku enai de niknej ru jehat.
6Gah ajeh bicerngai ya raja Niniwe. Kek pen kiceleh ju itahte, kiteg ijubah, kilog abat guni, ru kigei ku kemil habu de sengij. 7Raja Niniwe kiog perintah adeh nu mai Niniwe: “Adehloh perintah ju raja ru ipepegawei:
Dikdij sengoi biget cakcak ru ngekngut, ru binatag daknek biget og caknak ru ngeknut. 8Jik jior mai Niniwe supaye nailog abat guni ru binatag daknek biserkop ya abat guni. Dikdij mai hodloh betol-betol naisengmanj nu Jenang. Enai bior wes dikdij jenghat enai. 9Belok hipanei enggamak Jenang Kiubah Isengik, ru pek Kibelal ru pek Kiperdat hik!”
10Bile Jenang Kineng mai Niniwe adeh nek ya naiwes dikdij jenghat-jenghat enai, Jenang Kiubah ma de Kaha-beh nu mai Niniwe ru pek Kiperdat enai. Enai pen naitelas ju nehukom Jenang.
Currently Selected:
YUNUS 3: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
YUNUS 3
3
Tenobat Mai Niniwe
1Ku inar kali nij Yahweh Kiurok nu Yunus begei adeh: 2“Etloh nu kote Niniwe de entoi ajeh. Perleiloh nu mai Niniwe ma de ya Ngurok nu hek begei adeh: Eng Ngha-hukom enai.”
3Telas ajeh Yunus kitaat engrok Yahweh ru kiet nu Niniwe. Niniwe adeh kote ilei de ihad entoi, ilengwas nik arik ceknip jog. 4Yunus pen kimuj nu kateh kote ajeh ru ya kicip nuarik ceknip jog, kek mula kipasal engrok Yahweh begei adeh: “40 arik nij Yahweh Kaha-perher kote Niniwe.”
5Mai Niniwe naicerngai engrok Yunus ajeh de kipasal ma de Jenang Kaha-beh nu enai. Enai pen naipasal nu dikdij sanget ru raknak, naiha-puase ru nailog abat guni, kerana naisekreg ha kelaku enai de niknej ru jehat.
6Gah ajeh bicerngai ya raja Niniwe. Kek pen kiceleh ju itahte, kiteg ijubah, kilog abat guni, ru kigei ku kemil habu de sengij. 7Raja Niniwe kiog perintah adeh nu mai Niniwe: “Adehloh perintah ju raja ru ipepegawei:
Dikdij sengoi biget cakcak ru ngekngut, ru binatag daknek biget og caknak ru ngeknut. 8Jik jior mai Niniwe supaye nailog abat guni ru binatag daknek biserkop ya abat guni. Dikdij mai hodloh betol-betol naisengmanj nu Jenang. Enai bior wes dikdij jenghat enai. 9Belok hipanei enggamak Jenang Kiubah Isengik, ru pek Kibelal ru pek Kiperdat hik!”
10Bile Jenang Kineng mai Niniwe adeh nek ya naiwes dikdij jenghat-jenghat enai, Jenang Kiubah ma de Kaha-beh nu mai Niniwe ru pek Kiperdat enai. Enai pen naitelas ju nehukom Jenang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.