YUNUS 2

Neucap Syukor Yunus

1Ju kateh ej kak ajeh Yunus kibedoa nu Yahweh. Kek kiurok,

2“Yahweh, kateh senusah eng, ngcereg nu Jen

ru Jenberlag eng.

Ju kateh dunia mai dat ngsemanj tenulog.

Enjen cerngai semmanj eng ru Jenberlag.

3Enjen pej eng ku ginei de jerek

lei nu kerop laot.

Ku kerop ajeh, gelnel teu kikelimbog eng.

Umbak ru gelombang de Jenpetiba

kipet ku kemil eng.

4Eng ngurok, ‘Enjen ya Jenperet eng ju ngar Jen

ru eng pek ngneng nij doh Deg Jen de suci.’

5Teu laot kikerpog eng kaha-perdat eng,

laot kikelimbog berog eng,

rumpai laot kililet kui eng.

6-7Eng ngcelog nu kerop lod ku kateh laot,

nu dunia de bikunci lei ditehjeh.

Ku mase ya merek ngha-dat,

eng ngingat ha Yahweh,

aleh ngbedoa nu Jen.

Jencerngai semmanj eng ju Deg Jen de suci.

Ju kateh laot de jerek bernor,

Jen Yahweh, Jenang eng, Jenpeselamat ha eng.

8Mai de besembah dewe-dewe de sie-sie de pek kiog ma-ma,

naidek ju Jen ru pek naijoi engrok Jen.

9Tapi eng ngpateh ha Jen,

ru ngog korban nu Jen,

ru ngha-beh dikdij jenanji eng.

Enjen Yahweh de nekpeselamat.”

10Telas ajeh Yahweh Kior kak ajeh kikek Yunus nu darat.

Currently Selected:

YUNUS 2: AEH

Highlight

Copy

Compare

Want to have your highlights saved across all your devices? Sign up or sign in

Learn More About Alkitab Engrok Hik