KEJADIAN 44
44
Cawan Perak Ku Kateh Guni Benjamin
1Telas ajeh Yusuf kiurok nu penguros iperingak, “Isiloh gandom ku kateh guni dikdij liknai ajeh, merip taleh ijengoi de buleh naien ru dekloh duet liknai memaseg ku kemil gandom enai ajeh. 2Lalu permujloh juga cawan eng, cawan perak ajeh, ku kateh guni menang enai de iloj besama ru duet ibenayar gandom.” Ipenguros ajeh kibeh begei de kior ya Yusuf.
3Ku ipepegelap huper, tenek-menang Yusuf pen naijog ru keldei enai. 4Pek nyak naihol ju kote ajeh, Yusuf kiurok nu ipenguros, “Deras beseh enai ajeh. Bile halei nu enai, urokloh begei adeh: ‘Yama engkek balas bernor ru jenghat? 5Yama engkesij cawan perak tuan eng? Cawan perak ajeh kiguna ha ingeknut ru ha ineramal. Engkek ya engkebeh senalah de entoi!’ ”
6Bile penguros Yusuf kilei nu enai, kek kiurok begei ma de bior ya Yusuf. 7Tapi naiberlag nu kek, “Ma maksod jen? Jibesumpah pek jibeh begei ajeh! 8Jen pen jenpanei duet de mong ku kateh guni gandom jik ajeh ya jien ju tik Kanaan ru ya jiperjog nu jen. Sembelokloh jiha-sij perak atao mas ju deg penguasa! 9Jen, amen mong bikep cawan ajeh ku numom ju jik, biarloh kek bihukom dat ru jik bipejadi hambe jen.”
10Penguros ajeh kiurok, “Borloh. Tapi, ku bok imai de bikep cawan perak ajeh, had kek taleh de doh kijadi hambe eng. Mai kilek doh bebas ju senalah.”
11Lalu deras-deras naicerleh ru naibuka guni liknai memaseg. 12Penguros Yusuf kiperiksa guni-guni ajeh ru cerimat, ju guni isulog lei guni iloj. Ipenyudah, bikeploh cawan ajeh ku kateh guni Benjamin! 13Tetenek Benjamin ihad naisedeh lei naiceg penakei enai. Naidek guni ku kemil keldei lalu nailos nij nu kote.
14Bile Yehuda ru itenek-menang nailei, Yusuf lekat mong ku ipadeg. Enai pen naisujod ku ingar. 15Yusuf kiurok nu enai, “Ma de ya engkebeh? Pekka engkepanei sengoi begei eng adeh dapat ngramal ru ngpanei ma de ya engkebeh?”
16Yehuda kiberlag, “Ma de dapat jiha-urok nij, jen? Begeiharok jiha-petahan diri? Jenang ya Kiperneng senalah jik. Hunen jijadi hambe jen, pek taleh sengoi ilei de mong cawan ajeh.”
17Tapi Yusuf kiurok, “Tok! Eng pek ngha-beh begei ajeh! Had sengoi de mong bikep cawan ajeh doh kijadi hambe eng. Engkek de kilek buleh engkejog nu madeg apak liengkek ru cip abor.”
Yehuda Kipetahan Benjamin
18Lalu Yehuda kiperek nu Yusuf ru kiurok, “Jen, ogloh eng ngbelwal nij. Wes agok beriknos nu eng kerana ngpanei enjen begei ha raja Mesir. 19Jen ya jentanya nu jik, ‘Apak engkek atao menang engkek de kilek mongka?’ 20Jik pen jiberlag, ‘Hooh, mong. Apak jik ya engrak ru menang jik biperyos mase apak jik ya engrak. Itenek de sama amek ya dat, jadi hunen had mong kek taleh menang jik de lekat sui. Kerana ajeh, apak jik ihad kihok ha kek.’
21Lalu jenor jien kek nu madeh supaye dapat jenneng kek. 22Jiberlag nu jen, ‘Menang jik ajeh pek buleh kiceraklah ju iapak. Amen kek kiceraklah ju iapak, iapak ajeh doh kidat.’ 23Tapi jenurok, ‘Engkek pek buleh engketerbuk nu eng nij amen pek engkeen menang engkek de iloj ajeh.’
24Jadi, bile jijog nu apak jik, jiperlei engrok jen ajeh nu apak jik. 25Memerip iluniu ju kenjeh, apak jik kior jiet nij nu madeh supaye jibeli caknak. 26Tapi jiberlag nu kek, ‘Jik pek dapat jiet nu majeh ru pek dapat jiha-terbuk penguasa ajeh amen menang jik de iloj pek kijoi. Jik dapat jiet majeh amen kek mong kijoi ru jik.’
27Telas ajeh apak jik hambe jen ajeh kiurok, ‘Engkepanei kenah eng Rahel kiperyos ha eng had nek nar mom kenon keral. 28Ilei numom ya kidek eng. Kek mesti bijerop ya marak kerana sejak ajeh eng pek ngburuk kek nij. 29Eng ya engrak. Amen engkekot kenon eng de iloj adeh ju eng ru tejadi celaka ku iceknip, engkek doh engkebeh eng ngsedeh lei ngdat.’
30-31Kerana ajeh, amen pek ngen jog menang eng ajeh, tentu apak eng hambe jen doh kidat kerana inyawe kibegantong ku jeknog sanget ajeh. Kek ya ihad engrak. Jik doh jibeh kek sedeh lei kidat. 32Lagipen, ya ngbejanji nu apak eng, eng ngjadi penjamin ha sanget ajeh. Ngurok nu kek, ‘Amen eng pek ngen jog sanget ajeh nu jen, eng doh ngtanggong senalah ajeh lei ditehjeh.’
33Jadi, ngsemanj supaye buleh nggei ku padeh sebegei hambe jen ngha-ganti tempat menang jik ajeh. Biarloh kek kijog besama ru itetenek. 34Begeiharok ngha-jog nu apak jik amen menang jik ajeh pek kibesama ru eng? Eng pek sanggop ngha-neng celaka ajeh kitejadi nu apak jik.”
Currently Selected:
KEJADIAN 44: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 44
44
Cawan Perak Ku Kateh Guni Benjamin
1Telas ajeh Yusuf kiurok nu penguros iperingak, “Isiloh gandom ku kateh guni dikdij liknai ajeh, merip taleh ijengoi de buleh naien ru dekloh duet liknai memaseg ku kemil gandom enai ajeh. 2Lalu permujloh juga cawan eng, cawan perak ajeh, ku kateh guni menang enai de iloj besama ru duet ibenayar gandom.” Ipenguros ajeh kibeh begei de kior ya Yusuf.
3Ku ipepegelap huper, tenek-menang Yusuf pen naijog ru keldei enai. 4Pek nyak naihol ju kote ajeh, Yusuf kiurok nu ipenguros, “Deras beseh enai ajeh. Bile halei nu enai, urokloh begei adeh: ‘Yama engkek balas bernor ru jenghat? 5Yama engkesij cawan perak tuan eng? Cawan perak ajeh kiguna ha ingeknut ru ha ineramal. Engkek ya engkebeh senalah de entoi!’ ”
6Bile penguros Yusuf kilei nu enai, kek kiurok begei ma de bior ya Yusuf. 7Tapi naiberlag nu kek, “Ma maksod jen? Jibesumpah pek jibeh begei ajeh! 8Jen pen jenpanei duet de mong ku kateh guni gandom jik ajeh ya jien ju tik Kanaan ru ya jiperjog nu jen. Sembelokloh jiha-sij perak atao mas ju deg penguasa! 9Jen, amen mong bikep cawan ajeh ku numom ju jik, biarloh kek bihukom dat ru jik bipejadi hambe jen.”
10Penguros ajeh kiurok, “Borloh. Tapi, ku bok imai de bikep cawan perak ajeh, had kek taleh de doh kijadi hambe eng. Mai kilek doh bebas ju senalah.”
11Lalu deras-deras naicerleh ru naibuka guni liknai memaseg. 12Penguros Yusuf kiperiksa guni-guni ajeh ru cerimat, ju guni isulog lei guni iloj. Ipenyudah, bikeploh cawan ajeh ku kateh guni Benjamin! 13Tetenek Benjamin ihad naisedeh lei naiceg penakei enai. Naidek guni ku kemil keldei lalu nailos nij nu kote.
14Bile Yehuda ru itenek-menang nailei, Yusuf lekat mong ku ipadeg. Enai pen naisujod ku ingar. 15Yusuf kiurok nu enai, “Ma de ya engkebeh? Pekka engkepanei sengoi begei eng adeh dapat ngramal ru ngpanei ma de ya engkebeh?”
16Yehuda kiberlag, “Ma de dapat jiha-urok nij, jen? Begeiharok jiha-petahan diri? Jenang ya Kiperneng senalah jik. Hunen jijadi hambe jen, pek taleh sengoi ilei de mong cawan ajeh.”
17Tapi Yusuf kiurok, “Tok! Eng pek ngha-beh begei ajeh! Had sengoi de mong bikep cawan ajeh doh kijadi hambe eng. Engkek de kilek buleh engkejog nu madeg apak liengkek ru cip abor.”
Yehuda Kipetahan Benjamin
18Lalu Yehuda kiperek nu Yusuf ru kiurok, “Jen, ogloh eng ngbelwal nij. Wes agok beriknos nu eng kerana ngpanei enjen begei ha raja Mesir. 19Jen ya jentanya nu jik, ‘Apak engkek atao menang engkek de kilek mongka?’ 20Jik pen jiberlag, ‘Hooh, mong. Apak jik ya engrak ru menang jik biperyos mase apak jik ya engrak. Itenek de sama amek ya dat, jadi hunen had mong kek taleh menang jik de lekat sui. Kerana ajeh, apak jik ihad kihok ha kek.’
21Lalu jenor jien kek nu madeh supaye dapat jenneng kek. 22Jiberlag nu jen, ‘Menang jik ajeh pek buleh kiceraklah ju iapak. Amen kek kiceraklah ju iapak, iapak ajeh doh kidat.’ 23Tapi jenurok, ‘Engkek pek buleh engketerbuk nu eng nij amen pek engkeen menang engkek de iloj ajeh.’
24Jadi, bile jijog nu apak jik, jiperlei engrok jen ajeh nu apak jik. 25Memerip iluniu ju kenjeh, apak jik kior jiet nij nu madeh supaye jibeli caknak. 26Tapi jiberlag nu kek, ‘Jik pek dapat jiet nu majeh ru pek dapat jiha-terbuk penguasa ajeh amen menang jik de iloj pek kijoi. Jik dapat jiet majeh amen kek mong kijoi ru jik.’
27Telas ajeh apak jik hambe jen ajeh kiurok, ‘Engkepanei kenah eng Rahel kiperyos ha eng had nek nar mom kenon keral. 28Ilei numom ya kidek eng. Kek mesti bijerop ya marak kerana sejak ajeh eng pek ngburuk kek nij. 29Eng ya engrak. Amen engkekot kenon eng de iloj adeh ju eng ru tejadi celaka ku iceknip, engkek doh engkebeh eng ngsedeh lei ngdat.’
30-31Kerana ajeh, amen pek ngen jog menang eng ajeh, tentu apak eng hambe jen doh kidat kerana inyawe kibegantong ku jeknog sanget ajeh. Kek ya ihad engrak. Jik doh jibeh kek sedeh lei kidat. 32Lagipen, ya ngbejanji nu apak eng, eng ngjadi penjamin ha sanget ajeh. Ngurok nu kek, ‘Amen eng pek ngen jog sanget ajeh nu jen, eng doh ngtanggong senalah ajeh lei ditehjeh.’
33Jadi, ngsemanj supaye buleh nggei ku padeh sebegei hambe jen ngha-ganti tempat menang jik ajeh. Biarloh kek kijog besama ru itetenek. 34Begeiharok ngha-jog nu apak jik amen menang jik ajeh pek kibesama ru eng? Eng pek sanggop ngha-neng celaka ajeh kitejadi nu apak jik.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.