KEJADIAN 43
43
Tetenek Yusuf Naiet nu Lengrik Mesir Besama ru Benjamin
1Cengwag ku tik Kanaan ya guterok. 2Ya telas Yakub ru iperingak naiperdij gandom de bien ju lengrik Mesir, Yakub pen kiurok nu ikekenon keral, “Ciploh nu diteh nij ru beliloh caknak ha lihik.”
3Tapi Yehuda kiurok nu iapak, “Penguasa Mesir ajeh kiog amaran nu jik begei adeh: Jik pek buleh jiterbuk nu kek amen pek jien menang jik. 4Amen jenog Benjamin kijoi jik, jik dapat jiet nu lengrik Mesir ru jibeli caknak ha jen. 5Tapi amen enjen pek jenog Benjamin kijoi, jinyek pek jiha-et kerana penguasa ajeh ya kiurok jik pek buleh jiterbuk nu kek amen Benjamin pek kijoi jik.”
6Lalu Yakub kiurok, “Yama engkepasal nu sengoi ajeh engkek mong menang keral nij ru engkepesusah ha eng?”
7Naiberlag, “Penguasa ajeh kaha-gupanei ha jik ru peringak hik. Kek kitanya, ‘Apak engkek lekat suika? Mongka menang keral de kilek nij?’ Jik tepaksa jiberlag itenanya ajeh. Jik pek jipanei pen kek doh kior jien menang jik!”
8Lalu Yehuda kiurok nij nu iapak, “Ogloh sanget ajeh kijoi eng. Jik doh deras jiet supaye pek mong numom pen ju hik adeh doh hidat cengwag. 9Engloh ipenjamin. Benjamin buleh enjen petanggongjawab ku eng. Amen eng pek ngen kek jog ru selamat, eng doh ngtanggong senalah ajeh lei ditehjeh. 10Amen pek hipoj ihad liu begei adeh, tentu hunen ya jijog nar kali diteh madeh.”
11Lalu Yakub kiurok, “Amen begei ajeh, enloh hasel de paleng bor ju tik adeh begei damar, madu, rempah ratos, kacag, ru pelek badam. Permujloh nu kateh guni ru hadiahloh dikdij ajeh nu penguasa ajeh. 12Enloh juga duet nar kali gande kerana duet de engkeburuk ku kateh guni engkek ajeh hodloh engkeperjog. Mungken ajeh bisilap. 13Enloh juga menang engkek ru etloh deras. 14Semoge Jenang de Ihad Bekuasa Kibeh penguasa ajeh kiyayak nu engkek lei kiperjog Benjamin ru Simeon. Ku eng, mahentok de buleh ngbeh nij hamapen kekenon eng nyep nij.”
15Jadi, tetenek Yusuf pen naisedia dikdij hadiah ru duet nar kali gande ajeh lalu naiet nu lengrik Mesir besama ru Benjamin. Bile nailei ku pajeh, naiterbuk nu Yusuf. 16Mase Yusuf kibakek Benjamin ru itetenek, kek kiurok nu penguros iperingak, “Enloh dikdij sengoi adeh nu madeg eng. Ku dijis adeh, enai doh naicakcak besama ru eng. Gojloh nuikor binatag daknek lalu sedialoh caknak.” 17Ipenguros ajeh kibeh dikdij ernor Yusuf ru kien tetenek Yusuf nu madeg Yusuf.
18Bile enai bien nu madeg Yusuf, enai sengoh. Naiurok ratak liknai, “Hik bien nu madeh kerana duet ku kateh guni mase helnol hik canukjeh. Enai doh naicap hik ru naikot keldei hik ru hik doh bipejadi hambe.” 19Kerana ajeh, ku pintu deg Yusuf naiurok nu penguros peringak Yusuf, 20“Jen, jik pernah jihol nu madeh jibeli caknak. 21-22Ku kateh jeknog jik, telas jilei ku tempat buknet, jibuka guni gandom ru jibakek mong dikdij duet de ya jibayar ha gandom bidek ku kemil gandom. Jik pek jipanei ya bok de perikmuj. Hunen, jik pen mong jien duet ajeh ru jiha-perjog nu jen. Mong juga jien duet jiha-beli caknak nij.”
23Penguros ajeh kiberlag, “Agok sengoh. Agok risau. Jenang engkek de bisembah ya apak engkek ya Kiog duet ajeh nu engkek ku kateh guni engkek. Eng ya ngterima benayar engkek ha gandom ajeh.” Telas ajeh kek pen kien Simeon nu enai.
24Lalu kek kingeng enai nu kateh deg ru kiog teu ha siknuj jog. Kek kiog caknak ha keldei enai juga. 25Enai pen naisedia hadiah naiha-og nu Yusuf kerana enai biog panei Yusuf doh kihol kaha-cakcak besama ru enai ku dijis ajeh.
26Bile Yusuf kilei nu imadeg, naiog hadiah ajeh nu kek lalu naisujod ku ingar. 27Yusuf kitanya gah nu enai ru kiurok, “Ma igah apak engkek de ya engrak ajeh de pernah engkecerite nu eng? Kek lekat suika?”
28Naiberlag, “Apak jik hambe jen ajeh lekat sehat ru lekat sui.” Enai pen naisujod nij.
29Bile Yusuf kiburuk Benjamin imenang de sama amek ru ilei, kek kiurok, “Adehka menang engkek de iloj ajeh de engkecerite nu eng? Bei, semoge Jenang Kiberkat hek.” 30Yusuf pek lalu kiterhan iperasaan kerana ihad kiriag ru kihok ha imenang. Kerana ajeh, kek pen deras kiperakdek ju kenjeh lalu kimuj nu kateh ibilek ru kijinjap.
31Telas ajeh kek kisuj irenes lalu kihol ju ibilek. Sambel kiterenghan ha iperasaan, kek kior, “Sedialoh caknak.”
32Lalu Yusuf kicakcak ku nanek mije kihalei ru itenek-menang naicakcak ku mije de kilek. Sengoi Mesir de mong ku pajeh pen naicakcak ku mije de kilek kerana nairasa hina amen naicakcak ru mai Ibrani. 33Tetenek Yusuf biog tempat ginei ku mije de ngerngar nu Yusuf, kijoi umur liknai, mula ju isulog lei nu iloj. Bile naineng care tempat ginei de biog, nainengneng ratak liknai ru naihiran. 34Enai biog caknak ju mije Yusuf tapi Benjamin biog caknak lima kali gande lebeh daripade itetenek. Begei ajehloh naicakcak ru naingekngut besama ru Yusuf.
Currently Selected:
KEJADIAN 43: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 43
43
Tetenek Yusuf Naiet nu Lengrik Mesir Besama ru Benjamin
1Cengwag ku tik Kanaan ya guterok. 2Ya telas Yakub ru iperingak naiperdij gandom de bien ju lengrik Mesir, Yakub pen kiurok nu ikekenon keral, “Ciploh nu diteh nij ru beliloh caknak ha lihik.”
3Tapi Yehuda kiurok nu iapak, “Penguasa Mesir ajeh kiog amaran nu jik begei adeh: Jik pek buleh jiterbuk nu kek amen pek jien menang jik. 4Amen jenog Benjamin kijoi jik, jik dapat jiet nu lengrik Mesir ru jibeli caknak ha jen. 5Tapi amen enjen pek jenog Benjamin kijoi, jinyek pek jiha-et kerana penguasa ajeh ya kiurok jik pek buleh jiterbuk nu kek amen Benjamin pek kijoi jik.”
6Lalu Yakub kiurok, “Yama engkepasal nu sengoi ajeh engkek mong menang keral nij ru engkepesusah ha eng?”
7Naiberlag, “Penguasa ajeh kaha-gupanei ha jik ru peringak hik. Kek kitanya, ‘Apak engkek lekat suika? Mongka menang keral de kilek nij?’ Jik tepaksa jiberlag itenanya ajeh. Jik pek jipanei pen kek doh kior jien menang jik!”
8Lalu Yehuda kiurok nij nu iapak, “Ogloh sanget ajeh kijoi eng. Jik doh deras jiet supaye pek mong numom pen ju hik adeh doh hidat cengwag. 9Engloh ipenjamin. Benjamin buleh enjen petanggongjawab ku eng. Amen eng pek ngen kek jog ru selamat, eng doh ngtanggong senalah ajeh lei ditehjeh. 10Amen pek hipoj ihad liu begei adeh, tentu hunen ya jijog nar kali diteh madeh.”
11Lalu Yakub kiurok, “Amen begei ajeh, enloh hasel de paleng bor ju tik adeh begei damar, madu, rempah ratos, kacag, ru pelek badam. Permujloh nu kateh guni ru hadiahloh dikdij ajeh nu penguasa ajeh. 12Enloh juga duet nar kali gande kerana duet de engkeburuk ku kateh guni engkek ajeh hodloh engkeperjog. Mungken ajeh bisilap. 13Enloh juga menang engkek ru etloh deras. 14Semoge Jenang de Ihad Bekuasa Kibeh penguasa ajeh kiyayak nu engkek lei kiperjog Benjamin ru Simeon. Ku eng, mahentok de buleh ngbeh nij hamapen kekenon eng nyep nij.”
15Jadi, tetenek Yusuf pen naisedia dikdij hadiah ru duet nar kali gande ajeh lalu naiet nu lengrik Mesir besama ru Benjamin. Bile nailei ku pajeh, naiterbuk nu Yusuf. 16Mase Yusuf kibakek Benjamin ru itetenek, kek kiurok nu penguros iperingak, “Enloh dikdij sengoi adeh nu madeg eng. Ku dijis adeh, enai doh naicakcak besama ru eng. Gojloh nuikor binatag daknek lalu sedialoh caknak.” 17Ipenguros ajeh kibeh dikdij ernor Yusuf ru kien tetenek Yusuf nu madeg Yusuf.
18Bile enai bien nu madeg Yusuf, enai sengoh. Naiurok ratak liknai, “Hik bien nu madeh kerana duet ku kateh guni mase helnol hik canukjeh. Enai doh naicap hik ru naikot keldei hik ru hik doh bipejadi hambe.” 19Kerana ajeh, ku pintu deg Yusuf naiurok nu penguros peringak Yusuf, 20“Jen, jik pernah jihol nu madeh jibeli caknak. 21-22Ku kateh jeknog jik, telas jilei ku tempat buknet, jibuka guni gandom ru jibakek mong dikdij duet de ya jibayar ha gandom bidek ku kemil gandom. Jik pek jipanei ya bok de perikmuj. Hunen, jik pen mong jien duet ajeh ru jiha-perjog nu jen. Mong juga jien duet jiha-beli caknak nij.”
23Penguros ajeh kiberlag, “Agok sengoh. Agok risau. Jenang engkek de bisembah ya apak engkek ya Kiog duet ajeh nu engkek ku kateh guni engkek. Eng ya ngterima benayar engkek ha gandom ajeh.” Telas ajeh kek pen kien Simeon nu enai.
24Lalu kek kingeng enai nu kateh deg ru kiog teu ha siknuj jog. Kek kiog caknak ha keldei enai juga. 25Enai pen naisedia hadiah naiha-og nu Yusuf kerana enai biog panei Yusuf doh kihol kaha-cakcak besama ru enai ku dijis ajeh.
26Bile Yusuf kilei nu imadeg, naiog hadiah ajeh nu kek lalu naisujod ku ingar. 27Yusuf kitanya gah nu enai ru kiurok, “Ma igah apak engkek de ya engrak ajeh de pernah engkecerite nu eng? Kek lekat suika?”
28Naiberlag, “Apak jik hambe jen ajeh lekat sehat ru lekat sui.” Enai pen naisujod nij.
29Bile Yusuf kiburuk Benjamin imenang de sama amek ru ilei, kek kiurok, “Adehka menang engkek de iloj ajeh de engkecerite nu eng? Bei, semoge Jenang Kiberkat hek.” 30Yusuf pek lalu kiterhan iperasaan kerana ihad kiriag ru kihok ha imenang. Kerana ajeh, kek pen deras kiperakdek ju kenjeh lalu kimuj nu kateh ibilek ru kijinjap.
31Telas ajeh kek kisuj irenes lalu kihol ju ibilek. Sambel kiterenghan ha iperasaan, kek kior, “Sedialoh caknak.”
32Lalu Yusuf kicakcak ku nanek mije kihalei ru itenek-menang naicakcak ku mije de kilek. Sengoi Mesir de mong ku pajeh pen naicakcak ku mije de kilek kerana nairasa hina amen naicakcak ru mai Ibrani. 33Tetenek Yusuf biog tempat ginei ku mije de ngerngar nu Yusuf, kijoi umur liknai, mula ju isulog lei nu iloj. Bile naineng care tempat ginei de biog, nainengneng ratak liknai ru naihiran. 34Enai biog caknak ju mije Yusuf tapi Benjamin biog caknak lima kali gande lebeh daripade itetenek. Begei ajehloh naicakcak ru naingekngut besama ru Yusuf.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.