Ɓalɔma 7
7
Chʉchwaka amati ɔ ɓubaya ɓɔ mapanʉ
1Inu ɓanduku, nánɨmbɨa yaka ngɨyɛ nakʉnda nenu asigio aka ta iɗo, dɔ inu, ná ɓombi ngʉɓa ɓapemiso mapanʉ maɗo. Mapanʉ kaɓio nɔ angu akʉʉ ɔ mombi, ta ambɔ a-sɨ kʉ auɓei. 2Kʉɓanɨ, moi ɔ ɨɓaa amʉnganɨɛ nɔ mapanʉ kɔ swaɨ, ta ambɔ swaɨ a-sɨ kʉ akɔ uɓei. Yakamɛngana ɔweni, moi ngɨananɨ, a tɨa mʉɓoonokie nɔ ʉpanʉ ngʉwa, a꞉ɓio-ɔɔ mʉnganɨɛ. 3Kʉdɔ, ɔsɨkaneni nɔ gue nga kɔmɔ, ngbinga ngɨa swaɨ a sɨ-ɔɔ kʉ akɔ uɓei, yasugo ɓɔ ɔkɨɔ ɓuso kɨanɨ. Yakamɛngana, swaɨ ɔweni, yasugo ɓɔ ɨyɔ a tɨa muɓoonokie akɔ ʉpanʉ ngʉwa a꞉ɓio-ɔɔ mʉnganɨɛ, nɔ gʉtʉ ɔsɨkaneni nɔ gue nga kɔmɔ, ambɔ ɔkɨamʉ ɓuso. 4Inu ɓanduku, yaka ngɨyɛnɛnɨ ya akɔ inu ngbanga kʉ ɓanɨ. Akɔkpatanakɨa nɔ yaka yɔ mapanʉ, inu, ná ndʉ ɓɔ náwo woni, dɔ ná ɨkyɛmʉ mɛngana amati ɔ ndʉtʉ yɔ Klisito. Nɔ tɨa ɨtakɨtakɨ ngɨyɛ, ná tɨa ɓombi ɓɔ ɓangɛ, ɓɔ mombi ngɨa a꞉jʉkana akɔ ingwo, iɗo ambɔ tɨnɔta tɨa kʉ masɔɔ akɔ tɛa yɔ Asɔɓɨɨ. 5Dɔ, ngbinga ngɨa ta꞉ɓio-ɔɔ akpataka yaka yɔ dɔdɔ, mʉsasa wɔ kɨa ɓʉɓɨɓɨ ʉwa wangwana nɔ mapanʉ wa꞉ɓio akɔkɨa tɛa amatɨ eso, nɔ, yɔtɨtʉma tɨa akɔnɔta masɔɔ kɔta ɓɨɓɨ kɔ ingwo. 6Yakamɛngana, ɨtakɨtakɨ ngɨyɛ, ta tɨa ɓaɓoonokie akɔ boloko ɔ mapanʉ, nɔ tɔɓio tɨa ndʉ ɓombi ngʉɓa ɓawo woni amati ɔ lingbaa lɔ yaka ngɨyɛ ta꞉ɓio jɛnɛ-ɔɔ ɓɔnganɨɛ. Kʉɓanɨ, takwanana kyananakɨa Asɔɓɨɨ akɔkpata ɨngbaa yɔ ɨtakɨtakɨ, ɛsɨ ɔ ʉpanʉ wɔ Mʉtɨma wɔta Tu ngʉwangɔ, nɔ, tangɔɓio tii ɓata akɔ kpata ɨngbaa ngɨyɔ ɨjɛnɛ akyananakɨa mapanʉ ngʉkɔ Musa.
Ɓʉɓɨɓɨ ɓɛmbɨanɨa akɔ mapanʉ
7Tasugo dɔ tɨa tanɨ? Mapanʉ ngʉkɔ Musa ka ndɨ ɓʉɓɨɓɨ? Pɔ bele! Yakamɛngana, yɔkɔɓienimʉ jɛnɛ nɔ mapanʉ, ambɔ nakɔpemisomʉ ɓɔ ɓʉɓɨɓɨ ɓa ɨmanɨ. Mapanʉ kɔsugenimʉ jɛnɛ ɓɔ: «Watɨɓiomʉ nɔ mʉsasa wɔta ɓɨɓɨ», ambɔ nɛmbɨamʉ ɓɔ mʉsasa wa ɨmanɨ. 8Ɓʉɓɨɓɨ ɓɛ꞉nɨanɨa nɔ ɨngbaa akɔjʉkaniso migbo yɔ mʉsasa wɔta ɓɨɓɨ amati asɛmɨ ta akʉʉ ɔ yaka yɔ mapanʉ. Dɔ mapanʉ kɔɓienimʉ jɛnɛ, ambɔ ɓʉɓɨɓɨ ɓawo ta niwo. 9Jɛnɛ pɛɨ, ngbinga ngɨa na꞉ɓio-ɔɔ ɓɔ, nangɛmbɨenimʉ mapanʉ, na꞉ɓio ta nɔ uɓei amati asɛmɨ. Yakamɛngana, ndʉ mapanʉ ka꞉chwɛanɨa, kʉdɔ, ɓʉɓɨɓɨ ɓɔ꞉pʉnga pananiso angu ngɨangɔ, 10nɔ yɔ꞉natito ɨmɨ tɨa akɔ ingwo. Kʉɓanɨ, ʉpanʉ ngʉwa wɔ꞉kwananɔ jɛnɛ nɛmɨ aninjo uɓei, wa꞉natito tɨa akɔ ingwo. 11Ɓʉɓɨɓɨ ɓɛ꞉nɨanɨa nɔ ɨngbaa nɛmɨ akɔpɛtaka akɔ yaka yɔ ʉpanʉ. Ɓata kʉ ʉpanʉ ngʉwɔnanɨ wɔnawa. 12Ɨnadɔ, ʉpanʉ ngʉwɔ Musa ingainga wa tu, nɔ mapanʉ kɔ Asɔɓɨɨ ka kʉ tu, nɔ ka ngbingbii, nɔ maɗo. 13Ya ndɨ asugo ɓɔ ɨkyɛmʉ yɛta iɗo akɛ, ya꞉nakumoniso ɨmɨ amati ɔ ingwo? Pɔ bele! Ɨkyɛmʉ ngɨyɛ ya꞉nakumoniso ɨmɨ amati ɔ ingwo, ya ɓʉɓɨɓɨ. Ɨnadɔ, mapanʉ ka ɨkɔ ta maɗo, yakamɛngana, ɓʉɓɨɓɨ ɓa꞉chana ɨngbaa akɔ ɨkyɛmʉ yɛta iɗo ngɨyɛnɛnɨ, nɛmɨ akumoniso amati ɔ ingwo. Kʉdɔ, tɨa mapanʉ akɛ, ka꞉tɔpananiso aɓʉmba ɓɔ ɓʉɓɨɓɨ ɓa ɨkyɛmʉ yɛta ɓɨɓɨ nɔgbɛ.
Ɓʉɓɨɓɨ ɓafa ɓombi ɓubaya
14Tanɨmbɨa ɓɔ mapanʉ ka꞉ngwa atɨ Asɔɓɨɨ, yakamɛngana, ɨmɨ na ta mombi ɔ ndʉtʉ ɓʉtʉʉ, ɨya, ɓʉɓɨɓɨ ɓa꞉nafa ɨmɨ ɓubaya fanɨ. 15Ya ingono ɓɔ, nakyɔkɨa ɨmɨ yaka tɨta kɨa sɔkɔmʉ nɔ pemiso. Yaka ngɨyɛ naɓio akʉnda kɨa, sɔkɔmʉ nɨɨkɨa, nɔɓio akɨa tɨa yaka ngɨyɛ nangɔmʉ akʉnda. 16Yɔɓieni ingono ɓɔ ɨmɨ, nakɔkɨa yaka ngɨyɛ nangɔmʉ akʉnda, yasugo ɓɔ nɔbayɔ bayanɨ ɓɔ mapanʉ ka maɗo. 17Tɨa ɨtakɨtakɨ ngɨyɛ, sɔkɔmʉ ɨmɨ akɛ nakɔkɨa, yakamɛngana, ya ɓʉɓɨɓɨ ngʉɓa ɓa amati asɛmɨ. 18Nanɨmbɨa iɗo ɓɔ yaka yɛta iɗo yangɔmʉ amati asɛmɨ pɔ bele, ga pɔ ɓɔ amatɨ asɛmɨ mombi wɔ ndʉtʉ ɓʉtʉʉ. Mʉsasa wɔ kɨa yaka yɛta iɗo wa ta amati asɛmɨ, yakamɛngana, sɔkɔmʉ nɨnapɨana mʉtɨma akɔkɨa. 19Yaka yɛta iɗo ngɨyɛ nakʉnda ɓɔ nɨɨkɨa, sɔkɔmʉ niɓio akɨa, yakamɛngana, nɔɓio akɔkɨa ta yaka yɛta ɓɨɓɨ ngɨyɛ nangɔmʉ akʉnda. 20Nɔɓieni akɔkɨa ta yaka ngɨyɛ nangɔmʉ akʉnda, yakɔsugo ɓɔ sɔkɔmʉ ɨmɨ akɛ nakɔkɨa, ya ɓʉɓɨɓɨ ngʉɓa ɓa amati asɛmɨ.
21Kʉɓanɨ, nanɨna ɓɔ yaka ngɨyɛ yakʉndanɨa amati asɛmɨ, ya ɓɔ: gʉtʉ nɔɓieni akʉnda akɨa yaka yɛta iɗo, ta yaka yɛta ɓɨɓɨ yaɓio nɛmɨ anɨkɨa ɓɔ tuu. 22Amati ɔ mʉtɨma ngʉwɔsɛmɨ ingainga ɓɔ kpɛ, mapanʉ kɔ Asɔɓɨɨ kanɛkataa ɨkataanɨ. 23Yakamɛngana, amati ɔ ndʉtʉ ngɨyɛsɛmɨ, nanɨna mapanʉ ngakɔmɔ aɓɛndana nɔ mapanʉ kɔ nɨmbɨmbɨanaka ngɨyɛsɛmɨ. Mapanʉ ngʉkɔnanɨ akɛ, ka꞉nafa ɨmɨ ɓubaya ɓɔ ɓʉɓɨɓɨ, ngʉɓa ɓakɔkɨa tɛa amati ɔ ndʉtʉ ngɨyɛsɛmɨ. 24Ɨna ambɔ ikoko ya kisoɓa nɛmɨ-e! Anɨ dɔ akɛ, a꞊naɓwanakiso ɨmɨ nɔ ndʉtʉ ngɨyɛ yanɛmɨ akɔtʉma akɔ ingwo ayɛ? 25Ʉbɨba akɔ Asɔɓɨɨ, amati ɔ Yeso Klisito Makweso!
Ya ingono ɓanɨ, amati ɔ nɨmbɨmbanaka ngɨyɛsɛmɨ, nakɔkyananakɨa Asɔɓɨɨ, yakamɛngana, amati ɔ ndʉtʉ ngɨyɛsɛmɨ, nakɔkyananakɨa mapanʉ kɔ ɓʉɓɨɓɨ.
Currently Selected:
Ɓalɔma 7: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Ɓalɔma 7
7
Chʉchwaka amati ɔ ɓubaya ɓɔ mapanʉ
1Inu ɓanduku, nánɨmbɨa yaka ngɨyɛ nakʉnda nenu asigio aka ta iɗo, dɔ inu, ná ɓombi ngʉɓa ɓapemiso mapanʉ maɗo. Mapanʉ kaɓio nɔ angu akʉʉ ɔ mombi, ta ambɔ a-sɨ kʉ auɓei. 2Kʉɓanɨ, moi ɔ ɨɓaa amʉnganɨɛ nɔ mapanʉ kɔ swaɨ, ta ambɔ swaɨ a-sɨ kʉ akɔ uɓei. Yakamɛngana ɔweni, moi ngɨananɨ, a tɨa mʉɓoonokie nɔ ʉpanʉ ngʉwa, a꞉ɓio-ɔɔ mʉnganɨɛ. 3Kʉdɔ, ɔsɨkaneni nɔ gue nga kɔmɔ, ngbinga ngɨa swaɨ a sɨ-ɔɔ kʉ akɔ uɓei, yasugo ɓɔ ɔkɨɔ ɓuso kɨanɨ. Yakamɛngana, swaɨ ɔweni, yasugo ɓɔ ɨyɔ a tɨa muɓoonokie akɔ ʉpanʉ ngʉwa a꞉ɓio-ɔɔ mʉnganɨɛ, nɔ gʉtʉ ɔsɨkaneni nɔ gue nga kɔmɔ, ambɔ ɔkɨamʉ ɓuso. 4Inu ɓanduku, yaka ngɨyɛnɛnɨ ya akɔ inu ngbanga kʉ ɓanɨ. Akɔkpatanakɨa nɔ yaka yɔ mapanʉ, inu, ná ndʉ ɓɔ náwo woni, dɔ ná ɨkyɛmʉ mɛngana amati ɔ ndʉtʉ yɔ Klisito. Nɔ tɨa ɨtakɨtakɨ ngɨyɛ, ná tɨa ɓombi ɓɔ ɓangɛ, ɓɔ mombi ngɨa a꞉jʉkana akɔ ingwo, iɗo ambɔ tɨnɔta tɨa kʉ masɔɔ akɔ tɛa yɔ Asɔɓɨɨ. 5Dɔ, ngbinga ngɨa ta꞉ɓio-ɔɔ akpataka yaka yɔ dɔdɔ, mʉsasa wɔ kɨa ɓʉɓɨɓɨ ʉwa wangwana nɔ mapanʉ wa꞉ɓio akɔkɨa tɛa amatɨ eso, nɔ, yɔtɨtʉma tɨa akɔnɔta masɔɔ kɔta ɓɨɓɨ kɔ ingwo. 6Yakamɛngana, ɨtakɨtakɨ ngɨyɛ, ta tɨa ɓaɓoonokie akɔ boloko ɔ mapanʉ, nɔ tɔɓio tɨa ndʉ ɓombi ngʉɓa ɓawo woni amati ɔ lingbaa lɔ yaka ngɨyɛ ta꞉ɓio jɛnɛ-ɔɔ ɓɔnganɨɛ. Kʉɓanɨ, takwanana kyananakɨa Asɔɓɨɨ akɔkpata ɨngbaa yɔ ɨtakɨtakɨ, ɛsɨ ɔ ʉpanʉ wɔ Mʉtɨma wɔta Tu ngʉwangɔ, nɔ, tangɔɓio tii ɓata akɔ kpata ɨngbaa ngɨyɔ ɨjɛnɛ akyananakɨa mapanʉ ngʉkɔ Musa.
Ɓʉɓɨɓɨ ɓɛmbɨanɨa akɔ mapanʉ
7Tasugo dɔ tɨa tanɨ? Mapanʉ ngʉkɔ Musa ka ndɨ ɓʉɓɨɓɨ? Pɔ bele! Yakamɛngana, yɔkɔɓienimʉ jɛnɛ nɔ mapanʉ, ambɔ nakɔpemisomʉ ɓɔ ɓʉɓɨɓɨ ɓa ɨmanɨ. Mapanʉ kɔsugenimʉ jɛnɛ ɓɔ: «Watɨɓiomʉ nɔ mʉsasa wɔta ɓɨɓɨ», ambɔ nɛmbɨamʉ ɓɔ mʉsasa wa ɨmanɨ. 8Ɓʉɓɨɓɨ ɓɛ꞉nɨanɨa nɔ ɨngbaa akɔjʉkaniso migbo yɔ mʉsasa wɔta ɓɨɓɨ amati asɛmɨ ta akʉʉ ɔ yaka yɔ mapanʉ. Dɔ mapanʉ kɔɓienimʉ jɛnɛ, ambɔ ɓʉɓɨɓɨ ɓawo ta niwo. 9Jɛnɛ pɛɨ, ngbinga ngɨa na꞉ɓio-ɔɔ ɓɔ, nangɛmbɨenimʉ mapanʉ, na꞉ɓio ta nɔ uɓei amati asɛmɨ. Yakamɛngana, ndʉ mapanʉ ka꞉chwɛanɨa, kʉdɔ, ɓʉɓɨɓɨ ɓɔ꞉pʉnga pananiso angu ngɨangɔ, 10nɔ yɔ꞉natito ɨmɨ tɨa akɔ ingwo. Kʉɓanɨ, ʉpanʉ ngʉwa wɔ꞉kwananɔ jɛnɛ nɛmɨ aninjo uɓei, wa꞉natito tɨa akɔ ingwo. 11Ɓʉɓɨɓɨ ɓɛ꞉nɨanɨa nɔ ɨngbaa nɛmɨ akɔpɛtaka akɔ yaka yɔ ʉpanʉ. Ɓata kʉ ʉpanʉ ngʉwɔnanɨ wɔnawa. 12Ɨnadɔ, ʉpanʉ ngʉwɔ Musa ingainga wa tu, nɔ mapanʉ kɔ Asɔɓɨɨ ka kʉ tu, nɔ ka ngbingbii, nɔ maɗo. 13Ya ndɨ asugo ɓɔ ɨkyɛmʉ yɛta iɗo akɛ, ya꞉nakumoniso ɨmɨ amati ɔ ingwo? Pɔ bele! Ɨkyɛmʉ ngɨyɛ ya꞉nakumoniso ɨmɨ amati ɔ ingwo, ya ɓʉɓɨɓɨ. Ɨnadɔ, mapanʉ ka ɨkɔ ta maɗo, yakamɛngana, ɓʉɓɨɓɨ ɓa꞉chana ɨngbaa akɔ ɨkyɛmʉ yɛta iɗo ngɨyɛnɛnɨ, nɛmɨ akumoniso amati ɔ ingwo. Kʉdɔ, tɨa mapanʉ akɛ, ka꞉tɔpananiso aɓʉmba ɓɔ ɓʉɓɨɓɨ ɓa ɨkyɛmʉ yɛta ɓɨɓɨ nɔgbɛ.
Ɓʉɓɨɓɨ ɓafa ɓombi ɓubaya
14Tanɨmbɨa ɓɔ mapanʉ ka꞉ngwa atɨ Asɔɓɨɨ, yakamɛngana, ɨmɨ na ta mombi ɔ ndʉtʉ ɓʉtʉʉ, ɨya, ɓʉɓɨɓɨ ɓa꞉nafa ɨmɨ ɓubaya fanɨ. 15Ya ingono ɓɔ, nakyɔkɨa ɨmɨ yaka tɨta kɨa sɔkɔmʉ nɔ pemiso. Yaka ngɨyɛ naɓio akʉnda kɨa, sɔkɔmʉ nɨɨkɨa, nɔɓio akɨa tɨa yaka ngɨyɛ nangɔmʉ akʉnda. 16Yɔɓieni ingono ɓɔ ɨmɨ, nakɔkɨa yaka ngɨyɛ nangɔmʉ akʉnda, yasugo ɓɔ nɔbayɔ bayanɨ ɓɔ mapanʉ ka maɗo. 17Tɨa ɨtakɨtakɨ ngɨyɛ, sɔkɔmʉ ɨmɨ akɛ nakɔkɨa, yakamɛngana, ya ɓʉɓɨɓɨ ngʉɓa ɓa amati asɛmɨ. 18Nanɨmbɨa iɗo ɓɔ yaka yɛta iɗo yangɔmʉ amati asɛmɨ pɔ bele, ga pɔ ɓɔ amatɨ asɛmɨ mombi wɔ ndʉtʉ ɓʉtʉʉ. Mʉsasa wɔ kɨa yaka yɛta iɗo wa ta amati asɛmɨ, yakamɛngana, sɔkɔmʉ nɨnapɨana mʉtɨma akɔkɨa. 19Yaka yɛta iɗo ngɨyɛ nakʉnda ɓɔ nɨɨkɨa, sɔkɔmʉ niɓio akɨa, yakamɛngana, nɔɓio akɔkɨa ta yaka yɛta ɓɨɓɨ ngɨyɛ nangɔmʉ akʉnda. 20Nɔɓieni akɔkɨa ta yaka ngɨyɛ nangɔmʉ akʉnda, yakɔsugo ɓɔ sɔkɔmʉ ɨmɨ akɛ nakɔkɨa, ya ɓʉɓɨɓɨ ngʉɓa ɓa amati asɛmɨ.
21Kʉɓanɨ, nanɨna ɓɔ yaka ngɨyɛ yakʉndanɨa amati asɛmɨ, ya ɓɔ: gʉtʉ nɔɓieni akʉnda akɨa yaka yɛta iɗo, ta yaka yɛta ɓɨɓɨ yaɓio nɛmɨ anɨkɨa ɓɔ tuu. 22Amati ɔ mʉtɨma ngʉwɔsɛmɨ ingainga ɓɔ kpɛ, mapanʉ kɔ Asɔɓɨɨ kanɛkataa ɨkataanɨ. 23Yakamɛngana, amati ɔ ndʉtʉ ngɨyɛsɛmɨ, nanɨna mapanʉ ngakɔmɔ aɓɛndana nɔ mapanʉ kɔ nɨmbɨmbɨanaka ngɨyɛsɛmɨ. Mapanʉ ngʉkɔnanɨ akɛ, ka꞉nafa ɨmɨ ɓubaya ɓɔ ɓʉɓɨɓɨ, ngʉɓa ɓakɔkɨa tɛa amati ɔ ndʉtʉ ngɨyɛsɛmɨ. 24Ɨna ambɔ ikoko ya kisoɓa nɛmɨ-e! Anɨ dɔ akɛ, a꞊naɓwanakiso ɨmɨ nɔ ndʉtʉ ngɨyɛ yanɛmɨ akɔtʉma akɔ ingwo ayɛ? 25Ʉbɨba akɔ Asɔɓɨɨ, amati ɔ Yeso Klisito Makweso!
Ya ingono ɓanɨ, amati ɔ nɨmbɨmbanaka ngɨyɛsɛmɨ, nakɔkyananakɨa Asɔɓɨɨ, yakamɛngana, amati ɔ ndʉtʉ ngɨyɛsɛmɨ, nakɔkyananakɨa mapanʉ kɔ ɓʉɓɨɓɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.