Ɓalɔma 6
6
Niwo akɔ ɓʉɓɨɓɨ nɔ ɓio akɔ uɓei ɨhɔ nɔ Yeso
1Tasugo dɔ-sɨ tanɨ? Tɔkwananɔ ndɨ nɨsɨnganaka ta amati ɔ ɓʉɓɨɓɨ, iɗo ambɔ ɨjɨɔ yɔ Asɔɓɨɨ yɨnɨanɨa tɨa ɨja nɔgbɛ? 2Pɔ bele! Isu, ta꞉wo akɔ ɓʉɓɨɓɨ tɨa woni, taɓio ɓata-sɨ amati ɔ ɓʉɓɨɓɨ tɨa ayaka yɛmanɨ? 3Inu, nangɔmʉ ndɨ anɨmbɨa ɓɔ isu ɓaɓomu ngʉɓa, ɓa꞉tɨɓatisa aɓio ɨkyɛmʉ mɛngana nɔ Yeso Klisito, ɓɔ ta tɨa kʉ ɨkyɛmʉ mɛngana ɨhɔ nayɔ amati ɔ ingwo? 4Kʉɓanɨ, aɓio ɨkyɛmʉ mɛngana ɨngbaa akɔ uɓatiso, isu, ta tɨa kʉ ɨkyɛmʉ mɛngana amati ingwo nɔ hʉnanɨa ɨhɔ nɔ atɨ Klisito, iɗo ambɔ ngbanga kʉndʉ ɨyɔ a꞉jʉkana akɔ ingwo akɔ angu nɔ ʉbɨba wɔ Aba, isu tɨa kʉɓanɨ, tiɓio tɨa amati ɔ uɓei wɔ ɨtakɨtakɨ.
5Kʉdɔ, yɔɓieni ɓɔ tɛ꞉ka tɨa ɨkyɛmʉ mɛngana ngbanga nayɔ akɔ ingwo ngɨangɔ a꞉wo, yasugo ɓɔ, ta꞊jʉkana sina akɔ ingwo ngbanga tɨa kʉndʉ ɨyɔ, a꞉jʉkana. 6Tɨmbɨeni yaka ngɨyɛ ta iɗo: mʉkyananakɨa ngʉweso wɔ ɨjɛnɛ, wa꞉wo jɛnɛ ɨhɔ nɔ Yeso akʉʉ ɔ mʉsalaba, iɗo ambɔ tatɨɓio tii ɓata ɓabaya ɓɔ ɓʉɓɨɓɨ, dɔ, angu ɔ ɓʉɓɨɓɨ ngʉɓa ɓa꞉ɓio amati eso, a꞉wo tɨa kʉ woni. 7Dɔ, mombi ɔwoni, ambɔ ɔɓoonokio ɛsɨ ɔ ɓubaya ɓɔ ɓʉɓɨɓɨ ɓoonokioni. 8Yɔɓieni ɓɔ ta꞉wo ɨhɔ nɔ atɨ Klisito, ta nɔ báya ɓɔ ta꞊ɓio sina auɓei tɨa kʉ ɨhɔ nayɔ. 9Tanɨmbɨa iɗo ɓɔ, anɨngwa aka Klisito a꞉jʉkana jɛnɛ-ɔɔ akɔ ingwo, angɔwomʉ sina ɓata, nɔ ingwo yangɔmʉ ɓata nɔ angu akʉʉ angɔ pɔ bele. 10Kʉɓanɨ, Klisito a꞉wo ta imbi mɛngana akʉʉ ɔ ɓʉɓɨɓɨ, nɔ ɨtakɨtakɨ ngɨyɛ, uɓei ngʉwangɔ uɓomu wa tɨta akɔ Asɔɓɨɨ. 11Inu, ngbanga kʉɓanɨ, sɨkaneni ndʉ ɓɔ nawo akɔ ɓʉɓɨɓɨ tɨa woni, nɔ, uɓei ngʉweno uɓomu wa tɨta akɔ Asɔɓɨɨ, amatɨ ɔ Yeso Klisito.
12Kʉɓanɨ, nátɨsɨamʉ ɓata ɓʉɓɨɓɨ nenu anɨfa ɓubaya akʉʉ ɔ ndʉtʉ ngɨyeno, ɨyɛ, yanapɨanɨa akɔ ingwo, adaa ngɨa ɓɔ naɓio ɓata kʉ akpataka mʉsasa ngʉwangɔ wɔta ɓɨɓɨ. 13Nátɨsɨamʉ ɓata ʉgbaa wɔ ndʉtʉ ngʉweno pɔ mʉngana akɨa ɓʉɓɨɓɨ, ga pɔ ndʉ ɨngbaa yɔ kyananakɨa ɓʉɓɨɓɨ. Yakamɛngana, injoneni tɨta akɔ tɛa yɔ Asɔɓɨɨ, ngbanga ndʉ ɓombi ngʉɓa ɓa꞉jʉkana akɔ ingwo. Nɔ, sɨkeni magbaa kɔ ndʉtʉ ngʉkeno tɨta ndʉ likyɛmʉ lɔ tɛa akɔkyanakɨa yaka yɛta ngbingbii ngɨangɔ. 14Ɓʉɓɨɓɨ ɓangɔnɨfa sina ɓata ɓubaya, dɔ inu, nángɔmʉ ɓata ɛsɨ ɔ mapanʉ, yakamɛngana, ná tɨa ɛsɨ ɔ ɨjɨɔ yɔ Asɔɓɨɨ.
Tɔsisekio aɓio ɓabaya ɓɔ ɓungbingbii
15Ya dɔ sɨ tanɨ? Tɔkwananɔ ndɨ anɨsɨnganaka amati ɔ ɓʉɓɨɓɨ tɨta dɔ tangɔmʉ ɓata ɛsɨ ɔ mapanʉ, yakamɛngana, ɛsɨ ɔ ɨjɨɔ yɔ Asɔɓɨɨ? Pɔ bele! 16Nánɨmbɨa ta iɗo ɓɔ nénjoneni aɓio baya ɔ mombi, nɔ nʉka yaka ngɨangɔ asugo, ambɔ nɔ́natanɔ akɔɓio tɨta ɓabaya ɓɔ mombi ngɨa nánʉka yaka ngɨangɔ. Yɔɓieni ɓʉɓɨɓɨ, mupipio wɔngɔ wa ta ingwo. Yɔɓieni kpataka yaka ngɨyɛ Asɔɓɨɨ asugo, mupipio wɔngɔ ya kɨa yaka yɛta ngbingbii. 17Yakamɛngana, ʉbɨba akɔ Asɔɓɨɨ, dɔ inu, ngʉɓa ɓʉɓɨɓɨ ɓa꞉nɨfa jɛnɛ ɓubaya pɛɨ, ɨtakɨtakɨ ngɨyɛ, ná tɨa akyananakɨa nɔ mʉtɨma mʉngana, ɨngbaa yɔ mapanʉ ngʉka ɓa꞉nɨpanɨa jɛnɛ. 18Náɓoonokio amati ɔ ɓubaya ɓɔ ɓʉɓɨɓɨ tɨa ɓoonokioni, nɔ ɨtakɨtakɨ ngɨyɛ ɓa꞉nɨkɨa akɔɓio tɨa ɓabaya ɓɔ yaka yɛta ngbingbii. 19Na-sɨ aka, akʉnda anʉnga yaka ta ndʉ ɨyɛ mombi ɔ ɨtaka ayaka-ɔɔ, dɔ inu, nángɔpemisomʉ yaka gagaa akɔkpatanakɨa nɔ ɓujangijangi ngʉɓeno ɓɔ ɓombi. Jɛnɛ pɛɨ, né꞉njono magbaa kɔ ndʉtʉ ngʉkeno anɨfanɨa ɓubaya ɓɔ yaka yɔ soni nɔ ɨyɛ ɓʉɓɨɓɨ yanenu atito asɨa ɓʉngbingbii ɓɔ Asɔɓɨɨ. Ngbanga kʉɓanɨ, ɨtakɨtakɨ ngɨyɛ, injoneni magbaa kɔ ndʉtʉ aɓio tɨa ndʉ ɓabaya ɓɔ yaka yɛta ngbingbii, ambɔ ɓieni akɨa tɨta yaka yɔ ingono.
20Ngbinga ngɨa ná꞉fanɨa jɛnɛ-ɔɔ aɓubaya ɓɔ ɓʉɓɨɓɨ, ná꞉ɓiomʉ ɓaɓoonokie akɨa yaka yɛta ngbingbii. 21Nɛ́꞉nɨanɨa dɔ-sɨ tɨa nɔ ɨjangɨa nga yeno tanɨ? Ɨtakɨtakɨ ngɨyɛ, yaka ngɨyɛnɛnɨ yanenu aninjo tɨa soni dɔ, mupipio wɔngɔ ya ta ingwo. 22Yakamɛngana, ɨtakɨtakɨ ngɨyɛ, nángɔmʉ ɓata ɓafanɨɛ amati ɔ ɓʉɓɨɓɨ, ɓa꞉nɨkɨa aɓio tɨa ɓabaya ɓɔ Asɔɓɨɨ. Kʉdɔ, nɛ́nɨanɨa tɨa nɔ dada ngɨa anɨkɨa aɓio ɓagyaɓanakɨɛ, nɔ akɔ mupipio, tɨa nɔ uɓei ngʉwɔ mago nɔ mago. 23Dɔ, mʉkaya wɔ ɓʉɓɨɓɨ wa ingwo, yakamɛngana, apɛpɛ ɔ ɨjɨɔ yɔ Asɔɓɨɨ, ya uɓei ngʉwɔ mago nɔ mago, ɨngbaa aɓio ɨkyɛmʉ mɛngana nɔ Makweso Yeso Klisito.
Currently Selected:
Ɓalɔma 6: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Ɓalɔma 6
6
Niwo akɔ ɓʉɓɨɓɨ nɔ ɓio akɔ uɓei ɨhɔ nɔ Yeso
1Tasugo dɔ-sɨ tanɨ? Tɔkwananɔ ndɨ nɨsɨnganaka ta amati ɔ ɓʉɓɨɓɨ, iɗo ambɔ ɨjɨɔ yɔ Asɔɓɨɨ yɨnɨanɨa tɨa ɨja nɔgbɛ? 2Pɔ bele! Isu, ta꞉wo akɔ ɓʉɓɨɓɨ tɨa woni, taɓio ɓata-sɨ amati ɔ ɓʉɓɨɓɨ tɨa ayaka yɛmanɨ? 3Inu, nangɔmʉ ndɨ anɨmbɨa ɓɔ isu ɓaɓomu ngʉɓa, ɓa꞉tɨɓatisa aɓio ɨkyɛmʉ mɛngana nɔ Yeso Klisito, ɓɔ ta tɨa kʉ ɨkyɛmʉ mɛngana ɨhɔ nayɔ amati ɔ ingwo? 4Kʉɓanɨ, aɓio ɨkyɛmʉ mɛngana ɨngbaa akɔ uɓatiso, isu, ta tɨa kʉ ɨkyɛmʉ mɛngana amati ingwo nɔ hʉnanɨa ɨhɔ nɔ atɨ Klisito, iɗo ambɔ ngbanga kʉndʉ ɨyɔ a꞉jʉkana akɔ ingwo akɔ angu nɔ ʉbɨba wɔ Aba, isu tɨa kʉɓanɨ, tiɓio tɨa amati ɔ uɓei wɔ ɨtakɨtakɨ.
5Kʉdɔ, yɔɓieni ɓɔ tɛ꞉ka tɨa ɨkyɛmʉ mɛngana ngbanga nayɔ akɔ ingwo ngɨangɔ a꞉wo, yasugo ɓɔ, ta꞊jʉkana sina akɔ ingwo ngbanga tɨa kʉndʉ ɨyɔ, a꞉jʉkana. 6Tɨmbɨeni yaka ngɨyɛ ta iɗo: mʉkyananakɨa ngʉweso wɔ ɨjɛnɛ, wa꞉wo jɛnɛ ɨhɔ nɔ Yeso akʉʉ ɔ mʉsalaba, iɗo ambɔ tatɨɓio tii ɓata ɓabaya ɓɔ ɓʉɓɨɓɨ, dɔ, angu ɔ ɓʉɓɨɓɨ ngʉɓa ɓa꞉ɓio amati eso, a꞉wo tɨa kʉ woni. 7Dɔ, mombi ɔwoni, ambɔ ɔɓoonokio ɛsɨ ɔ ɓubaya ɓɔ ɓʉɓɨɓɨ ɓoonokioni. 8Yɔɓieni ɓɔ ta꞉wo ɨhɔ nɔ atɨ Klisito, ta nɔ báya ɓɔ ta꞊ɓio sina auɓei tɨa kʉ ɨhɔ nayɔ. 9Tanɨmbɨa iɗo ɓɔ, anɨngwa aka Klisito a꞉jʉkana jɛnɛ-ɔɔ akɔ ingwo, angɔwomʉ sina ɓata, nɔ ingwo yangɔmʉ ɓata nɔ angu akʉʉ angɔ pɔ bele. 10Kʉɓanɨ, Klisito a꞉wo ta imbi mɛngana akʉʉ ɔ ɓʉɓɨɓɨ, nɔ ɨtakɨtakɨ ngɨyɛ, uɓei ngʉwangɔ uɓomu wa tɨta akɔ Asɔɓɨɨ. 11Inu, ngbanga kʉɓanɨ, sɨkaneni ndʉ ɓɔ nawo akɔ ɓʉɓɨɓɨ tɨa woni, nɔ, uɓei ngʉweno uɓomu wa tɨta akɔ Asɔɓɨɨ, amatɨ ɔ Yeso Klisito.
12Kʉɓanɨ, nátɨsɨamʉ ɓata ɓʉɓɨɓɨ nenu anɨfa ɓubaya akʉʉ ɔ ndʉtʉ ngɨyeno, ɨyɛ, yanapɨanɨa akɔ ingwo, adaa ngɨa ɓɔ naɓio ɓata kʉ akpataka mʉsasa ngʉwangɔ wɔta ɓɨɓɨ. 13Nátɨsɨamʉ ɓata ʉgbaa wɔ ndʉtʉ ngʉweno pɔ mʉngana akɨa ɓʉɓɨɓɨ, ga pɔ ndʉ ɨngbaa yɔ kyananakɨa ɓʉɓɨɓɨ. Yakamɛngana, injoneni tɨta akɔ tɛa yɔ Asɔɓɨɨ, ngbanga ndʉ ɓombi ngʉɓa ɓa꞉jʉkana akɔ ingwo. Nɔ, sɨkeni magbaa kɔ ndʉtʉ ngʉkeno tɨta ndʉ likyɛmʉ lɔ tɛa akɔkyanakɨa yaka yɛta ngbingbii ngɨangɔ. 14Ɓʉɓɨɓɨ ɓangɔnɨfa sina ɓata ɓubaya, dɔ inu, nángɔmʉ ɓata ɛsɨ ɔ mapanʉ, yakamɛngana, ná tɨa ɛsɨ ɔ ɨjɨɔ yɔ Asɔɓɨɨ.
Tɔsisekio aɓio ɓabaya ɓɔ ɓungbingbii
15Ya dɔ sɨ tanɨ? Tɔkwananɔ ndɨ anɨsɨnganaka amati ɔ ɓʉɓɨɓɨ tɨta dɔ tangɔmʉ ɓata ɛsɨ ɔ mapanʉ, yakamɛngana, ɛsɨ ɔ ɨjɨɔ yɔ Asɔɓɨɨ? Pɔ bele! 16Nánɨmbɨa ta iɗo ɓɔ nénjoneni aɓio baya ɔ mombi, nɔ nʉka yaka ngɨangɔ asugo, ambɔ nɔ́natanɔ akɔɓio tɨta ɓabaya ɓɔ mombi ngɨa nánʉka yaka ngɨangɔ. Yɔɓieni ɓʉɓɨɓɨ, mupipio wɔngɔ wa ta ingwo. Yɔɓieni kpataka yaka ngɨyɛ Asɔɓɨɨ asugo, mupipio wɔngɔ ya kɨa yaka yɛta ngbingbii. 17Yakamɛngana, ʉbɨba akɔ Asɔɓɨɨ, dɔ inu, ngʉɓa ɓʉɓɨɓɨ ɓa꞉nɨfa jɛnɛ ɓubaya pɛɨ, ɨtakɨtakɨ ngɨyɛ, ná tɨa akyananakɨa nɔ mʉtɨma mʉngana, ɨngbaa yɔ mapanʉ ngʉka ɓa꞉nɨpanɨa jɛnɛ. 18Náɓoonokio amati ɔ ɓubaya ɓɔ ɓʉɓɨɓɨ tɨa ɓoonokioni, nɔ ɨtakɨtakɨ ngɨyɛ ɓa꞉nɨkɨa akɔɓio tɨa ɓabaya ɓɔ yaka yɛta ngbingbii. 19Na-sɨ aka, akʉnda anʉnga yaka ta ndʉ ɨyɛ mombi ɔ ɨtaka ayaka-ɔɔ, dɔ inu, nángɔpemisomʉ yaka gagaa akɔkpatanakɨa nɔ ɓujangijangi ngʉɓeno ɓɔ ɓombi. Jɛnɛ pɛɨ, né꞉njono magbaa kɔ ndʉtʉ ngʉkeno anɨfanɨa ɓubaya ɓɔ yaka yɔ soni nɔ ɨyɛ ɓʉɓɨɓɨ yanenu atito asɨa ɓʉngbingbii ɓɔ Asɔɓɨɨ. Ngbanga kʉɓanɨ, ɨtakɨtakɨ ngɨyɛ, injoneni magbaa kɔ ndʉtʉ aɓio tɨa ndʉ ɓabaya ɓɔ yaka yɛta ngbingbii, ambɔ ɓieni akɨa tɨta yaka yɔ ingono.
20Ngbinga ngɨa ná꞉fanɨa jɛnɛ-ɔɔ aɓubaya ɓɔ ɓʉɓɨɓɨ, ná꞉ɓiomʉ ɓaɓoonokie akɨa yaka yɛta ngbingbii. 21Nɛ́꞉nɨanɨa dɔ-sɨ tɨa nɔ ɨjangɨa nga yeno tanɨ? Ɨtakɨtakɨ ngɨyɛ, yaka ngɨyɛnɛnɨ yanenu aninjo tɨa soni dɔ, mupipio wɔngɔ ya ta ingwo. 22Yakamɛngana, ɨtakɨtakɨ ngɨyɛ, nángɔmʉ ɓata ɓafanɨɛ amati ɔ ɓʉɓɨɓɨ, ɓa꞉nɨkɨa aɓio tɨa ɓabaya ɓɔ Asɔɓɨɨ. Kʉdɔ, nɛ́nɨanɨa tɨa nɔ dada ngɨa anɨkɨa aɓio ɓagyaɓanakɨɛ, nɔ akɔ mupipio, tɨa nɔ uɓei ngʉwɔ mago nɔ mago. 23Dɔ, mʉkaya wɔ ɓʉɓɨɓɨ wa ingwo, yakamɛngana, apɛpɛ ɔ ɨjɨɔ yɔ Asɔɓɨɨ, ya uɓei ngʉwɔ mago nɔ mago, ɨngbaa aɓio ɨkyɛmʉ mɛngana nɔ Makweso Yeso Klisito.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.