Ɓalɔma 15
15
Akpataka isisenio ngɨyɔ Klisito
1Isu ngʉɓa tanɔ báya yɛta ɓumu, tɔsisekio atʉmba ɓuɓuto ɓɔ ɓiga ngʉɓa ɓangɔmʉ nɔ báya yɛta ɓumu, sɔkɔmʉ akɨa ta yaka ngɨyɛ, yanesu anɨkataa. 2Yakamɛngana, yɔsisekio ɓɔ, mombi nɔ mombi ati eso, ɨkɨa yaka ngɨyɛ yɛkataa mangɛ, nɔgbɛ nayɔ akɨa iɗo, ambɔ báya ngɨangɔ yɨsɨnganaka kʉ nɔpɛɨ. 3Dɔ gʉtʉ ta Klisito ingainga, a꞉kɨamʉ ɨyɔ, ta yaka ngɨyɛ ya꞉ɓio nayɔ anɨkataa. Yakamɛngana, kʉndʉ ya꞉tɛndanakɨa ɓɔ: «Lɨsɛa ngɨlɛ ɓanɔwɛ akɔsɛaka, lɔnatɔɨyɔ tɨa ɨmɨ.#popoko Mmb 69:10» 4Yaka iɓomu ngɨyɛ ya amati Mabii kɔta Tu, ya꞉tɛndanakɨa jɛnɛ, nesu ta akɔpananakɨa. Iɗo ambɔ, tiɓio nɔ yaka ngɨyɛ ta-ɔɔ anapɨana mʉtima akʉʉ ɔngɔ, ɨyɛ, Mabii kanesu aninjo aɓio nɔ mʉtɨma wɔta ʉta, kʉ nɔ iguegue. 5Asɔɓɨɨ ngɨa a makwɔ ɔ mʉtɨma wɔta ʉta, kʉ nɔ iguegue, ɨyɔ makwɔngɔ, ininjo pɨ angu aɓio anʉkana ati eno, akpatanakɨa nɔ isisenio ngɨyɔ Yeso Klisito. 6Kʉdɔ, inu ɓaɓomu nɔ mʉtɨma mʉngana kʉ nɔ iso mɛngana, nákwanana abibiso Asɔɓɨɨ, Aba ngɨyɔ Makweso Yeso Klisito.
Ɨsaʉ yɛta Iɗo akɔ ɓombi ɓaɓomu
7Ngbanga kʉndʉ Klisito, ɨyɔ makwɔngɔ a꞉nɨtɛtɨa inu, mombi nɔ mombi ati eno, iɓio akɔtɛtɨa mangɛ kʉɓanɨ, akɔ ʉbɨba wɔ Asɔɓɨɨ. 8Dɔ, nanenu asigio ingono ɓɔ Klisito ɛ꞉ka akyananakɨa Ɓayuda, ɓɔ dɔ ɨpananiso ɓɔ Asɔɓɨɨ anɔ ingono, ɨngbaa akɔkwananakiso yaka di di di ngɨyɛ Asɔɓɨɨ a꞉panaka jɛnɛ ɓɛsɛngʉʉ ɓeɓo. 9Ɛ꞉ka ɓata kʉ ɓɔ dɔ ɓombi ngʉɓa ɓangɔmʉ Ɓayuda, ɓɨbibiso Asɔɓɨɨ akɔ mʉtɨma wɔ ikoko ngʉangɔ akʉʉ eɓo, ngbanga ndʉ yatɛndanakɨa amati ɔ Mabii kɔta Tu ɓɔ:
«Ya akʉʉ ɔ yaka ngɨyɛnɛnɨ, ɨyɛ, na꞊nabibiso sina-ɔɔ ati ɔ ɓombi ngʉɓa ɓangɔmʉ Ɓayuda,
nɔ, na꞊sʉa sina ɨta akɔ ʉbɨba wɔ ino ngɨyɛsɔɔ#popoko 2Sam 22:50.»
10Nɔ ɓata Mabii ka꞉sugo kʉ ɓɔ:
«Inu ɓombi ngʉɓa nangɔmʉ Ɓayuda, kweni ɨgyagya ɨhɔ nɔ ɨfananja ngɨangɔ.#popoko Tngw 32:43»
11Nɔ ɓata kʉ ɓɔ:
«Inu ɓombi ɓaɓomu ngʉɓa nangɔmʉ Ɓayuda bibiseni Makwɔɓɨɨ.»#popoko Mmb 117:1
Inu ɓombi ɓaɓomu sʉeni ɨta akɔbibiso ɓʉja ngʉɓangɔ.
12Isaya asugo ɓata kʉ ɓɔ:
«Mʉnɔnɔ wɔ Yɛsɛ wa꞊chwɛanɨa sina,
nɔ, wɛ꞊maa anɨdya ɓʉngama akʉʉ ɔ ɓombi ngʉɓa ɓangɔmʉ Ɓayuda,
nɔ ɨɓɔ, ɓa꞊napiana sina mʉtɨma akʉʉ angɔ.#popoko Isa 11:10»
13Asɔɓɨɨ ngɨa a makwɔ ɔ yaka ngɨyɛ inu ná-ɔɔ anapɨa mʉtɨma, ɨnihuso nɔ ɨgyagya yɛta ɨja, nɔ majɨɔ akpatanakɨa nɔ báya. Iɗo ambɔ, ɨngbaa akɔ angu ɔ Mʉtɨma wɔta Tu, ɨsɨnganakeni tɨta anapɨana mʉtɨma akʉʉ angɔ.
Tɛa ngɨyɔ Pɔlɔ
14Inu ɓanduku ɓɔsɛmɨ, ɨmɨ ingainga, napemiso iɗo nɔgbɛ ɓɔ inu, nánɔ iɗo iɗo ati eno, nɔ, ná kʉ anɨmbɨa yaka iɓomu ngɨyɛ yɔsisekio anɨmbɨa, nɔ, nɔ́ɓio tɨa kʉ adaa ngɨa nɛ́njono-ɔɔ mapanʉ kɔta maɗo ati eno. 15Yakamɛngana, amati ɔ migenge nganangana yɔ ʉbalʉa ngʉwa, na꞉nɨtungwiso pɔngɔ yaka ta aɓʉmba. Na꞉kɨa ɓanɨ, akʉʉ ɨjɨɔ ngɨyɛ Asɔɓɨɨ a꞉napananiso, 16nɛmɨ anapɨa ndʉ mombi ɔ tɛa ɔ Yeso Klisito, akʉʉ ɓombi ngʉɓa ɓangɔmʉ Ɓayuda. Nakɔkɨa tɛa mɛngana ndʉ kumukumu aɓɨakɨa Ɨsaʉ yɛta Iɗo ngɨyɔ Asɔɓɨɨ. Na꞉kɨa ɓanɨ, iɗo ambɔ ɓombi ngʉɓa ɓangɔmʉ Ɓayuda, ɓɨnatana aɓio ndʉ apɛpɛ ngɨa ɛkataa Asɔɓɨɨ, nɔ ɨya, a꞉gyaɓanakɨa nɔ Mʉtɨma wɔta Tu. 17Tɛa yɔ Asɔɓɨɨ ngɨyenɛnɨ nakɔkɨa, yanɛmɨ aninjo ɨmbʉka, amati ɔ ɓio ɨkyɛmʉ mɛngana ɨhɔ nɔ Yeso Klisito. 18Yaka mɛngana ngɨyɛ neneni nasugo, ya ta yaka ngɨyɛ Klisito a꞉kɨa akʉʉ asɛmɨ, atoiso ɓombi ngʉɓa ɓangɔmʉ Ɓayuda apʉnga akumo Asɔɓɨɨ. Ɨyɛnɛnɨ, ya꞉kyananakɨa ɨngbaa akɔ mapanʉ, ɨhɔ nɔ kɨa tɛa, 19nɔ ɨngbaa akɔ angu ɔ ɓakɔkɔ ɓɔta ɓambangɛ, nɔ angu ɔ Mʉtɨma wɔ Asɔɓɨɨ. Ɨsɨ yɔ yaka ngɨyɛ na꞉ɓɨakɨa-ɔɔ Ɨsaʉ yɛta Iɗo, ngɨyɔ Klisito alindu liɓomu, anɨngwa anɔ Yelusalɛma aɓɔya aihoi yɔ Ililiko, ɨyɔ, ɨyɛnɛnɨ. 20Ɨnadɔ, ɨmɨ na꞉kɨa angu mʉja aɓɨakɨa Ɨsaʉ yɛta Iɗo ta alɨkʉmbʉ ngɨlɛ aki, ɓombi ɓa꞉ɓio-ɛɛ ɓɔ ɓangɔkenimʉ, yaka akʉʉ ɔ Klisito. Na꞉kɨa ɓanɨ, dɔ, na꞉tɨtuɓokomʉ akʉʉ ɔ muɓumba ngʉwa mangɛ a꞉tambanaka.
21Na꞉kpataka yaka ngɨyɛ ya꞉tɛndanakɨa amati ɔ Mabii ɓɔ:
«Ɓombi ngʉɓa ɓa꞉ɓʉɓɨakɨamʉ Ɨsaʉ yangɔ, ɓa꞊mɨna sina ta ɨnanɨ.
Nɔ, ɓombi ngʉɓa ɓɔ꞉kamʉ Ɨsaʉ, ɓa꞊ɨpemiso sina kʉ pemisoni.»#popoko Isa 52:15
22Yaka ngɨyɛ ya꞉nengyo machangbʉ maja anɨsa inani andɛnɔ, ɨyɛnɛnɨ.
Pɔlɔ ɔkwaisio ɓɔya anɔ Lɔma
23Yakamɛngana, ɨtakɨtakɨ ngɨyɛ ɓɔ, na꞉pipo pɔngɔ tɛa amati ɔ lihoyi ngɨlɛ tɨa piponi. Amati ɔ mago maja, na꞉pʉnga jɛnɛ tatanɨa anɨsa nenu akanga, 24nɔ, nakʉnda ɓɔ nanɨna suo tɨa angbinga ngɨa na꞊ɓio-ɔɔ anɨsa anɔ Ɛsɨpanyɛ. Kʉdɔ, ndʉ ta꞊kwa suo nenu ɨgyagya akɔ angbinga bele, nɔ꞊nɨta tɨa ɓɔ anasalɨeni ɓaka kʉɔ amati ɔ kyɛnda ngɨyɛnɛnɨ.
25Yakamɛngana, ɨtakɨtakɨ ngɨyɛ nanɨsa tɨa anɔ Yelusalɛma, akyananakɨa ɓombi ɓɔ báya ngʉɓa ɓa inani. 26Dɔ, ɓaklisito ɓɔ ihoi yɔ Makedonia, nɔ ʉɓɔ, Akaya, ɓa꞉kwasio pɛ amɔmaka apɛpɛ akɔsalɨa ɓajanga ngʉɓa ɓa꞉ɓio ati ɔ ɓombi ɓɔ Asɔɓɨɨ anɔ Yelusalɛma. 27Ɓa꞉kwasio aninjo apɛpɛ ngɨananɨ, dɔ ingainga, ya꞉ɓio ndʉ ɓanɔ uɓu weɓo. Ndʉ ɓombi ngʉɓa ɓangɔmʉ Ɓayuda ɓɛ꞉nɨa nɔ apɛpɛ ɔ mʉtɨma, ya꞉ɓio anɨtanɨa tɨa kʉ ɓɔ ɨɓɔ, ɓinjo ɓaklisito ɓɔ Ɓayuda apɛpɛ ɔ lɨkyɛmʉ tɨa kʉ injoni. 28Kʉɓanɨ, ndʉ na꞉pipo tɛa ngɨyɛnɛnɨ naɓɔ aninjo apɛpɛ ngɨa ɓa꞉ɓʉmɔmakɨa, kʉdɔ, nɔ꞊chana suo ɨngbaa tɨa inani andeno anisa anɔ Ɛsɨpanyɛ. 29Nanɨmbɨa iɗo ɓɔ ati ngɨa na꞊ɓɔya-ɔɔ andɛnɔ, ʉɓʉnga ngʉwɔ Klisito wa꞊ɓio ɨhɔ nɛmɨ ʉja.
30Inu ɓanduku, nanenu anɨta akɔ ino yɔ Makweso Yeso Klisito, nɔ akʉʉ ɓʉkʉnda ngʉɓa Mʉtɨma wɔta Tu wenjo: Kumonokieni ɨhɔ nɛmɨ amati nɨta, ɓieni nɛmɨ anɨtɨa Asɔɓɨɨ. 31Ɨteni Asɔɓɨɨ nɛmɨ aɓwanakiso alɨkɔndɔ lɔ ɓombi ɓɔ ihoi yɔ Yudɛa ngʉɓa ɓa꞉bayamʉ Yeso. Nɔ ɓata kʉ ɓɔ, ɓombi ɓɔ Yelusalɛma ngʉɓa ɓa꞉báya Yeso ɓɨkwa magyagya ta kwanɨ nɔ tɛa ngɨyɛ nanaɓɔ akɔkɨa. 32Iɗo ambɔ, ndʉ yaɓio ɓʉkʉnda ɓɔ Asɔɓɨɨ, nɨ꞊ka suo inani andɛnɔ, nɔ ɨgyagya ɨja, nɔ, nɔ꞊homuo ɓaka-sɨ ta mwana ɔ angbinga bele ɨhɔ nenu. 33Asɔɓɨɨ ngɨyɔ majɨɔ, iɓio ɨhɔ nenu ɓaɓomu-ɛɛ! Ya ɓanɨ.
Currently Selected:
Ɓalɔma 15: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Ɓalɔma 15
15
Akpataka isisenio ngɨyɔ Klisito
1Isu ngʉɓa tanɔ báya yɛta ɓumu, tɔsisekio atʉmba ɓuɓuto ɓɔ ɓiga ngʉɓa ɓangɔmʉ nɔ báya yɛta ɓumu, sɔkɔmʉ akɨa ta yaka ngɨyɛ, yanesu anɨkataa. 2Yakamɛngana, yɔsisekio ɓɔ, mombi nɔ mombi ati eso, ɨkɨa yaka ngɨyɛ yɛkataa mangɛ, nɔgbɛ nayɔ akɨa iɗo, ambɔ báya ngɨangɔ yɨsɨnganaka kʉ nɔpɛɨ. 3Dɔ gʉtʉ ta Klisito ingainga, a꞉kɨamʉ ɨyɔ, ta yaka ngɨyɛ ya꞉ɓio nayɔ anɨkataa. Yakamɛngana, kʉndʉ ya꞉tɛndanakɨa ɓɔ: «Lɨsɛa ngɨlɛ ɓanɔwɛ akɔsɛaka, lɔnatɔɨyɔ tɨa ɨmɨ.#popoko Mmb 69:10» 4Yaka iɓomu ngɨyɛ ya amati Mabii kɔta Tu, ya꞉tɛndanakɨa jɛnɛ, nesu ta akɔpananakɨa. Iɗo ambɔ, tiɓio nɔ yaka ngɨyɛ ta-ɔɔ anapɨana mʉtima akʉʉ ɔngɔ, ɨyɛ, Mabii kanesu aninjo aɓio nɔ mʉtɨma wɔta ʉta, kʉ nɔ iguegue. 5Asɔɓɨɨ ngɨa a makwɔ ɔ mʉtɨma wɔta ʉta, kʉ nɔ iguegue, ɨyɔ makwɔngɔ, ininjo pɨ angu aɓio anʉkana ati eno, akpatanakɨa nɔ isisenio ngɨyɔ Yeso Klisito. 6Kʉdɔ, inu ɓaɓomu nɔ mʉtɨma mʉngana kʉ nɔ iso mɛngana, nákwanana abibiso Asɔɓɨɨ, Aba ngɨyɔ Makweso Yeso Klisito.
Ɨsaʉ yɛta Iɗo akɔ ɓombi ɓaɓomu
7Ngbanga kʉndʉ Klisito, ɨyɔ makwɔngɔ a꞉nɨtɛtɨa inu, mombi nɔ mombi ati eno, iɓio akɔtɛtɨa mangɛ kʉɓanɨ, akɔ ʉbɨba wɔ Asɔɓɨɨ. 8Dɔ, nanenu asigio ingono ɓɔ Klisito ɛ꞉ka akyananakɨa Ɓayuda, ɓɔ dɔ ɨpananiso ɓɔ Asɔɓɨɨ anɔ ingono, ɨngbaa akɔkwananakiso yaka di di di ngɨyɛ Asɔɓɨɨ a꞉panaka jɛnɛ ɓɛsɛngʉʉ ɓeɓo. 9Ɛ꞉ka ɓata kʉ ɓɔ dɔ ɓombi ngʉɓa ɓangɔmʉ Ɓayuda, ɓɨbibiso Asɔɓɨɨ akɔ mʉtɨma wɔ ikoko ngʉangɔ akʉʉ eɓo, ngbanga ndʉ yatɛndanakɨa amati ɔ Mabii kɔta Tu ɓɔ:
«Ya akʉʉ ɔ yaka ngɨyɛnɛnɨ, ɨyɛ, na꞊nabibiso sina-ɔɔ ati ɔ ɓombi ngʉɓa ɓangɔmʉ Ɓayuda,
nɔ, na꞊sʉa sina ɨta akɔ ʉbɨba wɔ ino ngɨyɛsɔɔ#popoko 2Sam 22:50.»
10Nɔ ɓata Mabii ka꞉sugo kʉ ɓɔ:
«Inu ɓombi ngʉɓa nangɔmʉ Ɓayuda, kweni ɨgyagya ɨhɔ nɔ ɨfananja ngɨangɔ.#popoko Tngw 32:43»
11Nɔ ɓata kʉ ɓɔ:
«Inu ɓombi ɓaɓomu ngʉɓa nangɔmʉ Ɓayuda bibiseni Makwɔɓɨɨ.»#popoko Mmb 117:1
Inu ɓombi ɓaɓomu sʉeni ɨta akɔbibiso ɓʉja ngʉɓangɔ.
12Isaya asugo ɓata kʉ ɓɔ:
«Mʉnɔnɔ wɔ Yɛsɛ wa꞊chwɛanɨa sina,
nɔ, wɛ꞊maa anɨdya ɓʉngama akʉʉ ɔ ɓombi ngʉɓa ɓangɔmʉ Ɓayuda,
nɔ ɨɓɔ, ɓa꞊napiana sina mʉtɨma akʉʉ angɔ.#popoko Isa 11:10»
13Asɔɓɨɨ ngɨa a makwɔ ɔ yaka ngɨyɛ inu ná-ɔɔ anapɨa mʉtɨma, ɨnihuso nɔ ɨgyagya yɛta ɨja, nɔ majɨɔ akpatanakɨa nɔ báya. Iɗo ambɔ, ɨngbaa akɔ angu ɔ Mʉtɨma wɔta Tu, ɨsɨnganakeni tɨta anapɨana mʉtɨma akʉʉ angɔ.
Tɛa ngɨyɔ Pɔlɔ
14Inu ɓanduku ɓɔsɛmɨ, ɨmɨ ingainga, napemiso iɗo nɔgbɛ ɓɔ inu, nánɔ iɗo iɗo ati eno, nɔ, ná kʉ anɨmbɨa yaka iɓomu ngɨyɛ yɔsisekio anɨmbɨa, nɔ, nɔ́ɓio tɨa kʉ adaa ngɨa nɛ́njono-ɔɔ mapanʉ kɔta maɗo ati eno. 15Yakamɛngana, amati ɔ migenge nganangana yɔ ʉbalʉa ngʉwa, na꞉nɨtungwiso pɔngɔ yaka ta aɓʉmba. Na꞉kɨa ɓanɨ, akʉʉ ɨjɨɔ ngɨyɛ Asɔɓɨɨ a꞉napananiso, 16nɛmɨ anapɨa ndʉ mombi ɔ tɛa ɔ Yeso Klisito, akʉʉ ɓombi ngʉɓa ɓangɔmʉ Ɓayuda. Nakɔkɨa tɛa mɛngana ndʉ kumukumu aɓɨakɨa Ɨsaʉ yɛta Iɗo ngɨyɔ Asɔɓɨɨ. Na꞉kɨa ɓanɨ, iɗo ambɔ ɓombi ngʉɓa ɓangɔmʉ Ɓayuda, ɓɨnatana aɓio ndʉ apɛpɛ ngɨa ɛkataa Asɔɓɨɨ, nɔ ɨya, a꞉gyaɓanakɨa nɔ Mʉtɨma wɔta Tu. 17Tɛa yɔ Asɔɓɨɨ ngɨyenɛnɨ nakɔkɨa, yanɛmɨ aninjo ɨmbʉka, amati ɔ ɓio ɨkyɛmʉ mɛngana ɨhɔ nɔ Yeso Klisito. 18Yaka mɛngana ngɨyɛ neneni nasugo, ya ta yaka ngɨyɛ Klisito a꞉kɨa akʉʉ asɛmɨ, atoiso ɓombi ngʉɓa ɓangɔmʉ Ɓayuda apʉnga akumo Asɔɓɨɨ. Ɨyɛnɛnɨ, ya꞉kyananakɨa ɨngbaa akɔ mapanʉ, ɨhɔ nɔ kɨa tɛa, 19nɔ ɨngbaa akɔ angu ɔ ɓakɔkɔ ɓɔta ɓambangɛ, nɔ angu ɔ Mʉtɨma wɔ Asɔɓɨɨ. Ɨsɨ yɔ yaka ngɨyɛ na꞉ɓɨakɨa-ɔɔ Ɨsaʉ yɛta Iɗo, ngɨyɔ Klisito alindu liɓomu, anɨngwa anɔ Yelusalɛma aɓɔya aihoi yɔ Ililiko, ɨyɔ, ɨyɛnɛnɨ. 20Ɨnadɔ, ɨmɨ na꞉kɨa angu mʉja aɓɨakɨa Ɨsaʉ yɛta Iɗo ta alɨkʉmbʉ ngɨlɛ aki, ɓombi ɓa꞉ɓio-ɛɛ ɓɔ ɓangɔkenimʉ, yaka akʉʉ ɔ Klisito. Na꞉kɨa ɓanɨ, dɔ, na꞉tɨtuɓokomʉ akʉʉ ɔ muɓumba ngʉwa mangɛ a꞉tambanaka.
21Na꞉kpataka yaka ngɨyɛ ya꞉tɛndanakɨa amati ɔ Mabii ɓɔ:
«Ɓombi ngʉɓa ɓa꞉ɓʉɓɨakɨamʉ Ɨsaʉ yangɔ, ɓa꞊mɨna sina ta ɨnanɨ.
Nɔ, ɓombi ngʉɓa ɓɔ꞉kamʉ Ɨsaʉ, ɓa꞊ɨpemiso sina kʉ pemisoni.»#popoko Isa 52:15
22Yaka ngɨyɛ ya꞉nengyo machangbʉ maja anɨsa inani andɛnɔ, ɨyɛnɛnɨ.
Pɔlɔ ɔkwaisio ɓɔya anɔ Lɔma
23Yakamɛngana, ɨtakɨtakɨ ngɨyɛ ɓɔ, na꞉pipo pɔngɔ tɛa amati ɔ lihoyi ngɨlɛ tɨa piponi. Amati ɔ mago maja, na꞉pʉnga jɛnɛ tatanɨa anɨsa nenu akanga, 24nɔ, nakʉnda ɓɔ nanɨna suo tɨa angbinga ngɨa na꞊ɓio-ɔɔ anɨsa anɔ Ɛsɨpanyɛ. Kʉdɔ, ndʉ ta꞊kwa suo nenu ɨgyagya akɔ angbinga bele, nɔ꞊nɨta tɨa ɓɔ anasalɨeni ɓaka kʉɔ amati ɔ kyɛnda ngɨyɛnɛnɨ.
25Yakamɛngana, ɨtakɨtakɨ ngɨyɛ nanɨsa tɨa anɔ Yelusalɛma, akyananakɨa ɓombi ɓɔ báya ngʉɓa ɓa inani. 26Dɔ, ɓaklisito ɓɔ ihoi yɔ Makedonia, nɔ ʉɓɔ, Akaya, ɓa꞉kwasio pɛ amɔmaka apɛpɛ akɔsalɨa ɓajanga ngʉɓa ɓa꞉ɓio ati ɔ ɓombi ɓɔ Asɔɓɨɨ anɔ Yelusalɛma. 27Ɓa꞉kwasio aninjo apɛpɛ ngɨananɨ, dɔ ingainga, ya꞉ɓio ndʉ ɓanɔ uɓu weɓo. Ndʉ ɓombi ngʉɓa ɓangɔmʉ Ɓayuda ɓɛ꞉nɨa nɔ apɛpɛ ɔ mʉtɨma, ya꞉ɓio anɨtanɨa tɨa kʉ ɓɔ ɨɓɔ, ɓinjo ɓaklisito ɓɔ Ɓayuda apɛpɛ ɔ lɨkyɛmʉ tɨa kʉ injoni. 28Kʉɓanɨ, ndʉ na꞉pipo tɛa ngɨyɛnɛnɨ naɓɔ aninjo apɛpɛ ngɨa ɓa꞉ɓʉmɔmakɨa, kʉdɔ, nɔ꞊chana suo ɨngbaa tɨa inani andeno anisa anɔ Ɛsɨpanyɛ. 29Nanɨmbɨa iɗo ɓɔ ati ngɨa na꞊ɓɔya-ɔɔ andɛnɔ, ʉɓʉnga ngʉwɔ Klisito wa꞊ɓio ɨhɔ nɛmɨ ʉja.
30Inu ɓanduku, nanenu anɨta akɔ ino yɔ Makweso Yeso Klisito, nɔ akʉʉ ɓʉkʉnda ngʉɓa Mʉtɨma wɔta Tu wenjo: Kumonokieni ɨhɔ nɛmɨ amati nɨta, ɓieni nɛmɨ anɨtɨa Asɔɓɨɨ. 31Ɨteni Asɔɓɨɨ nɛmɨ aɓwanakiso alɨkɔndɔ lɔ ɓombi ɓɔ ihoi yɔ Yudɛa ngʉɓa ɓa꞉bayamʉ Yeso. Nɔ ɓata kʉ ɓɔ, ɓombi ɓɔ Yelusalɛma ngʉɓa ɓa꞉báya Yeso ɓɨkwa magyagya ta kwanɨ nɔ tɛa ngɨyɛ nanaɓɔ akɔkɨa. 32Iɗo ambɔ, ndʉ yaɓio ɓʉkʉnda ɓɔ Asɔɓɨɨ, nɨ꞊ka suo inani andɛnɔ, nɔ ɨgyagya ɨja, nɔ, nɔ꞊homuo ɓaka-sɨ ta mwana ɔ angbinga bele ɨhɔ nenu. 33Asɔɓɨɨ ngɨyɔ majɨɔ, iɓio ɨhɔ nenu ɓaɓomu-ɛɛ! Ya ɓanɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.