Ɓalɔma 14
14
Watɨnapɨamʉ nduku asɔɔ nɔ mʉkɔmbʉ
1Mʉtɛtɨeni mombi ngɨa a adɔɓa akɔ báya, nɔ mʉmɔmakeni sɔkɔmʉ nɔ ɗuɗuono nayɔ akʉʉ ɔ itungwio ngɨangɔ. 2Tɔsɨkeni-sɨ ndʉ mombi mʉngana akpatanakɨa nɔ báya ngɨangɔ, anɨdya madyo ta maɓomu, yakamɛngana, mombi ngakɔmɔ ɨya angɔmʉ nɔ báya yɛta ɓumu, ɔɓio ɨyɔ, anɨdya ta lɨgbɛɛ. 3Gwa ngia anɨdya migbo yɔ madyo maɓomu atɨyapakisomʉ ɨyakɛ, angɔmʉ anɨdya madyo maɓomu, kʉndʉ ɨyakɛ angɔmʉ anɨdya, atɨnapɨamʉ nduku angɔ nɔ mʉkɔmbʉ dɔ Asɔɓɨɨ a꞉mʉtɛtɨa tɛtɨanɨ. 4Ʉwɛ, wa-sɨ ndʉ anɨ akio mʉkɔmbʉ wɔ baya ɔ mangɛ? Ɔɓieni ɓɛmaɛ kʉndʉ ɓakwɛ, ɨyɛnɛnɨ yakɔkanga ta makwangɔ. Yakamɛngana, ɛ꞊maa ta ɨmaanɨ, dɔ, Makwɔɓɨɨ anɔ angu nayɔ atʉngbʉa.
5Ɓombi nganangana, ɓakyɔsɨka maɓisi nganangana nɔ dada achana maɓisi ngakɔmɔ. Yakamɛngana, ɓɔmɔ ɓɔɓio asɨka maɓisi maɓomu ta ngbanga. Kʉɓanɨ, mombi nɔ mombi ɨbaya pɨ ngbanga ta ndʉ aka itungwio ngɨangɔ ingainga ya-ɔɔ. 6Mombi ngɨa asɨka maɓisi ngakɔmɔ nɔ dada, akɨa ɓanɨ ta abibiso Makwɔɓɨɨ. Mombi ngɨa anɨdya madyo maɓomu akɨa ɓanɨ kʉ akɔ ʉbɨba wɔ Makwɔɓɨɨ, nɔ, kʉ atosio Asɔɓɨɨ ʉbɨba. Nɔ mombi ngɨa angɔmʉ anɨdya madyo maɓomu, ya kʉ akʉʉ ɔ Makwɔɓɨɨ, nɔ, ɨmʉtosio Asɔɓɨɨ ʉbɨba kʉ tosioni.
7Uɓei ngʉwɔ mombi pɔ mʉngana wangɔmʉ akpatanakɨa nɔ ɨyɔ makwɔngɔ, nɔ kʉndʉ ingwo ngɨyɔ mombi pɔ mʉngana, yangɔmʉ akpatanakɨa nɔ ɨyɔ makwɔngɔ. 8Dɔ, tɔɓieni akɔ uɓei, ta akɔ uɓei akʉʉ ɔ Makwɔɓɨɨ, nɔ tɔweni, tawo kʉ akɔ Makwɔɓɨɨ. Kʉɓanɨ, yiɓio ɓɔ taniwo ga pɔ ta akɔ uɓei, ta lɨkyɛmʉ lɔ Makwɔɓɨɨ. 9Ya akʉʉ ɔ yaka ngɨyɛnɛnɨ, ɨyɛ Klisito a꞉wo-ɔɔ nɔ ɔ꞉tɔwa ɓata kʉ akɔ uɓei, dɔ ɨnatana akɔɓio tɨa Makwɔɓɨɨ ɔ ɓombi ngʉɓa ɓa꞉sio nɔ ʉɓa ɓa akɔ uɓei. 10Yakamɛngana, ʉwɛ, wa dɔ-sɨ tɨa akio mʉkɔmbʉ wɔnduku asɔɔ dɔtanɨ? Nɔ ʉwɛ, wanɨna nduku asɔɔ ɓʉtʉʉ dɔtanɨ? Ɨnadɔ isu ɓaɓomu, tɛ꞊maa sina ta apɛɨ yɔ mʉkɔmbʉ wɔ Asɔɓɨɨ. 11Dɔ, amati ɔ Mabii, ya꞉tɛndanakɨa ɓɔ:
«Ɨmɨ, Makwɔɓɨɨ ngɨa akɔ uɓei,
nakɔsugo ɓɔ: mombi muɓomu a꞊ɓgʉkʉmɨa sina mawu apɛɨ asɛmɨ.
Nɔ, mombi muɓomu a꞊baya sina ɓɔ ɨmɨ na Asɔɓɨɨ.»#popoko Isa 45:23
12Kʉɓanɨ, mombi nɔ mombi ati eso, ɔ꞊ngaka sina uɓei wɔ mʉtɨma ngʉwangɔ apɛɨ ɔ Asɔɓɨɨ.
Watɨkwisisomʉ nduku asɔɔ amati ɔ ɓʉɓɨɓɨ
13Kʉɓanɨ, tɨsɨeni anapɨana nɔ mʉkɔmbʉ ati eso. Yakamɛngana, yɛtɔ akwaisio ɓɔ mombi pɔ mʉngana atɨnapɨamʉ yaka apɛɨ ɔ nduku angɔ, ɨyɛ, yamʉkwisiso, ga pɔ nayɔ atʉma akɨa ɓʉɓɨɓɨ. 14Dɔ ɨmɨ, na꞉baya Yeso Makwɔɓɨɨ, nanɨmbɨa, nɔ, pemiso iɗo nɔgbɛ ɓɔ, ɨkyɛmʉ yɔ ɔpɛ yangɔmʉ pɔ mɛngana. Yakamɛngana, mombi ɔsɨkeni ɨkyɛmʉ ndʉ ɔpɛ, yasugo ɓɔ ɨkyɛmʉ yɔngɔ yaɓio tɨa kʉ ɔpɛ akɔ ɨyɔ mombi ngɨananɨ. 15Wɔmudyiseni nduku asɔɔ mʉtɨma ikoko akʉʉ ɔ idyo ngɨyɛ wanɨdya, ambɔ wangɔmʉ ɓata akyɛndaka akɔ ɨngbaa yɔ ɓʉkʉnda. Watɨyanakisomʉ mombi ngɨa Klisito a꞉wo akʉʉ angɔ ta akɔ idyo ngɨyɛnɛnɨ yɛsɔɔ. 16Kʉɓanɨ, ɨkyɛmʉ ngɨyɛ inu nánɨna ɓɔ ya iɗo, nátɨsɨamʉ ɓɔ ɓangɛ ɓɨpʉnga tɨa nayɔ asɛaka.
17Dɔ, Ɓʉngama ngʉɓɔ Asɔɓɨɨ ɓangɔmʉ akʉʉ ɔ dyakanaka, nɔ mwakanaka. Yakamɛngana, ɓa akʉʉ ɔ ɓungbingbii, majɨɔ, nɔ, ɨgyagya ngɨyɛ Mʉtɨma wɔta Tu wenjo. 18Mombi muɓomu ngɨa akyananakɨa Klisito ɓanɨ, anɨkataa Asɔɓɨɨ, nɔ ɓombi ɓɔmʉɓɨnyɨa kʉ ɓɨnyɨanɨ.
19Kʉɓanɨ, tɨkɨeni angu aɓio nɔ mʉkyananakɨa ngʉwa wenjo majɨɔ, nɔ, aninjono angu amati ɔ báya.
20Watɨyangisomʉ tɛa yɔ Asɔɓɨɨ akʉʉ ɔ yaka yɔ idyo. Pemiso ɓɔ madyo maɓomu ka ta maɗo anɨdya, yakamɛngana, ya ɓɨɓɨ anɨdya ɨkyɛmʉ ngɨyɛ yakwisiso mangɛ aɓʉɓɨɓɨ. 21Ya gɔ pɛngɛ iɗo nɔgbɛ ataa anjɨɓɔ, ga pɔ ʉkyɛpʉ, nɔ migbo yɔ ɓayaka ɓaɓomu ngʉɓa ɓeneni ɓakwisiso nduku asɔɔ. 22Pɛmakɨa báya ngɨyɛ wanayɔ apɛɨ ɔ Asɔɓɨɨ, akʉʉ ɔ ɨkananja yɔ yaka ndʉ ɨyɛnɛnɨ. Ɨgyagya nɔ mombi ngɨa a mʉtɨma ta ɓɔ dɨɨ, akɔkɨa yaka ngɨyɛ ɔkwaisio kɨa. 23Yakamɛngana, mombi ngɨa anɔ ɓajatwoko akʉʉ ɔ idyo ngɨyɛ anɨdya, Asɔɓɨɨ a꞉mʉnapɨa tɨa nɔ mʉkɔmbʉ napɨanɨ, dɔ, ɨkyɛmʉ ngɨyɛ akɨa, yangɔmʉ akpatanakɨa nɔ báya. Ɨnadɔ, Yaka iɓomu ngɨyɛ yɔchwɛanɨɔmʉ nɔ báya ya ɓʉɓɨɓɨ.
Currently Selected:
Ɓalɔma 14: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Ɓalɔma 14
14
Watɨnapɨamʉ nduku asɔɔ nɔ mʉkɔmbʉ
1Mʉtɛtɨeni mombi ngɨa a adɔɓa akɔ báya, nɔ mʉmɔmakeni sɔkɔmʉ nɔ ɗuɗuono nayɔ akʉʉ ɔ itungwio ngɨangɔ. 2Tɔsɨkeni-sɨ ndʉ mombi mʉngana akpatanakɨa nɔ báya ngɨangɔ, anɨdya madyo ta maɓomu, yakamɛngana, mombi ngakɔmɔ ɨya angɔmʉ nɔ báya yɛta ɓumu, ɔɓio ɨyɔ, anɨdya ta lɨgbɛɛ. 3Gwa ngia anɨdya migbo yɔ madyo maɓomu atɨyapakisomʉ ɨyakɛ, angɔmʉ anɨdya madyo maɓomu, kʉndʉ ɨyakɛ angɔmʉ anɨdya, atɨnapɨamʉ nduku angɔ nɔ mʉkɔmbʉ dɔ Asɔɓɨɨ a꞉mʉtɛtɨa tɛtɨanɨ. 4Ʉwɛ, wa-sɨ ndʉ anɨ akio mʉkɔmbʉ wɔ baya ɔ mangɛ? Ɔɓieni ɓɛmaɛ kʉndʉ ɓakwɛ, ɨyɛnɛnɨ yakɔkanga ta makwangɔ. Yakamɛngana, ɛ꞊maa ta ɨmaanɨ, dɔ, Makwɔɓɨɨ anɔ angu nayɔ atʉngbʉa.
5Ɓombi nganangana, ɓakyɔsɨka maɓisi nganangana nɔ dada achana maɓisi ngakɔmɔ. Yakamɛngana, ɓɔmɔ ɓɔɓio asɨka maɓisi maɓomu ta ngbanga. Kʉɓanɨ, mombi nɔ mombi ɨbaya pɨ ngbanga ta ndʉ aka itungwio ngɨangɔ ingainga ya-ɔɔ. 6Mombi ngɨa asɨka maɓisi ngakɔmɔ nɔ dada, akɨa ɓanɨ ta abibiso Makwɔɓɨɨ. Mombi ngɨa anɨdya madyo maɓomu akɨa ɓanɨ kʉ akɔ ʉbɨba wɔ Makwɔɓɨɨ, nɔ, kʉ atosio Asɔɓɨɨ ʉbɨba. Nɔ mombi ngɨa angɔmʉ anɨdya madyo maɓomu, ya kʉ akʉʉ ɔ Makwɔɓɨɨ, nɔ, ɨmʉtosio Asɔɓɨɨ ʉbɨba kʉ tosioni.
7Uɓei ngʉwɔ mombi pɔ mʉngana wangɔmʉ akpatanakɨa nɔ ɨyɔ makwɔngɔ, nɔ kʉndʉ ingwo ngɨyɔ mombi pɔ mʉngana, yangɔmʉ akpatanakɨa nɔ ɨyɔ makwɔngɔ. 8Dɔ, tɔɓieni akɔ uɓei, ta akɔ uɓei akʉʉ ɔ Makwɔɓɨɨ, nɔ tɔweni, tawo kʉ akɔ Makwɔɓɨɨ. Kʉɓanɨ, yiɓio ɓɔ taniwo ga pɔ ta akɔ uɓei, ta lɨkyɛmʉ lɔ Makwɔɓɨɨ. 9Ya akʉʉ ɔ yaka ngɨyɛnɛnɨ, ɨyɛ Klisito a꞉wo-ɔɔ nɔ ɔ꞉tɔwa ɓata kʉ akɔ uɓei, dɔ ɨnatana akɔɓio tɨa Makwɔɓɨɨ ɔ ɓombi ngʉɓa ɓa꞉sio nɔ ʉɓa ɓa akɔ uɓei. 10Yakamɛngana, ʉwɛ, wa dɔ-sɨ tɨa akio mʉkɔmbʉ wɔnduku asɔɔ dɔtanɨ? Nɔ ʉwɛ, wanɨna nduku asɔɔ ɓʉtʉʉ dɔtanɨ? Ɨnadɔ isu ɓaɓomu, tɛ꞊maa sina ta apɛɨ yɔ mʉkɔmbʉ wɔ Asɔɓɨɨ. 11Dɔ, amati ɔ Mabii, ya꞉tɛndanakɨa ɓɔ:
«Ɨmɨ, Makwɔɓɨɨ ngɨa akɔ uɓei,
nakɔsugo ɓɔ: mombi muɓomu a꞊ɓgʉkʉmɨa sina mawu apɛɨ asɛmɨ.
Nɔ, mombi muɓomu a꞊baya sina ɓɔ ɨmɨ na Asɔɓɨɨ.»#popoko Isa 45:23
12Kʉɓanɨ, mombi nɔ mombi ati eso, ɔ꞊ngaka sina uɓei wɔ mʉtɨma ngʉwangɔ apɛɨ ɔ Asɔɓɨɨ.
Watɨkwisisomʉ nduku asɔɔ amati ɔ ɓʉɓɨɓɨ
13Kʉɓanɨ, tɨsɨeni anapɨana nɔ mʉkɔmbʉ ati eso. Yakamɛngana, yɛtɔ akwaisio ɓɔ mombi pɔ mʉngana atɨnapɨamʉ yaka apɛɨ ɔ nduku angɔ, ɨyɛ, yamʉkwisiso, ga pɔ nayɔ atʉma akɨa ɓʉɓɨɓɨ. 14Dɔ ɨmɨ, na꞉baya Yeso Makwɔɓɨɨ, nanɨmbɨa, nɔ, pemiso iɗo nɔgbɛ ɓɔ, ɨkyɛmʉ yɔ ɔpɛ yangɔmʉ pɔ mɛngana. Yakamɛngana, mombi ɔsɨkeni ɨkyɛmʉ ndʉ ɔpɛ, yasugo ɓɔ ɨkyɛmʉ yɔngɔ yaɓio tɨa kʉ ɔpɛ akɔ ɨyɔ mombi ngɨananɨ. 15Wɔmudyiseni nduku asɔɔ mʉtɨma ikoko akʉʉ ɔ idyo ngɨyɛ wanɨdya, ambɔ wangɔmʉ ɓata akyɛndaka akɔ ɨngbaa yɔ ɓʉkʉnda. Watɨyanakisomʉ mombi ngɨa Klisito a꞉wo akʉʉ angɔ ta akɔ idyo ngɨyɛnɛnɨ yɛsɔɔ. 16Kʉɓanɨ, ɨkyɛmʉ ngɨyɛ inu nánɨna ɓɔ ya iɗo, nátɨsɨamʉ ɓɔ ɓangɛ ɓɨpʉnga tɨa nayɔ asɛaka.
17Dɔ, Ɓʉngama ngʉɓɔ Asɔɓɨɨ ɓangɔmʉ akʉʉ ɔ dyakanaka, nɔ mwakanaka. Yakamɛngana, ɓa akʉʉ ɔ ɓungbingbii, majɨɔ, nɔ, ɨgyagya ngɨyɛ Mʉtɨma wɔta Tu wenjo. 18Mombi muɓomu ngɨa akyananakɨa Klisito ɓanɨ, anɨkataa Asɔɓɨɨ, nɔ ɓombi ɓɔmʉɓɨnyɨa kʉ ɓɨnyɨanɨ.
19Kʉɓanɨ, tɨkɨeni angu aɓio nɔ mʉkyananakɨa ngʉwa wenjo majɨɔ, nɔ, aninjono angu amati ɔ báya.
20Watɨyangisomʉ tɛa yɔ Asɔɓɨɨ akʉʉ ɔ yaka yɔ idyo. Pemiso ɓɔ madyo maɓomu ka ta maɗo anɨdya, yakamɛngana, ya ɓɨɓɨ anɨdya ɨkyɛmʉ ngɨyɛ yakwisiso mangɛ aɓʉɓɨɓɨ. 21Ya gɔ pɛngɛ iɗo nɔgbɛ ataa anjɨɓɔ, ga pɔ ʉkyɛpʉ, nɔ migbo yɔ ɓayaka ɓaɓomu ngʉɓa ɓeneni ɓakwisiso nduku asɔɔ. 22Pɛmakɨa báya ngɨyɛ wanayɔ apɛɨ ɔ Asɔɓɨɨ, akʉʉ ɔ ɨkananja yɔ yaka ndʉ ɨyɛnɛnɨ. Ɨgyagya nɔ mombi ngɨa a mʉtɨma ta ɓɔ dɨɨ, akɔkɨa yaka ngɨyɛ ɔkwaisio kɨa. 23Yakamɛngana, mombi ngɨa anɔ ɓajatwoko akʉʉ ɔ idyo ngɨyɛ anɨdya, Asɔɓɨɨ a꞉mʉnapɨa tɨa nɔ mʉkɔmbʉ napɨanɨ, dɔ, ɨkyɛmʉ ngɨyɛ akɨa, yangɔmʉ akpatanakɨa nɔ báya. Ɨnadɔ, Yaka iɓomu ngɨyɛ yɔchwɛanɨɔmʉ nɔ báya ya ɓʉɓɨɓɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.