Ехъошуа 6
6
Яхэнэрэ шъхьэр
1Джащыгъум Зиусхьаным Ехъошуа къыриӀуагъ:
– Мары, Ерыхъэу къалэр зэрэпсэоу, ащ дэс пачъыхьэри идзэкӀолӀ бланэхэри о пӀэ къисэлъхьэх. 2УидзэкӀолӀхэр зэкӀэ уигъусэхэу мафэм зэ къалэр хъураеу къэкӀухь. Мэфихым къыкӀоцӀ ащ фэдэу шӀы. 3КъурмэнышӀ нэбгырибл, бжъэмыешхо зырыз аӀыгъэу, пхъонтэ лъапӀэм ыпэ итхэу орэкӀох. Яблэнэрэ мафэм, бжъэмыешхомэ япщэрэ къурмэнышӀхэр шъуигъусэхэу, къалэр гъогогъуиблэ хъураеу къэшъукӀухь. 4Бжъэмыемэ япщэхэрэм мэкъэ кӀыхьэ къыращыгъэу зызэхэшъухыкӀэ, лъэпкъыр зэу лъэшэу къызэдэрэкуу. Джащыгъум къэлэ дэпкъыр ылъапсэ нэсэу къызэхэонышъ, шъори лъэныкъо пстэумкӀи къалэм шъудэхьащт.
5Ныун ыкъо Ехъошуа къурмэнышӀхэм къяджи, ариӀуагъ:
– Зиусхьаным ипхъонтэ лъапӀэ къашъушти, шъуащыщ къурмэнышӀ нэбгырибл бжъэмые зырыз аӀыгъэу ащ ыпэ ижъугъэуцох.
6ЗэолӀхэми унашъо афишӀыгъ:
– ШъукӀуи, къалэр хъураеу къэшъукӀухь. Зиусхьаным ипхъонтэ лъапӀэ ыпэ итэу шъуащыщ уӀэшыгъэ ухъумакӀохэр орэкӀох.
7Аущтэу Ехъошуа лъэпкъым зыреӀом ыуж, къурмэнышӀ нэбгыриблыр Зиусхьаным ыпашъхьэ бжъэмыемэ щяпщэхэзэ, Зиусхьаным ипхъонтэ лъапӀэ ыпэ итхэу ежьагъэх. 8УӀэшыгъэ ухъумакӀохэр зэкӀэмэ апэ итыгъэх, ахэм аужыгъэх къурмэнышӀэу бжъэмыемэ япщэхэрэмрэ пхъонтэ лъапӀэр зыхьыхэрэмрэ, нэмыкӀ уӀэшыгъэ ухъумэкӀо купыр зэкӀэмэ аужыжьыгъ. Ащ фэдизым зэпымыоу бжъэмыемэ япщагъэх. 9Ехъошуа лъэпкъым унашъо фишӀи, риӀуагъ:
– Макъи къэшъумыгъэӀу, зы гущыӀи шъужэ къыдэшъумыгъэкӀ. Шъукуонэу унашъо къышъуфэсэшӀыфэ заом шъукъыфэмыдж. Унашъор къызэхэшъухымэ, джащыгъум шъумакъэ къызэрихьэу шъукъэкуу.
10Джаущтэу Зиусхьаным ипхъонтэ лъапӀэ къалэм хъураеу зэ къырахьакӀыгъ. Ащ ыуж уцупӀэм къагъэзэжьи, чэщыр щырахыгъ.
11ЯтӀонэрэ мафэм, Ехъошуа пчэдыжьым жьэу къэтэджыгъ, къурмэнышӀхэм Зиусхьаным ипхъонтэ лъапӀэ къаригъашти, ежьагъэх. 12КъурмэнышӀ нэбгыриблыр бжъэмыемэ япщэхэзэ, Зиусхьаным ипхъонтэ лъапӀэ ыпэ итхэу кӀуагъэх. КъурмэнышӀхэмрэ пхъонтэ лъапӀэмрэ апэкӀи аужыкӀи уӀэшыгъэ ухъумэкӀо куп зырыз итыгъ. Ащ фэдизым зэпымыоу бжъэмыемэ япщагъэх. 13А мафэми къалэр хъураеу зэ къакӀухьи, уцупӀэм къагъэзэжьыгъ. Джаущтэу мэфихым къыкӀоцӀ ашӀыгъ.
14Яблэнэрэ мафэм жьэу къэтэджыхи, нэфылъым къызэкӀичыгъэ къодыеу, къалэр къакӀухьанэу рагъэжьагъ: а мэфэ закъом ар гъогогъуиблэ къакӀухьагъ. 15Яблэнэрэу къурмэнышӀхэр бжъэмыемэ зяпщэхэм, Ехъошуа цӀыфхэм унашъо афишӀыгъ:
– Шъукуу! Зиусхьаным къалэр къышъуитыгъ! 16Ау ежь Ерыхъэу къалэри зэкӀэ ащ дэсхэри тхьарыӀокӀэ Зиусхьаным зэрэфэдгъэшъошэщтхэр, лъэпсэкӀод зэрэтшӀыщтхэр#6:16 Ижъырэ джуртыбзэкӀэ тхыгъэ Ӏэпэрытхым хэт глаголэу «хьарам»-м мэхьанэу иӀэр: пкъыгъохэмрэ цӀыфхэмрэ Зиусхьаным фэбгъэшъошэнхэр, нахьыбэмкӀэ ахэр лъэпсэкӀодэу фэбгъэкӀодынхэр ары. Ар къикӀэу мы тхылъым изэдзэкӀын щыдгъэфедагъэх гущыӀэ зэгъусэхэу: «тхьэлъанэкӀэ Зиусхьаным фэгъэшъошэгъэн», «лъэпсэкӀод шӀыгъэн». НэмыкӀ чӀыпӀэхэми къызэращыхафэрэр джащ фэд. зыщышъумыгъэгъупш. Джасусэу дгъэкӀуагъэхэр зэригъэбылъыгъэхэм пай, псэоу къэдгъэнэщтхэр бзылъфыгъэ хэтакӀоу Рахъабрэ хэтми ащ иунэ исхэмрэ арых ныӀэп. 17Ау Зиусхьаным тхьарыӀокӀэ фэдгъэшъошагъэхэм защышъуухъум, ахэм ащыщ горэ къызышъуштэкӀэ шъор-шъорэу зыжъугъэкӀодыжьыщт, израилхэм яуцупӀи тхьамыкӀагъо къыфэшъухьынышъ, къышъоунэхъулӀэщт. 18ЗэкӀэ тыжьынымрэ дышъэмрэ, джащ фэдэу джэрзымрэ гъучӀымрэ ахэшӀыкӀыгъэ хьап-щыпхэр Зиусхьаным фэгъэлъэпӀагъэхэшъ, Ащ имылъку гъэтӀылъыпӀэ чӀашъулъхьэх.
19Арыти, къурмэнышӀхэр бжъэмыемэ зяпщэхэм, зэрэлъэпкъэу къызэдэкууагъ. Бжъэмыемэ япщэхэрэм макъэр къызыращым, цӀыфхэр лъэшэу куохэ зэхъум, къэлэ дэпкъыр ылъапсэ нэсэу къызэхэуагъ. Джащыгъум цӀыфхэр лъэныкъо пстэумкӀи къалэм дэхьагъэх. 20Ахэм къалэр Зиусхьаным лъэпсэкӀод фашӀыгъ: хъулъфыгъэхэри бзылъфыгъэхэри, ныбжьыкӀэхэри лӀыжъхэри, цухэри, мэлхэри, щыдхэри – псэ зыпытэу дэсыгъэр зэкӀэ чатэкӀэ аукӀыгъэх. 21ЧӀыгур къэзыплъыхьанэу кӀогъэгъэ джасуситӀум Ехъошуа ариӀуагъ:
– Бзылъфыгъэ хэтакӀом иунэ шъукӀуи, тхьэлъанэ зэрэфэшъушӀыгъэу, ежьыри зэкӀэ иунэ исхэри къишъущых.
22Арыти, а кӀэлитӀур кӀуи, Рахъаб иунэ ихьэхи, ежьыри, янэ-ятэхэри, ышхэри, зэкӀэ иӀахьылхэри ащ къыращыгъэх. Ахэр къалэм дащыхи, израилхэм яуцупӀэ ыкӀыбкӀэ къагъэнагъэх.
23ЕтӀанэ къалэри ащ дэтыгъэ пстэури, машӀо акӀадзи, агъэстыгъ. Ау тыжьыни, дышъи, джэрзымрэ гъучӀымрэ ахэшӀыкӀыгъэ хьап-щыпхэри зэкӀэ Зиусхьаным и Унэ хэт мылъку гъэтӀылъыпӀэм чӀалъхьагъэх. 24Ау Ерыхъэу ыгъэкӀогъэ джасусхэм къызэрадеӀагъэм пае хэтакӀоу Рахъаби, иунагъуи, зэкӀэ ащ игъусагъэхэри Ехъошуа псэоу къыгъэнагъэх. Непэ къызнэсыгъэми ащ иунагъо израилхэм ахэс. 25Ащыгъур ары, Ехъошуа мыщ фэдэ бгыбзэр къызиӀуагъэр:
– Зиусхьаным инэлат къытефагъ хэтми мы Ерыхъэу къалэр зыгъэуцужьынэу фежьэрэм:
къэлэ лъапсэр зигъэтӀылъкӀэ –
щыпэлъфыр уасэу лъитыщт,
къэлапчъэхэр зыӀуилъхьажькӀэ –
ыкъо нахьыкӀэ чӀинэщт.
26Зиусхьаныр Ехъошуа игъусагъэти, ищытхъу зэрэчӀыгоу щызэлъашӀагъ.
Currently Selected:
Ехъошуа 6: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Ехъошуа 6
6
Яхэнэрэ шъхьэр
1Джащыгъум Зиусхьаным Ехъошуа къыриӀуагъ:
– Мары, Ерыхъэу къалэр зэрэпсэоу, ащ дэс пачъыхьэри идзэкӀолӀ бланэхэри о пӀэ къисэлъхьэх. 2УидзэкӀолӀхэр зэкӀэ уигъусэхэу мафэм зэ къалэр хъураеу къэкӀухь. Мэфихым къыкӀоцӀ ащ фэдэу шӀы. 3КъурмэнышӀ нэбгырибл, бжъэмыешхо зырыз аӀыгъэу, пхъонтэ лъапӀэм ыпэ итхэу орэкӀох. Яблэнэрэ мафэм, бжъэмыешхомэ япщэрэ къурмэнышӀхэр шъуигъусэхэу, къалэр гъогогъуиблэ хъураеу къэшъукӀухь. 4Бжъэмыемэ япщэхэрэм мэкъэ кӀыхьэ къыращыгъэу зызэхэшъухыкӀэ, лъэпкъыр зэу лъэшэу къызэдэрэкуу. Джащыгъум къэлэ дэпкъыр ылъапсэ нэсэу къызэхэонышъ, шъори лъэныкъо пстэумкӀи къалэм шъудэхьащт.
5Ныун ыкъо Ехъошуа къурмэнышӀхэм къяджи, ариӀуагъ:
– Зиусхьаным ипхъонтэ лъапӀэ къашъушти, шъуащыщ къурмэнышӀ нэбгырибл бжъэмые зырыз аӀыгъэу ащ ыпэ ижъугъэуцох.
6ЗэолӀхэми унашъо афишӀыгъ:
– ШъукӀуи, къалэр хъураеу къэшъукӀухь. Зиусхьаным ипхъонтэ лъапӀэ ыпэ итэу шъуащыщ уӀэшыгъэ ухъумакӀохэр орэкӀох.
7Аущтэу Ехъошуа лъэпкъым зыреӀом ыуж, къурмэнышӀ нэбгыриблыр Зиусхьаным ыпашъхьэ бжъэмыемэ щяпщэхэзэ, Зиусхьаным ипхъонтэ лъапӀэ ыпэ итхэу ежьагъэх. 8УӀэшыгъэ ухъумакӀохэр зэкӀэмэ апэ итыгъэх, ахэм аужыгъэх къурмэнышӀэу бжъэмыемэ япщэхэрэмрэ пхъонтэ лъапӀэр зыхьыхэрэмрэ, нэмыкӀ уӀэшыгъэ ухъумэкӀо купыр зэкӀэмэ аужыжьыгъ. Ащ фэдизым зэпымыоу бжъэмыемэ япщагъэх. 9Ехъошуа лъэпкъым унашъо фишӀи, риӀуагъ:
– Макъи къэшъумыгъэӀу, зы гущыӀи шъужэ къыдэшъумыгъэкӀ. Шъукуонэу унашъо къышъуфэсэшӀыфэ заом шъукъыфэмыдж. Унашъор къызэхэшъухымэ, джащыгъум шъумакъэ къызэрихьэу шъукъэкуу.
10Джаущтэу Зиусхьаным ипхъонтэ лъапӀэ къалэм хъураеу зэ къырахьакӀыгъ. Ащ ыуж уцупӀэм къагъэзэжьи, чэщыр щырахыгъ.
11ЯтӀонэрэ мафэм, Ехъошуа пчэдыжьым жьэу къэтэджыгъ, къурмэнышӀхэм Зиусхьаным ипхъонтэ лъапӀэ къаригъашти, ежьагъэх. 12КъурмэнышӀ нэбгыриблыр бжъэмыемэ япщэхэзэ, Зиусхьаным ипхъонтэ лъапӀэ ыпэ итхэу кӀуагъэх. КъурмэнышӀхэмрэ пхъонтэ лъапӀэмрэ апэкӀи аужыкӀи уӀэшыгъэ ухъумэкӀо куп зырыз итыгъ. Ащ фэдизым зэпымыоу бжъэмыемэ япщагъэх. 13А мафэми къалэр хъураеу зэ къакӀухьи, уцупӀэм къагъэзэжьыгъ. Джаущтэу мэфихым къыкӀоцӀ ашӀыгъ.
14Яблэнэрэ мафэм жьэу къэтэджыхи, нэфылъым къызэкӀичыгъэ къодыеу, къалэр къакӀухьанэу рагъэжьагъ: а мэфэ закъом ар гъогогъуиблэ къакӀухьагъ. 15Яблэнэрэу къурмэнышӀхэр бжъэмыемэ зяпщэхэм, Ехъошуа цӀыфхэм унашъо афишӀыгъ:
– Шъукуу! Зиусхьаным къалэр къышъуитыгъ! 16Ау ежь Ерыхъэу къалэри зэкӀэ ащ дэсхэри тхьарыӀокӀэ Зиусхьаным зэрэфэдгъэшъошэщтхэр, лъэпсэкӀод зэрэтшӀыщтхэр#6:16 Ижъырэ джуртыбзэкӀэ тхыгъэ Ӏэпэрытхым хэт глаголэу «хьарам»-м мэхьанэу иӀэр: пкъыгъохэмрэ цӀыфхэмрэ Зиусхьаным фэбгъэшъошэнхэр, нахьыбэмкӀэ ахэр лъэпсэкӀодэу фэбгъэкӀодынхэр ары. Ар къикӀэу мы тхылъым изэдзэкӀын щыдгъэфедагъэх гущыӀэ зэгъусэхэу: «тхьэлъанэкӀэ Зиусхьаным фэгъэшъошэгъэн», «лъэпсэкӀод шӀыгъэн». НэмыкӀ чӀыпӀэхэми къызэращыхафэрэр джащ фэд. зыщышъумыгъэгъупш. Джасусэу дгъэкӀуагъэхэр зэригъэбылъыгъэхэм пай, псэоу къэдгъэнэщтхэр бзылъфыгъэ хэтакӀоу Рахъабрэ хэтми ащ иунэ исхэмрэ арых ныӀэп. 17Ау Зиусхьаным тхьарыӀокӀэ фэдгъэшъошагъэхэм защышъуухъум, ахэм ащыщ горэ къызышъуштэкӀэ шъор-шъорэу зыжъугъэкӀодыжьыщт, израилхэм яуцупӀи тхьамыкӀагъо къыфэшъухьынышъ, къышъоунэхъулӀэщт. 18ЗэкӀэ тыжьынымрэ дышъэмрэ, джащ фэдэу джэрзымрэ гъучӀымрэ ахэшӀыкӀыгъэ хьап-щыпхэр Зиусхьаным фэгъэлъэпӀагъэхэшъ, Ащ имылъку гъэтӀылъыпӀэ чӀашъулъхьэх.
19Арыти, къурмэнышӀхэр бжъэмыемэ зяпщэхэм, зэрэлъэпкъэу къызэдэкууагъ. Бжъэмыемэ япщэхэрэм макъэр къызыращым, цӀыфхэр лъэшэу куохэ зэхъум, къэлэ дэпкъыр ылъапсэ нэсэу къызэхэуагъ. Джащыгъум цӀыфхэр лъэныкъо пстэумкӀи къалэм дэхьагъэх. 20Ахэм къалэр Зиусхьаным лъэпсэкӀод фашӀыгъ: хъулъфыгъэхэри бзылъфыгъэхэри, ныбжьыкӀэхэри лӀыжъхэри, цухэри, мэлхэри, щыдхэри – псэ зыпытэу дэсыгъэр зэкӀэ чатэкӀэ аукӀыгъэх. 21ЧӀыгур къэзыплъыхьанэу кӀогъэгъэ джасуситӀум Ехъошуа ариӀуагъ:
– Бзылъфыгъэ хэтакӀом иунэ шъукӀуи, тхьэлъанэ зэрэфэшъушӀыгъэу, ежьыри зэкӀэ иунэ исхэри къишъущых.
22Арыти, а кӀэлитӀур кӀуи, Рахъаб иунэ ихьэхи, ежьыри, янэ-ятэхэри, ышхэри, зэкӀэ иӀахьылхэри ащ къыращыгъэх. Ахэр къалэм дащыхи, израилхэм яуцупӀэ ыкӀыбкӀэ къагъэнагъэх.
23ЕтӀанэ къалэри ащ дэтыгъэ пстэури, машӀо акӀадзи, агъэстыгъ. Ау тыжьыни, дышъи, джэрзымрэ гъучӀымрэ ахэшӀыкӀыгъэ хьап-щыпхэри зэкӀэ Зиусхьаным и Унэ хэт мылъку гъэтӀылъыпӀэм чӀалъхьагъэх. 24Ау Ерыхъэу ыгъэкӀогъэ джасусхэм къызэрадеӀагъэм пае хэтакӀоу Рахъаби, иунагъуи, зэкӀэ ащ игъусагъэхэри Ехъошуа псэоу къыгъэнагъэх. Непэ къызнэсыгъэми ащ иунагъо израилхэм ахэс. 25Ащыгъур ары, Ехъошуа мыщ фэдэ бгыбзэр къызиӀуагъэр:
– Зиусхьаным инэлат къытефагъ хэтми мы Ерыхъэу къалэр зыгъэуцужьынэу фежьэрэм:
къэлэ лъапсэр зигъэтӀылъкӀэ –
щыпэлъфыр уасэу лъитыщт,
къэлапчъэхэр зыӀуилъхьажькӀэ –
ыкъо нахьыкӀэ чӀинэщт.
26Зиусхьаныр Ехъошуа игъусагъэти, ищытхъу зэрэчӀыгоу щызэлъашӀагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023