Ехъошуа 5
5
Ятфэнэрэ шъхьэр
Израилхэр Гъылгъал сунэт зэрэщашӀыгъэхэр
1Зиусхьаным израилхэр къикӀынхэ алъэкӀынэу Иордан псыхъор апашъхьэ зэрэщыригъэгъушъыкӀыгъэр ащ итыгъэкъохьэпӀэ лъэныкъо щыпсэурэ амэр пачъыхьэхэмрэ хы Ӏушъом Ӏус къэнаӀан пачъыхьэхэмрэ зызэхахым, агухэр къэкӀодыгъэх, израилхэм апэуцужьынхэу лӀыгъи къафэнэжьыгъэп.
2А уахътэм:
– Мыжъом шъэжъые чанхэр хэшӀыкӀыхи, икӀэрыкӀэу израилхэр сунэт шӀых#5:2 Сунэт пшӀыным къикӀырэр хъулъфыгъэм иукӀытэпӀэ пакӀэ пыуупкӀыныр ары. Мы зекӀокӀэ-шӀыкӀэр Зиусхьанымрэ израил лъэпкъымрэ зэдашӀыгъэ Зэзэгъыныгъэм итамыгъэу щытыгъ, ащкӀэ ахэр нэмыкӀ лъэпкъхэм атекӀыщтыгъэх. Еплъ: тхылъэу «УблапӀэ» 17:9-14., – ыӀуи Зиусхьаным Ехъошуа къыриӀуагъ.
3Арыти, Ехъошуа мыжъом шъэжъые чанхэр хишӀыкӀыхи, израилхэр Ӏэрэлот#5:3 Мы гущыӀэм ижъырэ джуртыбзэмкӀэ имэхьанэр: «укӀытэпӀэ пакӀ». Ӏуашъхьэм сунэт щишӀыгъэх.
4Мары ащ аущтэу зыкӀишӀыгъэр: Мысырым къикӀыжьыгъэ хъулъфыгъэхэу зэон зылъэкӀынэу щытыгъэхэр зэкӀэ, шъофнэкӀым къыщекӀокӀыфэхэ, ащ илӀыхьагъэх. 5Мысырым къикӀыжьыгъэ хъулъфыгъэхэр сунэт шӀыгъэхагъэх, шъофнэкӀым адрэ къыщыхъугъэхэр сунэт шӀыгъагъэхэп. 6Мысырым къызекӀыжьхэм Зиусхьаным зэремыдэӀугъэхэм къыхэкӀэу, зэкӀэ хъулъфыгъэхэу зэон зылъэкӀынэу щытыгъэхэр олӀэфэхэ, илъэс тӀокӀитӀум (40-м) къыкӀоцӀ израилхэр шъофнэкӀым къыщекӀокӀыхэу итыгъэх. Ятэхэм къаритынэу къызфигъэгугъагъэхэ чӀыгоу щэмрэ шъоумрэ зыщычъэрэр ахэм аримыгъэлъэгъунэу Зиусхьаным гущыӀэ пытэ ышӀыгъагъэба! 7Ехъошуа сунэт зыфишӀыгъэ акъохэр ахэм ачӀыпӀэ Зиусхьаным къыригъэуцуагъэх. Гъогум тетыфэхэ зыпари сунэт ашӀыгъэпти, ахэр джыри сунэт шӀыгъагъэхэп. 8Хъулъфыгъэхэр зэкӀэ сунэт зашӀыхэм, ахэр охъужьыфэхэ, уцупӀэм къыданэхи, дэсыгъэх.
9ЕтӀани:
– Мысырым емыкӀоу къыщышъуашӀагъэр Сэ непэ шъутесхыжьыгъ. – Зиусхьаным Ехъошуа къыриӀуагъ.
Джары а чӀыпӀэм непэ къызнэсыгъэми ГъылгъалкӀэ#5:9 ГущыӀэу «Гъылгъал» зыфиӀорэр ижъырэ джуртыбзэмкӀэ икъэӀуакӀэ «гъалал» гущыӀэм ехьщыр. «Гъалал»-р тэ мы чӀыпӀэм «шъутесхыжьыгъ» зыфиӀорэ гущыӀэмкӀэ зэтыдзэкӀыгъ, имэхьанэ шъыпкъэр «Ӏугъэчъын». зыкӀеджэхэрэр.
10А мазэм ияпшӀыкӀуплӀэнэрэ мафэ, пчыхьашъхьэм, Ерыхъэу пэблагъэу Иордан кӀэим Пэсахыр Гъылгъал уцупӀэм израилхэм щагъэмэфэкӀыгъ. 11Пэсахым къыкӀэлъыкӀогъэ мафэм, а чӀыгум къыщыкӀыгъэхэм ахашӀыкӀыгъэхэр ашхыгъэх: хьалыгъу мыкӀу-мыпшэмрэ фышъхьэцэ гъэжъагъэмрэ. 12А мафэу чӀыгум къыщыкӀыгъэхэм ахэшӀыкӀыгъэ гъомлапхъэр ашхынэу зырагъэжьагъэм къыщегъэжьагъэу мон шхыныр#5:12 Мон шхыныр израил цӀыфхэм илъэс 40-м шъофнэкӀым къыщакӀухьэфэ Тхьэм къаритыщтыгъэ гъомлапхъэр ары. Ар ошъогум къефэхыщтыгъэ, къоныкӀэм ехьыщырыгъ, фыжьыгъ, шъоу зыхэлъ хьарыпӀэм фэдагъ. Еплъ: тхылъэу «МысырикӀыжь» 16:31. ошъогум къафехыжьыгъэп, къэнаӀан чӀыгум къыщыкӀыгъэр ары а илъэсым ашхыгъэр.
Зиусхьаным идзэпащэ Ехъошуа зэрэӀукӀагъэр
13Ерыхъэу пэмычыжьэу щытэу Ехъошуа маплъэшъ, чэтэ ихыгъэ ыӀыгъэу зы хъулъфыгъэ горэ мары ыпашъхьэ ит. Ехъошуа ащ екӀуалӀи, еупчӀыгъ:
– О тэ укъытщыща, хьаумэ типыйхэм уащыща?
14– Хьау, сэ Зиусхьаным идзэ сырипащ, джы моу сыкъэкӀуагъ, – джэуап къытыжьыгъ ащ.
Ехъошуа, чӀыгум нэсэу ащ шъхьащэ фишӀи, еупчӀыгъ:
– Сыд Сизиусхьан иӀумэт къыриӀонэу зыфаер?
15– Узытетыр чӀы лъапӀэшъ, уицуакъэхэр къызыщых#5:15 КъокӀыпӀэ хэгъэгухэм ижъыкӀэ къыщегъэжьагъэу ЛъэкӀ Пстэури ЗиӀэ Тхьэм елъэӀунхэ зыхъукӀэ яцуакъэхэр зэрэзыщахыхэрэ хабзэм мыр дештэ. , – ыӀуи, Зиусхьаным идзэпащэ къыриӀожьыгъ.
Ехъошуа цуакъэхэр зыщихыгъэх.
Ерыхъэу израилхэм зэраштагъэр
16Израилхэм къызэращыщынэхэрэм къыхэкӀэу Ерыхъэу икъэлапчъэхэр пытэу зэтегъэпытыхьэгъагъэх. Зыпари къалэм къыдэкӀыщтыгъэп ыкӀи дэхьажьыщтыгъэп.
Currently Selected:
Ехъошуа 5: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Ехъошуа 5
5
Ятфэнэрэ шъхьэр
Израилхэр Гъылгъал сунэт зэрэщашӀыгъэхэр
1Зиусхьаным израилхэр къикӀынхэ алъэкӀынэу Иордан псыхъор апашъхьэ зэрэщыригъэгъушъыкӀыгъэр ащ итыгъэкъохьэпӀэ лъэныкъо щыпсэурэ амэр пачъыхьэхэмрэ хы Ӏушъом Ӏус къэнаӀан пачъыхьэхэмрэ зызэхахым, агухэр къэкӀодыгъэх, израилхэм апэуцужьынхэу лӀыгъи къафэнэжьыгъэп.
2А уахътэм:
– Мыжъом шъэжъые чанхэр хэшӀыкӀыхи, икӀэрыкӀэу израилхэр сунэт шӀых#5:2 Сунэт пшӀыным къикӀырэр хъулъфыгъэм иукӀытэпӀэ пакӀэ пыуупкӀыныр ары. Мы зекӀокӀэ-шӀыкӀэр Зиусхьанымрэ израил лъэпкъымрэ зэдашӀыгъэ Зэзэгъыныгъэм итамыгъэу щытыгъ, ащкӀэ ахэр нэмыкӀ лъэпкъхэм атекӀыщтыгъэх. Еплъ: тхылъэу «УблапӀэ» 17:9-14., – ыӀуи Зиусхьаным Ехъошуа къыриӀуагъ.
3Арыти, Ехъошуа мыжъом шъэжъые чанхэр хишӀыкӀыхи, израилхэр Ӏэрэлот#5:3 Мы гущыӀэм ижъырэ джуртыбзэмкӀэ имэхьанэр: «укӀытэпӀэ пакӀ». Ӏуашъхьэм сунэт щишӀыгъэх.
4Мары ащ аущтэу зыкӀишӀыгъэр: Мысырым къикӀыжьыгъэ хъулъфыгъэхэу зэон зылъэкӀынэу щытыгъэхэр зэкӀэ, шъофнэкӀым къыщекӀокӀыфэхэ, ащ илӀыхьагъэх. 5Мысырым къикӀыжьыгъэ хъулъфыгъэхэр сунэт шӀыгъэхагъэх, шъофнэкӀым адрэ къыщыхъугъэхэр сунэт шӀыгъагъэхэп. 6Мысырым къызекӀыжьхэм Зиусхьаным зэремыдэӀугъэхэм къыхэкӀэу, зэкӀэ хъулъфыгъэхэу зэон зылъэкӀынэу щытыгъэхэр олӀэфэхэ, илъэс тӀокӀитӀум (40-м) къыкӀоцӀ израилхэр шъофнэкӀым къыщекӀокӀыхэу итыгъэх. Ятэхэм къаритынэу къызфигъэгугъагъэхэ чӀыгоу щэмрэ шъоумрэ зыщычъэрэр ахэм аримыгъэлъэгъунэу Зиусхьаным гущыӀэ пытэ ышӀыгъагъэба! 7Ехъошуа сунэт зыфишӀыгъэ акъохэр ахэм ачӀыпӀэ Зиусхьаным къыригъэуцуагъэх. Гъогум тетыфэхэ зыпари сунэт ашӀыгъэпти, ахэр джыри сунэт шӀыгъагъэхэп. 8Хъулъфыгъэхэр зэкӀэ сунэт зашӀыхэм, ахэр охъужьыфэхэ, уцупӀэм къыданэхи, дэсыгъэх.
9ЕтӀани:
– Мысырым емыкӀоу къыщышъуашӀагъэр Сэ непэ шъутесхыжьыгъ. – Зиусхьаным Ехъошуа къыриӀуагъ.
Джары а чӀыпӀэм непэ къызнэсыгъэми ГъылгъалкӀэ#5:9 ГущыӀэу «Гъылгъал» зыфиӀорэр ижъырэ джуртыбзэмкӀэ икъэӀуакӀэ «гъалал» гущыӀэм ехьщыр. «Гъалал»-р тэ мы чӀыпӀэм «шъутесхыжьыгъ» зыфиӀорэ гущыӀэмкӀэ зэтыдзэкӀыгъ, имэхьанэ шъыпкъэр «Ӏугъэчъын». зыкӀеджэхэрэр.
10А мазэм ияпшӀыкӀуплӀэнэрэ мафэ, пчыхьашъхьэм, Ерыхъэу пэблагъэу Иордан кӀэим Пэсахыр Гъылгъал уцупӀэм израилхэм щагъэмэфэкӀыгъ. 11Пэсахым къыкӀэлъыкӀогъэ мафэм, а чӀыгум къыщыкӀыгъэхэм ахашӀыкӀыгъэхэр ашхыгъэх: хьалыгъу мыкӀу-мыпшэмрэ фышъхьэцэ гъэжъагъэмрэ. 12А мафэу чӀыгум къыщыкӀыгъэхэм ахэшӀыкӀыгъэ гъомлапхъэр ашхынэу зырагъэжьагъэм къыщегъэжьагъэу мон шхыныр#5:12 Мон шхыныр израил цӀыфхэм илъэс 40-м шъофнэкӀым къыщакӀухьэфэ Тхьэм къаритыщтыгъэ гъомлапхъэр ары. Ар ошъогум къефэхыщтыгъэ, къоныкӀэм ехьыщырыгъ, фыжьыгъ, шъоу зыхэлъ хьарыпӀэм фэдагъ. Еплъ: тхылъэу «МысырикӀыжь» 16:31. ошъогум къафехыжьыгъэп, къэнаӀан чӀыгум къыщыкӀыгъэр ары а илъэсым ашхыгъэр.
Зиусхьаным идзэпащэ Ехъошуа зэрэӀукӀагъэр
13Ерыхъэу пэмычыжьэу щытэу Ехъошуа маплъэшъ, чэтэ ихыгъэ ыӀыгъэу зы хъулъфыгъэ горэ мары ыпашъхьэ ит. Ехъошуа ащ екӀуалӀи, еупчӀыгъ:
– О тэ укъытщыща, хьаумэ типыйхэм уащыща?
14– Хьау, сэ Зиусхьаным идзэ сырипащ, джы моу сыкъэкӀуагъ, – джэуап къытыжьыгъ ащ.
Ехъошуа, чӀыгум нэсэу ащ шъхьащэ фишӀи, еупчӀыгъ:
– Сыд Сизиусхьан иӀумэт къыриӀонэу зыфаер?
15– Узытетыр чӀы лъапӀэшъ, уицуакъэхэр къызыщых#5:15 КъокӀыпӀэ хэгъэгухэм ижъыкӀэ къыщегъэжьагъэу ЛъэкӀ Пстэури ЗиӀэ Тхьэм елъэӀунхэ зыхъукӀэ яцуакъэхэр зэрэзыщахыхэрэ хабзэм мыр дештэ. , – ыӀуи, Зиусхьаным идзэпащэ къыриӀожьыгъ.
Ехъошуа цуакъэхэр зыщихыгъэх.
Ерыхъэу израилхэм зэраштагъэр
16Израилхэм къызэращыщынэхэрэм къыхэкӀэу Ерыхъэу икъэлапчъэхэр пытэу зэтегъэпытыхьэгъагъэх. Зыпари къалэм къыдэкӀыщтыгъэп ыкӀи дэхьажьыщтыгъэп.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023