Гъуазэхэр 7
7
Яблэнэрэ шъхьэр
Тхьэм мыдианхэр ГъыдыӀон ыӀэ къызэрэрилъхьагъэхэр
1ЕрыубэӀали (джары джы ГъыдыӀон зэреджэщтыгъэхэр) зэкӀэ зэолӀэу игъусэхэри пчэдыжьым жьэу къэтэджхи, Хъэрэуд#7:1 Ижъырэ джуртыбзэкӀэ: Щынагъо е гузэжъогъу. псынэкӀэчъым дэжь уцупӀэ щашӀыгъ. Мыдианхэм яуцупӀэ ахэм ятемыр лъэныкъокӀэ, кӀэим, Морэ Ӏошъхьэ лъапэм щыӀагъ.
2– ЗэолӀ бащэ уигъус, – Зиусхьаным ГъыдыӀон къыриӀуагъ. – Мыдианхэм ахэр атезгъэкӀощтхэп, армырмэ Израилым ежь текӀоныгъэр къыдихыгъэу ылъытэнышъ, сапашъхьэ зыщигъэпэгэщт. 3ЯӀу зэолӀэу уигъусэхэм: «Хэтми щынэу, зыгу пысысыхьэрэ пстэуми ГъылыӀад#7:3 ГъылыӀад зыфаӀорэ къушъхьэри чӀыналъэри Иордан псыхъом итыгъэкъокӀыпӀэ лъэныкъокӀэ щыӀэх. Ау мы шъхьэм къыщыӀотэгъэ хъугъэ-шӀагъэхэр къызщыхъухэрэр Иордан псыхъом итыгъэкъохьэпӀэ лъэныкъу, ИзрыӀэл кӀэим иӀэгъо-благъу ары. Арышъ, ГъылыӀадэу мыщ зигугъу къыщишӀырэр нафэп. къушъхьэр къарэгъани, ядэжь орэкӀожьых».
Арыти, нэбгырэ мин тӀокӀырэ тӀурэр кӀожьи, минипшӀыр къэнагъ.
4Ау Зиусхьаным етӀани ГъыдыӀон къыриӀуагъ:
– Джыри зэолӀ бащэ къэнагъ. ЗэкӀэри псым щэхи, Сэ ахэр ащ дэжьым къыщыхэсхыщтых. «Мыр уигъусэу къыбдэкӀощт» зыфасӀорэр къэбгъэнэщт, «Мыр къыбдэкӀощтэп» зыфасӀорэр, гъусэ хъущтэп.
5Арыти, ГъыдыӀон зэолӀхэр псым рищэлӀагъэх. Джащ дэжьым Зиусхьаным ащ къыщыриӀуагъ:
– Псым, хьэм фэдэу, елъыпӀхэмрэ, лъэгонджэмышъхьэкӀэ етӀысэхыгъэхэу ешъохэрэмрэ бгъу зырыз гъэуцух.
6ЗэолӀ шъищыр псым елъыпӀыщтыгъэх, адрэ къэнагъэхэр лъэгонджэмышъхьэкӀэ етӀысэхыгъэу, ӀэгукӀэ жэм фахьызэ, псым ешъощтыгъэх#7:6 Е: «ЗэолӀ шъищым ӀэгукӀэ псыр ажэ фахьызэ елъыпӀыщтыгъэх, адрэ къэнагъэхэр псым ешъонхэу лъэгонджэмышъхьэкӀэ етӀысэхыгъэх»..
7Арыти:
– А елъыпӀырэ зэолӀ шъищымкӀэ Сэ шъхьафит шъусшӀынышъ, – къыриӀуагъ Зиусхьаным ГъыдыӀон, – мыдианхэри шъуӀэ къислъхьащтых. Адрэхэр зэкӀэ ядэжь орэкӀожьых.
8Джащыгъум ГъыдыӀон зэолӀ шъищыр къыгъани, адрэ израилхэм зэкӀэ гъомлапхъэу зыдаӀыгъыгъэхэмрэ ябжъэмыехэмрэ къыщаригъанэхи, ядэжь, ящэтырхэм, агъэзэжьынэу ытӀупщыжьыгъэх.
Мыдианхэм яуцупӀэ ыхэкӀэ, кӀэим итыгъ.
9А чэщ дэдэм Зиусхьаным ГъыдыӀон къыриӀуагъ:
– ЗыӀэти, мыдианхэм яуцупӀэ, ар Сэ о пӀэ къислъхьащтышъ, тебан. 10ЗыгорэкӀэ утеонэу ощынэмэ, уиӀумэт Пурэ гъусэ шӀи, шъэфэу ахэм яуцупӀэ екӀуи, 11ащ щаӀорэм едэӀу. Зэхэпхырэм уигъэгушхонышъ, уцупӀэм утеощт.
Арыти, ГъыдыӀонрэ ащ иӀумэт Пурэрэ шъэфэу пый уцупӀэм ехыгъэх, къэрэгъулэхэр зыдэщыт ӀухьапӀэм екӀугъэх. 12Мыдианхэр, Ӏамэлыкъхэр, адрэ къокӀыпӀэ лъэпкъхэр мацӀэм фэдэу, кӀэим изыгъэх. Ахэм махъшэу ягъусэр хы Ӏушъом Ӏулъ пшахъом фэдэу багъэ.
13ГъыдыӀон пый уцупӀэм зынэсым, зыгорэм пкӀыхьапӀэу ылъэгъугъэр игъусэ, мэущтэу ыӀозэ, фиӀуатэщтыгъэ:
– Сэ пкӀыхьапӀэ гъэшӀэгъон слъэгъугъэ! Хьэм хэшӀыкӀыгъэ хьалыгъу хъураир мыдиан уцупӀэм чэрэгъузэ щычъэу. Ар щэтырым нэси, еуагъ, зэпыригъази, зэхигъэуагъ.
14– Ащ къикӀырэр, – ыӀуагъ пкӀыхьапӀэр зыфаӀотагъэм, – Израилым щыщ Иоащ ыкъо ГъыдыӀон ичатэ къызэрэтфигъэзэщтыр ары нахь нэмыкӀэп. Мыдианхэми, тиуцупӀи зэкӀэми ащ ыӀэ Тхьэм тырилъхьагъэх.
15ПкӀыхьымрэ ащ къикӀырэмрэ ГъыдыӀон зызэхехым Тхьэм шъхьащэ фишӀыгъ. Израил зэолӀхэм яуцупӀэ ГъыдыӀон къыгъэзэжьи:
– ЗыкъэшъуӀэт! Мыдианхэм яуцупӀэ Зиусхьаным шъуӀэ къырилъхьагъэшъ, – ыӀуи, ариӀуагъ.
16ЗэолӀ шъищыр купищэу ыгощи, зэкӀэми бжъэмые зырызрэ пхъэкъомашӀо зэрыгъэбылъыхьэгъэ къошын нэкӀ зырызрэ аритыгъ.
17– СадэжькӀэ шъукъаплъэзэ, – ариӀуагъ ащ ахэм, – сэ зэрэсшӀырэм фэдэу шъори шъушӀы. Пый уцупӀэ гъунэм сызынэскӀэ, сэ сшӀэрэ дэдэр шъори шъушӀэ. 18Сэрырэ сигъусэ купымрэ бжъэмыем тепщэ зыхъукӀэ, шъори уцупӀэм ыбгъу пстэуми ахэм шъукъыщяпщэзэ, шъукуу:
– Зиусхьанымрэ ГъыдыӀонрэ ацӀэкӀэ тэзао!
19ГъыдыӀонрэ ащ игъусэ зэолӀишъэмрэ пый уцупӀэм ыгъунэ чэщыгум зынэсхэм къэрэгъулэхэр зэблэкӀыгъэхэ къодыягъ. Ахэр бжъэмыехэм япщэхи, къошынэу аӀыгъхэр акъутагъэх. 20Джа дэдэми адрэ купхэм ахэт зэолӀхэри бжъэмыемэ къяпщагъэх, къошынхэри акъутагъэх. Ӏэ сэмэгумкӀэ пхъэкъомашӀохэр аӀыгъхэу, Ӏэ джабгъумкӀэ – гъоу бжъэмыеу запщэхэрэр аӀыгъхэу, къэкууагъэх:
– Зиусхьанымрэ ГъыдыӀонрэ ацӀэкӀэ тэзао!
21Пый уцупӀэу къауцухьагъэм ихъурэягъэкӀэ, зэолӀ пэпчъ шъхьадж ичӀыпӀэ имыкӀэу итыгъ. Ау зехьэ-зечъэшхом хэтхэу мыдианхэр зэтекуожьхэзэ, ечъэжьэжьыгъэх.
22Гъоу нэбгырэ шъищыр ябжъэмыехэм къызяпщэхэм, зэкӀэ мыдианэу уцупӀэм дэсыгъэхэм Зиусхьаным иӀэмыркӀэ чатэхэр къызэфырахыжьыгъэх. Цырэрэ гъогум тетэу пыидзэр Бэтщытэ нэси, ащ блэкӀи, Тэбат къалэ пэмычыжьэу щыт Абэл-Мэхъолэ къалэм ичӀыгъунапкъэ нэс чъагъэ. 23Нафталый, ащэр лӀакъохэм ащыщ израилхэмрэ зэкӀэ мынасэ лӀакъомрэ зэрэугъойхи, мыдианхэм алъежьагъэх. 24ГъыдыӀон Ефраим къушъхьалъэм мэкъэгъэӀухэр хитӀупщыхьагъэх:
– Къушъхьэхэм шъукъяхи, мыдианхэм шъукъапэгъокӀи, ахэм апэ Бэтбарэ нэсырэ псыхэми Иордан псыхъуи язэпырыкӀыпӀэхэр шъуубытых.
Ефраимэу къызэджагъэхэр къэсхи, псы зэпырыкӀыпӀэу Бэтбарэрэ Иорданрэ яӀэхэр зэкӀэ аубытыгъэх. 25Мыдиан пэщитӀур, Ӏорэбрэ Зэебрэ, къаубытыгъэх. Ӏорэб щаукӀыгъ Ӏорэб къушъхьэ цакӀэм дэжь, Зэеб сэнэшъхьэкӀэфыпӀэм дэжь Зэеб щаукӀыгъ. ЕтӀанэ мыдианхэм яфын израилхэм лъагъэкӀотагъ. Ӏорэбрэ Зэебрэ ашъхьэхэр ГъыдыӀон Иордан псырыкӀым фырахыгъэх.
Currently Selected:
Гъуазэхэр 7: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
