Гъуазэхэр 6
6
Яхэнэрэ шъхьэр
Мыдианхэм къаӀэкӀихынхэу израилхэр Тхьэм зэрелъэӀугъэхэр
1Израилхэм Зиусхьаным къемыкӀущтхэр ашӀагъэхэти, илъэсиблкӀэ мыдианхэм аӀэ рилъхьагъэх. 2Мыдианхэм ахэр лъэш дэдэу агъэпщылӀыщтыгъэхэти, къушъхьэ тӀуакӀэхэм, гъочӀэгъхэм зыгъэбылъыпӀэ пытапӀэхэр ащашӀхэу аублагъ. 3Жъон-пхъэныр израилхэм зэраухэу мыдианхэр, Ӏамэлыкъхэр, нэмыкӀ къокӀыпӀэ лъэпкъхэр къатебанэхэти, 4ячӀыгу щэтыр уцупӀэхэр щагъэпсыхэти, гъэ лэжьыгъэм Ӏазэ къалэ нэс лыешхо щырахти, Израилым ищыкӀэгъэ гъомлапхъи, мэл-пчэни, цуи, щыди – зыпари къыфагъанэщтыгъэп. 5МацӀэм фэдэу ябылымхэри ящэтырхэри ягъусэхэу ахэр къакӀохэти, яцӀыфышъхьи ямахъшэхэри лъытэгъуаеу бэ хъухэу, Израилыр хэкужъ ашӀынэу чӀыгум къибанэщтыгъэх. 6Израилхэр джаущтэу мыдианхэм тхьамыкӀэ яхъулӀагъэхэти, ӀэпыӀэгъу къафэхъунэу Зиусхьаным лъэӀушхокӀэ зыфагъэзагъ.
7Израилхэм лъэӀушхокӀэ Зиусхьаным зызыфагъазэм, 8Ащ пегъымбар къафигъэкӀуагъ:
– Зиусхьанэу, Израилым и Тхьэ, – къариӀуагъ ащ, – мары ыӀорэр: «Сэры Мысырым, пщылӀыпӀэ чӀыпӀэм, шъукъизыщыжьыгъэр. 9Сэры Мысырыми шъукъыӀэкӀэзыхыжьыгъэр, шъуегъэзыгъэу зыӀэ шъуилъыгъэ пстэуми шъуащызыухъумагъэр. Ахэр шъукӀэрысфыхи, ячӀыгуи шъо къышъостыгъ. 10Сэ къышъосӀуагъ: „Сэрышъ Зиусхьаныр, шъуи Тхьэр, амэрхэу зичӀыгу шъутесхэм ятхьэхэм шъхьащэ афэшъумышӀ“. Ау шъо шъукъысэдэӀугъэп».
ГъыдыӀон
11Зиусхьаным и МэлэӀич къакӀуи, Ӏофрэ къалэ къыщыкӀырэ чъыгаем ычӀэгъ къычӀэтӀысхьагъ. А чӀыпӀэр абиӀэзэр лъэпкъым щыщ Иоащ ичӀыгу Ӏахьэ хахьэщтыгъэ. Ащ ыкъоу ГъыдыӀон, мыдианхэм къамылъэгъуным пае, а уахътэм сэнэшъхьэкӀэфыпӀэм коцыр щиӀожьыщтыгъэ. 12Зиусхьаным и МэлэӀич ащ зыкъыригъэлъэгъуи, къыриӀуагъ:
– Зиусхьаныр уигъус, зэолӀ кӀочӀэшху!
13– Арышъхьай, зиусхьан, – ыӀуагъ ГъыдыӀон, – Зиусхьанэу Тхьэр тигъусэмэ, сыда мыщ фэдиз тхьамыкӀагъор къызкӀытэхъулӀагъэр? Тыдэ щыӀэха Ащ ишӀэгъуашӀэхэу «Зиусхьаныр арыба Мысырым тыкъызищыжьыгъэр?» аӀозэ, тятэжъхэм къаӀуатэщтыгъэхэр? Джы Зиусхьаным ыкӀыб къытфигъази, мыдианхэм аӀэ тырилъхьагъ.
14Арыти, Зиусхьаным ГъыдыӀон зыкъыфигъази, къыриӀуагъ:
– КӀуи, о пкӀуачӀэкӀэ Израилыр мыдианхэм къаӀэкӀэхыжь. Сэ усэгъакӀо.
15– Ау, зиусхьан, – ыӀуагъ ГъыдыӀон, – сыдэу хъумэ сэ Израилыр къаӀэкӀэсхыжьыщта? Мынасэ лӀакъом сэ силъэпкъ нахь цӀыкӀу хэтэп, сэри сятэ сырикӀэлэ нахьыкӀ.
16Ау:
– Сэ сыуигъусэщтышъ, мыдианхэр зы нэбгырэу пщымыхъоу зэхэпкъутэщтых, – ыӀуи, Зиусхьаным къыриӀожьыгъ.
17– УнэшӀу къысщыфагъэмэ, – ыӀуагъ джащыгъум ГъыдыӀон, – щэч хэмылъэу О укъызэрэздэгущыӀагъэм итамыгъэ сэгъэлъэгъу. 18СыолъэӀу мыщ дэжьым уӀумыкӀыжь, тадэжь сэкӀожьы, тын къыпфэсэхьы, ар уапашъхьэ къисэлъхьэфэ.
Арыти:
– Сэ сыожэщт, къэогъэзэжьыфэ, – Зиусхьаным джэуап къыритыжьыгъ.
19ГъыдыӀон ядэжь кӀожьи, чэцӀыр шӀуибзи, лыр ыгъажъуи, ефэ#6:19 Литрэ 22-рэ фэдиз горэ мэхъу. пщалъэм из хьаджыгъэм хьалыгъу мыкӀу-мыпш хишӀыкӀыгъ. Матэм лыр рилъхьи, лэпсыр къошыным ригъахъуи, къыхьи чъыгэе чӀэгъым Къыщежэрэм фычӀилъхьагъ.
20Арыти, Зиусхьаным и МэлэӀич ащ къыриӀуагъ:
– Лымрэ хьалыгъумрэ къашти, мы мыжъошхом телъхьэх, етӀанэ ахэмэ лэпсыр атекӀэжь.
Ащ зэриӀуагъэу ГъыдыӀон ышӀыгъ. 21Бэщэу ыӀыгъым ыцыпэ Зиусхьаным и МэлэӀич лымрэ хьалыгъумрэ анигъэсыгъ. Арыти, мыжъом мэшӀобзыир къызыхидзи, лымрэ хьалыгъумрэ зэхистыхьагъэх. Ащ ыуж Зиусхьаным и МэлэӀичи кӀодыжьыгъэ.
22ГъыдыӀон ар зелъэгъум Зиусхьаным ар зэрэ и МэлэӀичыр къыгурыӀуагъ:
– Е-о-ой-гущ! О зэкӀэ зыӀэ илъ Зиусхьанэу Тхьэр! Зиусхьаным и МэлэӀич ынэгу сыкӀэплъагъи! – ыӀуи, къызӀуипхъотыгъ.
23Ау Зиусхьаным къыриӀуагъ:
– Зыгъэмамыр. Умыщын, улӀэщтэп.
24ГъыдыӀон Зиусхьаным къурмэншӀыпӀэ а чӀыпӀэм щыфигъэуцуи, «Зиусхьаныр – мамырныгъ» ыӀуи, ащ цӀэ фиусыгъ. Непэ къызнэсыгъэми, абиӀэзэр лъэпкъым ичӀыгу Ӏахьэ хахьэрэ Ӏофрэ къалэ дэжь, а къурмэншӀыпӀэр зэрэщыт.
25А чэщ дэдэм Зиусхьаным ГъыдыӀон къыриӀуагъ:
– Уятэ иӀэхъогъу илъэсибл зыныбжь шкӀэхъужъ#6:25 Е: Зы шкӀэхъу, етӀанэ илъэсибл зыныбжь шкӀэхъужъ. къыхэщ. ЕтӀанэ уятэ иӀэ БэӀал къурмэншӀыпӀэр зэхэкъути, Ащэр пкъэоу ащ дэжь щытри иупкӀ. 26А лъэгапӀэм Зиусхьанэу уи Тхьэ къурмэншӀыпӀэ хабзэм тетэу щыфэгъэуцуи, Ащэр пкъэур гъэстыныпхъэкӀэ гъэфедэзэ, шкӀэхъужъыр къурмэнгъэст шӀы.
27Арыти, ГъыдыӀон иунэӀутхэм ащыщэу нэбгырипшӀ гъусэ ышӀыхи, Зиусхьаным къыриӀуагъэр ыгъэцэкӀагъ. Ау зыщыщ унагъом исхэмрэ къэлэдэсхэмрэ зэращыщынэрэм къыхэкӀэу мафэр блигъэкӀи, чэщым Ӏофыр зэшӀуихыгъ.
28Пчэдыжьым къэлэдэсхэр къызэтэджыжьхэм: мары, БэӀал икъурмэншӀыпӀэ зэхэкъутагъ, ащ дэжь щыт Ащэр пкъэури иупкӀыгъ, шкӀэхъужъыри къурмэншӀыпӀакӀэм къурмэнгъэст щашӀыгъ.
29– Хэт мыр зышӀагъэр? – АӀозэ, зэупчӀыжьыхэу рагъэжьагъ. КӀэупчӀэхэмэ, лъыхъохэзэ, агъэунэфыгъ:
– Ар зышӀагъэр Иоащ ыкъо ГъыдыӀон!
30Арыти:
– Пкъо къащи тапашъхьэ къигъэуцу, – аӀуи, къэлэдэсхэр Иоащ шӀонагъэх. – БэӀал къурмэншӀыпӀэр зэхикъути, Ащэр пкъэоу ащ дэжь щытыгъэри риупкӀыгъэшъ, ар укӀыгъэн фае!
31– БэӀал шъудеӀэнэу зышъогъэхьазыра? – ЯупчӀыгъ Иоащ къэзэрэугъоихи, ыпашъхьэ къиуцуагъэхэм. – Шъора ар къэзыухъумэн фаер? Хэтми ащ къотэгъу фэхъурэр нэф къэмышъызэ лӀэщт. БэӀал тхьэ шъыпкъэмэ, икъурмэншӀыпӀэ зызэхакъутагъэкӀэ, ежь-ежьырэу зыкъерэухъумэжь.
32А мафэм щегъэжьагъэу «ИкъурмэншӀыпӀэ зыкъутагъэр арышъ, БэӀал ащ ерэбэныжь» аӀуи, ГъыдыӀон ЕрыубэӀал#6:32 Ижъырэ джуртыбзэкӀэ: «БэӀал орэбанэ».-кӀэ еджэхэу хъугъэ.
ГъыдыӀон Тхьэм итамыгъэхэр къыригъэлъэгъунэу зэрелъэӀугъэр
33ЕтӀанэ мыдианхэм, Ӏамэлыкъхэм, зэкӀэ нэмыкӀ къокӀыпӀэ лъэпкъхэм акӀуачӀэ зэрагъэуӀуи, зэгъусэхэу Иордан псыхъом къызэпырыкӀхи, ИзрыӀэл кӀэим уцупӀэ щагъэпсыгъ. 34Джащыгъум Зиусхьаным ы Псэ ГъыдыӀон зэлъиштагъэти, бжъэмыешхом мэкъэгъэӀоу епщи, ащ ыуж ихьанэу абиӀэзэр лӀакъор къэзэрэугъоигъ. 35Ӏашэ къаштэнышъ къыгоуцонхэу ГъыдыӀон мэкъэгъэӀухэр мынасэ лӀакъор тыдэкӀи зыщыпсэурэ чӀыналъэм ыгъэкӀуагъэх. Джащ фэдэу мэкъэгъэӀухэр ащэр, зэбулун, нафталый лӀакъохэми афигъэкӀуагъэхэти, ахэри къакӀохи, гъусэ къыфэхъугъэх.
36ГъыдыӀон Зиусхьаным риӀуагъ:
– О а къызэрэсэпӀуагъэм фэдэу, сэ сӀэкӀэ Израилыр къэбгъэнэжьыщтмэ, 37мары, мэлыцыр хьамэм тесэубгъо. Осэпсэу къехырэр цым телъэу чӀыгур гъушъэу къызынэкӀэ, Израилыр сэ сӀэкӀэ къызэрэбгъэнэжьыщтыр шъыпкъэ дэдэу сшӀошъ хъущт.
38Аущтэуи хъугъэ. КъыкӀэлъыкӀогъэ мафэм ГъыдыӀон жьэу къэтэджыгъ. Цыр ыфызэу зыфежьэм, Ӏэгубжъэм из псы къыкӀифызыкӀыгъ.
39Ащыгъум ГъыдыӀон Зиусхьаным елъэӀугъ:
– Укъысфэмыгубжэу, джыри зэ сыолъэӀунэу фит сыкъэшӀ. Джыри мы цыр сэгъэушэтыжь. Джы цыр гъушъэу къэрэни, чӀыгум осэпсыр терэлъ.
40А чэщым Тхьэм джаущтэуи ышӀыгъ: цы закъор гъушъэу къэнагъ, адыкӀэ чӀыгум зэрэщытэу осэпсыр телъыгъ.
Currently Selected:
Гъуазэхэр 6: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Гъуазэхэр 6
6
Яхэнэрэ шъхьэр
Мыдианхэм къаӀэкӀихынхэу израилхэр Тхьэм зэрелъэӀугъэхэр
1Израилхэм Зиусхьаным къемыкӀущтхэр ашӀагъэхэти, илъэсиблкӀэ мыдианхэм аӀэ рилъхьагъэх. 2Мыдианхэм ахэр лъэш дэдэу агъэпщылӀыщтыгъэхэти, къушъхьэ тӀуакӀэхэм, гъочӀэгъхэм зыгъэбылъыпӀэ пытапӀэхэр ащашӀхэу аублагъ. 3Жъон-пхъэныр израилхэм зэраухэу мыдианхэр, Ӏамэлыкъхэр, нэмыкӀ къокӀыпӀэ лъэпкъхэр къатебанэхэти, 4ячӀыгу щэтыр уцупӀэхэр щагъэпсыхэти, гъэ лэжьыгъэм Ӏазэ къалэ нэс лыешхо щырахти, Израилым ищыкӀэгъэ гъомлапхъи, мэл-пчэни, цуи, щыди – зыпари къыфагъанэщтыгъэп. 5МацӀэм фэдэу ябылымхэри ящэтырхэри ягъусэхэу ахэр къакӀохэти, яцӀыфышъхьи ямахъшэхэри лъытэгъуаеу бэ хъухэу, Израилыр хэкужъ ашӀынэу чӀыгум къибанэщтыгъэх. 6Израилхэр джаущтэу мыдианхэм тхьамыкӀэ яхъулӀагъэхэти, ӀэпыӀэгъу къафэхъунэу Зиусхьаным лъэӀушхокӀэ зыфагъэзагъ.
7Израилхэм лъэӀушхокӀэ Зиусхьаным зызыфагъазэм, 8Ащ пегъымбар къафигъэкӀуагъ:
– Зиусхьанэу, Израилым и Тхьэ, – къариӀуагъ ащ, – мары ыӀорэр: «Сэры Мысырым, пщылӀыпӀэ чӀыпӀэм, шъукъизыщыжьыгъэр. 9Сэры Мысырыми шъукъыӀэкӀэзыхыжьыгъэр, шъуегъэзыгъэу зыӀэ шъуилъыгъэ пстэуми шъуащызыухъумагъэр. Ахэр шъукӀэрысфыхи, ячӀыгуи шъо къышъостыгъ. 10Сэ къышъосӀуагъ: „Сэрышъ Зиусхьаныр, шъуи Тхьэр, амэрхэу зичӀыгу шъутесхэм ятхьэхэм шъхьащэ афэшъумышӀ“. Ау шъо шъукъысэдэӀугъэп».
ГъыдыӀон
11Зиусхьаным и МэлэӀич къакӀуи, Ӏофрэ къалэ къыщыкӀырэ чъыгаем ычӀэгъ къычӀэтӀысхьагъ. А чӀыпӀэр абиӀэзэр лъэпкъым щыщ Иоащ ичӀыгу Ӏахьэ хахьэщтыгъэ. Ащ ыкъоу ГъыдыӀон, мыдианхэм къамылъэгъуным пае, а уахътэм сэнэшъхьэкӀэфыпӀэм коцыр щиӀожьыщтыгъэ. 12Зиусхьаным и МэлэӀич ащ зыкъыригъэлъэгъуи, къыриӀуагъ:
– Зиусхьаныр уигъус, зэолӀ кӀочӀэшху!
13– Арышъхьай, зиусхьан, – ыӀуагъ ГъыдыӀон, – Зиусхьанэу Тхьэр тигъусэмэ, сыда мыщ фэдиз тхьамыкӀагъор къызкӀытэхъулӀагъэр? Тыдэ щыӀэха Ащ ишӀэгъуашӀэхэу «Зиусхьаныр арыба Мысырым тыкъызищыжьыгъэр?» аӀозэ, тятэжъхэм къаӀуатэщтыгъэхэр? Джы Зиусхьаным ыкӀыб къытфигъази, мыдианхэм аӀэ тырилъхьагъ.
14Арыти, Зиусхьаным ГъыдыӀон зыкъыфигъази, къыриӀуагъ:
– КӀуи, о пкӀуачӀэкӀэ Израилыр мыдианхэм къаӀэкӀэхыжь. Сэ усэгъакӀо.
15– Ау, зиусхьан, – ыӀуагъ ГъыдыӀон, – сыдэу хъумэ сэ Израилыр къаӀэкӀэсхыжьыщта? Мынасэ лӀакъом сэ силъэпкъ нахь цӀыкӀу хэтэп, сэри сятэ сырикӀэлэ нахьыкӀ.
16Ау:
– Сэ сыуигъусэщтышъ, мыдианхэр зы нэбгырэу пщымыхъоу зэхэпкъутэщтых, – ыӀуи, Зиусхьаным къыриӀожьыгъ.
17– УнэшӀу къысщыфагъэмэ, – ыӀуагъ джащыгъум ГъыдыӀон, – щэч хэмылъэу О укъызэрэздэгущыӀагъэм итамыгъэ сэгъэлъэгъу. 18СыолъэӀу мыщ дэжьым уӀумыкӀыжь, тадэжь сэкӀожьы, тын къыпфэсэхьы, ар уапашъхьэ къисэлъхьэфэ.
Арыти:
– Сэ сыожэщт, къэогъэзэжьыфэ, – Зиусхьаным джэуап къыритыжьыгъ.
19ГъыдыӀон ядэжь кӀожьи, чэцӀыр шӀуибзи, лыр ыгъажъуи, ефэ#6:19 Литрэ 22-рэ фэдиз горэ мэхъу. пщалъэм из хьаджыгъэм хьалыгъу мыкӀу-мыпш хишӀыкӀыгъ. Матэм лыр рилъхьи, лэпсыр къошыным ригъахъуи, къыхьи чъыгэе чӀэгъым Къыщежэрэм фычӀилъхьагъ.
20Арыти, Зиусхьаным и МэлэӀич ащ къыриӀуагъ:
– Лымрэ хьалыгъумрэ къашти, мы мыжъошхом телъхьэх, етӀанэ ахэмэ лэпсыр атекӀэжь.
Ащ зэриӀуагъэу ГъыдыӀон ышӀыгъ. 21Бэщэу ыӀыгъым ыцыпэ Зиусхьаным и МэлэӀич лымрэ хьалыгъумрэ анигъэсыгъ. Арыти, мыжъом мэшӀобзыир къызыхидзи, лымрэ хьалыгъумрэ зэхистыхьагъэх. Ащ ыуж Зиусхьаным и МэлэӀичи кӀодыжьыгъэ.
22ГъыдыӀон ар зелъэгъум Зиусхьаным ар зэрэ и МэлэӀичыр къыгурыӀуагъ:
– Е-о-ой-гущ! О зэкӀэ зыӀэ илъ Зиусхьанэу Тхьэр! Зиусхьаным и МэлэӀич ынэгу сыкӀэплъагъи! – ыӀуи, къызӀуипхъотыгъ.
23Ау Зиусхьаным къыриӀуагъ:
– Зыгъэмамыр. Умыщын, улӀэщтэп.
24ГъыдыӀон Зиусхьаным къурмэншӀыпӀэ а чӀыпӀэм щыфигъэуцуи, «Зиусхьаныр – мамырныгъ» ыӀуи, ащ цӀэ фиусыгъ. Непэ къызнэсыгъэми, абиӀэзэр лъэпкъым ичӀыгу Ӏахьэ хахьэрэ Ӏофрэ къалэ дэжь, а къурмэншӀыпӀэр зэрэщыт.
25А чэщ дэдэм Зиусхьаным ГъыдыӀон къыриӀуагъ:
– Уятэ иӀэхъогъу илъэсибл зыныбжь шкӀэхъужъ#6:25 Е: Зы шкӀэхъу, етӀанэ илъэсибл зыныбжь шкӀэхъужъ. къыхэщ. ЕтӀанэ уятэ иӀэ БэӀал къурмэншӀыпӀэр зэхэкъути, Ащэр пкъэоу ащ дэжь щытри иупкӀ. 26А лъэгапӀэм Зиусхьанэу уи Тхьэ къурмэншӀыпӀэ хабзэм тетэу щыфэгъэуцуи, Ащэр пкъэур гъэстыныпхъэкӀэ гъэфедэзэ, шкӀэхъужъыр къурмэнгъэст шӀы.
27Арыти, ГъыдыӀон иунэӀутхэм ащыщэу нэбгырипшӀ гъусэ ышӀыхи, Зиусхьаным къыриӀуагъэр ыгъэцэкӀагъ. Ау зыщыщ унагъом исхэмрэ къэлэдэсхэмрэ зэращыщынэрэм къыхэкӀэу мафэр блигъэкӀи, чэщым Ӏофыр зэшӀуихыгъ.
28Пчэдыжьым къэлэдэсхэр къызэтэджыжьхэм: мары, БэӀал икъурмэншӀыпӀэ зэхэкъутагъ, ащ дэжь щыт Ащэр пкъэури иупкӀыгъ, шкӀэхъужъыри къурмэншӀыпӀакӀэм къурмэнгъэст щашӀыгъ.
29– Хэт мыр зышӀагъэр? – АӀозэ, зэупчӀыжьыхэу рагъэжьагъ. КӀэупчӀэхэмэ, лъыхъохэзэ, агъэунэфыгъ:
– Ар зышӀагъэр Иоащ ыкъо ГъыдыӀон!
30Арыти:
– Пкъо къащи тапашъхьэ къигъэуцу, – аӀуи, къэлэдэсхэр Иоащ шӀонагъэх. – БэӀал къурмэншӀыпӀэр зэхикъути, Ащэр пкъэоу ащ дэжь щытыгъэри риупкӀыгъэшъ, ар укӀыгъэн фае!
31– БэӀал шъудеӀэнэу зышъогъэхьазыра? – ЯупчӀыгъ Иоащ къэзэрэугъоихи, ыпашъхьэ къиуцуагъэхэм. – Шъора ар къэзыухъумэн фаер? Хэтми ащ къотэгъу фэхъурэр нэф къэмышъызэ лӀэщт. БэӀал тхьэ шъыпкъэмэ, икъурмэншӀыпӀэ зызэхакъутагъэкӀэ, ежь-ежьырэу зыкъерэухъумэжь.
32А мафэм щегъэжьагъэу «ИкъурмэншӀыпӀэ зыкъутагъэр арышъ, БэӀал ащ ерэбэныжь» аӀуи, ГъыдыӀон ЕрыубэӀал#6:32 Ижъырэ джуртыбзэкӀэ: «БэӀал орэбанэ».-кӀэ еджэхэу хъугъэ.
ГъыдыӀон Тхьэм итамыгъэхэр къыригъэлъэгъунэу зэрелъэӀугъэр
33ЕтӀанэ мыдианхэм, Ӏамэлыкъхэм, зэкӀэ нэмыкӀ къокӀыпӀэ лъэпкъхэм акӀуачӀэ зэрагъэуӀуи, зэгъусэхэу Иордан псыхъом къызэпырыкӀхи, ИзрыӀэл кӀэим уцупӀэ щагъэпсыгъ. 34Джащыгъум Зиусхьаным ы Псэ ГъыдыӀон зэлъиштагъэти, бжъэмыешхом мэкъэгъэӀоу епщи, ащ ыуж ихьанэу абиӀэзэр лӀакъор къэзэрэугъоигъ. 35Ӏашэ къаштэнышъ къыгоуцонхэу ГъыдыӀон мэкъэгъэӀухэр мынасэ лӀакъор тыдэкӀи зыщыпсэурэ чӀыналъэм ыгъэкӀуагъэх. Джащ фэдэу мэкъэгъэӀухэр ащэр, зэбулун, нафталый лӀакъохэми афигъэкӀуагъэхэти, ахэри къакӀохи, гъусэ къыфэхъугъэх.
36ГъыдыӀон Зиусхьаным риӀуагъ:
– О а къызэрэсэпӀуагъэм фэдэу, сэ сӀэкӀэ Израилыр къэбгъэнэжьыщтмэ, 37мары, мэлыцыр хьамэм тесэубгъо. Осэпсэу къехырэр цым телъэу чӀыгур гъушъэу къызынэкӀэ, Израилыр сэ сӀэкӀэ къызэрэбгъэнэжьыщтыр шъыпкъэ дэдэу сшӀошъ хъущт.
38Аущтэуи хъугъэ. КъыкӀэлъыкӀогъэ мафэм ГъыдыӀон жьэу къэтэджыгъ. Цыр ыфызэу зыфежьэм, Ӏэгубжъэм из псы къыкӀифызыкӀыгъ.
39Ащыгъум ГъыдыӀон Зиусхьаным елъэӀугъ:
– Укъысфэмыгубжэу, джыри зэ сыолъэӀунэу фит сыкъэшӀ. Джыри мы цыр сэгъэушэтыжь. Джы цыр гъушъэу къэрэни, чӀыгум осэпсыр терэлъ.
40А чэщым Тхьэм джаущтэуи ышӀыгъ: цы закъор гъушъэу къэнагъ, адыкӀэ чӀыгум зэрэщытэу осэпсыр телъыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023