Гъуазэхэр 17
17
ЯпшӀыкӀублэнэрэ шъхьэр
Михэ иунэ тхьэлъэӀупӀэ зэрэщишӀыгъэр
1Ефраим къушъхьалъэм Михэ ыцӀэу зы лӀы горэ щыпсэущтыгъ. 2Зэгорэм ащ янэ риӀуагъ:
– Тыжьын шэкъэл зы минрэ шъэрэ#17:2 Тыжьын килограмм пшӀыкӀущ мэхъу. о пшӀокӀодыгъэти, ар зытыгъугъэм сапашъхьэ ущебгыгъ. А тыжьыныр мары сэ сӀыгъ, зыштагъэри сэры.
– Зиусхьаным ынэшӀу скъо къыщерэф! – ыӀуагъ ным. 3Михэ тыжьыныр къызыретыжьым, янэ къыпидзэжьыгъ. – Мы тыжьыныр тхьэ сурэт хашӀыкӀынэу, тхьэнэпцӀи хагъэчъыкӀынэу скъо ыцӀэкӀэ Зиусхьаным тын фэсэшӀышъ, осэтыжьы.
4Къом тыжьыныр ным къызыретыжьым, бзылъфыгъэм ащ шэкъэл шъитӀу#17:4 КилограммитӀурэ ныкъорэ мэхъу. къыхихи, тыжьынашӀэм ритыгъ. Адрэм ащ тхьэ сурэти хишӀыкӀыгъ, тхьэнэпцӀи хигъэчъыкӀыгъ. Ахэр Михэ иунэ рагъэуцуагъэх.
5Михэ тхьэлъэӀупӀэ иӀэу щытыгъ. Ащ чэтэнӀабгъурэ#17:5 Еплъ: мы тхылъым усэу 8:27-м ехьыхыгъэу иӀэм. унэгъуатхьэхэмрэ#17:5 Ижъырэ джуртыбзэкӀэ «тырафим». Ахэм унэр къаухъумэу алъытэщтыгъэ, джэнч адзы хъуми агъэфедэщтыгъэх. ышӀыгъэх, ыкъохэм зы къахихи, къурмэнышӀэу ыгъэнэфагъ. 6А уахътэм Израилым пачъыхьэ иӀагъэп, шъхьадж ежь тэрэзэу ылъытэрэр ышӀэщтыгъэ.
7Ехъудэм ит къалэу Бэтлэхъэм дэсхэм зы лэуй#17:7 Лэуйхэр Израилым изылӀакъоу щытыгъ. Ахэр къурмэнышӀхэм яӀэпыӀэгъунхэр япшъэрылъыгъ, ау а пшъэрылъыр зыщагъэцакӀэщтгъэр Тхьэм и Ун арыгъэ. (Еплъ: тхылъэу «ШъофнэкӀым къыщекӀокӀыгъэхэр» ия 18-рэ шъхьэ; тхылъэу «Хэбзэ тхыжьыгъэр» 12:5). кӀалэ горэ ащыгъум ахэсыгъ, 8ащ иунэ къыбгыни, псэупӀэ лъыхъунэу ежьагъ. Гъогум тетэу кӀозэ, Ефраим къушъхьалъэм нэси, Михэ иунэ екӀолӀагъ.
9Арыти, Михэ ащ еупчӀыгъ:
– Тыда укъыздикӀыгъэр?
– Сэ сылэуй, Ехъудэм ит Бэтлэхъэм къалэм сыщыщ, сыкъызщыуцун, псэупӀэ сфэхъун сылъэхъу, – къыриӀожьыгъ адрэм.
10Ащыгъум Михэ ащ риӀуагъ:
– Садэжь къани, усятэщт ыкӀи усикъурмэншӀыщт ыкӀи. Ащ ипэгъокӀэу сэ илъэс къэс тыжьын шэкъэлипшӀ#17:10 Тыжьын граммишъэрэ пшӀырэ мэхъу. остызэ сшӀыщт, пщыгъыщтми пшхыщтми сэ сафэгъэзагъ.
11Ащ лэуир къезэгъи, лӀым дэжь къэнагъ, ыкъохэм афэдэу зэу къахэуцуагъ. 12Михэ лэуир къурмэнышӀэу иунэ къыригъэнагъ. 13Ащ ыуж Михэ зыфэрэзэжьэу ыӀуагъ:
– Лэуир сикъурмэнышӀ хъугъэмэ, Зиусхьаным ынэшӀу къызэрэсщифэщтыр джы сэ сэшӀэ.
Currently Selected:
Гъуазэхэр 17: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
