Гъуазэхэр 13
13
ЯпшӀыкӀущэнэрэ шъхьэр
Шамсун
1Израилхэм джыри Зиусхьаным къемыкӀущтхэр ашӀэхэу рагъэжьэжьыгъ. Арыти, ахэр илъэс тӀокӀитӀукӀэ Зиусхьаным фылистхэм аӀэ рилъхьагъэх.
2А уахътэм Дан лӀакъом щыщ лӀы горэ МыныуахъкӀэ еджэхэу чылэу ЦорэӀ дэсыгъ. Ишъхьэгъусэ шъуз мылъфагъ, сабый къыхэкӀыщтыгъэп. 3Ащ Зиусхьаным и МэлэӀич къыфакӀуи къыриӀуагъ:
– Мары о, ушъуз мылъф, сабыйи уиӀэп, ау лъэрымыхь ухъунышъ, шъао къэплъфыщт. 4-5Арышъ, къысэдэӀу, лъэрымыхь ухъунышъ, шъао къэплъфыщтышъ – сани, нэмыкӀ шъон пыти уемышъу, шхын мыкъабзи умышхы. Шъэожъыер къызыхъурэм щегъэжьагъэу Тхьэм иназирыщтышъ#13:4-5 ИщыӀэныгъэ адрэхэм афэмыдэу, илыягъэу, Тхьэм фэлэжьэнэу гущыӀэ зышӀыгъэ цӀыф. Еплъ: тхылъэу «ШъофнэкӀым къыщекӀокӀыгъэхэр» 6:1-21., сыд хъункӀи ышъхьаци ыжакӀи ыупсхэ хъущтэп. А кӀалэр ары Израилыр фылистхэм къаӀэкӀэхыжьыгъэным лъапсэ фэзышӀыщтыр.
6Бзылъфыгъэр илӀы дэжь кӀуи, риӀуагъ:
– Сэ Тхьэм ицӀыф къысфэкӀуагъ. Ар Тхьэм и МэлэӀич фэдагъ, итеплъэкӀэ Ащ шъхьэкӀафэ зыфиуигъэшӀыщтыгъэ, уигъэщынэщтыгъэ. Ар къыздикӀыгъэм сыкӀэупчӀагъэп, Ежьми ыцӀэ къысиӀуагъэп. 7Ау ащ моущтэу къысиӀуагъ: «О лъэрымыхь ухъунышъ, шъао къэплъфыщт. Арышъ, ар къызыхъурэм щегъэжьагъэу опсэуфэ Тхьэм иназирыщтышъ – сани, нэмыкӀ шъон пыти уемышъу, шхын мыкъабзи умышхы».
8Джащыгъум Мыныуахъ Зиусхьаным елъэӀугъ:
– О Зиусхьан, сыолъэӀу Тхьэм ицӀыфэу къытфэбгъэкӀогъагъэр джыри зэ къытфэгъакӀуи, шъэожъыеу къытфэхъущтым тызэрэдэзекӀощтыр къытегъаӀу.
9Арыти, Тхьэм Мыныуахъ илъэӀу къызэхихи, и МэлэӀич бзылъфыгъэм илӀ имыгъусэу, изакъоу шъофым зыщит уахътэм джыри къыфигъэкӀуагъ. 10Бзылъфыгъэр ардэдэм чъэжьи, илӀы риӀуагъ:
– Ар къэкӀуагъ! Зэхэоха! А цӀыфэу, мыщ ыпэкӀэ къысфэкӀогъагъэр джыри къэкӀуагъ!
11Мыныуахъ тэджи, ишъхьэгъусэ ыуж ихьагъ. А цӀыфым дэжь зынэсым еупчӀыгъ:
– Ора сишъхьэгъусэ къыдэгущыӀагъэр?
– Сэры, – къыриӀожьыгъ адрэм.
12Арыти, Мыныуахъ Ащ еупчӀыгъ:
– УигущыӀэ къызышъыпкъэжькӀэ, сыдэущтэу сабыим тыфыщытыщта, ежьыри сыдэущтэу щыӀэн фая?
13Зиусхьаным и МэлиӀич Мыныуахъ джэуап къыритыжьыгъ:
– Уишъхьэгъусэ къесӀуагъэхэр ерэгъэцакӀ. 14Сэнашъхьэ бжалэм къыпыкӀэу зыпари зыӀуерэмылъхь, сани нэмыкӀ шъон пыти ерэмышъу, шхын мыкъабзи ерэмышх. КъесӀуагъэр зэкӀэ уишъхьэгъусэ ыгъэцэкӀэн фае.
15Мыныуахъ Зиусхьаным и МэлэӀич елъэӀугъ:
– Фит тыкъэшӀ, чэцӀ цӀыкӀу Ощ пае дгъэхьазырынэу. Ар къэхъуфэ, тыолъэӀу, тыкъэмыбгын.
16– Шъукъэсымыбгынэми, Сэ о уигъомлапхъэ сшхыщтэп, – къыриӀуагъ Зиусхьаным и МэлэӀич. – Ау Зиусхьаным къурмэнгъэст фэпшӀынэу уфаемэ, фэшӀ.
Ар Зиусхьаным и МэлэӀичэу зэрэщытыр, Мыныуахъ джыри ышӀэщтыгъэп.
17Арыти, елъэӀугъ:
– ПцӀэ къысэпӀуагъэмэ дэгъугъэ, уигущыӀэ къызышъыпкъэжькӀэ, О удгъэшӀожьынэу.
18Зиусхьаным и МэлэӀич къыриӀожьыгъ:
– Сыд пае Сэ сцӀэ укъыкӀэупчӀэра? Ар цӀэ шъэф, цӀэ гурыӀогъуай.
19Джащыгъум Мыныуахъ чэцӀымрэ хьалыгъу тынымрэ зыдиштэхи, Зиусхьаным къурмэн мыжъошхом ышъхьагъ щыфишӀи, Мыныуахърэ ишъхьэгъусэрэ анитӀукӀэ шӀагъо Ащ къащыригъэлъэгъугъ: 20мэшӀотхъуабзэхэм къурмэншӀыпӀэм зыщапхъуати, ошъогум дэкӀуаехэ зэхъум, а мэшӀотхъуабзэхэм ахэтэу Зиусхьаным и МэлэӀич зиӀатыжьыгъ. Мыныуахърэ ишъхьэгъусэрэ ар залъэгъум, анэгухэр егъэзыхыгъэхэу чӀыгум зырадзыхыгъ. 21Зиусхьаным и МэлэӀич ахэм амылъэгъужьы зэхъур ары, Зиусхьаным и МэлэӀичэу зэрэщытыр Мыныуахъ къызыгурыӀуагъэр.
22– Джы тэ щэч хэмылъэу тылӀэщт! – КъыхэкуукӀыгъ Мыныуахъ. – Тхьэр тэ тлъэгъугъэба#13:22 Тхьэм ынэгу кӀаплъэрэр псэоу къэнэжьыщтэп. Еплъ: тхылъэу «МысырикӀыжь» 33:20.!
23Ау ар ишъхьэгъусэ ыдагъэп:
– Зиусхьаныр тэ тиаджал фэягъэмэ, Ащ къурмэнгъэстэу фэтшӀыгъэмрэ хьалыгъу тынымрэ тӀихыщтгъэхэп, а зэкӀэ тигъэлъэгъущтыгъэп, къытиӀощтыгъэп.
24А зэкӀэмэ ауж бзылъфыгъэм шъао къыфэхъуи, Шамсун ащ фиусыгъ. Сабыим хахъощтыгъэ, Зиусхьаным ынэшӀу ренэу къыщифэщтыгъ. 25Къалэхэу ЦорэӀрэ Ащтаулрэ азыфагу ит Мэхъанэ-Дан#13:25 Ижъырэ джуртыбзэкӀэ: «Дан ипщыпӀ». Еплъ: 18:12. Зиусхьаным ы Псэ ар ыгъэгъозэнэу щыригъэжьагъ.
Currently Selected:
Гъуазэхэр 13: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Гъуазэхэр 13
13
ЯпшӀыкӀущэнэрэ шъхьэр
Шамсун
1Израилхэм джыри Зиусхьаным къемыкӀущтхэр ашӀэхэу рагъэжьэжьыгъ. Арыти, ахэр илъэс тӀокӀитӀукӀэ Зиусхьаным фылистхэм аӀэ рилъхьагъэх.
2А уахътэм Дан лӀакъом щыщ лӀы горэ МыныуахъкӀэ еджэхэу чылэу ЦорэӀ дэсыгъ. Ишъхьэгъусэ шъуз мылъфагъ, сабый къыхэкӀыщтыгъэп. 3Ащ Зиусхьаным и МэлэӀич къыфакӀуи къыриӀуагъ:
– Мары о, ушъуз мылъф, сабыйи уиӀэп, ау лъэрымыхь ухъунышъ, шъао къэплъфыщт. 4-5Арышъ, къысэдэӀу, лъэрымыхь ухъунышъ, шъао къэплъфыщтышъ – сани, нэмыкӀ шъон пыти уемышъу, шхын мыкъабзи умышхы. Шъэожъыер къызыхъурэм щегъэжьагъэу Тхьэм иназирыщтышъ#13:4-5 ИщыӀэныгъэ адрэхэм афэмыдэу, илыягъэу, Тхьэм фэлэжьэнэу гущыӀэ зышӀыгъэ цӀыф. Еплъ: тхылъэу «ШъофнэкӀым къыщекӀокӀыгъэхэр» 6:1-21., сыд хъункӀи ышъхьаци ыжакӀи ыупсхэ хъущтэп. А кӀалэр ары Израилыр фылистхэм къаӀэкӀэхыжьыгъэным лъапсэ фэзышӀыщтыр.
6Бзылъфыгъэр илӀы дэжь кӀуи, риӀуагъ:
– Сэ Тхьэм ицӀыф къысфэкӀуагъ. Ар Тхьэм и МэлэӀич фэдагъ, итеплъэкӀэ Ащ шъхьэкӀафэ зыфиуигъэшӀыщтыгъэ, уигъэщынэщтыгъэ. Ар къыздикӀыгъэм сыкӀэупчӀагъэп, Ежьми ыцӀэ къысиӀуагъэп. 7Ау ащ моущтэу къысиӀуагъ: «О лъэрымыхь ухъунышъ, шъао къэплъфыщт. Арышъ, ар къызыхъурэм щегъэжьагъэу опсэуфэ Тхьэм иназирыщтышъ – сани, нэмыкӀ шъон пыти уемышъу, шхын мыкъабзи умышхы».
8Джащыгъум Мыныуахъ Зиусхьаным елъэӀугъ:
– О Зиусхьан, сыолъэӀу Тхьэм ицӀыфэу къытфэбгъэкӀогъагъэр джыри зэ къытфэгъакӀуи, шъэожъыеу къытфэхъущтым тызэрэдэзекӀощтыр къытегъаӀу.
9Арыти, Тхьэм Мыныуахъ илъэӀу къызэхихи, и МэлэӀич бзылъфыгъэм илӀ имыгъусэу, изакъоу шъофым зыщит уахътэм джыри къыфигъэкӀуагъ. 10Бзылъфыгъэр ардэдэм чъэжьи, илӀы риӀуагъ:
– Ар къэкӀуагъ! Зэхэоха! А цӀыфэу, мыщ ыпэкӀэ къысфэкӀогъагъэр джыри къэкӀуагъ!
11Мыныуахъ тэджи, ишъхьэгъусэ ыуж ихьагъ. А цӀыфым дэжь зынэсым еупчӀыгъ:
– Ора сишъхьэгъусэ къыдэгущыӀагъэр?
– Сэры, – къыриӀожьыгъ адрэм.
12Арыти, Мыныуахъ Ащ еупчӀыгъ:
– УигущыӀэ къызышъыпкъэжькӀэ, сыдэущтэу сабыим тыфыщытыщта, ежьыри сыдэущтэу щыӀэн фая?
13Зиусхьаным и МэлиӀич Мыныуахъ джэуап къыритыжьыгъ:
– Уишъхьэгъусэ къесӀуагъэхэр ерэгъэцакӀ. 14Сэнашъхьэ бжалэм къыпыкӀэу зыпари зыӀуерэмылъхь, сани нэмыкӀ шъон пыти ерэмышъу, шхын мыкъабзи ерэмышх. КъесӀуагъэр зэкӀэ уишъхьэгъусэ ыгъэцэкӀэн фае.
15Мыныуахъ Зиусхьаным и МэлэӀич елъэӀугъ:
– Фит тыкъэшӀ, чэцӀ цӀыкӀу Ощ пае дгъэхьазырынэу. Ар къэхъуфэ, тыолъэӀу, тыкъэмыбгын.
16– Шъукъэсымыбгынэми, Сэ о уигъомлапхъэ сшхыщтэп, – къыриӀуагъ Зиусхьаным и МэлэӀич. – Ау Зиусхьаным къурмэнгъэст фэпшӀынэу уфаемэ, фэшӀ.
Ар Зиусхьаным и МэлэӀичэу зэрэщытыр, Мыныуахъ джыри ышӀэщтыгъэп.
17Арыти, елъэӀугъ:
– ПцӀэ къысэпӀуагъэмэ дэгъугъэ, уигущыӀэ къызышъыпкъэжькӀэ, О удгъэшӀожьынэу.
18Зиусхьаным и МэлэӀич къыриӀожьыгъ:
– Сыд пае Сэ сцӀэ укъыкӀэупчӀэра? Ар цӀэ шъэф, цӀэ гурыӀогъуай.
19Джащыгъум Мыныуахъ чэцӀымрэ хьалыгъу тынымрэ зыдиштэхи, Зиусхьаным къурмэн мыжъошхом ышъхьагъ щыфишӀи, Мыныуахърэ ишъхьэгъусэрэ анитӀукӀэ шӀагъо Ащ къащыригъэлъэгъугъ: 20мэшӀотхъуабзэхэм къурмэншӀыпӀэм зыщапхъуати, ошъогум дэкӀуаехэ зэхъум, а мэшӀотхъуабзэхэм ахэтэу Зиусхьаным и МэлэӀич зиӀатыжьыгъ. Мыныуахърэ ишъхьэгъусэрэ ар залъэгъум, анэгухэр егъэзыхыгъэхэу чӀыгум зырадзыхыгъ. 21Зиусхьаным и МэлэӀич ахэм амылъэгъужьы зэхъур ары, Зиусхьаным и МэлэӀичэу зэрэщытыр Мыныуахъ къызыгурыӀуагъэр.
22– Джы тэ щэч хэмылъэу тылӀэщт! – КъыхэкуукӀыгъ Мыныуахъ. – Тхьэр тэ тлъэгъугъэба#13:22 Тхьэм ынэгу кӀаплъэрэр псэоу къэнэжьыщтэп. Еплъ: тхылъэу «МысырикӀыжь» 33:20.!
23Ау ар ишъхьэгъусэ ыдагъэп:
– Зиусхьаныр тэ тиаджал фэягъэмэ, Ащ къурмэнгъэстэу фэтшӀыгъэмрэ хьалыгъу тынымрэ тӀихыщтгъэхэп, а зэкӀэ тигъэлъэгъущтыгъэп, къытиӀощтыгъэп.
24А зэкӀэмэ ауж бзылъфыгъэм шъао къыфэхъуи, Шамсун ащ фиусыгъ. Сабыим хахъощтыгъэ, Зиусхьаным ынэшӀу ренэу къыщифэщтыгъ. 25Къалэхэу ЦорэӀрэ Ащтаулрэ азыфагу ит Мэхъанэ-Дан#13:25 Ижъырэ джуртыбзэкӀэ: «Дан ипщыпӀ». Еплъ: 18:12. Зиусхьаным ы Псэ ар ыгъэгъозэнэу щыригъэжьагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023