Гъуазэхэр 12
12
ЯпшӀыкӀутӀонэрэ шъхьэр
Ефраим Ифтахъ къызэрэпэуцугъэр
1Ефраимхэр къызэрэугъойхи, псыхъор Цафэн дэжь къыщызэпачи, Ифтахъ зыфагъэзагъ:
– Сыда Ӏамонхэм уязэонэу узэкӀом укъызкӀытэмыджагъэр? Ащ пай уиунэ машӀо къыкӀэтыдзэнышъ, зэрэунагъоу шъудгъэстыщт.
2Ифтахъ ахэм ариӀожьыгъ:
– Сэрырэ сызщыщ лъэпкъымрэ Ӏамонхэмрэ тазыфагу зэмызэгъыныгъэ лъэш къызехьэм, мэкъэгъэӀу къышъуфэзгъэкӀогъагъ, ау шъо шъукъэкӀуагъэп, шъукъыскъоуцуагъэп. 3ШъукъызэрэздемыӀэщтыр нэрылъэгъу къызысфэхъум, сищыӀэныгъэ семышхъожьэу, псыхъом сызэпырыкӀи, Ӏамонхэм сязэуагъэти, Зиусхьаным ахэр сӀэ къырилъхьагъэх. Арымэ, сыда джы шъукъысэзэонэу шъо непэ садэжь шъукъызкӀэкӀуагъэр?
4– Шъо, гъылыӀадхэр, Ефраимрэ Мынасэрэ ялӀакъохэм шъуагокӀыгъ, – ефраимхэми аӀо зэхъум, Ифтахъ ГъылыӀадым щыпсэухэрэр зэкӀэ ыугъойхи, ефраимхэм язауи, атекӀуагъ. 5ГъылыӀадхэм ефраимхэм адэжь узэрыкӀорэ Иордан псыхъо икӀыпӀэр аубытыгъэти:
– СызэпырыжъугъэкӀыжь, – аӀоу ефраимхэм ащыщэу къэнагъэхэр, къызялъэӀухэкӀэ:
– О у-ефраима? – аӀоти, гъылыӀадхэр ащ еупчӀыжьыщтыгъэх.
– Хьау, – къариӀожьыщтыгъэ адрэм. 6– Арэу оӀомэ «шибболэт» къаӀолъ адэ зэ, – раӀощтыгъэ.
Ефраимхэм а гущыӀэр тэрэзэу къаӀон алъэкӀырэпти:
– «Сибболэт», – аӀощтыгъэ. Аущтэу къэзыӀорэр аубытыти, Иордан псыхъо икӀыпӀэм дэжь щаукӀыщтыгъэ. Джащыгъум ефраим нэбгырэ мин тӀокӀитӀурэ тӀурэ аукӀыгъ.
7Ифтахъ Израилым илъэсихэ игъуазэу щытыгъ. Ар зэлӀэм ГъылыӀад ит къалэу зыдэсыщтыгъэм щагъэтӀылъыжьыгъ.
Ибцан, Елон, Абдон
8Ащ ыуж Бэтлэхъэм щыщ Ибцан Израилым гъуазэ фэхъугъ. 9Ащ къо щэкӀрэ пхъу щэкӀрэ иӀагъ. Ыпхъухэр ежь зыщыщ лъэпкъыр арэп, нэмыкӀ лъэпкъ зэритыгъэхэр, ыкъохэми шъхьэгъусэу къафыхихыгъэ бзылъфыгъэ щэкӀри нэмыкӀ лъэпкъ щыщыгъэх. Ар Израилым илъэсиблэ игъуазэу щытыгъ. 10ЕтӀанэ Ибцан лӀи, Бэтлэхъэм щагъэтӀылъыжьыгъ.
11Ащ ыуж Израилым илъэсипшӀэ гъуазэу иӀагъэр Зэбулун лӀакъом щыщ Елон арыгъэ. 12ЕтӀанэ Елон зэлӀэм, Зэбулун чӀыгум ит Аялэун щагъэтӀылъыжьыгъ.
13Ащ ыуж Израилым гъуазэу иӀагъэр ПирӀатон щыщ Хылэл ыкъо Ӏабдон арыгъэ. 14Ащ къо тӀокӀитӀурэ къом ыкъожьэу щэкӀрэ иӀагъэхэти, ахэр щыд тӀокӀищрэ пшӀырэм атесхэу зекӀощтыгъэх. Ар Израилым илъэсие игъуазэу щытыгъ. 15ЕтӀанэ Хылэл ыкъо Ӏабдон зэлӀэм, Ефраим лӀакъом Ӏамэлыкъ бгылъэхэм ащыриӀэ чӀыгум ит ПирӀатон къалэ щагъэтӀылъыжьыгъ.
Currently Selected:
Гъуазэхэр 12: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Гъуазэхэр 12
12
ЯпшӀыкӀутӀонэрэ шъхьэр
Ефраим Ифтахъ къызэрэпэуцугъэр
1Ефраимхэр къызэрэугъойхи, псыхъор Цафэн дэжь къыщызэпачи, Ифтахъ зыфагъэзагъ:
– Сыда Ӏамонхэм уязэонэу узэкӀом укъызкӀытэмыджагъэр? Ащ пай уиунэ машӀо къыкӀэтыдзэнышъ, зэрэунагъоу шъудгъэстыщт.
2Ифтахъ ахэм ариӀожьыгъ:
– Сэрырэ сызщыщ лъэпкъымрэ Ӏамонхэмрэ тазыфагу зэмызэгъыныгъэ лъэш къызехьэм, мэкъэгъэӀу къышъуфэзгъэкӀогъагъ, ау шъо шъукъэкӀуагъэп, шъукъыскъоуцуагъэп. 3ШъукъызэрэздемыӀэщтыр нэрылъэгъу къызысфэхъум, сищыӀэныгъэ семышхъожьэу, псыхъом сызэпырыкӀи, Ӏамонхэм сязэуагъэти, Зиусхьаным ахэр сӀэ къырилъхьагъэх. Арымэ, сыда джы шъукъысэзэонэу шъо непэ садэжь шъукъызкӀэкӀуагъэр?
4– Шъо, гъылыӀадхэр, Ефраимрэ Мынасэрэ ялӀакъохэм шъуагокӀыгъ, – ефраимхэми аӀо зэхъум, Ифтахъ ГъылыӀадым щыпсэухэрэр зэкӀэ ыугъойхи, ефраимхэм язауи, атекӀуагъ. 5ГъылыӀадхэм ефраимхэм адэжь узэрыкӀорэ Иордан псыхъо икӀыпӀэр аубытыгъэти:
– СызэпырыжъугъэкӀыжь, – аӀоу ефраимхэм ащыщэу къэнагъэхэр, къызялъэӀухэкӀэ:
– О у-ефраима? – аӀоти, гъылыӀадхэр ащ еупчӀыжьыщтыгъэх.
– Хьау, – къариӀожьыщтыгъэ адрэм. 6– Арэу оӀомэ «шибболэт» къаӀолъ адэ зэ, – раӀощтыгъэ.
Ефраимхэм а гущыӀэр тэрэзэу къаӀон алъэкӀырэпти:
– «Сибболэт», – аӀощтыгъэ. Аущтэу къэзыӀорэр аубытыти, Иордан псыхъо икӀыпӀэм дэжь щаукӀыщтыгъэ. Джащыгъум ефраим нэбгырэ мин тӀокӀитӀурэ тӀурэ аукӀыгъ.
7Ифтахъ Израилым илъэсихэ игъуазэу щытыгъ. Ар зэлӀэм ГъылыӀад ит къалэу зыдэсыщтыгъэм щагъэтӀылъыжьыгъ.
Ибцан, Елон, Абдон
8Ащ ыуж Бэтлэхъэм щыщ Ибцан Израилым гъуазэ фэхъугъ. 9Ащ къо щэкӀрэ пхъу щэкӀрэ иӀагъ. Ыпхъухэр ежь зыщыщ лъэпкъыр арэп, нэмыкӀ лъэпкъ зэритыгъэхэр, ыкъохэми шъхьэгъусэу къафыхихыгъэ бзылъфыгъэ щэкӀри нэмыкӀ лъэпкъ щыщыгъэх. Ар Израилым илъэсиблэ игъуазэу щытыгъ. 10ЕтӀанэ Ибцан лӀи, Бэтлэхъэм щагъэтӀылъыжьыгъ.
11Ащ ыуж Израилым илъэсипшӀэ гъуазэу иӀагъэр Зэбулун лӀакъом щыщ Елон арыгъэ. 12ЕтӀанэ Елон зэлӀэм, Зэбулун чӀыгум ит Аялэун щагъэтӀылъыжьыгъ.
13Ащ ыуж Израилым гъуазэу иӀагъэр ПирӀатон щыщ Хылэл ыкъо Ӏабдон арыгъэ. 14Ащ къо тӀокӀитӀурэ къом ыкъожьэу щэкӀрэ иӀагъэхэти, ахэр щыд тӀокӀищрэ пшӀырэм атесхэу зекӀощтыгъэх. Ар Израилым илъэсие игъуазэу щытыгъ. 15ЕтӀанэ Хылэл ыкъо Ӏабдон зэлӀэм, Ефраим лӀакъом Ӏамэлыкъ бгылъэхэм ащыриӀэ чӀыгум ит ПирӀатон къалэ щагъэтӀылъыжьыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023