МысырикӀыжь 9
9
Ябгъонэрэ шъхьэр
Ятфэнэрэ тхьамыкӀагъор: былымхэр псэхалӀэ зэрэхъугъэхэр
1Зиусхьаным Мосэ къыриӀуагъ: «Фирхьауным дэжь кӀуи, еӀу: Зиусхьаным, джуртмэ я Тхьэ, ыӀорэр мары: СицӀыф лъэпкъ сигъэлъапӀэу шъхьащэ къысфишӀыным пае къэтӀупщ. 2КъэмыутӀупщэу, угу зэшӀуабдзэу ар джыри зыпӀыгъыкӀэ, 3мары, Зиусхьаным уибылымэу губгъом итмэ: шыхэм, щыдхэм, махъушэхэм, былым пӀашъэхэм, мэл-пчэнхэм ынае къащифэнышъ, зэпахырэ узышхо къафэкӀощт. 4Ау Зиусхьаным израиль цӀыфхэм ябылымхэмрэ мысыр цӀыфхэм ябылымхэмрэ зэхиушъхьафыкӀынхэшъ, израиль цӀыфхэм ябылым пстэуми зыпари ахэлӀыкӀыщтэп. 5Зиусхьаным неущ мы хэгъэгум джаущтэу зэрэщишӀэщтыр къыӀуи, уахътэр къыгъэнэфагъ».
6КъыкӀэлъыкӀорэ мафэм Зиусхьаным джаущтэу ышӀагъ, мысыр цӀыфхэм ябылымхэр зэкӀэ лӀагъэх, ау израиль цӀыфхэм ябылымхэм зыпари ахэлӀыкӀыгъэп. 7Фирхьауным хъугъэр къызэрагъэшӀэнэу ыгъэкӀуагъэх, мары джы израиль цӀыфхэм ябылым гори лӀагъэп. Ау фирхьауным ыгу зэшӀуидзи, цӀыфхэр къытӀупщыгъэхэп.
Яхэнэрэ тхьамыкӀагъор: щын узхэр
8Зиусхьаным Мосэрэ Хьарунэрэ къариӀуагъ: «Хьакум ежьэ сапэу Ӏэбжыб зырыз къишъухи, ар фирхьауным ыпашъхьэ Мосэ щерэгъэутыс. 9Джащыгъум ежьэ сапэм Мысыр хэгъэгум зэфэдэкӀэ зыкъыщиӀэтыщт, Мысыр хэгъэгум тыдэкӀи цӀыфхэми былымхэми щын узхэр къащыфэкӀощтых». 10Арыти ахэм хьакум яжьэ къырахи, фирхьауным ыпашъхьэ иуцуагъэх. Мосэ ар диэгъэутысайи, цӀыфхэми былымхэми щын узхэр къафэкӀуагъэх. 11Удыхэр узым къыхэкӀэу Мосэ къыпэуцужьынхэ алъэкӀыгъэп, сыда пӀомэ удыхэри мысыр цӀыфхэри зэкӀэ щын узхэм зэлъаштэгъагъэх. 12Ау Зиусхьаным Мосэ къызэрэриӀуагъэм фэдэу, фирхьауным ыгу зэшӀуригъадзи, ар ахэм къядэӀугъэп.
Яблэнэрэ тхьамыкӀагъор: ошъур
13Зиусхьаным Мосэ къыриӀуагъ: «Неущ жьэу къэтэджи, фирхьауным дэжь кӀуи, еӀу: „Зиусхьаным, джуртмэ я Тхьэ, ыӀорэр мары: СицӀыф лъэпкъ сигъэлъапӀэу шъхьащэ къысфишӀыным пае къэтӀупщ! 14Сэщ фэдэ зэрэдунаеу зэрэтемытыр пшӀэным пае угу уригъэӀэжьэу ори, уиӀумэт Ӏэшъхьэтетхэми, уицӀыф лъэпкъи къинышхо мызыгъогум къышъуфэзгъэкӀощт. 15Сыфэягъэмэ, сынае къышъущысфэнти, ори уицӀыф лъэпкъи зэпахырэ емынэ шӀуцӀэр къышъуфэзгъэкӀонти, чӀыгум шъутезгъэкӀодыкӀыныгъи. 16Ау Сэ псэоу укъызкӀэзгъэнагъэр кӀуачӀэу Сэ сиӀэр о къыозгъэлъэгъуным, Сэ сцӀэ зэрэдунаеу щызэлъашӀэным пае. 17О СицӀыф лъэпкъ уепэгэкӀы, ар къэптӀупщырэп. 18Мары Сэ неущ, мы охътэ дэдэм, Мысырыр зыщыӀэм къыщегъэжьагъэу непэ къынэсыжьэу фэдэ къэмыхъугъэу ошъушхо къезгъэхыщт. 19Арышъ, уибылым Ӏэхъогъухэри нэмыкӀэу губгъом итэу уиӀэхэри зэкӀэ бгъагъэхэм ягъэкӀужьых, зэкӀэ цӀыфэу, былымэу унэмэ ямыкӀолӀэжьхэу, губгъом къинэрэмэ ошъур къатеонышъ, ахэр хэкӀодэщтых“». 20Арыти фирхьауным иӀумэт Ӏэшъхьэтетхэу Зиусхьаным щынагъо фыряӀэу, къыӀуагъэм едэӀугъэхэм япщылӀхэри ябылымхэри гузэжъогъукӀэ бгъагъэмэ арагъэкӀужьыгъэх. 21Ау Зиусхьаным къыӀуагъэр къизымыдзагъэхэм япщылӀхэри ябылымхэри губгъом къырагъэнагъэх.
22Зиусхьаным Мосэ къыриӀуагъ: «ПӀэ уашъом фэгъэзагъэу къэӀэти, Мысыр хэгъэгум зэфэдэкӀэ ошъур къыщерэх, цӀыфхэми, былымхэми, губгъом ит уцми къатерэу». 23ЕтӀанэ Мосэ уашъом фэгъэзагъэу бэщыр къыӀэти, Зиусхьаным шыблэр къыгъэгъогъуагъ, пчыкӀэр чӀыгум къыритӀупщыгъ, Зиусхьаным ошъур Мысыр хэгъэгум къыфыригъэхыгъ. 24Ошъур къехыгъ. Ошъум пчыкӀэ машӀохэр къыхэлыдыкӀыщтыгъэх, цӀыфхэр Мысырым зыщыпсэухэрэм къыщегъэжьагъэу фэдэ амылъэгъугъэу ошъушхо зэфэдэкӀэ хэгъэгум къыщехыгъ. 25Ошъум губгъом итыгъэхэр зэкӀэ ыутыгъ, цӀыфым къыщегъэжьагъэу былымхэм анэсыжьэу, Мысыр хэгъэгум зэфэдэкӀэ щызэхиукӀагъэх, губгъомэ арыт уцхэри чъыгхэри зэкӀэ зэхигъэкӀодагъэх. 26Ау израиль цӀыфхэр зэрысыгъэхэ Гощэн хэку закъом ошъур къыщехыгъэп.
27Фирхьауным ыгъакӀохи, Мосэрэ Хьарунэрэ къаригъащэхи, ариӀуагъ: «Мызыгъогум псэкӀод сшӀагъэ, Зиусхьаныр зафэ, ау сэри сицӀыфхэми тымыс. 28Зиусхьаным шъуелъэӀу: икъущт шыблэр зэрэгъогъуагъэри ошъур къызэрехыгъэри, ащ нахьыбэри шъукъызэтесӀэжэжьыщтэп». 29Мосэ ащ риӀуагъ: «Къалэм сызэрэдэкӀыгъэм тетэу, сӀэхэр Зиусхьаным фэсщэищтых, Зиусхьаным дунаир ыӀэ зэрилъыр пшӀэным пае шыблэри уцужьыщт, ошъури щигъэтыжьыщт. 30Ау Зиусхьанэу Тхьэм ори уиӀумэт Ӏэшъхьэтетхэми щынагъо джыри зэрэфышъуимыӀэр сэ сэшӀэ».
31Лёнымрэ (зы мэфэ къэгъагъэмрэ) хьэмрэ икӀодагъэх, сыда пӀомэ хьэр шъхьэлъэгъэхагъэ, лёными (зы мэфэ къэгъагъэми) ыкӀэхэр ридзэгъэхагъэх. 32Ау коц лъэпкъ кӀасэхэр икӀодагъэхэп, сыда пӀомэ ахэр джыри чӀыгум къыхэкӀыгъагъэхэп. 33Мосэ къалэм къыдэкӀи, ыӀэхэр Зиусхьаным фищэигъэх, шыблэри ошъури уцужьыгъэх, ощхыри чӀыгум къытемыщхэжьэу хъугъэ. 34Фирхьауным ощхыри, ошъури, шыблэри зэрэуцужьыгъэхэр зелъэгъум, псэкӀодышӀэным пидзэжьыгъ, икӀэрэкӀэу ыгу зэшӀуидзагъ, иӀумэт Ӏэшъхьэтетхэми ары. 35Джаущтэу, Зиусхьаным Мосэ къызэрэриӀогъагъэм фэдэу, фирхьауным ыгу зэшӀодзагъэу хъуи, израиль цӀыфхэр ащ къытӀупщыгъэхэп.
Currently Selected:
МысырикӀыжь 9: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 9
9
Ябгъонэрэ шъхьэр
Ятфэнэрэ тхьамыкӀагъор: былымхэр псэхалӀэ зэрэхъугъэхэр
1Зиусхьаным Мосэ къыриӀуагъ: «Фирхьауным дэжь кӀуи, еӀу: Зиусхьаным, джуртмэ я Тхьэ, ыӀорэр мары: СицӀыф лъэпкъ сигъэлъапӀэу шъхьащэ къысфишӀыным пае къэтӀупщ. 2КъэмыутӀупщэу, угу зэшӀуабдзэу ар джыри зыпӀыгъыкӀэ, 3мары, Зиусхьаным уибылымэу губгъом итмэ: шыхэм, щыдхэм, махъушэхэм, былым пӀашъэхэм, мэл-пчэнхэм ынае къащифэнышъ, зэпахырэ узышхо къафэкӀощт. 4Ау Зиусхьаным израиль цӀыфхэм ябылымхэмрэ мысыр цӀыфхэм ябылымхэмрэ зэхиушъхьафыкӀынхэшъ, израиль цӀыфхэм ябылым пстэуми зыпари ахэлӀыкӀыщтэп. 5Зиусхьаным неущ мы хэгъэгум джаущтэу зэрэщишӀэщтыр къыӀуи, уахътэр къыгъэнэфагъ».
6КъыкӀэлъыкӀорэ мафэм Зиусхьаным джаущтэу ышӀагъ, мысыр цӀыфхэм ябылымхэр зэкӀэ лӀагъэх, ау израиль цӀыфхэм ябылымхэм зыпари ахэлӀыкӀыгъэп. 7Фирхьауным хъугъэр къызэрагъэшӀэнэу ыгъэкӀуагъэх, мары джы израиль цӀыфхэм ябылым гори лӀагъэп. Ау фирхьауным ыгу зэшӀуидзи, цӀыфхэр къытӀупщыгъэхэп.
Яхэнэрэ тхьамыкӀагъор: щын узхэр
8Зиусхьаным Мосэрэ Хьарунэрэ къариӀуагъ: «Хьакум ежьэ сапэу Ӏэбжыб зырыз къишъухи, ар фирхьауным ыпашъхьэ Мосэ щерэгъэутыс. 9Джащыгъум ежьэ сапэм Мысыр хэгъэгум зэфэдэкӀэ зыкъыщиӀэтыщт, Мысыр хэгъэгум тыдэкӀи цӀыфхэми былымхэми щын узхэр къащыфэкӀощтых». 10Арыти ахэм хьакум яжьэ къырахи, фирхьауным ыпашъхьэ иуцуагъэх. Мосэ ар диэгъэутысайи, цӀыфхэми былымхэми щын узхэр къафэкӀуагъэх. 11Удыхэр узым къыхэкӀэу Мосэ къыпэуцужьынхэ алъэкӀыгъэп, сыда пӀомэ удыхэри мысыр цӀыфхэри зэкӀэ щын узхэм зэлъаштэгъагъэх. 12Ау Зиусхьаным Мосэ къызэрэриӀуагъэм фэдэу, фирхьауным ыгу зэшӀуригъадзи, ар ахэм къядэӀугъэп.
Яблэнэрэ тхьамыкӀагъор: ошъур
13Зиусхьаным Мосэ къыриӀуагъ: «Неущ жьэу къэтэджи, фирхьауным дэжь кӀуи, еӀу: „Зиусхьаным, джуртмэ я Тхьэ, ыӀорэр мары: СицӀыф лъэпкъ сигъэлъапӀэу шъхьащэ къысфишӀыным пае къэтӀупщ! 14Сэщ фэдэ зэрэдунаеу зэрэтемытыр пшӀэным пае угу уригъэӀэжьэу ори, уиӀумэт Ӏэшъхьэтетхэми, уицӀыф лъэпкъи къинышхо мызыгъогум къышъуфэзгъэкӀощт. 15Сыфэягъэмэ, сынае къышъущысфэнти, ори уицӀыф лъэпкъи зэпахырэ емынэ шӀуцӀэр къышъуфэзгъэкӀонти, чӀыгум шъутезгъэкӀодыкӀыныгъи. 16Ау Сэ псэоу укъызкӀэзгъэнагъэр кӀуачӀэу Сэ сиӀэр о къыозгъэлъэгъуным, Сэ сцӀэ зэрэдунаеу щызэлъашӀэным пае. 17О СицӀыф лъэпкъ уепэгэкӀы, ар къэптӀупщырэп. 18Мары Сэ неущ, мы охътэ дэдэм, Мысырыр зыщыӀэм къыщегъэжьагъэу непэ къынэсыжьэу фэдэ къэмыхъугъэу ошъушхо къезгъэхыщт. 19Арышъ, уибылым Ӏэхъогъухэри нэмыкӀэу губгъом итэу уиӀэхэри зэкӀэ бгъагъэхэм ягъэкӀужьых, зэкӀэ цӀыфэу, былымэу унэмэ ямыкӀолӀэжьхэу, губгъом къинэрэмэ ошъур къатеонышъ, ахэр хэкӀодэщтых“». 20Арыти фирхьауным иӀумэт Ӏэшъхьэтетхэу Зиусхьаным щынагъо фыряӀэу, къыӀуагъэм едэӀугъэхэм япщылӀхэри ябылымхэри гузэжъогъукӀэ бгъагъэмэ арагъэкӀужьыгъэх. 21Ау Зиусхьаным къыӀуагъэр къизымыдзагъэхэм япщылӀхэри ябылымхэри губгъом къырагъэнагъэх.
22Зиусхьаным Мосэ къыриӀуагъ: «ПӀэ уашъом фэгъэзагъэу къэӀэти, Мысыр хэгъэгум зэфэдэкӀэ ошъур къыщерэх, цӀыфхэми, былымхэми, губгъом ит уцми къатерэу». 23ЕтӀанэ Мосэ уашъом фэгъэзагъэу бэщыр къыӀэти, Зиусхьаным шыблэр къыгъэгъогъуагъ, пчыкӀэр чӀыгум къыритӀупщыгъ, Зиусхьаным ошъур Мысыр хэгъэгум къыфыригъэхыгъ. 24Ошъур къехыгъ. Ошъум пчыкӀэ машӀохэр къыхэлыдыкӀыщтыгъэх, цӀыфхэр Мысырым зыщыпсэухэрэм къыщегъэжьагъэу фэдэ амылъэгъугъэу ошъушхо зэфэдэкӀэ хэгъэгум къыщехыгъ. 25Ошъум губгъом итыгъэхэр зэкӀэ ыутыгъ, цӀыфым къыщегъэжьагъэу былымхэм анэсыжьэу, Мысыр хэгъэгум зэфэдэкӀэ щызэхиукӀагъэх, губгъомэ арыт уцхэри чъыгхэри зэкӀэ зэхигъэкӀодагъэх. 26Ау израиль цӀыфхэр зэрысыгъэхэ Гощэн хэку закъом ошъур къыщехыгъэп.
27Фирхьауным ыгъакӀохи, Мосэрэ Хьарунэрэ къаригъащэхи, ариӀуагъ: «Мызыгъогум псэкӀод сшӀагъэ, Зиусхьаныр зафэ, ау сэри сицӀыфхэми тымыс. 28Зиусхьаным шъуелъэӀу: икъущт шыблэр зэрэгъогъуагъэри ошъур къызэрехыгъэри, ащ нахьыбэри шъукъызэтесӀэжэжьыщтэп». 29Мосэ ащ риӀуагъ: «Къалэм сызэрэдэкӀыгъэм тетэу, сӀэхэр Зиусхьаным фэсщэищтых, Зиусхьаным дунаир ыӀэ зэрилъыр пшӀэным пае шыблэри уцужьыщт, ошъури щигъэтыжьыщт. 30Ау Зиусхьанэу Тхьэм ори уиӀумэт Ӏэшъхьэтетхэми щынагъо джыри зэрэфышъуимыӀэр сэ сэшӀэ».
31Лёнымрэ (зы мэфэ къэгъагъэмрэ) хьэмрэ икӀодагъэх, сыда пӀомэ хьэр шъхьэлъэгъэхагъэ, лёными (зы мэфэ къэгъагъэми) ыкӀэхэр ридзэгъэхагъэх. 32Ау коц лъэпкъ кӀасэхэр икӀодагъэхэп, сыда пӀомэ ахэр джыри чӀыгум къыхэкӀыгъагъэхэп. 33Мосэ къалэм къыдэкӀи, ыӀэхэр Зиусхьаным фищэигъэх, шыблэри ошъури уцужьыгъэх, ощхыри чӀыгум къытемыщхэжьэу хъугъэ. 34Фирхьауным ощхыри, ошъури, шыблэри зэрэуцужьыгъэхэр зелъэгъум, псэкӀодышӀэным пидзэжьыгъ, икӀэрэкӀэу ыгу зэшӀуидзагъ, иӀумэт Ӏэшъхьэтетхэми ары. 35Джаущтэу, Зиусхьаным Мосэ къызэрэриӀогъагъэм фэдэу, фирхьауным ыгу зэшӀодзагъэу хъуи, израиль цӀыфхэр ащ къытӀупщыгъэхэп.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023