МысырикӀыжь 10
10
ЯпшӀэнэрэ шъхьэр
Яенэрэ тхьамыкӀагъор: мацӀэр
1Зиусхьаным Мосэ къыриӀуагъ: «Фирхьауным дэжь кӀо, сыда пӀомэ Сэ ащи иӀумэт Ӏэшъхьэтетхэми мы Синэшанэхэр къязгъэлъэгъунхэм пае агухэр зэшӀуязгъэдзагъэх. 2Сэ Мысырым икъункӀэ сыкъызыкӀыфырехыгъэр, Синэшанэхэр ащ къызкӀыщызгъэлъэгъуагъэхэр, мысыр цӀыфхэм аущтэу сызкӀадэзекӀуагъэр о пкъуи пкъом ыкъожьи афэпӀотэжьынхэм, Сэ Сызэрэ Зиусхьаныри ахэр Сэ зэрэсшӀагъэхэри шъушӀэным пае». 3Мосэрэ Хьарунэрэ фирхьауным дэжь кӀохи, раӀуагъ: «Зиусхьаным, джуртмэ я Тхьэ, ыӀорэр мары: „Ӏэрылъхьэ зыкъысфэмышӀэу джыри бэрэ упэлъыщта? СицӀыф лъэпкъ сигъэлъапӀэу шъхьащэ къысфишӀыным пае къэутӀупщ! 4Ау СицӀыф лъэпкъ къэптӀупщынэу укъыземызэгъыкӀэ, ащыгъум мары, неущ Сэ мацӀэр уихэгъэгу къистӀупщыхьащт. 5ЧӀыгур плъэгъун умылъэкӀыжьэу, чӀышъхьашъор зэрэщытэу ащ ыупӀыцӀэщт, ошъум къелыжьыгъэу шъуиӀэр зэкӀэ ышхыщт, джащ фэдэу губгъомэ арыт чъыгхэри зэкӀэ зэхишхыхьащтых. 6Уятэхэмрэ уятэжъхэмрэ дунаим къызытехьагъэхэм къыщегъэжьагъэу, аужыпкъэм непэрэ мафэм къынэсыжьэу зэрамылъэгъугъэу, о уиунэхэми, уиӀумэт Ӏэшъхьэтет пстэумэ яунэхэми, мысыр цӀыф пстэумэ яунэхэми мацӀэр арыз хъущт“». Мосэ къыгъази, фирхьауным дэжь къикӀыжьыгъ.
7Джащыгъум иӀумэт Ӏэшъхьэтетхэм фирхьауным раӀуагъ: «Мы лӀым бэрэ къиным тыхигъэтыщта? Зиусхьанэу, я Тхьэ, агъэлъапӀэу шъхьащэ фашӀыным пае мы цӀыфхэр тӀупщых. Мысырыр зэрэкӀодырэр джыри плъэгъурэба?» 8Мосэрэ Хьарунэрэ фирхьауным дэжь къарагъэгъэзэжьи, фирхьауным ахэм къариӀуагъ: «ШъукӀу, Зиусхьанэу шъуи Тхьэ жъугъэлъапӀэу шъхьащэ фэшъушӀ. Хэта адэ шъуащыщэу кӀощтыр?» 9Арыти Мосэ риӀожьыгъ: «Тисабыйхэри, тижъыхэри, ткъохэри, тпхъухэри, тимэл-пчэнхэри, тибылым пӀашъэхэри тигъусэхэу тыкӀощт, сыда пӀомэ Зиусхьаным мэфэкӀ фэтшӀыщт». 10Фирхьауным ахэм къариӀуагъ: «Арба? Шъори шъуисабыйхэри шъузэгъусэхэу зэгорэм нахь мыхъуми шъустӀупщымэ, ащыгъум Зиусхьаныр шъуигъусэба! Аущтэу шъустӀупщыщтэп. Шъуеплъэлъ гухэлъ дэй зэрэшъуиӀэм! 11Хьау! Хъулъфыгъэ закъохэм шъукӀуи, шъукъызэрэкӀэлъэӀугъагъэм фэдэу, жъугъэлъапӀэу, Зиусхьаным шъхьащэ фэшъушӀ». Ахэр фирхьауным дэжь къырафыгъэх.
12Ащ ыуж Зиусхьаным Мосэ къыриӀуагъ: «Мысырым пӀэ тещайи, мацӀэр ащ къытерэбан, зэкӀэ къэкӀырэ уцхэри, ошъум къелыжьыгъэ пстэури ащ ерэшхых». 13Мосэ ибэщ Мысыр хэгъэгум тырищэягъ, Зиусхьаным къокӀыпӀэ жьыбгъэр чӀыгум къытыритӀупщыхьи, а чэщ-зымафэм зэпымыоу къыригъэпщагъ. Нэф къызэшъым, къокӀыпӀэм къикӀырэ жьыбгъэм мацӀэр къыздихьыгъ. 14МацӀэр бэ дэдэ хъоу Мысыр хэгъэгум зэфэдэкӀэ къытебани, ар зэрэщытэу зэлъибгъагъ. НахьыпэкӀэ ащ фэдэу мацӀэр къакӀоу хъугъэп, ыужкӀи хъужьыщтэп. 15Ащ чӀыгур уимыгъэлъэгъужьэу чӀы шъхьашъор зэфэдэкӀэ зэлъибгъагъ. Ошъум къелыжьыгъэхэ пхъэшъхьэ-мышъхьэхэри къэкӀырэ уцыри зэкӀэ зэрэщытэу ышхыгъэх. Зэрэ Мысыр хэгъэгоу шхъонтӀэгъакӀэ зиӀэ чъыги губгъом ит уци зыпари къинагъэп. 16Фирхьауным гуӀэным хэтэу Мосэрэ Хьарунэрэ аригъащэхи къариӀуагъ: «Зиусхьанэу, шъуи Тхьэ ыпашъхьи шъо шъуапашъхьи псэкӀод щысшӀагъ. 17ПсэкӀодэу сшӀагъэр мызыгъогум къысфэжъугъэгъуи, Зиусхьанэу шъуи Тхьэ шъусфелъэӀу – мы хьадэгъум Ащ сыщерэухъум». 18Арыти Мосэ фирхьауным дэжь къикӀыжьи, Зиусхьаным елъэӀугъ. 19Зиусхьаным къохьэпӀэ лъэныкъомкӀэ къикӀэу жьыбгъэшхо къыригъапщи, ащ мацӀэр рихьыжьи, хы Къамылым хитэкъуагъ, зэрэ Мысыр хэгъэгоу мацӀэ гори къинагъэп. 20Ау Зиусхьаным фирхьауным ыгу зэшӀуригъадзи, ащ израиль цӀыфхэр къытӀупщыгъэхэп.
Ябгъонэрэ тхьамыкӀагъор: шӀункӀыр
21Зиусхьаным Мосэ къыриӀуагъ: «ПӀэ уашъом фэгъэзагъэу къэӀэти, Мысыр хэгъэгум шӀункӀ, нэм къыкӀэӀабэрэр умылъэгъоу шӀункӀ, къыщэрэхъу». 22Мосэ ыӀэ уашъом фэгъэзагъэу къыӀэтыгъ, нэм къыкӀэӀабэрэр умылъэгъоу мэфищэ Мысыр хэгъэгум зэфэдэкӀэ шӀункӀым ищышӀункӀыжьыгъ. 23Мэфищым къыкӀоцӀ зым зыр ымылъэгъужьэу, хэти мыхъыеу, зыдэщыс чӀыпӀэм къикощыкӀыгъэп, ау израиль цӀыфхэр зэкӀэ зыщыпсэущтыгъэхэ чӀыпӀэм щынэфынагъ. 24Фирхьауным Мосэ къаригъащи, риӀуагъ: «Шъуибынхэр зыдашъущэхи, Зиусхьаныр жъугъэлъапӀэу шъхьащэ фэшъушӀынэу шъукӀу, ау мэл-пчэнхэмрэ былым пӀашъэхэмрэ къэрэнэх». 25Ау Мосэ джэуап ритыжьыгъ: «Къурмэныпхъэхэри къурмэнгъэст тшӀыщтхэри къытэтых, Зиусхьанэу, ти Тхьэ къурмэн фэтшӀынхэу. 26Тибылымхэр тигъусэхэу зыдэтфыщтых, Зиусхьанэу, ти Тхьэ къурмэн фэтшӀыщтыр ахэм къахэтхыщтышъ, лъакъо зыкӀэт гори къэрэмын. Ащ тынэмысыфэ Зиусхьаным къурмэн фэтшӀын фаер тэ тшӀэрэп». 27Ау Зиусхьаным фирхьауным ыгу зэшӀуригъэдзагъэти, ащ ахэр къытӀупщынхэу фэягъэп. 28Фирхьауным Мосэ къыриӀуагъ: «СанэӀу икӀ, зыфэсакъыжь, ащ нахьыбэрэ сапашъхьэ укъимыхьажь, джы сынэгу укъызщыкӀэплъэрэ мафэм ущыӀэжьыщтэп». 29Мосэ риӀожьыгъ: «О зэрэпӀуагъэм фэдэу орэхъу, ащ нахьыбэрэ унэгу сэ сыкъыкӀэплъэжьыщтэп».
Currently Selected:
МысырикӀыжь 10: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 10
10
ЯпшӀэнэрэ шъхьэр
Яенэрэ тхьамыкӀагъор: мацӀэр
1Зиусхьаным Мосэ къыриӀуагъ: «Фирхьауным дэжь кӀо, сыда пӀомэ Сэ ащи иӀумэт Ӏэшъхьэтетхэми мы Синэшанэхэр къязгъэлъэгъунхэм пае агухэр зэшӀуязгъэдзагъэх. 2Сэ Мысырым икъункӀэ сыкъызыкӀыфырехыгъэр, Синэшанэхэр ащ къызкӀыщызгъэлъэгъуагъэхэр, мысыр цӀыфхэм аущтэу сызкӀадэзекӀуагъэр о пкъуи пкъом ыкъожьи афэпӀотэжьынхэм, Сэ Сызэрэ Зиусхьаныри ахэр Сэ зэрэсшӀагъэхэри шъушӀэным пае». 3Мосэрэ Хьарунэрэ фирхьауным дэжь кӀохи, раӀуагъ: «Зиусхьаным, джуртмэ я Тхьэ, ыӀорэр мары: „Ӏэрылъхьэ зыкъысфэмышӀэу джыри бэрэ упэлъыщта? СицӀыф лъэпкъ сигъэлъапӀэу шъхьащэ къысфишӀыным пае къэутӀупщ! 4Ау СицӀыф лъэпкъ къэптӀупщынэу укъыземызэгъыкӀэ, ащыгъум мары, неущ Сэ мацӀэр уихэгъэгу къистӀупщыхьащт. 5ЧӀыгур плъэгъун умылъэкӀыжьэу, чӀышъхьашъор зэрэщытэу ащ ыупӀыцӀэщт, ошъум къелыжьыгъэу шъуиӀэр зэкӀэ ышхыщт, джащ фэдэу губгъомэ арыт чъыгхэри зэкӀэ зэхишхыхьащтых. 6Уятэхэмрэ уятэжъхэмрэ дунаим къызытехьагъэхэм къыщегъэжьагъэу, аужыпкъэм непэрэ мафэм къынэсыжьэу зэрамылъэгъугъэу, о уиунэхэми, уиӀумэт Ӏэшъхьэтет пстэумэ яунэхэми, мысыр цӀыф пстэумэ яунэхэми мацӀэр арыз хъущт“». Мосэ къыгъази, фирхьауным дэжь къикӀыжьыгъ.
7Джащыгъум иӀумэт Ӏэшъхьэтетхэм фирхьауным раӀуагъ: «Мы лӀым бэрэ къиным тыхигъэтыщта? Зиусхьанэу, я Тхьэ, агъэлъапӀэу шъхьащэ фашӀыным пае мы цӀыфхэр тӀупщых. Мысырыр зэрэкӀодырэр джыри плъэгъурэба?» 8Мосэрэ Хьарунэрэ фирхьауным дэжь къарагъэгъэзэжьи, фирхьауным ахэм къариӀуагъ: «ШъукӀу, Зиусхьанэу шъуи Тхьэ жъугъэлъапӀэу шъхьащэ фэшъушӀ. Хэта адэ шъуащыщэу кӀощтыр?» 9Арыти Мосэ риӀожьыгъ: «Тисабыйхэри, тижъыхэри, ткъохэри, тпхъухэри, тимэл-пчэнхэри, тибылым пӀашъэхэри тигъусэхэу тыкӀощт, сыда пӀомэ Зиусхьаным мэфэкӀ фэтшӀыщт». 10Фирхьауным ахэм къариӀуагъ: «Арба? Шъори шъуисабыйхэри шъузэгъусэхэу зэгорэм нахь мыхъуми шъустӀупщымэ, ащыгъум Зиусхьаныр шъуигъусэба! Аущтэу шъустӀупщыщтэп. Шъуеплъэлъ гухэлъ дэй зэрэшъуиӀэм! 11Хьау! Хъулъфыгъэ закъохэм шъукӀуи, шъукъызэрэкӀэлъэӀугъагъэм фэдэу, жъугъэлъапӀэу, Зиусхьаным шъхьащэ фэшъушӀ». Ахэр фирхьауным дэжь къырафыгъэх.
12Ащ ыуж Зиусхьаным Мосэ къыриӀуагъ: «Мысырым пӀэ тещайи, мацӀэр ащ къытерэбан, зэкӀэ къэкӀырэ уцхэри, ошъум къелыжьыгъэ пстэури ащ ерэшхых». 13Мосэ ибэщ Мысыр хэгъэгум тырищэягъ, Зиусхьаным къокӀыпӀэ жьыбгъэр чӀыгум къытыритӀупщыхьи, а чэщ-зымафэм зэпымыоу къыригъэпщагъ. Нэф къызэшъым, къокӀыпӀэм къикӀырэ жьыбгъэм мацӀэр къыздихьыгъ. 14МацӀэр бэ дэдэ хъоу Мысыр хэгъэгум зэфэдэкӀэ къытебани, ар зэрэщытэу зэлъибгъагъ. НахьыпэкӀэ ащ фэдэу мацӀэр къакӀоу хъугъэп, ыужкӀи хъужьыщтэп. 15Ащ чӀыгур уимыгъэлъэгъужьэу чӀы шъхьашъор зэфэдэкӀэ зэлъибгъагъ. Ошъум къелыжьыгъэхэ пхъэшъхьэ-мышъхьэхэри къэкӀырэ уцыри зэкӀэ зэрэщытэу ышхыгъэх. Зэрэ Мысыр хэгъэгоу шхъонтӀэгъакӀэ зиӀэ чъыги губгъом ит уци зыпари къинагъэп. 16Фирхьауным гуӀэным хэтэу Мосэрэ Хьарунэрэ аригъащэхи къариӀуагъ: «Зиусхьанэу, шъуи Тхьэ ыпашъхьи шъо шъуапашъхьи псэкӀод щысшӀагъ. 17ПсэкӀодэу сшӀагъэр мызыгъогум къысфэжъугъэгъуи, Зиусхьанэу шъуи Тхьэ шъусфелъэӀу – мы хьадэгъум Ащ сыщерэухъум». 18Арыти Мосэ фирхьауным дэжь къикӀыжьи, Зиусхьаным елъэӀугъ. 19Зиусхьаным къохьэпӀэ лъэныкъомкӀэ къикӀэу жьыбгъэшхо къыригъапщи, ащ мацӀэр рихьыжьи, хы Къамылым хитэкъуагъ, зэрэ Мысыр хэгъэгоу мацӀэ гори къинагъэп. 20Ау Зиусхьаным фирхьауным ыгу зэшӀуригъадзи, ащ израиль цӀыфхэр къытӀупщыгъэхэп.
Ябгъонэрэ тхьамыкӀагъор: шӀункӀыр
21Зиусхьаным Мосэ къыриӀуагъ: «ПӀэ уашъом фэгъэзагъэу къэӀэти, Мысыр хэгъэгум шӀункӀ, нэм къыкӀэӀабэрэр умылъэгъоу шӀункӀ, къыщэрэхъу». 22Мосэ ыӀэ уашъом фэгъэзагъэу къыӀэтыгъ, нэм къыкӀэӀабэрэр умылъэгъоу мэфищэ Мысыр хэгъэгум зэфэдэкӀэ шӀункӀым ищышӀункӀыжьыгъ. 23Мэфищым къыкӀоцӀ зым зыр ымылъэгъужьэу, хэти мыхъыеу, зыдэщыс чӀыпӀэм къикощыкӀыгъэп, ау израиль цӀыфхэр зэкӀэ зыщыпсэущтыгъэхэ чӀыпӀэм щынэфынагъ. 24Фирхьауным Мосэ къаригъащи, риӀуагъ: «Шъуибынхэр зыдашъущэхи, Зиусхьаныр жъугъэлъапӀэу шъхьащэ фэшъушӀынэу шъукӀу, ау мэл-пчэнхэмрэ былым пӀашъэхэмрэ къэрэнэх». 25Ау Мосэ джэуап ритыжьыгъ: «Къурмэныпхъэхэри къурмэнгъэст тшӀыщтхэри къытэтых, Зиусхьанэу, ти Тхьэ къурмэн фэтшӀынхэу. 26Тибылымхэр тигъусэхэу зыдэтфыщтых, Зиусхьанэу, ти Тхьэ къурмэн фэтшӀыщтыр ахэм къахэтхыщтышъ, лъакъо зыкӀэт гори къэрэмын. Ащ тынэмысыфэ Зиусхьаным къурмэн фэтшӀын фаер тэ тшӀэрэп». 27Ау Зиусхьаным фирхьауным ыгу зэшӀуригъэдзагъэти, ащ ахэр къытӀупщынхэу фэягъэп. 28Фирхьауным Мосэ къыриӀуагъ: «СанэӀу икӀ, зыфэсакъыжь, ащ нахьыбэрэ сапашъхьэ укъимыхьажь, джы сынэгу укъызщыкӀэплъэрэ мафэм ущыӀэжьыщтэп». 29Мосэ риӀожьыгъ: «О зэрэпӀуагъэм фэдэу орэхъу, ащ нахьыбэрэ унэгу сэ сыкъыкӀэплъэжьыщтэп».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023