МысырикӀыжь 39
39
ЯщэкӀэнэрэ бгъурэ шъхьэр
КъурмэнышӀ щыгъынхэм апае агъэфедагъэхэр
1Зиусхьаным МосэкӀэ унашъо къызэришӀыгъэм тетэу, чӀыпӀэ лъапӀэм щыӀэхэу къурмэншӀыгъом ащыгъыщт щыгъынхэр цы шхъуантӀэу, шхъонтӀашъор къызтеорэ цы плъыжь чӀапцӀэу, цы плъыжьыбзэу къахьыгъэхэм ахашъыкӀыгъэх, джаущтэу Хьарунэ пайи шъошэ лъапӀэр ахашъыкӀыгъ.
ЧэтэнӀабгъур зэрашӀыгъэр
2ЧэтэнӀабгъур дышъэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахашъыкӀыгъ. 3Ащ пае дышъэр тхьапэм фэдэу аупӀокӀи, Ӏуданэхэр ащ къыгуаупкӀыгъэх, а Ӏуданэхэр цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ӀэпэӀэсэныгъэшхо хэлъэу адыхашъагъ. 4ЧэтэнӀабгъум ыцыпитӀу тэмэтелъитӀу къападагъ. 5Зиусхьаным МосэкӀэ унашъо къызэришӀыгъэм тетэу, чэтэнӀабгъум ыкӀыӀу телъ кӀапсэри, чэтэнӀабгъум фэдэу, ӀэпэӀэсэныгъэшхо хэлъэу дышъэ Ӏуданэхэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахашъыкӀыгъ. КӀапсэри чэтэнӀабгъури зэу щытыгъэх. 6Ӏу зэжъу зиӀэ набгъохэу дышъэм хэшӀыкӀыгъэхэм арыгъэтӀысхьагъэхэу оникс мыжъохэр агъэхьазырыгъэх, мыхъурхэр мыжъом хэзыбзыкӀыхэрэм зэрашӀырэм фэдэу, Израиль ыкъомэ ацӀэхэр ахэм ащыхабзыкӀыгъэх. 7Зиусхьаным МосэкӀэ унашъо къызэришӀыгъэм тетэу, а мыжъуитӀур Израиль ыкъомэ апае гукъэкӀыжьхэу чэтэнӀабгъум итэмэтелъхэм атырагъэпытыхьагъэх.
БгъэрышӀэр зэрашӀыгъэр
8БгъэрышӀэр чэтэнӀабгъур зэрэшӀыгъэм фэдэу, тхыпхъэхэр хэлъхэу ӀэпэӀэсэныгъэшхо ехьылӀагъэу ашӀыгъ. Ар дышъэ Ӏуданэхэм, цы шхъуантӀэм, шхъонташъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъом ахашъыкӀыгъ. 9БгъэрышӀэр итеплъэкӀэ плӀэмыеу, тӀо зэтелъэу, зы бжиз#39:9 Ар сантиметрэ 22-рэ фэдиз хьазыр. икӀыхьагъэу, зы бжиз ишъомбгъуагъэу щытыгъ. 10Мыжъоу агъэхьазырыгъэхэр щырыщэу сатырэ пэпчъ тесхэу сатыриплӀэу ащ хагъэуцуагъэх. Рубиныр, топазыр, изумрудыр#39:10 Мыжъо лъапӀэхэмрэ ахэм ацӀэхэмрэ зэрэзэтефэхэрэр бгъэунэфыныр къин. апэрэ сатырэм щызэгуагъэтӀысхьагъэх. Ащ мыжъохэр сатырэ пэпчъ щырыщэу тесхэу сатыриплӀэу хагъэуцуагъэх. Апэрэ сатырэм – рубиныр, топазыр, изумрудыр, 11ятӀонэрэ сатырэм – карбункулыр, сапфирыр, налмэс-налкъутэр, 12ящэнэрэ сатырэм – яхонтыр, агатыр, аметистыр, 13яплӀэнэрэ сатырэм – хризолитыр, ониксыр, ясписыр атесыгъэх. Ахэр дышъэм хэшӀыкӀыгъэхэу Ӏу зэжъу яӀэу агъэхьазырыгъэ набгъохэм арагъэтӀысхьагъэх. 14А мыжъохэр пшӀыкӀутӀу хъущтыгъэх. Израиль ыкъомэ япчъагъэ диштэхэу, ахэм ацӀэмэ атефэхэу, мыхъурым зэрэщыхабзыкӀырэм фэдэу, израиль лӀакъохэм ацӀэхэр зырызэу мыжъо пэпчъ щыхабзыкӀыгъэх. 15БгъэрышӀэм пае гъэщыгъэхэу, зэхэблагъэхэу пшъэхъу цӀыкӀухэр дышъэм хашӀыкӀыгъэх. 16ХъурджэнитӀу дышъэм хашӀыкӀи, ахэр бгъэрышӀэм ыкъопитӀу апагъэпытыхьагъэх. НэбгъуитӀури дышъэм хашӀыкӀыгъэх. 17Зэхэблэгъэ дышъэ пшъэхъу цӀыкӀуитӀур бгъэрышӀэм ыкъопитӀу апыгъэпытыхьэгъэ хъурджанэмэ аращыгъэх. 18А пшъэхъу цӀыкӀуитӀум ацыпэхэр нэбгъуитӀумэ апашӀэхи, чэтэнӀабгъум ыгупэкӀэ тэмэтелъхэм ащырагъэпытылӀагъэх. 19Джыри дышъэ хъурджэнитӀу ашӀи, чэтэнӀабгъум ынэӀу фэгъэзагъэхэу, бгъэрышӀэм ыкӀыбкӀэ щыӀэхэу ычӀэгъырэ къопитӀум арагъэпытылӀагъэх. 20Джащ фэдэу дышъэ хъурджэнитӀу ашӀи, чэтэнӀабгъур зэрэтырапхыхьэрэ кӀапсэм ышъхьагъыкӀэ, чэтэнӀабгъум ыкӀыӀукӀэ щыӀэхэу, адрэ къопитӀоу тэмэтелъитӀум яӀэхэм ахэр арагъэпытылӀагъэх. 21Зиусхьаным МосэкӀэ унашъо къызэришӀыгъэм тетэу, бгъэрышӀэр къемыфэхыным пае, ащ ихъурджанэхэмрэ чэтэнӀабгъум ихъурджанэхэмрэ цы Ӏудэнэ шхъуантӀэм хэшӀыкӀыгъэ кӀэпсэжъыемкӀэ зэрапхыгъэх. Джаущтэу кӀыбымкӀэ щыӀэ хъурджанэхэр кӀапсэм ышъхьагъыкӀэ щыӀэхэу чэтэнӀабгъум ыкӀыӀу тырапхыхьагъэх.
Хьарунэрэ ыкъохэмрэ адрэ ящыгъынхэр зэрашӀыгъэхэр
22ЧэтэнӀабгъум ычӀэгъ чӀэлъынэу джэнэ кӀыӀутелъыр зэрэщытэу цы шхъуантӀэм хашъыкӀыгъ. 23Ащ шъхьэикӀыпӀэ фашӀыгъ. ДзэкӀолӀым иджанэ зэрашӀырэм фэдэу, джэнэ кӀыӀутелъыр шъхьэикӀыпӀэм дэжь щызэӀымытхъынэу, ащ ынэз къыдекӀокӀэу пытэу ӀуашӀыкӀыгъ. 24Ащ ыӀэкӀапэ зэрэщытэу къыдекӀокӀэу цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахашӀыкӀыгъэу нар теплъэ зиӀэ цы такъырхэр щыпашӀагъэх. А цы такъырхэм азыфагу дышъэм хэшӀыкӀыгъэу одыджын цӀыкӀухэр щыпалъагъэх. 25Дышъэ къабзэм одыджын цӀыкӀухэр хашӀыкӀхи, ахэр нар теплъэ зиӀэ цы такъырхэм азыфагу, зыр адырэм къыкӀэлъыкӀоу, джэнэ кӀыӀутелъым ыӀэкӀапэ зэрэщытэу щыпалъагъэх. 26Зиусхьаным МосэкӀэ унашъо къызэришӀыгъэм тетэу, Зиусхьаным фэлэжьэнэу чӀыпӀэ лъапӀэм чӀахьэу, ащ къычӀэкӀыжь зыхъукӀэ, щыгъыщт джэнэ кӀыӀутелъым ыӀэкӀапэ одыджын цӀыкӀухэмрэ нар теплъэ зиӀэ цы такъырхэмрэ зыр адрэм къыщызэкӀэлъыкӀощтыгъэх.
27Хьарунэрэ ыкъохэмрэ апае джэнэ гъопэ кӀыхьэхэр чэтэн Ӏудэнэ псыгъохэм ахашъыкӀыгъэх. 28ПаӀор, шъхьэкӀапхэхэр, гъончэдж чӀэгъычӀэлъхэр чэтэн пӀуакӀэм хашӀыкӀыгъэх. 29Зиусхьаным МосэкӀэ унашъо къызэришӀыгъэм тетэу, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм шъо зэфэшъхьафхэр ащызэгъэкӀугъэхэу бгырыпххэр ахашъыкӀыгъэх.
30Дышъэ къабзэм хэхыгъэ бзыгъэ цӀыкӀум тандж лъапӀэр хашӀыкӀи, мыхъурым зэрэтыратхэрэм фэдэу, ащ щыхабзыкӀыгъ: «Зиусхьаным фыхахыгъэр». 31Зиусхьаным МосэкӀэ унашъо къызэришӀыгъэм тетэу, тандж лъапӀэр паӀом ынэӀукӀэ щытырегъэубытэгъэным пае, цы Ӏудэнэ шхъуантӀэм хэшӀыкӀыгъэ кӀэпсэжъыер ащ къыпашӀагъ.
32Джаущтэу Тхьэм зыщыӀукӀэхэрэ псэупӀэу чэтэнгъэӀэгъэ лъапӀэм игъэпсын аухыгъ. Израиль цӀыфхэм зэкӀэ агъэцэкӀагъ: Зиусхьаным МосэкӀэ унашъо къызэришӀыгъэм тетэу Ӏофхэр агъэцэкӀагъэх. 33Ахэм Мосэ дэжь къахьыгъэх Тхьэм ипсэупӀэщт чэтэнгъэӀэгъэ лъапӀэмрэ ащ дыкӀыгъоу агъэфедэщт пстэумрэ: итехъохэмрэ икъакъыщхэмрэ, ащ ипхъэмбгъу Ӏужъухэмрэ ахэм ябгыкъуидзэхэмрэ, пкъэухэмрэ ахэм яигъэуцуапӀэхэмрэ. 34Джащ фэдэу къахьыгъэх мэлышъо гъэтэджыгъэ плъыжьмэ ахэшӀыкӀыгъэ техъозэхэдагъэр, ащ ыкӀыӀунэу шъо пӀуакӀэмэ ахэшӀыкӀыгъэ техъозэхэдагъэр, чэтэнгъэӀэгъэ лъапӀэм ипэӀухъо. 35Ахэм анэмыкӀэу къахьыгъэх пхъонтэ лъапӀэмрэ ащ ибэщхэмрэ, пхъонтэ лъапӀэм ишъхьатеӀубэ, 36Ӏанэмрэ ащ дыкӀыгъоу агъэфедэрэ пстэумрэ, Зиусхьаным ыпашъхьэ илъыщт гъомылэтын хьалыгъур, 37дышъэ къабзэм хэшӀыкӀыгъэ остыгъэмрэ ащ тетын фэе гъэстылъэхэмрэ, остыгъэм дыкӀыгъоу агъэфедэрэ пстэумрэ ащ пае дагъэрэ. 38Къахьыгъэх мыстхъугъэстыпӀэ къурмэншӀыпӀэри, щыфэ ашӀырэ дэгъэ лъапӀэри, мэ ӀашӀухэр къызпихрэ мыстхъухэри, чэтэнгъэӀэгъэ лъапӀэм ичӀэхьапӀэ иӀухъуи. 39Къахьыгъэмэ ащыщыгъэх: гъуаплъэр къызэӀулӀэкӀыгъэ къурмэншӀыпӀэмрэ ащ игъусэ хъагъэу гъуаплъэм хэшӀыкӀыгъэмрэ, къурмэншӀыпӀэм ибэщхэмрэ ащ дыкӀыгъоу агъэфедэрэ пстэумрэ, лэджэнымрэ ар зытет тегъэуцуапӀэмрэ, 40щагур къызэрэшӀыхьэгъэ Ӏухъомрэ ащ ипкъэухэмрэ, пкъэухэм яигъэуцуапӀэхэмрэ щагу къэлапчъэм иӀухъорэ, пчэгъу цӀыкӀухэмрэ ахэм къаращэкӀырэ кӀапсэхэмрэ. Тхьэм зыщыӀукӀэхэрэ псэупӀэу чэтэнгъэӀэгъэ лъапӀэм щылэжьэнхэм пае агъэфедэрэ пстэури. 41Джащ фэдэу джыри къахьыгъэх: чӀыпӀэ лъапӀэм щыӀэхэу къурмэншӀыгъом ащыгъыщт щыгъынхэр – Хьарунэ къурмэнышӀым ишъошэ лъапӀэу шъагъэмрэ ащ ыкъохэм ящыгъынхэмрэ. 42Джаущтэу Зиусхьаным МосэкӀэ унашъо къызэришӀыгъэм тетэу израиль цӀыфхэм зэкӀэ агъэцэкӀагъ.
43Мосэ Ӏофэу ашӀагъэр къыплъыхьагъ, мары, Зиусхьаным унашъо къызэришӀыгъэм тет шъыпкъэу ахэм зэкӀэ зэрагъэцэкӀагъэр ылъэгъугъ. Арти ынэшӀу ащифагъ.
Currently Selected:
МысырикӀыжь 39: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 39
39
ЯщэкӀэнэрэ бгъурэ шъхьэр
КъурмэнышӀ щыгъынхэм апае агъэфедагъэхэр
1Зиусхьаным МосэкӀэ унашъо къызэришӀыгъэм тетэу, чӀыпӀэ лъапӀэм щыӀэхэу къурмэншӀыгъом ащыгъыщт щыгъынхэр цы шхъуантӀэу, шхъонтӀашъор къызтеорэ цы плъыжь чӀапцӀэу, цы плъыжьыбзэу къахьыгъэхэм ахашъыкӀыгъэх, джаущтэу Хьарунэ пайи шъошэ лъапӀэр ахашъыкӀыгъ.
ЧэтэнӀабгъур зэрашӀыгъэр
2ЧэтэнӀабгъур дышъэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахашъыкӀыгъ. 3Ащ пае дышъэр тхьапэм фэдэу аупӀокӀи, Ӏуданэхэр ащ къыгуаупкӀыгъэх, а Ӏуданэхэр цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ӀэпэӀэсэныгъэшхо хэлъэу адыхашъагъ. 4ЧэтэнӀабгъум ыцыпитӀу тэмэтелъитӀу къападагъ. 5Зиусхьаным МосэкӀэ унашъо къызэришӀыгъэм тетэу, чэтэнӀабгъум ыкӀыӀу телъ кӀапсэри, чэтэнӀабгъум фэдэу, ӀэпэӀэсэныгъэшхо хэлъэу дышъэ Ӏуданэхэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахашъыкӀыгъ. КӀапсэри чэтэнӀабгъури зэу щытыгъэх. 6Ӏу зэжъу зиӀэ набгъохэу дышъэм хэшӀыкӀыгъэхэм арыгъэтӀысхьагъэхэу оникс мыжъохэр агъэхьазырыгъэх, мыхъурхэр мыжъом хэзыбзыкӀыхэрэм зэрашӀырэм фэдэу, Израиль ыкъомэ ацӀэхэр ахэм ащыхабзыкӀыгъэх. 7Зиусхьаным МосэкӀэ унашъо къызэришӀыгъэм тетэу, а мыжъуитӀур Израиль ыкъомэ апае гукъэкӀыжьхэу чэтэнӀабгъум итэмэтелъхэм атырагъэпытыхьагъэх.
БгъэрышӀэр зэрашӀыгъэр
8БгъэрышӀэр чэтэнӀабгъур зэрэшӀыгъэм фэдэу, тхыпхъэхэр хэлъхэу ӀэпэӀэсэныгъэшхо ехьылӀагъэу ашӀыгъ. Ар дышъэ Ӏуданэхэм, цы шхъуантӀэм, шхъонташъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъом ахашъыкӀыгъ. 9БгъэрышӀэр итеплъэкӀэ плӀэмыеу, тӀо зэтелъэу, зы бжиз#39:9 Ар сантиметрэ 22-рэ фэдиз хьазыр. икӀыхьагъэу, зы бжиз ишъомбгъуагъэу щытыгъ. 10Мыжъоу агъэхьазырыгъэхэр щырыщэу сатырэ пэпчъ тесхэу сатыриплӀэу ащ хагъэуцуагъэх. Рубиныр, топазыр, изумрудыр#39:10 Мыжъо лъапӀэхэмрэ ахэм ацӀэхэмрэ зэрэзэтефэхэрэр бгъэунэфыныр къин. апэрэ сатырэм щызэгуагъэтӀысхьагъэх. Ащ мыжъохэр сатырэ пэпчъ щырыщэу тесхэу сатыриплӀэу хагъэуцуагъэх. Апэрэ сатырэм – рубиныр, топазыр, изумрудыр, 11ятӀонэрэ сатырэм – карбункулыр, сапфирыр, налмэс-налкъутэр, 12ящэнэрэ сатырэм – яхонтыр, агатыр, аметистыр, 13яплӀэнэрэ сатырэм – хризолитыр, ониксыр, ясписыр атесыгъэх. Ахэр дышъэм хэшӀыкӀыгъэхэу Ӏу зэжъу яӀэу агъэхьазырыгъэ набгъохэм арагъэтӀысхьагъэх. 14А мыжъохэр пшӀыкӀутӀу хъущтыгъэх. Израиль ыкъомэ япчъагъэ диштэхэу, ахэм ацӀэмэ атефэхэу, мыхъурым зэрэщыхабзыкӀырэм фэдэу, израиль лӀакъохэм ацӀэхэр зырызэу мыжъо пэпчъ щыхабзыкӀыгъэх. 15БгъэрышӀэм пае гъэщыгъэхэу, зэхэблагъэхэу пшъэхъу цӀыкӀухэр дышъэм хашӀыкӀыгъэх. 16ХъурджэнитӀу дышъэм хашӀыкӀи, ахэр бгъэрышӀэм ыкъопитӀу апагъэпытыхьагъэх. НэбгъуитӀури дышъэм хашӀыкӀыгъэх. 17Зэхэблэгъэ дышъэ пшъэхъу цӀыкӀуитӀур бгъэрышӀэм ыкъопитӀу апыгъэпытыхьэгъэ хъурджанэмэ аращыгъэх. 18А пшъэхъу цӀыкӀуитӀум ацыпэхэр нэбгъуитӀумэ апашӀэхи, чэтэнӀабгъум ыгупэкӀэ тэмэтелъхэм ащырагъэпытылӀагъэх. 19Джыри дышъэ хъурджэнитӀу ашӀи, чэтэнӀабгъум ынэӀу фэгъэзагъэхэу, бгъэрышӀэм ыкӀыбкӀэ щыӀэхэу ычӀэгъырэ къопитӀум арагъэпытылӀагъэх. 20Джащ фэдэу дышъэ хъурджэнитӀу ашӀи, чэтэнӀабгъур зэрэтырапхыхьэрэ кӀапсэм ышъхьагъыкӀэ, чэтэнӀабгъум ыкӀыӀукӀэ щыӀэхэу, адрэ къопитӀоу тэмэтелъитӀум яӀэхэм ахэр арагъэпытылӀагъэх. 21Зиусхьаным МосэкӀэ унашъо къызэришӀыгъэм тетэу, бгъэрышӀэр къемыфэхыным пае, ащ ихъурджанэхэмрэ чэтэнӀабгъум ихъурджанэхэмрэ цы Ӏудэнэ шхъуантӀэм хэшӀыкӀыгъэ кӀэпсэжъыемкӀэ зэрапхыгъэх. Джаущтэу кӀыбымкӀэ щыӀэ хъурджанэхэр кӀапсэм ышъхьагъыкӀэ щыӀэхэу чэтэнӀабгъум ыкӀыӀу тырапхыхьагъэх.
Хьарунэрэ ыкъохэмрэ адрэ ящыгъынхэр зэрашӀыгъэхэр
22ЧэтэнӀабгъум ычӀэгъ чӀэлъынэу джэнэ кӀыӀутелъыр зэрэщытэу цы шхъуантӀэм хашъыкӀыгъ. 23Ащ шъхьэикӀыпӀэ фашӀыгъ. ДзэкӀолӀым иджанэ зэрашӀырэм фэдэу, джэнэ кӀыӀутелъыр шъхьэикӀыпӀэм дэжь щызэӀымытхъынэу, ащ ынэз къыдекӀокӀэу пытэу ӀуашӀыкӀыгъ. 24Ащ ыӀэкӀапэ зэрэщытэу къыдекӀокӀэу цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахашӀыкӀыгъэу нар теплъэ зиӀэ цы такъырхэр щыпашӀагъэх. А цы такъырхэм азыфагу дышъэм хэшӀыкӀыгъэу одыджын цӀыкӀухэр щыпалъагъэх. 25Дышъэ къабзэм одыджын цӀыкӀухэр хашӀыкӀхи, ахэр нар теплъэ зиӀэ цы такъырхэм азыфагу, зыр адырэм къыкӀэлъыкӀоу, джэнэ кӀыӀутелъым ыӀэкӀапэ зэрэщытэу щыпалъагъэх. 26Зиусхьаным МосэкӀэ унашъо къызэришӀыгъэм тетэу, Зиусхьаным фэлэжьэнэу чӀыпӀэ лъапӀэм чӀахьэу, ащ къычӀэкӀыжь зыхъукӀэ, щыгъыщт джэнэ кӀыӀутелъым ыӀэкӀапэ одыджын цӀыкӀухэмрэ нар теплъэ зиӀэ цы такъырхэмрэ зыр адрэм къыщызэкӀэлъыкӀощтыгъэх.
27Хьарунэрэ ыкъохэмрэ апае джэнэ гъопэ кӀыхьэхэр чэтэн Ӏудэнэ псыгъохэм ахашъыкӀыгъэх. 28ПаӀор, шъхьэкӀапхэхэр, гъончэдж чӀэгъычӀэлъхэр чэтэн пӀуакӀэм хашӀыкӀыгъэх. 29Зиусхьаным МосэкӀэ унашъо къызэришӀыгъэм тетэу, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм шъо зэфэшъхьафхэр ащызэгъэкӀугъэхэу бгырыпххэр ахашъыкӀыгъэх.
30Дышъэ къабзэм хэхыгъэ бзыгъэ цӀыкӀум тандж лъапӀэр хашӀыкӀи, мыхъурым зэрэтыратхэрэм фэдэу, ащ щыхабзыкӀыгъ: «Зиусхьаным фыхахыгъэр». 31Зиусхьаным МосэкӀэ унашъо къызэришӀыгъэм тетэу, тандж лъапӀэр паӀом ынэӀукӀэ щытырегъэубытэгъэным пае, цы Ӏудэнэ шхъуантӀэм хэшӀыкӀыгъэ кӀэпсэжъыер ащ къыпашӀагъ.
32Джаущтэу Тхьэм зыщыӀукӀэхэрэ псэупӀэу чэтэнгъэӀэгъэ лъапӀэм игъэпсын аухыгъ. Израиль цӀыфхэм зэкӀэ агъэцэкӀагъ: Зиусхьаным МосэкӀэ унашъо къызэришӀыгъэм тетэу Ӏофхэр агъэцэкӀагъэх. 33Ахэм Мосэ дэжь къахьыгъэх Тхьэм ипсэупӀэщт чэтэнгъэӀэгъэ лъапӀэмрэ ащ дыкӀыгъоу агъэфедэщт пстэумрэ: итехъохэмрэ икъакъыщхэмрэ, ащ ипхъэмбгъу Ӏужъухэмрэ ахэм ябгыкъуидзэхэмрэ, пкъэухэмрэ ахэм яигъэуцуапӀэхэмрэ. 34Джащ фэдэу къахьыгъэх мэлышъо гъэтэджыгъэ плъыжьмэ ахэшӀыкӀыгъэ техъозэхэдагъэр, ащ ыкӀыӀунэу шъо пӀуакӀэмэ ахэшӀыкӀыгъэ техъозэхэдагъэр, чэтэнгъэӀэгъэ лъапӀэм ипэӀухъо. 35Ахэм анэмыкӀэу къахьыгъэх пхъонтэ лъапӀэмрэ ащ ибэщхэмрэ, пхъонтэ лъапӀэм ишъхьатеӀубэ, 36Ӏанэмрэ ащ дыкӀыгъоу агъэфедэрэ пстэумрэ, Зиусхьаным ыпашъхьэ илъыщт гъомылэтын хьалыгъур, 37дышъэ къабзэм хэшӀыкӀыгъэ остыгъэмрэ ащ тетын фэе гъэстылъэхэмрэ, остыгъэм дыкӀыгъоу агъэфедэрэ пстэумрэ ащ пае дагъэрэ. 38Къахьыгъэх мыстхъугъэстыпӀэ къурмэншӀыпӀэри, щыфэ ашӀырэ дэгъэ лъапӀэри, мэ ӀашӀухэр къызпихрэ мыстхъухэри, чэтэнгъэӀэгъэ лъапӀэм ичӀэхьапӀэ иӀухъуи. 39Къахьыгъэмэ ащыщыгъэх: гъуаплъэр къызэӀулӀэкӀыгъэ къурмэншӀыпӀэмрэ ащ игъусэ хъагъэу гъуаплъэм хэшӀыкӀыгъэмрэ, къурмэншӀыпӀэм ибэщхэмрэ ащ дыкӀыгъоу агъэфедэрэ пстэумрэ, лэджэнымрэ ар зытет тегъэуцуапӀэмрэ, 40щагур къызэрэшӀыхьэгъэ Ӏухъомрэ ащ ипкъэухэмрэ, пкъэухэм яигъэуцуапӀэхэмрэ щагу къэлапчъэм иӀухъорэ, пчэгъу цӀыкӀухэмрэ ахэм къаращэкӀырэ кӀапсэхэмрэ. Тхьэм зыщыӀукӀэхэрэ псэупӀэу чэтэнгъэӀэгъэ лъапӀэм щылэжьэнхэм пае агъэфедэрэ пстэури. 41Джащ фэдэу джыри къахьыгъэх: чӀыпӀэ лъапӀэм щыӀэхэу къурмэншӀыгъом ащыгъыщт щыгъынхэр – Хьарунэ къурмэнышӀым ишъошэ лъапӀэу шъагъэмрэ ащ ыкъохэм ящыгъынхэмрэ. 42Джаущтэу Зиусхьаным МосэкӀэ унашъо къызэришӀыгъэм тетэу израиль цӀыфхэм зэкӀэ агъэцэкӀагъ.
43Мосэ Ӏофэу ашӀагъэр къыплъыхьагъ, мары, Зиусхьаным унашъо къызэришӀыгъэм тет шъыпкъэу ахэм зэкӀэ зэрагъэцэкӀагъэр ылъэгъугъ. Арти ынэшӀу ащифагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023