МысырикӀыжь 38
38
ЯщэкӀэнэрэ ирэ шъхьэр
Къурмэнгъэстхэр зыщашӀыщт къурмэншӀыпӀэмрэ лэджэнымрэ зэрашӀыгъэхэр
1Бэцалэл акацэ чъыгым плӀэмыеу къурмэнгъэстхэр зыщашӀыщт къурмэншӀыпӀэр хишӀыкӀыгъ, икӀыхьагъэрэ ишъомбгъуагъэрэ Ӏэнтэгъуитф#38:1 Ар метри 2-рэ сантиметрэ 20-рэ фэдиз хьазыр. илъэгагъэ Ӏэнтэгъуищ#38:1 Ар 1 метрэрэ сантиметрэ 32-рэ фэдиз хьазыр. хъухэу. 2Ащ бжъакъом фэдэу къыпыщхэу къуапэхэр фишӀыгъэх. Ахэр къурмэншӀыпӀэм дыхэтыгъэх. А зэкӀэри къызэдиубытэу гъуаплъэ къыриӀулӀэкӀыгъ. 3КъурмэншӀыпӀэм игъусэщт пстэури ащ ышӀыгъэх: яжьэр рызэрахьанэу лэгъупхэр, хьакужъотхъухэр, лэджэнхэр, цацэхэр, къопс зиӀэ жъокулъэхэр. Ахэр зэкӀэ гъуаплъэм хишӀыкӀыгъэх. 4КъурмэншӀыпӀэм пае гъуаплъэм хэшӀыкӀыгъэу хъагъэ ышӀыгъ. Гъоплъэ хъагъэр къурмэншӀыпӀэм илъэгагъэ ыгузэгу къынэсэу, ащ къыдекӀокӀырэ нэз ӀушӀыкӀыгъэм ычӀэгъ чӀигъэуцуагъ. 5Зэрахьыщт бэщхэр аращынхэу гъоплъэ хъурджанэхэр а хъагъэм ыкъопиплӀымэ аригъэпытылӀагъэх. 6Акацэ чъыгым бэщхэр хишӀыкӀхи, ахэм гъуаплъэр къаригъэтӀылъэкӀыгъ. 7КъурмэншӀыпӀэр бгъэкощын плъэкӀыным пае ащ ыбгъуитӀу ягъэпытылӀэгъэ хъурджанэхэм бэщхэр арилъхьагъэх. КъурмэншӀыпӀэр ыкӀоцӀ нэкӀэу пхъэмбгъу цӀыкӀумэ ахишӀыкӀыгъ.
8Джащ фэдэу зызэратхьакӀыщт псыр зэрытыщт гъоплъэ лэджэнри ащ итегъэуцуапӀи чэтэнгъэӀэгъэ лъапӀэм идэхьапӀэ дэжь Ӏоф щызышӀэщтыгъэ бзылъфыгъэхэм тынэу къахьыгъэ гъоплъэ гъунджэхэм ахишӀыкӀыгъэх.
ЧэтэнгъэӀэгъэ лъапӀэм ищагу зэрашӀыгъэр
9ЕтӀанэ Бэцалэл чэтэнгъэӀэгъэ лъапӀэм ищагу ыгъэпсыгъ. Щагубгъоу къыблэ лъэныкъомкӀэ гъэзагъэр къэшӀыхьэгъэнэу чэтэн Ӏудэнэ псыгъохэм ахэшъыкӀыгъэу, Ӏэнтэгъуишъэ#38:9 Ар метрэ 44-рэ фэдиз хьазыр. икӀыхьагъэу Ӏухъо фашӀыгъ. 10Гъуаплъэм хэшӀыкӀыгъэу игъэуцопӀэ тӀокӀ зиӀэ пкъэу тӀокӀмэ Ӏухъор апашӀагъ. Пкъэумэ якъакъыщхэмрэ ябгыкъурыгъачъэхэмрэ тыжьыным хэшӀыкӀыгъагъэх. 11Щагубгъоу темыр лъэныкъомкӀэ гъэзагъэр чэтэн Ӏудэнэ псыгъохэм ахэшъыкӀыгъэу, Ӏэнтэгъуишъэ#38:11 Ар метрэ 44-рэ фэдиз хьазыр. зикӀыхьагъэ ӀухъомкӀэ къэшӀыхьэгъагъ. Ар гъуаплъэм хэшӀыкӀыгъэу игъэуцопӀэ тӀокӀ зиӀэ пкъэу тӀокӀмэ апашӀагъ. Пкъэумэ якъакъыщхэмрэ ябгыкъурыгъачъэхэмрэ тыжьыным хэшӀыкӀыгъагъэх. 12Щагум ишъомбгъуагъэу къохьапӀэ лъэныкъомкӀэ гъэзагъэр къэшӀыхьэгъэнэу Ӏэнтэгъу шъэныкъо#38:12 Ар метрэ 22-рэ фэдиз хьазыр. икӀыхьагъэу Ӏухъо фашӀыгъ. А Ӏухъор игъэуцопӀипшӀ зигъусэ пкъэуипшӀмэ апашӀагъ. Пкъэумэ якъакъыщхэмрэ ябгыкъурыгъачъэхэмрэ тыжьыным хэшӀыкӀыгъагъэх. 13Щагум ынэӀоу къокӀыпӀэ лъэныкъомкӀэ гъэзагъэм ишъомбгъуагъэ зыфэдизыгъэр Ӏэнтэгъу шъэныкъу. 14Щагу дэхьапӀэм изы бгъукӀэ Ӏэнтэгъу пшӀыкӀутф#38:14 Ар метри 6-рэ сантиметрэ 60-рэ фэдиз хьазыр. икӀыхьагъэу, игъэуцопӀищ зигъусэ пкъэуищым апылъэгъэщт Ӏухъор ашӀыгъ. 15Щагу дэхьапӀэм иадрэ бгъукӀэ Ӏэнтэгъу пшӀыкӀутф фэдиз икӀыхьагъэу Ӏухъо фашӀыгъ. Ар игъэуцопӀищ зигъусэ пкъэуищым апылъэгъагъ. 16Щагум илъэныкъо пстэуми яӀухъохэр чэтэн Ӏудэнэ псыгъохэм ахэшъыкӀыгъагъэх. 17Щагу шӀыхьагъэм хэт пкъэухэр гъуаплъэм, а пкъэухэм якъакъыщхэмрэ ябгыкъурыгъачъэхэмрэ тыжьыным ахашӀыкӀыгъэх. Пкъэумэ ашъхьапэхэм тыжьыныр къягъэтӀылъэкӀыгъагъ. Щагу пкъэухэр зэкӀэ тыжьыным хэшӀыкӀыгъэ бгыкъурыгъачъэхэмкӀэ зэгъэпытылӀэгъагъэх. 18Щагу къэлапчъэм иӀухъо къолэныгъ – цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъомэ ахэшъыкӀыгъэу, икӀыхьагъэ Ӏэнтэгъу тӀокӀ#38:18 Ар метри 8-рэ сантиметрэ 80-рэ фэдиз хьазыр. хъущтыгъэ. Щагум иӀухъомэ афэдэу, ащ ишъомбгъуагъэ Ӏэнтэгъуитф#38:18 Ар метри 2-рэ сантиметрэ 20-рэ фэдиз хьазыр. хъущтыгъэ. 19Щагу къэлапчъэм гъоплъэ игъэуцопӀиплӀыр зигъусэ пкъэуиплӀыр хэтыгъ. Ахэм якъакъыщхэр тыжьыным хэшӀыкӀыгъагъэх. А пкъэумэ ашъхьапэхэм тыжьыныр къягъэтӀылъэкӀыгъагъ, ябгыкъурыгъачъэхэр тыжьыным хэшӀыкӀыгъагъэх. 20ЧэтэнгъэӀэгъэ лъапӀэм игъусэ пчэгъу цӀыкӀухэри щагур къызэрэшӀыхьэгъэ Ӏухъор зыпылъэгъэ пкъэухэм ягъусэ пчэгъу цӀыкӀухэри гъуаплъэм хэшӀыкӀыгъагъэх.
Псэолъапхъэу агъэфедагъэхэр
21ЧэтэнгъэӀэгъэ лъапӀэу Зиусхьаным и Унашъохэр зытет мыжъобгъуитӀур зыдэлъ пхъонтэ лъапӀэр зычӀагъэуцуагъэм игъэпсын хэхьанэу Мосэ иунашъокӀэ Хьарунэ къурмэнышӀым ыкъо Итамар алъыплъэзэ, лэуймэ къалъытагъэр зэкӀэ зыфэдизыгъэр мары къыкӀэлъыкӀощт. 22Зиусхьаным шӀэгъэн фаеу МосэкӀэ унашъоу къышӀыгъэр зэкӀэ Ехъуд лӀакъом щыщэу Хъур къыхэкӀыгъэ Урый ыкъо Бэцалэл ыгъэцэкӀагъ. 23Ащ игъусагъ хэбзыкӀын Ӏофым, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм тхыпхъэхэр ахэлъхэуи къолэнхэуи шэкӀхэр ахэшъыкӀыгъэным афэӀэпэӀасэу Дан лӀакъом щыщэу Ахъысэмакъ ыкъо Ахолыаб. 24ЧэтэнгъэӀэгъэ лъапӀэм игъэпсын гупыкӀ тынэу къырахьылӀэгъэ дышъэу хэхьагъэр зыфэдиз хъугъэр кыкъар тӀокӀырэ бгъурэ шэкъэл шъиблырэ щэкӀырэ. 25ЗэкӀэ израиль цӀыфэу къалъытагъэхэм тыжьынэу къахьыгъэри кыкъари 100-рэ шэкъэл лъапӀэу зы минрэ шъиблырэ тӀокӀищрэ пшӀыкӀутфырэ хъущтыгъэ. 26Ар зыныбжь илъэс тӀокӀ хъугъэхэуи нахьыжъхэуи къалъытэгъэ нэбгырэ мин шъихрэ минищырэ шъитфырэ шъэныкъом зэхэтэу къахьыгъэр ары. Нэбгырэ пэпчъ шэкъэл лъапӀэм ызыныкъо#38:26 Ар грамми 6 фэдиз хьазыр. къыӀахызэ ашӀыгъ. 27ЧэтэнгъэӀэгъэ лъапӀэм ичӀыпӀэ лъапӀэ ипкъэухэмрэ лъапӀэм нахь лъэпӀэжьым ипэӀухъо зыпышӀэгъэ пкъэухэмрэ яигъэуцуапӀэхэу тыжьыным хагъэткӀукӀыгъэхэм апэӀухьагъэр тыжьынэу кыкъари 100: пкъэу пэпчъ иигъэуцуапӀэ пэӀухьагъэр зы кыкъар. 28Пкъэухэм якъакъыщхэм, ябгыкъурыгъачъэхэм, пкъэу шъхьапэхэм ащыфэгъэным тыжьынэу апэӀухьагъэр шэкъэл минрэ шъиблырэ тӀокӀищырэ пшӀыкӀутфырэ. 29Тынэу къахьыгъэ гъуаплъэр кыкъар тӀокӀищырэ пшӀырэ шэкъэл минитӀурэ шъиплӀырэ хъущтыгъэ. 30Гъуаплъэм хашӀыкӀыгъэх: чэтэнгъэӀэгъэ лъапӀэм ичӀэхьапӀэ хагъэуцогъэ пкъэухэм яигъэуцуапӀэхэр, къурмэншӀыпӀэр, ащ ихъагъэрэ дыкӀыгъоу агъэфедэрэ пстэумрэ, 31щагур къызэрашӀыхьэгъэ Ӏухъомрэ щагу къэлапчъэм иӀухъорэ зыпышӀэгъэхэ пкъэухэм яигъэуцуапӀэхэр, чэтэнгъэӀэгъэ лъапӀэмрэ щагур къызэрэшӀыхьэгъэ Ӏухъор зыпылъэгъэ пкъэухэмрэ ягъусэ пчэгъу цӀыкӀухэр.
Currently Selected:
МысырикӀыжь 38: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 38
38
ЯщэкӀэнэрэ ирэ шъхьэр
Къурмэнгъэстхэр зыщашӀыщт къурмэншӀыпӀэмрэ лэджэнымрэ зэрашӀыгъэхэр
1Бэцалэл акацэ чъыгым плӀэмыеу къурмэнгъэстхэр зыщашӀыщт къурмэншӀыпӀэр хишӀыкӀыгъ, икӀыхьагъэрэ ишъомбгъуагъэрэ Ӏэнтэгъуитф#38:1 Ар метри 2-рэ сантиметрэ 20-рэ фэдиз хьазыр. илъэгагъэ Ӏэнтэгъуищ#38:1 Ар 1 метрэрэ сантиметрэ 32-рэ фэдиз хьазыр. хъухэу. 2Ащ бжъакъом фэдэу къыпыщхэу къуапэхэр фишӀыгъэх. Ахэр къурмэншӀыпӀэм дыхэтыгъэх. А зэкӀэри къызэдиубытэу гъуаплъэ къыриӀулӀэкӀыгъ. 3КъурмэншӀыпӀэм игъусэщт пстэури ащ ышӀыгъэх: яжьэр рызэрахьанэу лэгъупхэр, хьакужъотхъухэр, лэджэнхэр, цацэхэр, къопс зиӀэ жъокулъэхэр. Ахэр зэкӀэ гъуаплъэм хишӀыкӀыгъэх. 4КъурмэншӀыпӀэм пае гъуаплъэм хэшӀыкӀыгъэу хъагъэ ышӀыгъ. Гъоплъэ хъагъэр къурмэншӀыпӀэм илъэгагъэ ыгузэгу къынэсэу, ащ къыдекӀокӀырэ нэз ӀушӀыкӀыгъэм ычӀэгъ чӀигъэуцуагъ. 5Зэрахьыщт бэщхэр аращынхэу гъоплъэ хъурджанэхэр а хъагъэм ыкъопиплӀымэ аригъэпытылӀагъэх. 6Акацэ чъыгым бэщхэр хишӀыкӀхи, ахэм гъуаплъэр къаригъэтӀылъэкӀыгъ. 7КъурмэншӀыпӀэр бгъэкощын плъэкӀыным пае ащ ыбгъуитӀу ягъэпытылӀэгъэ хъурджанэхэм бэщхэр арилъхьагъэх. КъурмэншӀыпӀэр ыкӀоцӀ нэкӀэу пхъэмбгъу цӀыкӀумэ ахишӀыкӀыгъ.
8Джащ фэдэу зызэратхьакӀыщт псыр зэрытыщт гъоплъэ лэджэнри ащ итегъэуцуапӀи чэтэнгъэӀэгъэ лъапӀэм идэхьапӀэ дэжь Ӏоф щызышӀэщтыгъэ бзылъфыгъэхэм тынэу къахьыгъэ гъоплъэ гъунджэхэм ахишӀыкӀыгъэх.
ЧэтэнгъэӀэгъэ лъапӀэм ищагу зэрашӀыгъэр
9ЕтӀанэ Бэцалэл чэтэнгъэӀэгъэ лъапӀэм ищагу ыгъэпсыгъ. Щагубгъоу къыблэ лъэныкъомкӀэ гъэзагъэр къэшӀыхьэгъэнэу чэтэн Ӏудэнэ псыгъохэм ахэшъыкӀыгъэу, Ӏэнтэгъуишъэ#38:9 Ар метрэ 44-рэ фэдиз хьазыр. икӀыхьагъэу Ӏухъо фашӀыгъ. 10Гъуаплъэм хэшӀыкӀыгъэу игъэуцопӀэ тӀокӀ зиӀэ пкъэу тӀокӀмэ Ӏухъор апашӀагъ. Пкъэумэ якъакъыщхэмрэ ябгыкъурыгъачъэхэмрэ тыжьыным хэшӀыкӀыгъагъэх. 11Щагубгъоу темыр лъэныкъомкӀэ гъэзагъэр чэтэн Ӏудэнэ псыгъохэм ахэшъыкӀыгъэу, Ӏэнтэгъуишъэ#38:11 Ар метрэ 44-рэ фэдиз хьазыр. зикӀыхьагъэ ӀухъомкӀэ къэшӀыхьэгъагъ. Ар гъуаплъэм хэшӀыкӀыгъэу игъэуцопӀэ тӀокӀ зиӀэ пкъэу тӀокӀмэ апашӀагъ. Пкъэумэ якъакъыщхэмрэ ябгыкъурыгъачъэхэмрэ тыжьыным хэшӀыкӀыгъагъэх. 12Щагум ишъомбгъуагъэу къохьапӀэ лъэныкъомкӀэ гъэзагъэр къэшӀыхьэгъэнэу Ӏэнтэгъу шъэныкъо#38:12 Ар метрэ 22-рэ фэдиз хьазыр. икӀыхьагъэу Ӏухъо фашӀыгъ. А Ӏухъор игъэуцопӀипшӀ зигъусэ пкъэуипшӀмэ апашӀагъ. Пкъэумэ якъакъыщхэмрэ ябгыкъурыгъачъэхэмрэ тыжьыным хэшӀыкӀыгъагъэх. 13Щагум ынэӀоу къокӀыпӀэ лъэныкъомкӀэ гъэзагъэм ишъомбгъуагъэ зыфэдизыгъэр Ӏэнтэгъу шъэныкъу. 14Щагу дэхьапӀэм изы бгъукӀэ Ӏэнтэгъу пшӀыкӀутф#38:14 Ар метри 6-рэ сантиметрэ 60-рэ фэдиз хьазыр. икӀыхьагъэу, игъэуцопӀищ зигъусэ пкъэуищым апылъэгъэщт Ӏухъор ашӀыгъ. 15Щагу дэхьапӀэм иадрэ бгъукӀэ Ӏэнтэгъу пшӀыкӀутф фэдиз икӀыхьагъэу Ӏухъо фашӀыгъ. Ар игъэуцопӀищ зигъусэ пкъэуищым апылъэгъагъ. 16Щагум илъэныкъо пстэуми яӀухъохэр чэтэн Ӏудэнэ псыгъохэм ахэшъыкӀыгъагъэх. 17Щагу шӀыхьагъэм хэт пкъэухэр гъуаплъэм, а пкъэухэм якъакъыщхэмрэ ябгыкъурыгъачъэхэмрэ тыжьыным ахашӀыкӀыгъэх. Пкъэумэ ашъхьапэхэм тыжьыныр къягъэтӀылъэкӀыгъагъ. Щагу пкъэухэр зэкӀэ тыжьыным хэшӀыкӀыгъэ бгыкъурыгъачъэхэмкӀэ зэгъэпытылӀэгъагъэх. 18Щагу къэлапчъэм иӀухъо къолэныгъ – цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъомэ ахэшъыкӀыгъэу, икӀыхьагъэ Ӏэнтэгъу тӀокӀ#38:18 Ар метри 8-рэ сантиметрэ 80-рэ фэдиз хьазыр. хъущтыгъэ. Щагум иӀухъомэ афэдэу, ащ ишъомбгъуагъэ Ӏэнтэгъуитф#38:18 Ар метри 2-рэ сантиметрэ 20-рэ фэдиз хьазыр. хъущтыгъэ. 19Щагу къэлапчъэм гъоплъэ игъэуцопӀиплӀыр зигъусэ пкъэуиплӀыр хэтыгъ. Ахэм якъакъыщхэр тыжьыным хэшӀыкӀыгъагъэх. А пкъэумэ ашъхьапэхэм тыжьыныр къягъэтӀылъэкӀыгъагъ, ябгыкъурыгъачъэхэр тыжьыным хэшӀыкӀыгъагъэх. 20ЧэтэнгъэӀэгъэ лъапӀэм игъусэ пчэгъу цӀыкӀухэри щагур къызэрэшӀыхьэгъэ Ӏухъор зыпылъэгъэ пкъэухэм ягъусэ пчэгъу цӀыкӀухэри гъуаплъэм хэшӀыкӀыгъагъэх.
Псэолъапхъэу агъэфедагъэхэр
21ЧэтэнгъэӀэгъэ лъапӀэу Зиусхьаным и Унашъохэр зытет мыжъобгъуитӀур зыдэлъ пхъонтэ лъапӀэр зычӀагъэуцуагъэм игъэпсын хэхьанэу Мосэ иунашъокӀэ Хьарунэ къурмэнышӀым ыкъо Итамар алъыплъэзэ, лэуймэ къалъытагъэр зэкӀэ зыфэдизыгъэр мары къыкӀэлъыкӀощт. 22Зиусхьаным шӀэгъэн фаеу МосэкӀэ унашъоу къышӀыгъэр зэкӀэ Ехъуд лӀакъом щыщэу Хъур къыхэкӀыгъэ Урый ыкъо Бэцалэл ыгъэцэкӀагъ. 23Ащ игъусагъ хэбзыкӀын Ӏофым, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм тхыпхъэхэр ахэлъхэуи къолэнхэуи шэкӀхэр ахэшъыкӀыгъэным афэӀэпэӀасэу Дан лӀакъом щыщэу Ахъысэмакъ ыкъо Ахолыаб. 24ЧэтэнгъэӀэгъэ лъапӀэм игъэпсын гупыкӀ тынэу къырахьылӀэгъэ дышъэу хэхьагъэр зыфэдиз хъугъэр кыкъар тӀокӀырэ бгъурэ шэкъэл шъиблырэ щэкӀырэ. 25ЗэкӀэ израиль цӀыфэу къалъытагъэхэм тыжьынэу къахьыгъэри кыкъари 100-рэ шэкъэл лъапӀэу зы минрэ шъиблырэ тӀокӀищрэ пшӀыкӀутфырэ хъущтыгъэ. 26Ар зыныбжь илъэс тӀокӀ хъугъэхэуи нахьыжъхэуи къалъытэгъэ нэбгырэ мин шъихрэ минищырэ шъитфырэ шъэныкъом зэхэтэу къахьыгъэр ары. Нэбгырэ пэпчъ шэкъэл лъапӀэм ызыныкъо#38:26 Ар грамми 6 фэдиз хьазыр. къыӀахызэ ашӀыгъ. 27ЧэтэнгъэӀэгъэ лъапӀэм ичӀыпӀэ лъапӀэ ипкъэухэмрэ лъапӀэм нахь лъэпӀэжьым ипэӀухъо зыпышӀэгъэ пкъэухэмрэ яигъэуцуапӀэхэу тыжьыным хагъэткӀукӀыгъэхэм апэӀухьагъэр тыжьынэу кыкъари 100: пкъэу пэпчъ иигъэуцуапӀэ пэӀухьагъэр зы кыкъар. 28Пкъэухэм якъакъыщхэм, ябгыкъурыгъачъэхэм, пкъэу шъхьапэхэм ащыфэгъэным тыжьынэу апэӀухьагъэр шэкъэл минрэ шъиблырэ тӀокӀищырэ пшӀыкӀутфырэ. 29Тынэу къахьыгъэ гъуаплъэр кыкъар тӀокӀищырэ пшӀырэ шэкъэл минитӀурэ шъиплӀырэ хъущтыгъэ. 30Гъуаплъэм хашӀыкӀыгъэх: чэтэнгъэӀэгъэ лъапӀэм ичӀэхьапӀэ хагъэуцогъэ пкъэухэм яигъэуцуапӀэхэр, къурмэншӀыпӀэр, ащ ихъагъэрэ дыкӀыгъоу агъэфедэрэ пстэумрэ, 31щагур къызэрашӀыхьэгъэ Ӏухъомрэ щагу къэлапчъэм иӀухъорэ зыпышӀэгъэхэ пкъэухэм яигъэуцуапӀэхэр, чэтэнгъэӀэгъэ лъапӀэмрэ щагур къызэрэшӀыхьэгъэ Ӏухъор зыпылъэгъэ пкъэухэмрэ ягъусэ пчэгъу цӀыкӀухэр.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023