МысырикӀыжь 1
1
Апэрэ шъхьэр
Якъубэ къытекӀыгъэхэу Мысырым кӀуагъэхэр
1Мары Якъубэ#1:1 Якъуб – ар Тхьэр ИзраилькӀэ зэджэгъэ цӀыфыр ары. Еплъ: УблапӀэ 32:28. ыкъохэу, шъхьаджи ибын игъусэу, Мысырым ихьагъэхэм ацӀэхэр: 2Рубэн, ЩымӀон, Лэуй, Ехъуд, 3Иссашхар, Зэбулун, Бинямин, 4Дан, Нафталый, Гъад, Ащэр. 5Якъубэ цӀыфэу хэкӀыгъэр зэкӀэ нэбгырэ тӀокӀищырэ пшӀырэ#1:5 Ижъырэ урымыбзэмкӀэ тхыгъэ Ӏэпэрытхым пчъагъэу итхагъэр тӀокӀищырэ пшӀыкӀутфырэ.. Ау Юсыф а уахътэм ехъулӀэу Мысырым щыӀэгъэхагъ.
6Юсыфи, ышхэри, ахэм язэман къэхъугъэхэри зэкӀэ лӀагъэх. 7Израиль цӀыфэу текӀыгъэхэм лъэш дэдэу ахахъуи, къобын-шъэбынэу щыбагъохи, ахэр а хэгъэгум изы хъугъэх.
Израиль цӀыфхэм Мысырым къин зэрэщалъэгъугъэр
8ЕтӀанэ Юсыф зымышӀэщтыгъэ пачъыхьакӀэ Мысырым щытехьагъ. 9Арыти ицӀыф лъэпкъ риӀуагъ: «Мары, израиль цӀыфхэм ялъэпкъ бэ мэхъу, тэщ нахьи нахь кӀочӀэшху. 10Тежъугъэгупшыс джы ахэр мыбэгъонхэм пае тызэрадэзекӀощтым. Армырмэ, зао къызыхъукӀэ, ахэм зыкъытпаӀатынышъ, типыймэ агохьанхэшъ, тэ къытэзэожьыщтых, тихэгъэгуи икӀыжьыщтых». 11Арыти израиль цӀыфхэм Ӏоф язгъэшӀэщт лъыплъакӀохэр ашъхьащагъэуцуагъэх Ӏоф къинхэмкӀэ кӀочӀаджэ ашӀынхэу. Ахэм фирхьауным гъэтӀылъыпӀэ къалэхэу Питомрэ РаӀымэсэсрэ фагъэуцугъэх. 12Ау нахь рагъэзыхэ къэс, ахэм япчъагъэ хахъозэ, хэгъэгум щызэбгырыкӀыщтыгъэх, ащ къыхэкӀэуи израиль цӀыфхэм нахь къащыщынэщтыгъэх. 13Джары мысыр цӀыфхэм егъэзыгъэкӀэ израиль цӀыфхэм Ӏоф зыкӀарагъашӀэщтыгъэр. 14Джаущтэу ахэм етӀэ зэӀыгъэхьагъэм саман харагъэшӀыкӀызэ, къин зэрарагъэлъэгъурэмкӀи, сыдрэ губгъо ӀофшӀэныкӀи, сыд фэдэрэ Ӏофэу арагъашӀэрэмкӀи ящыӀакӀэ щэчыгъуае ашӀыщтыгъэ. Ахэр жъалымыгъэкӀэ рагъэзыщтыгъэх.
Фирхьауным джурт шъэожъыехэр ыгъэкӀодхэ зэрэшӀоигъуагъэр
15Мысыр пачъыхьэр джурт бзыльфыгъэмэ ямамыкухэм, ахэм ащыщэу зым ыцӀэр Щыфра, адрэм – ПуӀа, адэгущыӀи, 16ариӀуагъ: «Джурт бзылъфыгъэхэу сабый къызфэхъухэрэм шъуадеӀэ зыхъукӀэ, шъуалъыплъ: шъао къызыхъукӀэ, ар шъуукӀы, пшъашъэ къэхъумэ, щэрэӀ». 17Ау мамыку бзылъфыгъэхэр Тхьэм щыщынэщтыгъэхэти, мысыр пачъыхьэм къызэрариӀогъагъэм тетэу ашӀыщтыгъэп, шъаохэри псэоу къагъанэщтыгъэх. 18Мысыр пачъыхьэр мамыку бзылъфыгъэмэ къяджи, ариӀуагъ: «Сыда аущтэу зытешъушӀыхьэрэр, шъаохэр псэоу къызкӀэжъугъанэхэрэр?» 19Мамыку бзылъфыгъэмэ фирхьауным раӀуагъ: «Джурт бзылъфыгъэхэр мысыр бзылъфыгъэмэ афэдэхэп: ахэм псэуныгъэ пытэ яӀэшъ, мамыку бзылъфыгъэр адэжь нэсыгъо имыфэзэ, сабыйхэр къафэхъух». 20Ащ пае Тхьэм мамыку бзылъфыгъэмэ шӀу къафишӀэщтыгъ. Израиль цӀыфэу текӀыгъэхэм лъэш дэдэу ахахъозэ, къобын-шъэбынэу бэгъуагъэх. 21Мамыку бзылъфыгъэмэ Тхьэм щынагъо фыряӀагъэти, Ащ ахэм унагъо аригъашӀи, щыӀэкӀэшӀу къаритыгъ. 22ЕтӀанэ фирхьауным ицӀыфмэ зэкӀэми унашъо афишӀыгъ: «Джуртмэ шъаоу къафэхъурэ пэпчъ Нил псыхъо хэшъудз, пшъашъэу къафэхъурэр псэоу къэжъугъан».
Currently Selected:
МысырикӀыжь 1: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
