Хэбзэ тхыжьыгъэр 6
6
Яхэнэрэ шъхьэр
Тхьэр шӀу плъэгъуныр апэрэ унашъу
1Мосэ игущыӀэ лъигъэкӀотагъ: «Джары шъуи Зиусхьанэу Тхьэм шъуиунэенэу шъуубытыщт чӀыгоу шъуздакӀорэм щыжъугъэцэкӀэнхэ фэе унашъохэу, шапхъэхэу, хэбзэ гъэунэфыгъэхэу шъозгъэшӀэнхэ фаеу къысфигъэпытагъэхэр. 2Шъори, шъуикӀалэхэми, ахэм къафэхъущтхэми шъущэӀэфэ шъуи Зиусхьанэу Тхьэм щынагъо фышъуиӀэу жъугъэлъапӀэмэ, Ащ ишапхъэхэу, иунашъохэу шъузыфэзгъасэхэрэр зэкӀэ жъугъэцакӀэхэмэ, гъэшӀэ кӀыхьэ шъуиӀэщт. 3КъэдаӀу, израил лъэпкъыр, ахэр зэрэбгъэцэкӀэным пылъи, уиӀофхэр дэгъущтых, уятэмэ я Зиусхьанэу Тхьэм укъызэригъэгугъагъэм фэдэу, хэгъэгу хъоо-пщаоу, щэмрэ шъоумрэ зыщычъэхэрэм ущыбэгъощт. 4КъэдаӀу, израил лъэпкъыр: ти Зиусхьанэу Тхьэр ары Тхьэ закъоу щыӀэр. 5Уи Зиусхьанэу Тхьэр угурэ упсэрэкӀэ уфэщагъэу, кӀуачӀэу пхэлъ пстэумкӀэ шӀу зэгъэлъэгъу. 6Унашъоу непэ къыпфэсшӀыхэрэр угу игъэлъых. 7Ахэр уикӀалэхэм ягъашӀэх. Унэм уисми, гъогум утетми, узыгъолъыжьрэми, укъызытэджыжьрэми ахэр агурыгъаӀох. 8Ахэр гукъэгъэкӀыжь тамыгъэу пӀэхэми унэтӀэ гузэгуи атегъэтых. 9Уиунэ пчъэблыпкъхэми уикъэлэ дэхьапӀэмэ ахэлъ къэлапчъэхэми ахэр атетхэх».
МыдэӀоным изэрар
10«Уи Зиусхьанэу Тхьэм тятэжъхэу Ибрахьимэ, Исхьакъ, Якъубэ къаритынэу гущыӀэ пытэ зыфишӀыгъэ чӀыгум, о умыгъэпсыгъэу фэшӀыгъэу къэлэшхохэр зэрытхэм, 11о зэӀумыгъэкӀагъэу мылъку зэфэшъхьафкӀэ ушъэгъэ унэхэр, умытӀыгъэу псыӀыгъыпӀэхэр, умыгъэтӀысыгъэу сэнэшъхьэшӀапӀэхэмрэ зэйтын чъыгхэмрэ зыдэщыӀэхэм урищагъэу, пшхыщтым ущымыкӀэжь зыхъукӀэ, 12зыгъэсакъ, Мысыр хэгъэгум, пщылӀыпӀэм, укъизыщыжьыгъэ ти Зиусхьан зыщымыгъэгъупш. 13Уи Зиусхьанэу Тхьэм щынагъо фыуиӀэу гъэлъапӀэ, Ащ фэлажь, Ащ ыцӀэ закъокӀэ тхьэлъанэ шӀы.
14НэмыкӀ тхьэхэм, шъукъэзыуцухьэрэ лъэпкъхэм ятхьэхэм, зафэшъумыгъаз, 15къышъухэт уи Зиусхьанэу Тхьэр – Ар зыгорэм удигощыныр, нэкъокъогъу иӀэныр къызэмыкӀурэ Тхьэр арыба – Ар лъэшэу къышъуфэгубжынышъ, чӀы шъхьашъом шъутыригъэкӀодыкӀыщт. 16Масэ#6:16 Мыщ ехьылӀагъэу еплъ тхылъэу «МысырикӀыжь» 17:1-7. дэжь зэрэщышъушӀагъэм фэдэу, Ар шъумыушэты. 17Шъуи Зиусхьанэу Тхьэм къышъуитыгъэ иунашъохэр, ишапхъэхэр, ихэбзэ гъэунэфыгъэхэр дэх имыӀэу шъусакъэу жъугъэцакӀэх. 18ШъуиӀофхэр зэкӀэ дэгъунхэм, шъуятэжъхэм къаритынэу Зиусхьаным гущыӀэ пытэ зыфишӀыгъэ чӀыгушӀум шъукӀонышъ, шъуиунэенэу шъуубытыным пае, Ащ шӀукӀэ, тэрэзкӀэ ылъытэрэр жъугъэцакӀэ. 19Джащыгъум, Зиусхьаным къызэриӀуагъэу, шъуипыйхэр зэкӀэ шъукӀэлъырифыщтых.
20УикӀалэ тапэкӀэ „Сыда ямэхьанэр ти Зиусхьанэу Тхьэм жъугъэцэкӀэнхэу пшъэрылъ къышъуфишӀыгъэ ухэсыгъэхэм, шапхъэхэм, хэбзэ гъэунэфыгъэхэм?“ ыӀоу къызыоупчӀыкӀэ, 21мыщ фэдэу еӀу: „Тэ фирхьауным Мысырым тыщырипщылӀыщтыгъ, ау Зиусхьаным ыкӀочӀэ лъэшкӀэ Мысырым тыкъырищыжьыгъ. 22Тинэрылъэгъоу Зиусхьаным ушэтыпӀэхэр, гъэунэфыпӀэхэр, шӀэгъошӀагъэхэр Мысырыми, фирхьауными, зэкӀэ ащ ибынхэми, фэлэжьэрэ иӀумэтхэми къафигъэкӀуагъэх. 23Ау тятэжъхэр гущыӀэ пытэкӀэ къызэригъэгугъагъэхэ чӀыгур къытитынэу тэ ащ тыкъырищыжьыгъ. 24ТиӀофхэр сыдигъуи дэгъунхэм, джы зэрэщытым фэдэу, тищыӀэныгъэ къэдгъэнэжьыным пае, ти Зиусхьанэу Тхьэм щынагъо фытиӀэу, дгъэлъэпӀэнэу, а шапхъэхэр зэкӀэ дгъэцэкӀэнхэу Зиусхьаным унашъо къытфишӀыгъ. 25Арышъ, ти Зиусхьанэу Тхьэм къызэрэтфигъэпытагъэу, Ащ иунашъохэр зэкӀэ дгъэцакӀэхэмэ, ар тэ тишъыпкъагъэу хъущт“».
Currently Selected:
Хэбзэ тхыжьыгъэр 6: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 6
6
Яхэнэрэ шъхьэр
Тхьэр шӀу плъэгъуныр апэрэ унашъу
1Мосэ игущыӀэ лъигъэкӀотагъ: «Джары шъуи Зиусхьанэу Тхьэм шъуиунэенэу шъуубытыщт чӀыгоу шъуздакӀорэм щыжъугъэцэкӀэнхэ фэе унашъохэу, шапхъэхэу, хэбзэ гъэунэфыгъэхэу шъозгъэшӀэнхэ фаеу къысфигъэпытагъэхэр. 2Шъори, шъуикӀалэхэми, ахэм къафэхъущтхэми шъущэӀэфэ шъуи Зиусхьанэу Тхьэм щынагъо фышъуиӀэу жъугъэлъапӀэмэ, Ащ ишапхъэхэу, иунашъохэу шъузыфэзгъасэхэрэр зэкӀэ жъугъэцакӀэхэмэ, гъэшӀэ кӀыхьэ шъуиӀэщт. 3КъэдаӀу, израил лъэпкъыр, ахэр зэрэбгъэцэкӀэным пылъи, уиӀофхэр дэгъущтых, уятэмэ я Зиусхьанэу Тхьэм укъызэригъэгугъагъэм фэдэу, хэгъэгу хъоо-пщаоу, щэмрэ шъоумрэ зыщычъэхэрэм ущыбэгъощт. 4КъэдаӀу, израил лъэпкъыр: ти Зиусхьанэу Тхьэр ары Тхьэ закъоу щыӀэр. 5Уи Зиусхьанэу Тхьэр угурэ упсэрэкӀэ уфэщагъэу, кӀуачӀэу пхэлъ пстэумкӀэ шӀу зэгъэлъэгъу. 6Унашъоу непэ къыпфэсшӀыхэрэр угу игъэлъых. 7Ахэр уикӀалэхэм ягъашӀэх. Унэм уисми, гъогум утетми, узыгъолъыжьрэми, укъызытэджыжьрэми ахэр агурыгъаӀох. 8Ахэр гукъэгъэкӀыжь тамыгъэу пӀэхэми унэтӀэ гузэгуи атегъэтых. 9Уиунэ пчъэблыпкъхэми уикъэлэ дэхьапӀэмэ ахэлъ къэлапчъэхэми ахэр атетхэх».
МыдэӀоным изэрар
10«Уи Зиусхьанэу Тхьэм тятэжъхэу Ибрахьимэ, Исхьакъ, Якъубэ къаритынэу гущыӀэ пытэ зыфишӀыгъэ чӀыгум, о умыгъэпсыгъэу фэшӀыгъэу къэлэшхохэр зэрытхэм, 11о зэӀумыгъэкӀагъэу мылъку зэфэшъхьафкӀэ ушъэгъэ унэхэр, умытӀыгъэу псыӀыгъыпӀэхэр, умыгъэтӀысыгъэу сэнэшъхьэшӀапӀэхэмрэ зэйтын чъыгхэмрэ зыдэщыӀэхэм урищагъэу, пшхыщтым ущымыкӀэжь зыхъукӀэ, 12зыгъэсакъ, Мысыр хэгъэгум, пщылӀыпӀэм, укъизыщыжьыгъэ ти Зиусхьан зыщымыгъэгъупш. 13Уи Зиусхьанэу Тхьэм щынагъо фыуиӀэу гъэлъапӀэ, Ащ фэлажь, Ащ ыцӀэ закъокӀэ тхьэлъанэ шӀы.
14НэмыкӀ тхьэхэм, шъукъэзыуцухьэрэ лъэпкъхэм ятхьэхэм, зафэшъумыгъаз, 15къышъухэт уи Зиусхьанэу Тхьэр – Ар зыгорэм удигощыныр, нэкъокъогъу иӀэныр къызэмыкӀурэ Тхьэр арыба – Ар лъэшэу къышъуфэгубжынышъ, чӀы шъхьашъом шъутыригъэкӀодыкӀыщт. 16Масэ#6:16 Мыщ ехьылӀагъэу еплъ тхылъэу «МысырикӀыжь» 17:1-7. дэжь зэрэщышъушӀагъэм фэдэу, Ар шъумыушэты. 17Шъуи Зиусхьанэу Тхьэм къышъуитыгъэ иунашъохэр, ишапхъэхэр, ихэбзэ гъэунэфыгъэхэр дэх имыӀэу шъусакъэу жъугъэцакӀэх. 18ШъуиӀофхэр зэкӀэ дэгъунхэм, шъуятэжъхэм къаритынэу Зиусхьаным гущыӀэ пытэ зыфишӀыгъэ чӀыгушӀум шъукӀонышъ, шъуиунэенэу шъуубытыным пае, Ащ шӀукӀэ, тэрэзкӀэ ылъытэрэр жъугъэцакӀэ. 19Джащыгъум, Зиусхьаным къызэриӀуагъэу, шъуипыйхэр зэкӀэ шъукӀэлъырифыщтых.
20УикӀалэ тапэкӀэ „Сыда ямэхьанэр ти Зиусхьанэу Тхьэм жъугъэцэкӀэнхэу пшъэрылъ къышъуфишӀыгъэ ухэсыгъэхэм, шапхъэхэм, хэбзэ гъэунэфыгъэхэм?“ ыӀоу къызыоупчӀыкӀэ, 21мыщ фэдэу еӀу: „Тэ фирхьауным Мысырым тыщырипщылӀыщтыгъ, ау Зиусхьаным ыкӀочӀэ лъэшкӀэ Мысырым тыкъырищыжьыгъ. 22Тинэрылъэгъоу Зиусхьаным ушэтыпӀэхэр, гъэунэфыпӀэхэр, шӀэгъошӀагъэхэр Мысырыми, фирхьауными, зэкӀэ ащ ибынхэми, фэлэжьэрэ иӀумэтхэми къафигъэкӀуагъэх. 23Ау тятэжъхэр гущыӀэ пытэкӀэ къызэригъэгугъагъэхэ чӀыгур къытитынэу тэ ащ тыкъырищыжьыгъ. 24ТиӀофхэр сыдигъуи дэгъунхэм, джы зэрэщытым фэдэу, тищыӀэныгъэ къэдгъэнэжьыным пае, ти Зиусхьанэу Тхьэм щынагъо фытиӀэу, дгъэлъэпӀэнэу, а шапхъэхэр зэкӀэ дгъэцэкӀэнхэу Зиусхьаным унашъо къытфишӀыгъ. 25Арышъ, ти Зиусхьанэу Тхьэм къызэрэтфигъэпытагъэу, Ащ иунашъохэр зэкӀэ дгъэцакӀэхэмэ, ар тэ тишъыпкъагъэу хъущт“».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023