Хэбзэ тхыжьыгъэр 5
5
Ятфэнэрэ шъхьэр
УнэшъуипшӀыр
1Мосэ зэкӀэ израил цӀыфхэм къяджи ариӀуагъ: «КъэдаӀу, израил лъэпкъыр, непэ къыосӀощт шапхъэхэмрэ хэбзэ гъэунэфыгъэхэмрэ зэгъашӀэх, угу иубытэхи гъэцакӀэх. 2Ти Зиусхьанэу Тхьэм Синай къушъхьэм дэжь зэзэгъыныгъэ къыщытдишӀыгъ. 3Тятэхэм язакъоп, тэри, псэоу непэ зэкӀэ мыщ щыӀэхэми, Зиусхьаным а зэзэгъыныгъэр къыддишӀыгъ. 4Зиусхьаныр шъунэгу къыкӀаплъэзэ, къушъхьэм шъхьащытыгъэ машӀом къыхэгущыӀыкӀызэ, къыжъудэгущыӀагъ. 5А уахътэм шъо машӀом шъущэщынэти, къушъхьэм шъудэкӀоегъагъэп, Зиусхьаным къыӀорэр шъо къышъосӀожьынэу Зиусхьанымрэ шъорырэ шъуазыфагу сыдэтыгъ. Ащ зэрэлъэпкъэу къышъуиӀуагъ:
6„Сэ сы Зиусхьан, уи Тхьэу, Мысыр хэгъэгум, пщылӀыпӀэм укъизыщыжьыгъэр арышъ, 7Сэщ нэмыкӀ тхьэ гори уерэмыӀ. 8Сыд фэдэу ышъхьагъыкӀэ ошъогум щыӀэри, ычӀэгъыкӀэ чӀыгум щыӀэри, чӀы шъхьашъом нахь лъхъанчэу псым щыӀэри тхьэ сурэт зыфэмышӀыжьых. 9Ахэм шъхьащэ афэмышӀ, уафэмылажь, сыда пӀомэ Сэры Зиусхьанэу уи Тхьэр, зыгорэм удигощыныр, нэкъокъогъу иӀэныр къызэмыкӀурэ Тхьэр. Лажьэ зиӀэхэу, сызылъэгъу мыхъурэ тыхэм къахэкӀыгъэхэр лӀэужищ-плӀым нэсэу сэгъэпщынэжьых. 10Ау Сэ шӀу сызылъэгъухэрэм, сиунашъохэр зыгъэцакӀэхэрэм къахэкӀыгъэхэм лӀэуж миным нэсэу гукӀэгъу афэсэшӀы.
11Зиусхьанэу уи Тхьэ ыцӀэ пкӀэнчъэу къэмыӀу, Ащ ыцӀэ пкӀэнчъэу къэзыӀорэр Зиусхьаным ымыгъэпщынэу къыгъэнэщтэп“.
12Мосэ джыри ариӀуагъ: „Уи Зиусхьанэу Тхьэм унашъо къызэрэпфишӀыгъэм тетэу, шэмбэт мафэр зыщымыгъэгъупш, бгъэлъэпӀэным пае ар угу игъэлъ. 13Ӏоф зэфэшъхьафэу уиӀэхэр зэшӀопхыхэзэ, мэфихым Ӏоф пшӀэ хъущт. 14Яблэнэрэ мафэр уи Зиусхьанэу Тхьэм фыхэхыгъэ шэмбэтышъ, хэушъхьафыкӀ. А мафэм ори, пкъуи, ппхъуи, уиунэӀут хъулъфыгъи, бзылъфыгъи, уицуи, уищыди, нэмыкӀ уибылыми, уипсэупӀэхэм адэс хэхэсми Ӏоф гори арэмышӀ. УиунэӀут хъулъфыгъи, бзылъфыгъи, ощ фэдэу зарэгъэпсэф. 15Ори Мысырым узэрэщыпщылӀыгъэр, уи Зиусхьанэу Тхьэм уинэрылъэгъоу гъунэ зимыӀэ илъэшыгъэрэ ыкӀуачӀэрэкӀэ зыкъыпфигъэнафи, ащ укъызэрэрищыжьыгъэр зыщымыгъэгъупш. Джащ пае уи Зиусхьанэу Тхьэм шэмбэт мафэр бгъэцэкӀэнэу унашъо къыпфишӀыгъ.
16Уи Зиусхьанэу Тхьэм къыуитырэ хэгъэгум бэгъашӀэуи утхъэжьэуи ущыпсэуным пае, уи Зиусхьанэу Тхьэм унашъо къызэрэпфишӀыгъэм тетэу, уятэрэ уянэрэ лъытэныгъэ афэшӀ.
17ЦӀыфыр умыукӀы.
18Зинэ умышӀэ.
19Умытыгъу.
20НэмыкӀ цӀыфым шыхьат нэпцӀ уфэмыхъу.
21НэмыкӀ цӀыфым ишъуз уемынэцӀ. НэмыкӀ цӀыфым иуни е ихапӀи, ащ иунэӀут хъулъфыгъи е бзылъфыгъи, ицуи е ищыди – ащ имылъку щыщ горэми уемынэцӀ.
22Зиусхьаныр къушъхьэм шъхьащытыгъэ машӀом, ошъуапщэхэм, мэзэхаем къахэгущыӀыкӀзэ, зэкӀэ цӀыфхэм зэхахэу мы унашъохэр мэкъэшхокӀэ къыӀуагъ. А гущыӀэхэм зыпари Ащ къахигъэхъожьыгъэп. ЕтӀанэ Ащ а унашъохэр мыжъобгъуитӀум къатыритхэхи къыситыгъэх. 23ШӀункӀым къыхэӀукӀырэ макъэр зэхэшъухэу, къушъхьэр машӀоу сты зэхъум, шъуилӀакъомэ япащэхэмрэ янахьыжъ упчӀэжьэгъухэмрэ садэжь къэкӀуагъэх. 24Шъо къысэшъуӀуагъ: „Мары ти Зиусхьанэу Тхьэм Ищытхъуи Илъэшыгъи къытигъэлъэгъухи, Ымакъи машӀом къыхэӀукӀэу зэхэтхыгъ. Зиусхьаныр цӀыфым къыдэгущыӀэми, ар псэоу къэнэжьын зэрилъэкӀыщтыр непэ дгъэунэфыгъэ. 25Ау сыд пае джы тылӀэн фая? Ти Зиусхьанэу Тхьэм ымакъэ джыри зэхэтхыщтмэ, а мэшӀошхом тидырынышъ, тыкӀодыщт. 26Хэта адэ тэщ фэдэу, лӀэжьынэу зыпэкӀэ къэтхэм ащыщэу, Тхьэу щыӀэм ымакъэ машӀом къыхэгущыӀыкӀэу зэхихыгъэу псэоу къэнэжьышъугъэр? 27О кӀуи, ти Зиусхьанэу Тхьэм къыӀорэм къедэӀу. ЕтӀанэ ти Зиусхьанэу Тхьэм къыуиӀощтыр зэкӀэ тэ къытэӀожь. Тэ тыкъыодэӀунышъ, пӀорэр тшӀэщт“.
28ШъукъыздэгущыӀэ зэхъум Зиусхьаным шъукъызэхихыгъэти, къысиӀуагъ: „А цӀыфхэм къыуаӀуагъэр зэкӀэ Сэ зэхэсхыгъ. Ахэм къаӀуагъэр зэкӀэ дэгъу. 29Адэ, щынагъо къысфыряӀэу сызэрагъэлъэпӀэным, Си унашъохэр зэкӀэ зэрагъэцэкӀэнхэм ахэр агукӀэ фэягъэхэмэ, ежьхэми ялъфыгъэхэми яӀофхэр дэгъуныгъэхи! 30КӀуи, ячэтэнгъэӀагъэхэм ачӀэхьажьынхэу ахэм яӀу. 31Ау зэкӀэ унашъохэр, шапхъэхэр, хэбзэ гъэунэфыгъэхэр къыосӀонхэу о мыщ, Садэжь, къанэ. Яунэенэу Сэ къястыщт чӀыгум щыпсэухэ зыхъукӀэ, ахэр зэрагъэцэкӀэнхэм фэбгъэсэнхэ фае“.
32Арышъ, джабгъумкӀи сэмэгумкӀи шъудэмыхэу, шъуи Зиусхьанэу Тхьэм унашъоу къышъуфишӀыгъэр пытэу жъугъэцакӀэ. 33ШъущыӀэнэу, шъуиӀофхэр дэгъунхэу, шъуиунэещт чӀыгум шъуигъашӀэ щылъыжъугъэкӀотэнэу, шъуи Зиусхьанэу Тхьэм шъузытетынэу къышъуфигъэнэфэгъэ гъогум ренэу шъурыкӀу».
Currently Selected:
Хэбзэ тхыжьыгъэр 5: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 5
5
Ятфэнэрэ шъхьэр
УнэшъуипшӀыр
1Мосэ зэкӀэ израил цӀыфхэм къяджи ариӀуагъ: «КъэдаӀу, израил лъэпкъыр, непэ къыосӀощт шапхъэхэмрэ хэбзэ гъэунэфыгъэхэмрэ зэгъашӀэх, угу иубытэхи гъэцакӀэх. 2Ти Зиусхьанэу Тхьэм Синай къушъхьэм дэжь зэзэгъыныгъэ къыщытдишӀыгъ. 3Тятэхэм язакъоп, тэри, псэоу непэ зэкӀэ мыщ щыӀэхэми, Зиусхьаным а зэзэгъыныгъэр къыддишӀыгъ. 4Зиусхьаныр шъунэгу къыкӀаплъэзэ, къушъхьэм шъхьащытыгъэ машӀом къыхэгущыӀыкӀызэ, къыжъудэгущыӀагъ. 5А уахътэм шъо машӀом шъущэщынэти, къушъхьэм шъудэкӀоегъагъэп, Зиусхьаным къыӀорэр шъо къышъосӀожьынэу Зиусхьанымрэ шъорырэ шъуазыфагу сыдэтыгъ. Ащ зэрэлъэпкъэу къышъуиӀуагъ:
6„Сэ сы Зиусхьан, уи Тхьэу, Мысыр хэгъэгум, пщылӀыпӀэм укъизыщыжьыгъэр арышъ, 7Сэщ нэмыкӀ тхьэ гори уерэмыӀ. 8Сыд фэдэу ышъхьагъыкӀэ ошъогум щыӀэри, ычӀэгъыкӀэ чӀыгум щыӀэри, чӀы шъхьашъом нахь лъхъанчэу псым щыӀэри тхьэ сурэт зыфэмышӀыжьых. 9Ахэм шъхьащэ афэмышӀ, уафэмылажь, сыда пӀомэ Сэры Зиусхьанэу уи Тхьэр, зыгорэм удигощыныр, нэкъокъогъу иӀэныр къызэмыкӀурэ Тхьэр. Лажьэ зиӀэхэу, сызылъэгъу мыхъурэ тыхэм къахэкӀыгъэхэр лӀэужищ-плӀым нэсэу сэгъэпщынэжьых. 10Ау Сэ шӀу сызылъэгъухэрэм, сиунашъохэр зыгъэцакӀэхэрэм къахэкӀыгъэхэм лӀэуж миным нэсэу гукӀэгъу афэсэшӀы.
11Зиусхьанэу уи Тхьэ ыцӀэ пкӀэнчъэу къэмыӀу, Ащ ыцӀэ пкӀэнчъэу къэзыӀорэр Зиусхьаным ымыгъэпщынэу къыгъэнэщтэп“.
12Мосэ джыри ариӀуагъ: „Уи Зиусхьанэу Тхьэм унашъо къызэрэпфишӀыгъэм тетэу, шэмбэт мафэр зыщымыгъэгъупш, бгъэлъэпӀэным пае ар угу игъэлъ. 13Ӏоф зэфэшъхьафэу уиӀэхэр зэшӀопхыхэзэ, мэфихым Ӏоф пшӀэ хъущт. 14Яблэнэрэ мафэр уи Зиусхьанэу Тхьэм фыхэхыгъэ шэмбэтышъ, хэушъхьафыкӀ. А мафэм ори, пкъуи, ппхъуи, уиунэӀут хъулъфыгъи, бзылъфыгъи, уицуи, уищыди, нэмыкӀ уибылыми, уипсэупӀэхэм адэс хэхэсми Ӏоф гори арэмышӀ. УиунэӀут хъулъфыгъи, бзылъфыгъи, ощ фэдэу зарэгъэпсэф. 15Ори Мысырым узэрэщыпщылӀыгъэр, уи Зиусхьанэу Тхьэм уинэрылъэгъоу гъунэ зимыӀэ илъэшыгъэрэ ыкӀуачӀэрэкӀэ зыкъыпфигъэнафи, ащ укъызэрэрищыжьыгъэр зыщымыгъэгъупш. Джащ пае уи Зиусхьанэу Тхьэм шэмбэт мафэр бгъэцэкӀэнэу унашъо къыпфишӀыгъ.
16Уи Зиусхьанэу Тхьэм къыуитырэ хэгъэгум бэгъашӀэуи утхъэжьэуи ущыпсэуным пае, уи Зиусхьанэу Тхьэм унашъо къызэрэпфишӀыгъэм тетэу, уятэрэ уянэрэ лъытэныгъэ афэшӀ.
17ЦӀыфыр умыукӀы.
18Зинэ умышӀэ.
19Умытыгъу.
20НэмыкӀ цӀыфым шыхьат нэпцӀ уфэмыхъу.
21НэмыкӀ цӀыфым ишъуз уемынэцӀ. НэмыкӀ цӀыфым иуни е ихапӀи, ащ иунэӀут хъулъфыгъи е бзылъфыгъи, ицуи е ищыди – ащ имылъку щыщ горэми уемынэцӀ.
22Зиусхьаныр къушъхьэм шъхьащытыгъэ машӀом, ошъуапщэхэм, мэзэхаем къахэгущыӀыкӀзэ, зэкӀэ цӀыфхэм зэхахэу мы унашъохэр мэкъэшхокӀэ къыӀуагъ. А гущыӀэхэм зыпари Ащ къахигъэхъожьыгъэп. ЕтӀанэ Ащ а унашъохэр мыжъобгъуитӀум къатыритхэхи къыситыгъэх. 23ШӀункӀым къыхэӀукӀырэ макъэр зэхэшъухэу, къушъхьэр машӀоу сты зэхъум, шъуилӀакъомэ япащэхэмрэ янахьыжъ упчӀэжьэгъухэмрэ садэжь къэкӀуагъэх. 24Шъо къысэшъуӀуагъ: „Мары ти Зиусхьанэу Тхьэм Ищытхъуи Илъэшыгъи къытигъэлъэгъухи, Ымакъи машӀом къыхэӀукӀэу зэхэтхыгъ. Зиусхьаныр цӀыфым къыдэгущыӀэми, ар псэоу къэнэжьын зэрилъэкӀыщтыр непэ дгъэунэфыгъэ. 25Ау сыд пае джы тылӀэн фая? Ти Зиусхьанэу Тхьэм ымакъэ джыри зэхэтхыщтмэ, а мэшӀошхом тидырынышъ, тыкӀодыщт. 26Хэта адэ тэщ фэдэу, лӀэжьынэу зыпэкӀэ къэтхэм ащыщэу, Тхьэу щыӀэм ымакъэ машӀом къыхэгущыӀыкӀэу зэхихыгъэу псэоу къэнэжьышъугъэр? 27О кӀуи, ти Зиусхьанэу Тхьэм къыӀорэм къедэӀу. ЕтӀанэ ти Зиусхьанэу Тхьэм къыуиӀощтыр зэкӀэ тэ къытэӀожь. Тэ тыкъыодэӀунышъ, пӀорэр тшӀэщт“.
28ШъукъыздэгущыӀэ зэхъум Зиусхьаным шъукъызэхихыгъэти, къысиӀуагъ: „А цӀыфхэм къыуаӀуагъэр зэкӀэ Сэ зэхэсхыгъ. Ахэм къаӀуагъэр зэкӀэ дэгъу. 29Адэ, щынагъо къысфыряӀэу сызэрагъэлъэпӀэным, Си унашъохэр зэкӀэ зэрагъэцэкӀэнхэм ахэр агукӀэ фэягъэхэмэ, ежьхэми ялъфыгъэхэми яӀофхэр дэгъуныгъэхи! 30КӀуи, ячэтэнгъэӀагъэхэм ачӀэхьажьынхэу ахэм яӀу. 31Ау зэкӀэ унашъохэр, шапхъэхэр, хэбзэ гъэунэфыгъэхэр къыосӀонхэу о мыщ, Садэжь, къанэ. Яунэенэу Сэ къястыщт чӀыгум щыпсэухэ зыхъукӀэ, ахэр зэрагъэцэкӀэнхэм фэбгъэсэнхэ фае“.
32Арышъ, джабгъумкӀи сэмэгумкӀи шъудэмыхэу, шъуи Зиусхьанэу Тхьэм унашъоу къышъуфишӀыгъэр пытэу жъугъэцакӀэ. 33ШъущыӀэнэу, шъуиӀофхэр дэгъунхэу, шъуиунэещт чӀыгум шъуигъашӀэ щылъыжъугъэкӀотэнэу, шъуи Зиусхьанэу Тхьэм шъузытетынэу къышъуфигъэнэфэгъэ гъогум ренэу шъурыкӀу».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023