Хэбзэ тхыжьыгъэр 25
25
ЯтӀокӀэнэрэ тфырэ шъхьэр
Утын зытефэрэ бзэджашӀэр
1Мосэ ипсалъэ лъигъэкӀотагъ: «ЦӀыфхэм азыфагу зэнэкъокъу къихьэмэ, яӀоф хьыкумым щызэхарэфи, зафэр арэухыи лажьэ зиӀэр арэгъэмыс. 2Лажьэ зиӀэм утын ехыгъэнэу къытефэмэ, хьыкумышӀым унашъо ерэшӀи, ежь щытэу ар арэгъэгъолъи, ибзэджэшӀагъэ елъытыгъэу къылэжьыгъэ огъу пчъагъэр рарэх. 3Ау уилъэпкъэгъу бащэрэ зэреуагъэхэм къыхэкӀэу зэкӀэми янэрылъэгъоу укӀытагъо зэрэхэмыфэнэу, огъу тӀокӀитӀум ехъу рарэмых.
Псэушъхьэхэм якъэухъумэн
4Лэжьыгъэр зэрэуутыжьырэ цум ыжэ зэфэмышӀ.
Лъфыгъэ зимыӀэ шъузабэр
5ЗэшитӀур зэхэсэу щыӀэхэзэ, зыр шъао къыкӀэмынэу лӀагъэмэ, щымыӀэжьым ишъузабэ хымэ хъулъфыгъэ дакӀо хъущтэп. ИлӀэу щымыӀэжьым ыш ар къерэщэжьи, пщыкъор ыш ычӀыпӀэ ерэуцожь. 6Апэрэ шъаоу бзылъфыгъэм къыфэхъущтыр щымыӀэжьым ыцӀэ Израилым зэрэщымыкӀодынэу ащ ибынкӀэ алъытэщт. 7Ау а хъулъфыгъэр ыш ишъузыгъэр къыщэнэу фэмыемэ, бзылъфыгъэр къалэм идэхьапӀэ орэкӀуи, нахьыжъ упчӀэжьэгъухэм арерэӀу: „Сипщыкъо ыш ыцӀэ Израилым зэрэщымыкӀодынэу, ащ ычӀыпӀэ иуцонэу фаеп“. 8Джащыгъум къалэм инахьыжъ упчӀэжьэгъухэр къырагъэшӀунэу ащ къеджэнхэ фае. Ар къыщэнэу фэмыеу ыӀозэ, къемыуцуалӀэ зыхъукӀэ, 9нахьыжъ упчӀэжьэгъухэр зэрэщытхэзэ, ыш ишъузабэ ащ ерэкӀуалӀи, ицокъитӀу яз къыщерэхи, ынэгу кӀэрэужъунтхи къерэӀу: „Ыш иунагъо зэтезымыгъэуцожьырэм рашӀэрэр джары“. 10А цӀыфым бынэу къыхэкӀыщтхэм аулъэпцӀыгъэм къыхэкӀыгъэхэкӀэ ягугъу Израилым щашӀыщт.
Зэзэорэ хъулъфыгъэхэмрэ бзылъфыгъэмрэ
11ХъулъфыгъитӀу зэзаохэзэ, тӀум яз ишъуз къакӀоу, илӀ къезаорэм щиухъумэным пае, Ӏабэу ащ иукӀытапӀэ зетхъокӀэ, 12ыӀэ пыупкӀ. Гуегъуныгъэр къызтемыгъакӀу.
Шэпхъэ, щэчэлъэ зафэхэр
13Зэфэмыдэхэу гырытӀу – зыр нахь онтэгъоу, адрэр нахь псынкӀэу къыздемыхьакӀ. 14Уиунэ зэфэмыдэхэу пщэлъитӀу, зыр инэу, адрэр цӀыкӀоу, ерэмыт. 15Уи Зиусхьанэу Тхьэм уиунэенэу къыуитырэ чӀыгум бэрэ ущыпсэуным пае, уигыри уипщалъи яшапхъэхэр тэрэзэу щэрэтых. 16Хэти ащ фэдэхэр зышӀэу, зыгъапцӀэхэрэр уи Зиусхьанэу Тхьэм игущыкӀыгъу.
Ӏамэлыкъ цӀыфхэр зэрагъэпщынэщтхэр
17Мысырым шъукъикӀыжьыгъэу гъогум шъутет зэхъум, Ӏамэлыкъхэм къышъуашӀагъэр зыщышъумыгъэгъупш. 18КъышъупэгъокӀхи, шъуакӀыбкӀэ къикӀхи, шъо шъупшъыгъэу, кӀуачӀэ шъуимыӀэжь зэхъум, шъуауж къинагъэхэр зэкӀэ зэхаукӀагъэх. А Ӏамэлыкъхэр Тхьэми щыщынагъэхэп. 19Шъуи Зиусхьанэу Тхьэм шъуиунэенэу къышъуитырэ чӀыгум мамырэу шъущыпсэоу, къышъогъэтӀысэкӀыгъэщт пыйхэм шъукъамыгъэгумэкӀынэу зишӀыкӀэ, Ӏамэлыкъхэм ацӀэ агу къэмыкӀыжьынэу ошъо чӀэгъым щахэшъутхыкӀыжь. Зыщышъумыгъэгъупш!»
Currently Selected:
Хэбзэ тхыжьыгъэр 25: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 25
25
ЯтӀокӀэнэрэ тфырэ шъхьэр
Утын зытефэрэ бзэджашӀэр
1Мосэ ипсалъэ лъигъэкӀотагъ: «ЦӀыфхэм азыфагу зэнэкъокъу къихьэмэ, яӀоф хьыкумым щызэхарэфи, зафэр арэухыи лажьэ зиӀэр арэгъэмыс. 2Лажьэ зиӀэм утын ехыгъэнэу къытефэмэ, хьыкумышӀым унашъо ерэшӀи, ежь щытэу ар арэгъэгъолъи, ибзэджэшӀагъэ елъытыгъэу къылэжьыгъэ огъу пчъагъэр рарэх. 3Ау уилъэпкъэгъу бащэрэ зэреуагъэхэм къыхэкӀэу зэкӀэми янэрылъэгъоу укӀытагъо зэрэхэмыфэнэу, огъу тӀокӀитӀум ехъу рарэмых.
Псэушъхьэхэм якъэухъумэн
4Лэжьыгъэр зэрэуутыжьырэ цум ыжэ зэфэмышӀ.
Лъфыгъэ зимыӀэ шъузабэр
5ЗэшитӀур зэхэсэу щыӀэхэзэ, зыр шъао къыкӀэмынэу лӀагъэмэ, щымыӀэжьым ишъузабэ хымэ хъулъфыгъэ дакӀо хъущтэп. ИлӀэу щымыӀэжьым ыш ар къерэщэжьи, пщыкъор ыш ычӀыпӀэ ерэуцожь. 6Апэрэ шъаоу бзылъфыгъэм къыфэхъущтыр щымыӀэжьым ыцӀэ Израилым зэрэщымыкӀодынэу ащ ибынкӀэ алъытэщт. 7Ау а хъулъфыгъэр ыш ишъузыгъэр къыщэнэу фэмыемэ, бзылъфыгъэр къалэм идэхьапӀэ орэкӀуи, нахьыжъ упчӀэжьэгъухэм арерэӀу: „Сипщыкъо ыш ыцӀэ Израилым зэрэщымыкӀодынэу, ащ ычӀыпӀэ иуцонэу фаеп“. 8Джащыгъум къалэм инахьыжъ упчӀэжьэгъухэр къырагъэшӀунэу ащ къеджэнхэ фае. Ар къыщэнэу фэмыеу ыӀозэ, къемыуцуалӀэ зыхъукӀэ, 9нахьыжъ упчӀэжьэгъухэр зэрэщытхэзэ, ыш ишъузабэ ащ ерэкӀуалӀи, ицокъитӀу яз къыщерэхи, ынэгу кӀэрэужъунтхи къерэӀу: „Ыш иунагъо зэтезымыгъэуцожьырэм рашӀэрэр джары“. 10А цӀыфым бынэу къыхэкӀыщтхэм аулъэпцӀыгъэм къыхэкӀыгъэхэкӀэ ягугъу Израилым щашӀыщт.
Зэзэорэ хъулъфыгъэхэмрэ бзылъфыгъэмрэ
11ХъулъфыгъитӀу зэзаохэзэ, тӀум яз ишъуз къакӀоу, илӀ къезаорэм щиухъумэным пае, Ӏабэу ащ иукӀытапӀэ зетхъокӀэ, 12ыӀэ пыупкӀ. Гуегъуныгъэр къызтемыгъакӀу.
Шэпхъэ, щэчэлъэ зафэхэр
13Зэфэмыдэхэу гырытӀу – зыр нахь онтэгъоу, адрэр нахь псынкӀэу къыздемыхьакӀ. 14Уиунэ зэфэмыдэхэу пщэлъитӀу, зыр инэу, адрэр цӀыкӀоу, ерэмыт. 15Уи Зиусхьанэу Тхьэм уиунэенэу къыуитырэ чӀыгум бэрэ ущыпсэуным пае, уигыри уипщалъи яшапхъэхэр тэрэзэу щэрэтых. 16Хэти ащ фэдэхэр зышӀэу, зыгъапцӀэхэрэр уи Зиусхьанэу Тхьэм игущыкӀыгъу.
Ӏамэлыкъ цӀыфхэр зэрагъэпщынэщтхэр
17Мысырым шъукъикӀыжьыгъэу гъогум шъутет зэхъум, Ӏамэлыкъхэм къышъуашӀагъэр зыщышъумыгъэгъупш. 18КъышъупэгъокӀхи, шъуакӀыбкӀэ къикӀхи, шъо шъупшъыгъэу, кӀуачӀэ шъуимыӀэжь зэхъум, шъуауж къинагъэхэр зэкӀэ зэхаукӀагъэх. А Ӏамэлыкъхэр Тхьэми щыщынагъэхэп. 19Шъуи Зиусхьанэу Тхьэм шъуиунэенэу къышъуитырэ чӀыгум мамырэу шъущыпсэоу, къышъогъэтӀысэкӀыгъэщт пыйхэм шъукъамыгъэгумэкӀынэу зишӀыкӀэ, Ӏамэлыкъхэм ацӀэ агу къэмыкӀыжьынэу ошъо чӀэгъым щахэшъутхыкӀыжь. Зыщышъумыгъэгъупш!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023