Хэбзэ тхыжьыгъэр 24
24
ЯтӀокӀэнэрэ плӀырэ шъхьэр
УзэхэкӀыжьыным ехьылӀэгъэ хабзэр
1Мосэ джыри къыӀуагъ: «Хъулъфыгъэм бзылъфыгъэр къыщэу, ау етӀанэ ыгу щызыгъэкӀын горэ хилъэгъуагъэмэ, ащ зэрэхэкӀыжьыгъэм ишыхьатэу тхылъыпӀэ тхыгъэ ритынышъ, къыригъэкӀыжьын ылъэкӀыщт. 2Ар икӀыжьэу, нэмыкӀ горэм дэкӀожьэу, 3ятӀонэрэу зыдэкӀуагъэми ыгу къыщыкӀэу, ащи зэрэхэкӀыжьыгъэм ишыхьатэу тхылъыпӀэ тхыгъэ къыритэу къыригъэкӀыжьмэ е а лӀыр лӀэмэ, 4бзылъфыгъэр нэмыкӀ хъулъфыгъэ кӀыгъугъэшъ, апэрэ лӀэу къизыгъэкӀыжьыгъагъэм къыщэжьын ылъэкӀыщтэп, ар ЗиусхьанымкӀэ емыкӀушху. Шъуи Зиусхьанэу Тхьэм шъуиунэенэу къышъуитырэ чӀыгум емыкӀу ешъумых.
КъэзыщэгъакӀэм ехьылӀэгъэ унашъохэр
5Хъулъфыгъэм къыщэгъакӀэмэ, ар заом бгъакӀо е нэмыкӀ пшъэрылъ гори фэпшӀы хъущтэп. Иунэ исэу къыщэгъэ шъузыр ыгъэрэзэным пае, илъэсым къыкӀоцӀ ар шъхьафитын фае.
6ЧӀыфэм пае шэсэу шъхьал мыжъуитӀур е ышъхьагъырэ шъхьал мыжъор къаӀыпх хъущтэп, ар цӀыфым ищыӀэныгъэ зэпхыгъэр шэсэу къыӀыпхыным ычӀыпӀ.
7Израил цӀыфмэ ащыщэу илъэпкъэгъу зытыгъуи, пщылӀ зышӀи, ар языщагъэр къызыхагъэщыкӀэ, ащ фэдэ тыгъуакӀор укӀыгъэн фае. Бзаджэр зыхэжъугъэкӀодыкӀ!
8ЗыгорэкӀэ шъоджэузыр#24:8 Ижъырэ джуртыбзэкӀэ тхыгъэ Ӏэпэрытхым мы чӀыпӀэм зигугъу къыщишӀырэ шъоджэузыр нэмыкӀ кӀышъо уз зэфэшъхьафхэми афэгъэхьыгъ. къышъухахьэмэ, шъусакъ, лэуйхэм ащыщ къурмэнышӀхэм шъузыфагъэсэщтыр зэкӀэ дэх имыӀэу жъугъэцакӀэ. КъышъуаӀонэу сэ унашъо ахэм къафэсшӀыгъэр шъуегугъузэ жъугъэцакӀэ. 9Мысырым шъукъикӀыжьыгъэу, гъогум шъутетэу шъукъакӀозэ, шъуи Зиусхьанэу Тхьэм Мерэм къыришӀэгъагъэр зыщышъумыгъэгъупш#24:9 Мосэ зэрэпэуцужьыгъэм пае Тхьэм шъоджэ узыр Мерэм пщыныжьэу къытырилъхьагъ. Мыщ ехьылӀагъэу еплъ «Мосэ ияплӀэнэрэ тхылъ»: 12:10.
10Уилъэпкъэгъу чӀыфэ горэ ептыгъэу, ащ пае шэсыр къыӀыпхынэу ядэжь узыкӀокӀэ, иунэ уимыхь. 11Щагум къыщыуцуи, чӀыфэр зэптыгъэм шэсыр щагум къыпфырерэх. 12А цӀыфыр тхьамыкӀэмэ, ишэс шъуадэжь къэбгъанэу учъыенэу умыгъолъыжь. 13Шэсыр щыгъэу ар зэрэчъыенэу, тыгъэр къомыхьажьызэ етыжь. Джащыгъум ар къыпфэрэзэщт, уи Зиусхьанэу Тхьэми ыпашъхьэ шъыпкъагъэ щыуиӀэщт.
14ЫпкӀэ ратызэ Ӏоф зышӀэу, тхьамыкӀэу, сэдэкъэхэдзэу хэгъэгум ит шъуикъалэмэ адэсхэр, уилъэпкъэгъуми е хымэ лъэпкъ щыщми, нэпч имыфэх. 15ТхьамыкӀэшъ, ищыӀэныгъэ а лэжьапкӀэм епхыгъэшъ, а мэфэ шъыпкъэм, тыгъэр къомыхьажьызэ, илэжьапкӀэ ащ етыжь. Армырмэ ощ пае Зиусхьаным етхьаусыхылӀэнышъ, псэкӀодыр о къыптефэщт.
16ЯкӀалэхэм апае тыхэм, тыхэм апае якӀалэхэм укӀ атеплъхьэ хъущтэп. Шъхьадж бзэджагъэу ышӀагъэм пае укӀ тырарэлъхь.
17Хымэ лъэпкъ щыщми ибэми яфитыныгъэхэр умыукъох, шъузабэм ищыгъын шэсэу къыӀымых. 18Ори Мысырым пщылӀэу узэрисыгъэри уи Зиусхьанэу Тхьэм пщылӀыпӀэм укъызэрэрищыжьыгъэри зыщымыгъэгъупш. Арышъ, джар пшӀэнэу унашъо къыпфэсэшӀы.
19Уихьасэ Ӏупхыжьызэ бганэ горэ пщыгъупши губгъом къибгъэнагъэмэ, ар къипщыжьынэу умыгъэзэжь. Уи Зиусхьанэу Тхьэм пшӀэрэ пстэумкӀи ынэшӀу къызэрэпщыфэнэу, хымэ лъэпкъым щыщым, ибэм, шъузабэм ар къафэрэн. 20Зэйтынхэр чъыгхэм къапыуутыжь зыхъукӀэ, а зы къутамэр тӀо умыгъэсысы. Ащ къыпынагъэхэр хымэ лъэпкъым щыщым, ибэм, шъузабэм къафэрэн. 21Сэнашъхьэр къэуугъоижь зыхъукӀэ, бжалэхэм къапыунагъэхэр къыпымычыжьых. Ахэр хымэ лъэпкъым щыщым, ибэм, шъузабэм къафэрэнэх. 22Ори Мысырым пщылӀэу узэрисыгъэр зыщымыгъэгъупш. Арышъ, джар пшӀэнэу унашъо къыпфэсэшӀы».
Currently Selected:
Хэбзэ тхыжьыгъэр 24: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 24
24
ЯтӀокӀэнэрэ плӀырэ шъхьэр
УзэхэкӀыжьыным ехьылӀэгъэ хабзэр
1Мосэ джыри къыӀуагъ: «Хъулъфыгъэм бзылъфыгъэр къыщэу, ау етӀанэ ыгу щызыгъэкӀын горэ хилъэгъуагъэмэ, ащ зэрэхэкӀыжьыгъэм ишыхьатэу тхылъыпӀэ тхыгъэ ритынышъ, къыригъэкӀыжьын ылъэкӀыщт. 2Ар икӀыжьэу, нэмыкӀ горэм дэкӀожьэу, 3ятӀонэрэу зыдэкӀуагъэми ыгу къыщыкӀэу, ащи зэрэхэкӀыжьыгъэм ишыхьатэу тхылъыпӀэ тхыгъэ къыритэу къыригъэкӀыжьмэ е а лӀыр лӀэмэ, 4бзылъфыгъэр нэмыкӀ хъулъфыгъэ кӀыгъугъэшъ, апэрэ лӀэу къизыгъэкӀыжьыгъагъэм къыщэжьын ылъэкӀыщтэп, ар ЗиусхьанымкӀэ емыкӀушху. Шъуи Зиусхьанэу Тхьэм шъуиунэенэу къышъуитырэ чӀыгум емыкӀу ешъумых.
КъэзыщэгъакӀэм ехьылӀэгъэ унашъохэр
5Хъулъфыгъэм къыщэгъакӀэмэ, ар заом бгъакӀо е нэмыкӀ пшъэрылъ гори фэпшӀы хъущтэп. Иунэ исэу къыщэгъэ шъузыр ыгъэрэзэным пае, илъэсым къыкӀоцӀ ар шъхьафитын фае.
6ЧӀыфэм пае шэсэу шъхьал мыжъуитӀур е ышъхьагъырэ шъхьал мыжъор къаӀыпх хъущтэп, ар цӀыфым ищыӀэныгъэ зэпхыгъэр шэсэу къыӀыпхыным ычӀыпӀ.
7Израил цӀыфмэ ащыщэу илъэпкъэгъу зытыгъуи, пщылӀ зышӀи, ар языщагъэр къызыхагъэщыкӀэ, ащ фэдэ тыгъуакӀор укӀыгъэн фае. Бзаджэр зыхэжъугъэкӀодыкӀ!
8ЗыгорэкӀэ шъоджэузыр#24:8 Ижъырэ джуртыбзэкӀэ тхыгъэ Ӏэпэрытхым мы чӀыпӀэм зигугъу къыщишӀырэ шъоджэузыр нэмыкӀ кӀышъо уз зэфэшъхьафхэми афэгъэхьыгъ. къышъухахьэмэ, шъусакъ, лэуйхэм ащыщ къурмэнышӀхэм шъузыфагъэсэщтыр зэкӀэ дэх имыӀэу жъугъэцакӀэ. КъышъуаӀонэу сэ унашъо ахэм къафэсшӀыгъэр шъуегугъузэ жъугъэцакӀэ. 9Мысырым шъукъикӀыжьыгъэу, гъогум шъутетэу шъукъакӀозэ, шъуи Зиусхьанэу Тхьэм Мерэм къыришӀэгъагъэр зыщышъумыгъэгъупш#24:9 Мосэ зэрэпэуцужьыгъэм пае Тхьэм шъоджэ узыр Мерэм пщыныжьэу къытырилъхьагъ. Мыщ ехьылӀагъэу еплъ «Мосэ ияплӀэнэрэ тхылъ»: 12:10.
10Уилъэпкъэгъу чӀыфэ горэ ептыгъэу, ащ пае шэсыр къыӀыпхынэу ядэжь узыкӀокӀэ, иунэ уимыхь. 11Щагум къыщыуцуи, чӀыфэр зэптыгъэм шэсыр щагум къыпфырерэх. 12А цӀыфыр тхьамыкӀэмэ, ишэс шъуадэжь къэбгъанэу учъыенэу умыгъолъыжь. 13Шэсыр щыгъэу ар зэрэчъыенэу, тыгъэр къомыхьажьызэ етыжь. Джащыгъум ар къыпфэрэзэщт, уи Зиусхьанэу Тхьэми ыпашъхьэ шъыпкъагъэ щыуиӀэщт.
14ЫпкӀэ ратызэ Ӏоф зышӀэу, тхьамыкӀэу, сэдэкъэхэдзэу хэгъэгум ит шъуикъалэмэ адэсхэр, уилъэпкъэгъуми е хымэ лъэпкъ щыщми, нэпч имыфэх. 15ТхьамыкӀэшъ, ищыӀэныгъэ а лэжьапкӀэм епхыгъэшъ, а мэфэ шъыпкъэм, тыгъэр къомыхьажьызэ, илэжьапкӀэ ащ етыжь. Армырмэ ощ пае Зиусхьаным етхьаусыхылӀэнышъ, псэкӀодыр о къыптефэщт.
16ЯкӀалэхэм апае тыхэм, тыхэм апае якӀалэхэм укӀ атеплъхьэ хъущтэп. Шъхьадж бзэджагъэу ышӀагъэм пае укӀ тырарэлъхь.
17Хымэ лъэпкъ щыщми ибэми яфитыныгъэхэр умыукъох, шъузабэм ищыгъын шэсэу къыӀымых. 18Ори Мысырым пщылӀэу узэрисыгъэри уи Зиусхьанэу Тхьэм пщылӀыпӀэм укъызэрэрищыжьыгъэри зыщымыгъэгъупш. Арышъ, джар пшӀэнэу унашъо къыпфэсэшӀы.
19Уихьасэ Ӏупхыжьызэ бганэ горэ пщыгъупши губгъом къибгъэнагъэмэ, ар къипщыжьынэу умыгъэзэжь. Уи Зиусхьанэу Тхьэм пшӀэрэ пстэумкӀи ынэшӀу къызэрэпщыфэнэу, хымэ лъэпкъым щыщым, ибэм, шъузабэм ар къафэрэн. 20Зэйтынхэр чъыгхэм къапыуутыжь зыхъукӀэ, а зы къутамэр тӀо умыгъэсысы. Ащ къыпынагъэхэр хымэ лъэпкъым щыщым, ибэм, шъузабэм къафэрэн. 21Сэнашъхьэр къэуугъоижь зыхъукӀэ, бжалэхэм къапыунагъэхэр къыпымычыжьых. Ахэр хымэ лъэпкъым щыщым, ибэм, шъузабэм къафэрэнэх. 22Ори Мысырым пщылӀэу узэрисыгъэр зыщымыгъэгъупш. Арышъ, джар пшӀэнэу унашъо къыпфэсэшӀы».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023