Хэбзэ тхыжьыгъэр 22
22
ЯтӀокӀэнэрэ тӀурэ шъхьэр
Уилъэпкъэгъу узэрэдэӀэпыӀэщтыр
1Мосэ ипсалъэ лъигъэкӀотагъ: «Уилъэпкъэгъу горэм ицу е имэл гъощагъэу плъэгъумэ, ахэм уаблэмыкӀэу зием дэжь фыжьых. 2Ахэр зиер чыжьэу щэпсэумэ е ар умышӀэмэ, шъуадэжь къэфхи, зиер къалъэкӀофэ уищагу дэгъэтых. Джащыгъум ахэр ащ ептыжьын фае. 3Джары пшӀэщтыр щыдымкӀи, щыгъынымкӀи, уилъэпкъэгъу шӀокӀодыгъэу зэкӀэ къэбгъотыгъэмкӀи. Ащ ублэкӀ хъущтэп. 4Уилъэпкъэгъу ищыд е ицу гъогум щызэхэфагъэу плъэгъумэ, уаблэмыкӀ. Ахэм якъэгъэтэджыжьынкӀэ уилъэпкъэгъу дэӀэпыӀ.
НэмыкӀ хабзэхэр
5Бзылъфыгъэм хъулъфыгъэ щыгъын, хъулъфыгъэм бзылъфыгъэ щыгъын зыщалъэ хъущтэп – уи Зиусхьанэу Тхьэм хэти ащ фэдэ зышӀэрэр игущыкӀыгъу. 6Гъогум урыкӀозэ бзыу набгъо чъыг горэм тетэу е чӀыгум щышӀыгъэу уапэ къызифэкӀэ, набгъом бзыу щырхэр исэу е кӀэнкӀэхэр илъмэ, анэр кӀэнкӀэхэм атесмэ е щырхэм ахэсмэ, ищырхэр зэригъусэу ар къэмышт. 7Анэр тӀупщыжьи, щырхэр къаштэ. Джаущтэу зыпшӀыкӀэ, уиӀофхэр дэгъущт, гъэшӀэ кӀыхьи ухъущт.
8Унэ пшӀы зыхъукӀэ, унашъхьэм ынэзхэр къэшӀыхьэх#22:8 Израилым унашъхьэхэр зэшъхьэзашъоу щашӀыхэшъ, цӀыфхэр ахэм къызэрямыфэхынэу унэшъхьэ нэзхэр къашӀыхьэх. зыгорэ унашъхьэм къефэхэу ыукӀымэ, ар о уилажьэ зэрэмыхъужьынэу. 9Чылэпхъэ зэфэшъхьафхэр уисэнэшъхьэшӀапӀэ хэмыпхъэх, армырмэ ащ къыхэпхыжьырэр зэкӀэ Тхьэм фэбгъэшъошэн фае. 10Цумрэ щыдымрэ зэдыкӀэшӀагъэхэу умыжъу. 11Цы-чэтэн Ӏуданэхэм ахэшъыкӀыгъэу щыгъынхэр зыщымылъэх. 12УакӀыб ибдзэрэ уитехъон ыкъопиплӀ кӀыцэхэр афэшӀ.
Хъулъфыгъэм ишъуз зэригъэмысэрэм изэхэфын
13ЛӀы горэм къыщи, шъузым кӀыгъугъэу фэмылъэгъужьэу, 14„Мы бзылъфыгъэр къэсщагъ, ау сызыкӀэгъум, мыпшъашъэу къычӀэкӀыгъ“ ыӀозэ, мыхъун риӀуалӀэзэ, пцӀы ыус зыхъукӀэ, 15пшъашъэм ятэрэ янэрэ апхъу зэрэпшъэшъагъэм ишыхьат къалэм инахьыжъ упчӀэжьэгъухэу къэлапчъэхэм адэжь щыӀэмэ арагъэлъэгъунэу къарэхь. 16Пшъашъэм ятэ нахьыжъ упчӀэжьэгъухэм арерэӀу: „Спхъу мы цӀыфым ишъузынэу естыгъ, ау ар джы фэмылъэгъужь хъугъэ. 17Джы спхъу нэпэнчъэу, мыпшъэшъагъэу ыӀозэ, егъэмысэ. Ау ар зэрэпшъэшъагъэм ишыхьатыр мары“. Пшъашъэр зытелъыгъэ пӀэтедзэр къалэм инахьыжъ упчӀэжьэгъухэм арарегъэлъэгъу. 18Джащыгъум къалэм инахьыжъ упчӀэжьэгъухэм а лӀыр агъэпщынэн фае. 19Тыжьынэу шэкъылишъэ#22:19 Ижъырэ джуртхэм шэкъылыр пщэлъэ шапхъэу яӀагъ. Зы пщэлъэ шапхъэм тыжьынэу грамм 11-м ехъу къещэчы. ытыжьын фаеу джа лӀым тырарэлъхьи, къэщэнэу зыгорэми ымыгъэнэфэгъэ пшъашъэу Израилым щыщым имыфэшъуашэр зэрэриӀолӀагъэм пае, тазырыр пшъашъэм ятэ рарэтыжь. Ар ежь шъузэу къыфэрэни, къыгъэшӀэщтым хэкӀыжьын фимытэу орэхъу.
20Ау зыфигъэмысэрэр шъыпкъэу, зэрэпшъэшъагъэм шыхьат фэхъурэр щымыӀэмэ, 21ар ятэ иунэ пчъэӀупэ къыӀуарэщэжьи, къэлэдэсхэм джа чӀыпӀэм мыжъозэхаокӀэ щарэукӀ. Израилым емыкӀушхокӀэ щалъытэрэр ащ ышӀагъ: ятэ иунэ зэрисэу хэтэкӀуагъ. Бзаджэр зыхэжъугъэкӀодыкӀ!
ЗэкӀыгъуныгъэхэм яхьылӀэгъэ хабзэхэр
22Хъулъфыгъэр имышъузым голъэу зытыраубытэкӀэ, тӀури укӀыгъэн фае. Бзаджэр Израил ижъугъэкӀодыкӀ! 23Хъулъфыгъэр нэмыкӀым къэщэнэу фагъэнэфэгъэ пшъашъэр къалэм къыщыпэкӀэфагъэу ащ зыкӀыгъукӀэ, 24тӀури къалэм идэхьэпӀэ къэлапчъэхэм къяшъущалӀэхи мыжъозэхаокӀэ шъуукӀы: пшъашъэр – къэлэ кӀоцӀым дэтыгъэ нахь мышӀэми, ӀэпыӀэгъу къыфэхъунхэу зэрэмыкууагъэм, хъулъфыгъэр – нэмыкӀым къэщэнэу фагъэнэфагъэм ынапэ зэрэтырихыгъэм апае. Бзаджэр зыхэжъугъэкӀодыкӀ!
25Хъулъфыгъэм нэмыкӀ горэм къэщэнэу фагъэнэфэгъэ пшъашъэр къэлэ кӀыбым къыщыпэкӀэфагъэу, ыубытэу ынапэ зытырихкӀэ, ар зышӀэгъэ хъулъфыгъэр ары ныӀэп укӀыгъэн фаер. 26Пшъашъэр шъумыгъэпщынэ, зыфэуукӀын зыпари ащ ышӀагъэп. Ащ къехъулӀагъэр лӀы горэ зытебани аукӀыгъэм къыщышӀыгъэм фэд. 27Хъулъфыгъэр нэмыкӀ горэм къэщэнэу фагъэнэфэгъэ пшъашъэу шъофым къыщыпэкӀэфагъэм тебэнагъэба, ар кууагъэми, ӀэпыӀэгъу къыфэхъун ыгъотыгъэп.
28Хъулъфыгъэм къэщэнэу фамыгъэнэфэгъэ пшъашъэр къыпэкӀафэу, ащ емыкӀу зырихкӀэ, ахэр зызэтыраубытэхэкӀэ, 29а пшъашъэм ынапэ тырихыгъэшъ, ащ ятэ пшъэшъэ уасэу шэкъыл шъэныкъо тыжьынэу ритынышъ, шъузэу къыщэжьын фае. Ежь къыгъэшӀэщтым хэкӀыжьын фимытэу орэхъу. 30Хэти янэ нэмыкӀ шъузэу ятэ иӀэр къыщэу, тым ынапэ тырих хъущтэп».#22:30 Ижъырэ джуртыбзэкӀэ тхыгъэ Ӏэпэрытхым мыр я 23-рэ шъхьэм и 1-рэ ус.
Currently Selected:
Хэбзэ тхыжьыгъэр 22: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 22
22
ЯтӀокӀэнэрэ тӀурэ шъхьэр
Уилъэпкъэгъу узэрэдэӀэпыӀэщтыр
1Мосэ ипсалъэ лъигъэкӀотагъ: «Уилъэпкъэгъу горэм ицу е имэл гъощагъэу плъэгъумэ, ахэм уаблэмыкӀэу зием дэжь фыжьых. 2Ахэр зиер чыжьэу щэпсэумэ е ар умышӀэмэ, шъуадэжь къэфхи, зиер къалъэкӀофэ уищагу дэгъэтых. Джащыгъум ахэр ащ ептыжьын фае. 3Джары пшӀэщтыр щыдымкӀи, щыгъынымкӀи, уилъэпкъэгъу шӀокӀодыгъэу зэкӀэ къэбгъотыгъэмкӀи. Ащ ублэкӀ хъущтэп. 4Уилъэпкъэгъу ищыд е ицу гъогум щызэхэфагъэу плъэгъумэ, уаблэмыкӀ. Ахэм якъэгъэтэджыжьынкӀэ уилъэпкъэгъу дэӀэпыӀ.
НэмыкӀ хабзэхэр
5Бзылъфыгъэм хъулъфыгъэ щыгъын, хъулъфыгъэм бзылъфыгъэ щыгъын зыщалъэ хъущтэп – уи Зиусхьанэу Тхьэм хэти ащ фэдэ зышӀэрэр игущыкӀыгъу. 6Гъогум урыкӀозэ бзыу набгъо чъыг горэм тетэу е чӀыгум щышӀыгъэу уапэ къызифэкӀэ, набгъом бзыу щырхэр исэу е кӀэнкӀэхэр илъмэ, анэр кӀэнкӀэхэм атесмэ е щырхэм ахэсмэ, ищырхэр зэригъусэу ар къэмышт. 7Анэр тӀупщыжьи, щырхэр къаштэ. Джаущтэу зыпшӀыкӀэ, уиӀофхэр дэгъущт, гъэшӀэ кӀыхьи ухъущт.
8Унэ пшӀы зыхъукӀэ, унашъхьэм ынэзхэр къэшӀыхьэх#22:8 Израилым унашъхьэхэр зэшъхьэзашъоу щашӀыхэшъ, цӀыфхэр ахэм къызэрямыфэхынэу унэшъхьэ нэзхэр къашӀыхьэх. зыгорэ унашъхьэм къефэхэу ыукӀымэ, ар о уилажьэ зэрэмыхъужьынэу. 9Чылэпхъэ зэфэшъхьафхэр уисэнэшъхьэшӀапӀэ хэмыпхъэх, армырмэ ащ къыхэпхыжьырэр зэкӀэ Тхьэм фэбгъэшъошэн фае. 10Цумрэ щыдымрэ зэдыкӀэшӀагъэхэу умыжъу. 11Цы-чэтэн Ӏуданэхэм ахэшъыкӀыгъэу щыгъынхэр зыщымылъэх. 12УакӀыб ибдзэрэ уитехъон ыкъопиплӀ кӀыцэхэр афэшӀ.
Хъулъфыгъэм ишъуз зэригъэмысэрэм изэхэфын
13ЛӀы горэм къыщи, шъузым кӀыгъугъэу фэмылъэгъужьэу, 14„Мы бзылъфыгъэр къэсщагъ, ау сызыкӀэгъум, мыпшъашъэу къычӀэкӀыгъ“ ыӀозэ, мыхъун риӀуалӀэзэ, пцӀы ыус зыхъукӀэ, 15пшъашъэм ятэрэ янэрэ апхъу зэрэпшъэшъагъэм ишыхьат къалэм инахьыжъ упчӀэжьэгъухэу къэлапчъэхэм адэжь щыӀэмэ арагъэлъэгъунэу къарэхь. 16Пшъашъэм ятэ нахьыжъ упчӀэжьэгъухэм арерэӀу: „Спхъу мы цӀыфым ишъузынэу естыгъ, ау ар джы фэмылъэгъужь хъугъэ. 17Джы спхъу нэпэнчъэу, мыпшъэшъагъэу ыӀозэ, егъэмысэ. Ау ар зэрэпшъэшъагъэм ишыхьатыр мары“. Пшъашъэр зытелъыгъэ пӀэтедзэр къалэм инахьыжъ упчӀэжьэгъухэм арарегъэлъэгъу. 18Джащыгъум къалэм инахьыжъ упчӀэжьэгъухэм а лӀыр агъэпщынэн фае. 19Тыжьынэу шэкъылишъэ#22:19 Ижъырэ джуртхэм шэкъылыр пщэлъэ шапхъэу яӀагъ. Зы пщэлъэ шапхъэм тыжьынэу грамм 11-м ехъу къещэчы. ытыжьын фаеу джа лӀым тырарэлъхьи, къэщэнэу зыгорэми ымыгъэнэфэгъэ пшъашъэу Израилым щыщым имыфэшъуашэр зэрэриӀолӀагъэм пае, тазырыр пшъашъэм ятэ рарэтыжь. Ар ежь шъузэу къыфэрэни, къыгъэшӀэщтым хэкӀыжьын фимытэу орэхъу.
20Ау зыфигъэмысэрэр шъыпкъэу, зэрэпшъэшъагъэм шыхьат фэхъурэр щымыӀэмэ, 21ар ятэ иунэ пчъэӀупэ къыӀуарэщэжьи, къэлэдэсхэм джа чӀыпӀэм мыжъозэхаокӀэ щарэукӀ. Израилым емыкӀушхокӀэ щалъытэрэр ащ ышӀагъ: ятэ иунэ зэрисэу хэтэкӀуагъ. Бзаджэр зыхэжъугъэкӀодыкӀ!
ЗэкӀыгъуныгъэхэм яхьылӀэгъэ хабзэхэр
22Хъулъфыгъэр имышъузым голъэу зытыраубытэкӀэ, тӀури укӀыгъэн фае. Бзаджэр Израил ижъугъэкӀодыкӀ! 23Хъулъфыгъэр нэмыкӀым къэщэнэу фагъэнэфэгъэ пшъашъэр къалэм къыщыпэкӀэфагъэу ащ зыкӀыгъукӀэ, 24тӀури къалэм идэхьэпӀэ къэлапчъэхэм къяшъущалӀэхи мыжъозэхаокӀэ шъуукӀы: пшъашъэр – къэлэ кӀоцӀым дэтыгъэ нахь мышӀэми, ӀэпыӀэгъу къыфэхъунхэу зэрэмыкууагъэм, хъулъфыгъэр – нэмыкӀым къэщэнэу фагъэнэфагъэм ынапэ зэрэтырихыгъэм апае. Бзаджэр зыхэжъугъэкӀодыкӀ!
25Хъулъфыгъэм нэмыкӀ горэм къэщэнэу фагъэнэфэгъэ пшъашъэр къэлэ кӀыбым къыщыпэкӀэфагъэу, ыубытэу ынапэ зытырихкӀэ, ар зышӀэгъэ хъулъфыгъэр ары ныӀэп укӀыгъэн фаер. 26Пшъашъэр шъумыгъэпщынэ, зыфэуукӀын зыпари ащ ышӀагъэп. Ащ къехъулӀагъэр лӀы горэ зытебани аукӀыгъэм къыщышӀыгъэм фэд. 27Хъулъфыгъэр нэмыкӀ горэм къэщэнэу фагъэнэфэгъэ пшъашъэу шъофым къыщыпэкӀэфагъэм тебэнагъэба, ар кууагъэми, ӀэпыӀэгъу къыфэхъун ыгъотыгъэп.
28Хъулъфыгъэм къэщэнэу фамыгъэнэфэгъэ пшъашъэр къыпэкӀафэу, ащ емыкӀу зырихкӀэ, ахэр зызэтыраубытэхэкӀэ, 29а пшъашъэм ынапэ тырихыгъэшъ, ащ ятэ пшъэшъэ уасэу шэкъыл шъэныкъо тыжьынэу ритынышъ, шъузэу къыщэжьын фае. Ежь къыгъэшӀэщтым хэкӀыжьын фимытэу орэхъу. 30Хэти янэ нэмыкӀ шъузэу ятэ иӀэр къыщэу, тым ынапэ тырих хъущтэп».#22:30 Ижъырэ джуртыбзэкӀэ тхыгъэ Ӏэпэрытхым мыр я 23-рэ шъхьэм и 1-рэ ус.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023