Хэбзэ тхыжьыгъэр 21
21
ЯтӀокӀэнэрэ зырэ шъхьэр
Амыгъэунэфыгъэ укӀыныгъэхэр
1Мосэ цӀыфхэм ариӀуагъ: «Шъуи Зиусхьанэу Тхьэм шъуиунэенэу къышъуитырэ чӀыгум укӀыгъэу цӀыф горэ шъофым къыщырагъотагъэу, ар зыукӀыгъэр амышӀэ зыхъукӀэ, 2шъуинахьыжъ упчӀэжьэгъухэмрэ хьыкумышӀхэмрэ къэрэкӀохи, укӀыгъэр зыдэщылъым къыпэгъунэгъу къалэхэм анэс гъогууанэхэр арэш. 3УкӀыгъэм нахь къыпэгъунэгъу къалэм инахьыжъ упчӀэжьэгъухэм Ӏоф зэрамыгъэшӀагъэу, бжьы зытырамылъхьэгъэ танэр къыхарэщ. 4Амыжъуагъэу, лэжьыгъэ зыщыхамылъхьагъэу псы зыдэчъырэ кӀэим танэр арэщи, джа чӀыпӀэм ащ ыпшъэ тыкъ щышӀуарэкӀыкӀ. 5Лэуй къыхэкӀыгъэхэу шъуи Зиусхьанэу Тхьэм Ежь фэлэжьэнхэуи Ежь ыцӀэкӀэ цӀыфхэм анэшӀу ащафэнэуи къахихыгъэ къурмэнышӀхэр къэрэкӀохи, ахэм зэдаштагъэм тетэу зэкӀэ зыфызэнэкъокъухэри фыкъуагъэхэм яхьылӀэгъэ сыдрэ Ӏофи зэхарэф. 6Хьадэр къызщагъотыгъэм нахь къыпэгъунэгъу къалэм инахьыжъ упчӀэжьэгъухэм а кӀэим щыӀэ псы игъукӀыгъэм зыпшъэ тыкъ щышӀуакӀыкӀыгъэ танэм ышъхьагъ аӀэхэр щарэтхьакӀ. 7Ахэм къарэӀу: „Мы цӀыф укӀыгъэм ылъ тэ тӀэхэмкӀэ дгъэчъагъэп, ар зэрагъэчъагъэри тынэхэмкӀэ тлъэгъугъэп. 8О, Зиусхьан, О уилъэпкъэу, пщылӀыпӀэм къипщыжьыгъэ израил цӀыфхэр ухыих. Лъы хыеу агъэчъагъэм пае О уилъэпкъэу, израил цӀыфхэм мысагъэр къатемыгъаф“. Ащыгъум а лъым пае мысагъэр ахэм къатефэщтэп. 9Зиусхьаным къекӀущтыр шъошӀэшъ, лъы хыем игъэчъэн хэлъ псэкӀодыр джаущтэу зытешъохыжьы.
Бзылъфыгъэ гъэрыр къызэрэпщэщтыр
10Шъуипыйхэм шъуапэшӀуекӀоу зао зышъушӀыкӀэ, шъуи Зиусхьанэу Тхьэм ахэр шъуӀэ къырилъхьанхэшъ гъэры шъушӀыщтых. 11Гъэрхэм ахэтэу бзылъфыгъэ дахэ горэ шъуащыщ ыгу рихьынышъ, ар шъузкӀэ ыштэ шӀоигъоу хъун ылъэкӀыщт. 12Ащыгъум ар шъуадэжь къащэ. Ащ ышъхьэ ерэупси, ыӀэбжъанэхэри перэупкӀ, 13гъэрым ищыгъынхэр зыщерэхи, ятэ-янэхэр ыгъаеу мазэрэ уиунэ ерэс. Ащ ыуж ыдэжь уихьанышъ, илӀ ухъун, ежь шъуз къыпфэхъун ылъэкӀыщт. 14Ащ уфэмыежь хъумэ, зыфаем зэрэкӀонэу шъхьафит шӀыжь. Ар егъэзыгъэкӀэ шъуз пшӀыгъэшъ, япщи пщылӀы пшӀи хъущтэп.
Щыпэлъфым ифитыныгъэ ехьылӀагъ
15ЛӀы горэм шъузитӀу иӀэу, зыр шӀу ылъэгъоу, адрэр имыкӀасэмэ, шъузитӀуми шъаохэр къыфалъфыгъэу, щыпэлъфыр имыкӀасэм фигъотыгъэмэ, 16кӀэныр ишъаомэ афигощын зыхъукӀэ, имыкӀэсэ шъузым ыкъо щыпэлъф Ӏахьэр римытэу, шӀу ылъэгъурэм ыкъо риты хъущтэп. 17ИмыкӀэсэ шъузым фигъотыгъэ кӀалэр зэрэщыпэлъфым еуцолӀэнышъ, мылъкоу иӀэм ищэнитӀу ащ ритын фае. Ежь ихъулъфыгъэ кӀуачӀэ апэрэ шыхьатэу фэхъурэр джа шъаор арышъ, щыпэлъфым ифитыныгъэ ащ ий.
КӀэлэ мыдаӀом ехьылӀагъ
18Шъуащыщ горэм икӀалэ зигъэкъаигъэу, къапэуцужьэу, яти яни афэмыӀорышӀэу, ахэм сыд раӀуагъэми къямыдэӀу зыхъукӀэ, 19ятэрэ янэрэ ар къалэм инахьыжъ упчӀэжьэгъухэм адэжь къэлэ дэхьапӀэм хэлъ къэлапчъэхэм къырарэщалӀи, 20нахьыжъ упчӀэжьэгъухэм арарэӀу: „ТикӀалэ зегъэкъаигъэ, къытпэуцужьы, къытфэӀорышӀэрэп, ешъокӀо-ешхакӀу“. 21Джащыгъум къалэм дэсхэм зэкӀэми ар мыжъозэхаокӀэ арэукӀ. Бзаджэр зыхэжъугъэкӀодыкӀ! Къэбарыр зэрэизраил лъэпкъэу зэхихынышъ, къыгъэтӀыгурыгущт.
БзэджашӀэм ихьадэ ехьылӀагъ
22ЦӀыфым укӀ зыфытеплъхьан фэе бзаджэ ышӀагъэу, ар аукӀи, ихьадэ пхъэм пышъулъагъэмэ, 23хьадэр пхъэм зэрэпылъагъэу чэщым къэбгъанэ хъущтэп, а мэфэ дэдэм ар бгъэтӀылъын фае. Пхъэм пылъагъэм Тхьэм ибгыбзэ телъба! Шъуи Зиусхьанэу Тхьэм шъуиунэенэу къышъуитырэ чӀыгум емыкӀу ешъумых».
Currently Selected:
Хэбзэ тхыжьыгъэр 21: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 21
21
ЯтӀокӀэнэрэ зырэ шъхьэр
Амыгъэунэфыгъэ укӀыныгъэхэр
1Мосэ цӀыфхэм ариӀуагъ: «Шъуи Зиусхьанэу Тхьэм шъуиунэенэу къышъуитырэ чӀыгум укӀыгъэу цӀыф горэ шъофым къыщырагъотагъэу, ар зыукӀыгъэр амышӀэ зыхъукӀэ, 2шъуинахьыжъ упчӀэжьэгъухэмрэ хьыкумышӀхэмрэ къэрэкӀохи, укӀыгъэр зыдэщылъым къыпэгъунэгъу къалэхэм анэс гъогууанэхэр арэш. 3УкӀыгъэм нахь къыпэгъунэгъу къалэм инахьыжъ упчӀэжьэгъухэм Ӏоф зэрамыгъэшӀагъэу, бжьы зытырамылъхьэгъэ танэр къыхарэщ. 4Амыжъуагъэу, лэжьыгъэ зыщыхамылъхьагъэу псы зыдэчъырэ кӀэим танэр арэщи, джа чӀыпӀэм ащ ыпшъэ тыкъ щышӀуарэкӀыкӀ. 5Лэуй къыхэкӀыгъэхэу шъуи Зиусхьанэу Тхьэм Ежь фэлэжьэнхэуи Ежь ыцӀэкӀэ цӀыфхэм анэшӀу ащафэнэуи къахихыгъэ къурмэнышӀхэр къэрэкӀохи, ахэм зэдаштагъэм тетэу зэкӀэ зыфызэнэкъокъухэри фыкъуагъэхэм яхьылӀэгъэ сыдрэ Ӏофи зэхарэф. 6Хьадэр къызщагъотыгъэм нахь къыпэгъунэгъу къалэм инахьыжъ упчӀэжьэгъухэм а кӀэим щыӀэ псы игъукӀыгъэм зыпшъэ тыкъ щышӀуакӀыкӀыгъэ танэм ышъхьагъ аӀэхэр щарэтхьакӀ. 7Ахэм къарэӀу: „Мы цӀыф укӀыгъэм ылъ тэ тӀэхэмкӀэ дгъэчъагъэп, ар зэрагъэчъагъэри тынэхэмкӀэ тлъэгъугъэп. 8О, Зиусхьан, О уилъэпкъэу, пщылӀыпӀэм къипщыжьыгъэ израил цӀыфхэр ухыих. Лъы хыеу агъэчъагъэм пае О уилъэпкъэу, израил цӀыфхэм мысагъэр къатемыгъаф“. Ащыгъум а лъым пае мысагъэр ахэм къатефэщтэп. 9Зиусхьаным къекӀущтыр шъошӀэшъ, лъы хыем игъэчъэн хэлъ псэкӀодыр джаущтэу зытешъохыжьы.
Бзылъфыгъэ гъэрыр къызэрэпщэщтыр
10Шъуипыйхэм шъуапэшӀуекӀоу зао зышъушӀыкӀэ, шъуи Зиусхьанэу Тхьэм ахэр шъуӀэ къырилъхьанхэшъ гъэры шъушӀыщтых. 11Гъэрхэм ахэтэу бзылъфыгъэ дахэ горэ шъуащыщ ыгу рихьынышъ, ар шъузкӀэ ыштэ шӀоигъоу хъун ылъэкӀыщт. 12Ащыгъум ар шъуадэжь къащэ. Ащ ышъхьэ ерэупси, ыӀэбжъанэхэри перэупкӀ, 13гъэрым ищыгъынхэр зыщерэхи, ятэ-янэхэр ыгъаеу мазэрэ уиунэ ерэс. Ащ ыуж ыдэжь уихьанышъ, илӀ ухъун, ежь шъуз къыпфэхъун ылъэкӀыщт. 14Ащ уфэмыежь хъумэ, зыфаем зэрэкӀонэу шъхьафит шӀыжь. Ар егъэзыгъэкӀэ шъуз пшӀыгъэшъ, япщи пщылӀы пшӀи хъущтэп.
Щыпэлъфым ифитыныгъэ ехьылӀагъ
15ЛӀы горэм шъузитӀу иӀэу, зыр шӀу ылъэгъоу, адрэр имыкӀасэмэ, шъузитӀуми шъаохэр къыфалъфыгъэу, щыпэлъфыр имыкӀасэм фигъотыгъэмэ, 16кӀэныр ишъаомэ афигощын зыхъукӀэ, имыкӀэсэ шъузым ыкъо щыпэлъф Ӏахьэр римытэу, шӀу ылъэгъурэм ыкъо риты хъущтэп. 17ИмыкӀэсэ шъузым фигъотыгъэ кӀалэр зэрэщыпэлъфым еуцолӀэнышъ, мылъкоу иӀэм ищэнитӀу ащ ритын фае. Ежь ихъулъфыгъэ кӀуачӀэ апэрэ шыхьатэу фэхъурэр джа шъаор арышъ, щыпэлъфым ифитыныгъэ ащ ий.
КӀэлэ мыдаӀом ехьылӀагъ
18Шъуащыщ горэм икӀалэ зигъэкъаигъэу, къапэуцужьэу, яти яни афэмыӀорышӀэу, ахэм сыд раӀуагъэми къямыдэӀу зыхъукӀэ, 19ятэрэ янэрэ ар къалэм инахьыжъ упчӀэжьэгъухэм адэжь къэлэ дэхьапӀэм хэлъ къэлапчъэхэм къырарэщалӀи, 20нахьыжъ упчӀэжьэгъухэм арарэӀу: „ТикӀалэ зегъэкъаигъэ, къытпэуцужьы, къытфэӀорышӀэрэп, ешъокӀо-ешхакӀу“. 21Джащыгъум къалэм дэсхэм зэкӀэми ар мыжъозэхаокӀэ арэукӀ. Бзаджэр зыхэжъугъэкӀодыкӀ! Къэбарыр зэрэизраил лъэпкъэу зэхихынышъ, къыгъэтӀыгурыгущт.
БзэджашӀэм ихьадэ ехьылӀагъ
22ЦӀыфым укӀ зыфытеплъхьан фэе бзаджэ ышӀагъэу, ар аукӀи, ихьадэ пхъэм пышъулъагъэмэ, 23хьадэр пхъэм зэрэпылъагъэу чэщым къэбгъанэ хъущтэп, а мэфэ дэдэм ар бгъэтӀылъын фае. Пхъэм пылъагъэм Тхьэм ибгыбзэ телъба! Шъуи Зиусхьанэу Тхьэм шъуиунэенэу къышъуитырэ чӀыгум емыкӀу ешъумых».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023