Хэбзэ тхыжьыгъэр 15
15
ЯпшӀыкӀутфэнэрэ шъхьэр
ЧӀыфэхэр афэгъэгъунхэм иилъэс
1Мосэ ипсалъэ лъигъэкӀотагъ: «Илъэсибл тешӀэ къэс чӀыфэхэр афэжъугъэгъун фае. 2Ар зэрэшъушӀыщтыр мары: чӀыфэ зытыгъэ пэпчъ илъэпкъэгъу горэм ритыгъэр ферэгъэгъу. ЧӀыфэхэр афэгъэгъун фаеу Зиусхьаным ыпашъхьэ щызэдаштагъэшъ, илъэпкъэгъу горэм е ыш чӀыфэу аритыгъэр къызэраӀихыжьыным ар кӀэрэмыдэу. 3НэмыкӀ цӀыф лъэпкъ щыщым чӀыфэр къыуитыжьыным пае уедэон уфит, ау уилъэпкъэгъу телъ чӀыфэр фэгъэгъу. 4Шъуи Зиусхьанэу Тхьэм шъуиунэенэу къышъуитырэ чӀыгум лъэш дэдэу Ащ ынэшӀу къыщишъущыфэщтышъ, тхьамыкӀэхэр шъуиӀэщтэпи. 5Ар хъун зилъэкӀыщт закъор шъуи Зиусхьанэу Тхьэм сыдырэмкӀи шъуедэӀоу, непэ къышъуфэсшӀыщт унашъохэр шъуегугъузэ жъугъэцакӀэмэ ары ныӀэп. 6Джащыгъум шъуи Зиусхьанэу Тхьэм тыкъызэригъэгугъагъэу ынэшӀу къышъущыфэщт, цӀыф лъэпкъыбэмэ ахъщэр чӀыфэу яшъутызэ шъушӀыщт, ау зыгорэми чӀыфэ шъо къыӀышъухыщтэп. ЦӀыф лъэпкъыбэхэр шъо жъугъэӀорышӀэщт, ау ахэм ащыщ горэми шъо шъуигъэӀорышӀэщтэп. 7Шъуи Зиусхьанэу Тхьэм къышъуитырэ чӀыгум ит къалэмэ ащыщ горэм дэс шъуилъэпкъэгъухэм тхьамыкӀэ ахэтымэ, зышъумыгъэжъалымэуи зышъумыгъэхьацэуи ӀэпыӀэгъу зищыкӀагъэм шӀу фашъушӀ. 8Зыжъугъэхьалэли, сыд фэныкъоми шъуигуапэу чӀыфэ ащ ешъут. 9„Яблэнэрэ илъэсэу, чӀыфэхэр афэгъэгъунхэм иилъэс, къэблэгъагъ“ шъугукӀэ зэшъуӀожьзэ, пцӀэпӀагъэкӀэ шъузэремыгупшысэнми, ащ къыхэкӀэу ӀэпыӀэгъу зищыкӀэгъэ шъуилъэпкъэгъу нэ ӀаекӀэ шъуфычӀэмыплъэу шъузэрэдеӀэн фаеми шъуфэсакъ. Армырмэ ар Зиусхьаным шъощ пае зетхьаусыхылӀэкӀэ, псэкӀод шъушӀагъэу хъущт. 10Шъуфэхьалэлэу, шъукӀэлъымышъугъужьэу фэшъушӀапхъэр ащ фашъушӀ – ащ пае шъуи Зиусхьанэу Тхьэм шъушӀэрэ пстэумкӀи ынэшӀу къышъущыфэщт. 11А хэгъэгум сыдигъуи тхьамыкӀэхэр исыщтхэшъ, шъуилъэпкъэгъухэм, фэныкъуагъэ зиӀэхэм, тхьамыкӀэу псэухэрэм шъузэрафэхьалэлын фаер къышъосэӀо.
ПщылӀмэ яхьылӀэгъэ хабзэхэр
12Шъуилъэпкъэгъу джуртым, хъулъфыгъэми е бзылъфыгъэми, зыкъышъуищэу#15:12 Мы чӀыпӀэм ятӀонэрэ мэхьани иӀ: къышъуащэу илъэсихэ зышъуфэунэӀуткӀэ, яблэнэрэ илъэсым ар шъхьафит шъушӀыжьын фае. 13ШъутӀупщыжь зыхъукӀэ, ӀэнэкӀэу ар шъумыгъэкӀожь. 14Шъуимэл-пчэнхэми, лэжьыгъэу, санэу шъуиӀэми ащыщ Ӏахьэ ешъут. Шъуи Зиусхьанэу Тхьэм ынэшӀу къызэрэшъущыфагъэм щыщ ащ ешъут. 15Мысырым пщылӀэу шъузэрисыгъэри шъуи Зиусхьанэу Тхьэм пщылӀыпӀэм шъукъызэрэрищыжьыгъэри зыщышъумыгъэгъупш. Ащ къыхэкӀэу джащ фэдэ унашъо непэ къышъуфэсэшӀы. 16Ау пщылӀым „О сыпкӀэлъырыкӀыжьынэу сыфаеп“ ыӀоу къызышъуиӀокӀэ, дэгъоу шъуфыщытыгъэшъ, ащ шъори шъуиунагъуи шӀу шъуелъэгъу, 17дыдыр къашъушти, ащкӀэ ытхьакӀумэ пакӀэ пчъэм хэшъуӀулӀи гъуанэ фэшъушӀ, джаущтэу ар егъэшӀэрэу шъуипщылӀ хъущт. Джар дэдэр ешъушӀ шъуипщылӀ бзылъфыгъи. 18ПщылӀым итӀупщыжьын зэрар къышъуфэхъунэу къызышӀошъумыгъэшӀ, лэжьапкӀэ ешъутызэ, чыракӀоу илъэсихэ ащ Ӏоф ежъугъэшӀэгъагъэмэ, ешъутынэу щытыгъэм ызыныкъо уасэкӀэ ар шъуфэлэжьагъэба. Шъуи Зиусхьанэу Тхьэми шъушӀэрэ пстэумкӀи ынэшӀу къышъущыфэщт.
Былымхэмрэ мэл-пчэнхэмрэ ящыпэлъф къурмэныпхъэхэр
19Шъуи Зиусхьанэу Тхьэм пае былым, мэл-пчэн Ӏэхъогъухэм къахэхъогъэ щыпэлъфыхъухэр зэкӀэ къахэшъущых. Щыпэлъф цухэр кӀэшъумышӀэх, мэл-пчэнхэм ящыпэлъфыхъухэр шъумыупхъох. 20Шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэм зэрэунагъоу шъузэгъусэу шъущыӀэу, Ащ ыпашъхьэ шъуисэу илъэс къэс ахэр шъушхын фае. 21ЗыгорэкӀэ псэушъхьэм дагъо горэ иӀэу, лъащэу е нэшъоу щытмэ, е хэпшӀыкӀэу нэмыкӀ дагъо горэ иӀэмэ, шъуи Зиусхьанэу Тхьэм ар къурмэн фэшъушӀы хъущтэп. 22Ар шъуикъалэмэ ащышъушхын фае. Къабзэу щыт цӀыфхэми мыкъабзэхэми къушъхьэпчэнхэмрэ бланэхэмрэ ял фэдэу ар ашхымэ хъущт. 23Ау лъыр зыӀужъугъафэ хъущтэп. Псым фэдэу ар чӀыгум тешъукӀ».
Currently Selected:
Хэбзэ тхыжьыгъэр 15: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 15
15
ЯпшӀыкӀутфэнэрэ шъхьэр
ЧӀыфэхэр афэгъэгъунхэм иилъэс
1Мосэ ипсалъэ лъигъэкӀотагъ: «Илъэсибл тешӀэ къэс чӀыфэхэр афэжъугъэгъун фае. 2Ар зэрэшъушӀыщтыр мары: чӀыфэ зытыгъэ пэпчъ илъэпкъэгъу горэм ритыгъэр ферэгъэгъу. ЧӀыфэхэр афэгъэгъун фаеу Зиусхьаным ыпашъхьэ щызэдаштагъэшъ, илъэпкъэгъу горэм е ыш чӀыфэу аритыгъэр къызэраӀихыжьыным ар кӀэрэмыдэу. 3НэмыкӀ цӀыф лъэпкъ щыщым чӀыфэр къыуитыжьыным пае уедэон уфит, ау уилъэпкъэгъу телъ чӀыфэр фэгъэгъу. 4Шъуи Зиусхьанэу Тхьэм шъуиунэенэу къышъуитырэ чӀыгум лъэш дэдэу Ащ ынэшӀу къыщишъущыфэщтышъ, тхьамыкӀэхэр шъуиӀэщтэпи. 5Ар хъун зилъэкӀыщт закъор шъуи Зиусхьанэу Тхьэм сыдырэмкӀи шъуедэӀоу, непэ къышъуфэсшӀыщт унашъохэр шъуегугъузэ жъугъэцакӀэмэ ары ныӀэп. 6Джащыгъум шъуи Зиусхьанэу Тхьэм тыкъызэригъэгугъагъэу ынэшӀу къышъущыфэщт, цӀыф лъэпкъыбэмэ ахъщэр чӀыфэу яшъутызэ шъушӀыщт, ау зыгорэми чӀыфэ шъо къыӀышъухыщтэп. ЦӀыф лъэпкъыбэхэр шъо жъугъэӀорышӀэщт, ау ахэм ащыщ горэми шъо шъуигъэӀорышӀэщтэп. 7Шъуи Зиусхьанэу Тхьэм къышъуитырэ чӀыгум ит къалэмэ ащыщ горэм дэс шъуилъэпкъэгъухэм тхьамыкӀэ ахэтымэ, зышъумыгъэжъалымэуи зышъумыгъэхьацэуи ӀэпыӀэгъу зищыкӀагъэм шӀу фашъушӀ. 8Зыжъугъэхьалэли, сыд фэныкъоми шъуигуапэу чӀыфэ ащ ешъут. 9„Яблэнэрэ илъэсэу, чӀыфэхэр афэгъэгъунхэм иилъэс, къэблэгъагъ“ шъугукӀэ зэшъуӀожьзэ, пцӀэпӀагъэкӀэ шъузэремыгупшысэнми, ащ къыхэкӀэу ӀэпыӀэгъу зищыкӀэгъэ шъуилъэпкъэгъу нэ ӀаекӀэ шъуфычӀэмыплъэу шъузэрэдеӀэн фаеми шъуфэсакъ. Армырмэ ар Зиусхьаным шъощ пае зетхьаусыхылӀэкӀэ, псэкӀод шъушӀагъэу хъущт. 10Шъуфэхьалэлэу, шъукӀэлъымышъугъужьэу фэшъушӀапхъэр ащ фашъушӀ – ащ пае шъуи Зиусхьанэу Тхьэм шъушӀэрэ пстэумкӀи ынэшӀу къышъущыфэщт. 11А хэгъэгум сыдигъуи тхьамыкӀэхэр исыщтхэшъ, шъуилъэпкъэгъухэм, фэныкъуагъэ зиӀэхэм, тхьамыкӀэу псэухэрэм шъузэрафэхьалэлын фаер къышъосэӀо.
ПщылӀмэ яхьылӀэгъэ хабзэхэр
12Шъуилъэпкъэгъу джуртым, хъулъфыгъэми е бзылъфыгъэми, зыкъышъуищэу#15:12 Мы чӀыпӀэм ятӀонэрэ мэхьани иӀ: къышъуащэу илъэсихэ зышъуфэунэӀуткӀэ, яблэнэрэ илъэсым ар шъхьафит шъушӀыжьын фае. 13ШъутӀупщыжь зыхъукӀэ, ӀэнэкӀэу ар шъумыгъэкӀожь. 14Шъуимэл-пчэнхэми, лэжьыгъэу, санэу шъуиӀэми ащыщ Ӏахьэ ешъут. Шъуи Зиусхьанэу Тхьэм ынэшӀу къызэрэшъущыфагъэм щыщ ащ ешъут. 15Мысырым пщылӀэу шъузэрисыгъэри шъуи Зиусхьанэу Тхьэм пщылӀыпӀэм шъукъызэрэрищыжьыгъэри зыщышъумыгъэгъупш. Ащ къыхэкӀэу джащ фэдэ унашъо непэ къышъуфэсэшӀы. 16Ау пщылӀым „О сыпкӀэлъырыкӀыжьынэу сыфаеп“ ыӀоу къызышъуиӀокӀэ, дэгъоу шъуфыщытыгъэшъ, ащ шъори шъуиунагъуи шӀу шъуелъэгъу, 17дыдыр къашъушти, ащкӀэ ытхьакӀумэ пакӀэ пчъэм хэшъуӀулӀи гъуанэ фэшъушӀ, джаущтэу ар егъэшӀэрэу шъуипщылӀ хъущт. Джар дэдэр ешъушӀ шъуипщылӀ бзылъфыгъи. 18ПщылӀым итӀупщыжьын зэрар къышъуфэхъунэу къызышӀошъумыгъэшӀ, лэжьапкӀэ ешъутызэ, чыракӀоу илъэсихэ ащ Ӏоф ежъугъэшӀэгъагъэмэ, ешъутынэу щытыгъэм ызыныкъо уасэкӀэ ар шъуфэлэжьагъэба. Шъуи Зиусхьанэу Тхьэми шъушӀэрэ пстэумкӀи ынэшӀу къышъущыфэщт.
Былымхэмрэ мэл-пчэнхэмрэ ящыпэлъф къурмэныпхъэхэр
19Шъуи Зиусхьанэу Тхьэм пае былым, мэл-пчэн Ӏэхъогъухэм къахэхъогъэ щыпэлъфыхъухэр зэкӀэ къахэшъущых. Щыпэлъф цухэр кӀэшъумышӀэх, мэл-пчэнхэм ящыпэлъфыхъухэр шъумыупхъох. 20Шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэм зэрэунагъоу шъузэгъусэу шъущыӀэу, Ащ ыпашъхьэ шъуисэу илъэс къэс ахэр шъушхын фае. 21ЗыгорэкӀэ псэушъхьэм дагъо горэ иӀэу, лъащэу е нэшъоу щытмэ, е хэпшӀыкӀэу нэмыкӀ дагъо горэ иӀэмэ, шъуи Зиусхьанэу Тхьэм ар къурмэн фэшъушӀы хъущтэп. 22Ар шъуикъалэмэ ащышъушхын фае. Къабзэу щыт цӀыфхэми мыкъабзэхэми къушъхьэпчэнхэмрэ бланэхэмрэ ял фэдэу ар ашхымэ хъущт. 23Ау лъыр зыӀужъугъафэ хъущтэп. Псым фэдэу ар чӀыгум тешъукӀ».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023