Хэбзэ тхыжьыгъэр 14
14
ЯпшӀыкӀуплӀэнэрэ шъхьэр
Псэушъхьэ къабзэхэмрэ мыкъабзэхэмрэ
1Мосэ цӀыфхэм ариӀуагъ: «Шъо Зиусхьанэу Тхьэм шъурибын. ЛӀагъэм пае шъузэрэшъыгъорэм инэшанэу зызэхэшъумыуӀыхьажь, шъушъхьаци натӀэм ышъхьагъыкӀэ щытешъумыупхъукӀ. 2Шъо шъуи Зиусхьанэу Тхьэм Ежь иунэе Ӏэхьэ лъапӀэу шъущытынэу, шъурилъэпкъынэу дунаим тет адрэ цӀыф лъэпкъ пстэуми шъукъахихыгъ.
3Зиусхьаным шӀоемыкӀушхор шъумышхы. 4Мы псэушъхьэхэр ары шъушхы хъущтыр: былымхэр, мэл-пчэнхэр, 5бланэхэр, къушъхьэпчэнхэр, шъыхьэхэр, пчэнӀэлхэр, домбайхэр, антилопэхэр, къушъхьэтӀыхэр. 6Зылъабжъэхэр зэгокӀэу, гъошхэрэ псэушъхьэ пстэури шъушхын шъуфит. 7Гъуашхэу, ау зылъабжъэхэр зэгомыкӀырэ псэушъхьэмэ ащыщхэу махъшэхэр, тхьакӀумкӀыхьэӀасэхэр, даманхэр#14:7 ТхьакӀумкӀыхьэм фэдиз зиинагъэу гъошхэрэ псэушъхь, ТыгъэкъокӀыпӀэ Благъэм ит къушъхьэхэм ащэпсэу, къушъхьэ зандэм дэкӀоен елъэкӀы. шъоркӀэ къабзэхэпышъ, ахэр шъушхы хъущтэп. 8Къохэри ары: алъабжъэхэр зэгокӀхэми, гъуашхэхэрэпышъ, шъоркӀэ ахэр къабзэхэп. Ахэм ал шъумышхы, япсэхалӀи шъунэмыс.
9Хыхэмрэ псыхъохэмрэ ахэс псэушъхьэмэ ащыщэу шъушхы хъущтыр пӀонымрэ псым зэрэщесхэрэ тамэхэмрэ зиӀэхэр ары. 10ПӀонымрэ псым зэрэщесхэрэ тамэхэмрэ зимыӀэхэр шъоркӀэ къабзэхэпышъ, ахэр шъушхы хъущтэп.
11Къабзэу щыт сыдрэ бзыу лъэпкъи шъушхы хъущт. 12Ау мыхэр шъушхы хъущтэп: бгъэжъыр, грифыр, хы бгъэжъыр, 13бжьэшхыр, бгъэ Ӏасэр, шэкӀорэ бзыу лъэпкъхэр, 14къолэжъ лъэпкъхэри, 15страусыр, тыгъурыгъу лъэпкъ зэфэшъхьафхэр, псыкӀакӀэр, бгъэшхъо лъэпкъхэр, 16кукумяур, жъынтыур, тыгъурыгъу фыжьыр, 17хэшъо тыгъурыгъур, псэхэлӀэшх бгъэжъыр, бакланыр, 18псыхаор, псыхэонэшъум илъэпкъхэр, темэнтачэр, чэщбзыур.
19Быбырэ хьацӀэ-пӀацӀэ пстэури шъоркӀэ къабзэхэпышъ шъумышхы. 20Ау къабзэу щыт сыдрэ бзыу лъэпкъи шъушхы хъущт. 21Шъуи Зиусхьанэу Тхьэм ицӀыф лъэпкъ лъапӀэу шъущытышъ, псэхалӀэр шъумышхы. Ар хымэ цӀыф лъэпкъ щыщэу шъуикъалэ пэпчъ дэсым ешъут е ешъущ – ащ ар ышх хъущт.
Янэ ибыдзыщэ хэлъэу чэцӀыр шъумыгъажъо.
Мылъкум ияпшӀэнэрэ Ӏахьэхэр
22Илъэс къэс шъуигубгъомэ къарышъухыжьырэ лэжьыгъэм ияпшӀэнэрэ Ӏахьэр къыхэжъугъэкӀ. 23Шъуи Зиусхьанэу Тхьэм щынагъо фышъуиӀэу ренэу жъугъэлъэпӀэныр зэжъугъэшӀэным пае, шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэм лэжьыгъэм, сэнэ кӀэфыгъакӀэм, дэгъэ кӀэщыгъакӀэм ащыщ япшӀэнэрэ Ӏахьэр, шъуибылым, мэл-пчэн Ӏэхъогъухэм ащыщ щыпэлъфыхэр Ащ ыпашъхьэ щышъушх. 24Шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэр зыгорэкӀэ чыжьащэу, шъуи Зиусхьанэу Тхьэм инэшӀущыфэныгъэкӀэ жъугъотыгъэ мылъкум ияпшӀэнэрэ Ӏахьэ ащ ешъухьылӀэныр къин къышъуфэхъумэ, 25а япшӀэнэрэ Ӏахьэр тыжьын ахъщэкӀэ къэшъухъожьи, ар зыдашъушти, шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэм шъукӀу. 26Джа тыжьын ахъщэмкӀэ шъузыфаер зэкӀэ: былыми, мэл-пчэни, сани, шъуати, нэмыкӀ горэу шъузыфаери зэкӀэ къэшъущэф. ЕтӀанэ ащ шъуиунагъокӀэ шъузэгъусэу шъуи Зиусхьанэу Тхьэм ыпашъхьэ шъущышх, шъущычэф. 27Шъуикъалэмэ адэс лэуйхэм яунаеу Ӏахьи кӀэни яӀэпышъ, ахэр зыщышъумыгъэгъупш. 28Илъэсищ тешӀэ къэс зэ зэкӀэ лэжьыгъэу къэшъухьыжьыгъэм ызыпшӀэнэ Ӏахьэхэр къыхэжъугъэкӀхи, шъуипсэупӀэхэм ащызэӀужъугъакӀ. 29Яунаеу Ӏахьи кӀэни зимыӀэ лэуйхэу, хымэ цӀыф лъэпкъыхэм ащыщхэу, ибэхэу, шъузабэхэу шъуикъалэмэ адэсхэр къэрэкӀохи загъэшхэкӀыфэ ахэм ащэрэшхэх! Джаущтэу шъуи Зиусхьанэу Тхьэм сыдрэ шъуиӀоф пстэукӀи ынэшӀу къышъущыфэщт».
Currently Selected:
Хэбзэ тхыжьыгъэр 14: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Хэбзэ тхыжьыгъэр 14
14
ЯпшӀыкӀуплӀэнэрэ шъхьэр
Псэушъхьэ къабзэхэмрэ мыкъабзэхэмрэ
1Мосэ цӀыфхэм ариӀуагъ: «Шъо Зиусхьанэу Тхьэм шъурибын. ЛӀагъэм пае шъузэрэшъыгъорэм инэшанэу зызэхэшъумыуӀыхьажь, шъушъхьаци натӀэм ышъхьагъыкӀэ щытешъумыупхъукӀ. 2Шъо шъуи Зиусхьанэу Тхьэм Ежь иунэе Ӏэхьэ лъапӀэу шъущытынэу, шъурилъэпкъынэу дунаим тет адрэ цӀыф лъэпкъ пстэуми шъукъахихыгъ.
3Зиусхьаным шӀоемыкӀушхор шъумышхы. 4Мы псэушъхьэхэр ары шъушхы хъущтыр: былымхэр, мэл-пчэнхэр, 5бланэхэр, къушъхьэпчэнхэр, шъыхьэхэр, пчэнӀэлхэр, домбайхэр, антилопэхэр, къушъхьэтӀыхэр. 6Зылъабжъэхэр зэгокӀэу, гъошхэрэ псэушъхьэ пстэури шъушхын шъуфит. 7Гъуашхэу, ау зылъабжъэхэр зэгомыкӀырэ псэушъхьэмэ ащыщхэу махъшэхэр, тхьакӀумкӀыхьэӀасэхэр, даманхэр#14:7 ТхьакӀумкӀыхьэм фэдиз зиинагъэу гъошхэрэ псэушъхь, ТыгъэкъокӀыпӀэ Благъэм ит къушъхьэхэм ащэпсэу, къушъхьэ зандэм дэкӀоен елъэкӀы. шъоркӀэ къабзэхэпышъ, ахэр шъушхы хъущтэп. 8Къохэри ары: алъабжъэхэр зэгокӀхэми, гъуашхэхэрэпышъ, шъоркӀэ ахэр къабзэхэп. Ахэм ал шъумышхы, япсэхалӀи шъунэмыс.
9Хыхэмрэ псыхъохэмрэ ахэс псэушъхьэмэ ащыщэу шъушхы хъущтыр пӀонымрэ псым зэрэщесхэрэ тамэхэмрэ зиӀэхэр ары. 10ПӀонымрэ псым зэрэщесхэрэ тамэхэмрэ зимыӀэхэр шъоркӀэ къабзэхэпышъ, ахэр шъушхы хъущтэп.
11Къабзэу щыт сыдрэ бзыу лъэпкъи шъушхы хъущт. 12Ау мыхэр шъушхы хъущтэп: бгъэжъыр, грифыр, хы бгъэжъыр, 13бжьэшхыр, бгъэ Ӏасэр, шэкӀорэ бзыу лъэпкъхэр, 14къолэжъ лъэпкъхэри, 15страусыр, тыгъурыгъу лъэпкъ зэфэшъхьафхэр, псыкӀакӀэр, бгъэшхъо лъэпкъхэр, 16кукумяур, жъынтыур, тыгъурыгъу фыжьыр, 17хэшъо тыгъурыгъур, псэхэлӀэшх бгъэжъыр, бакланыр, 18псыхаор, псыхэонэшъум илъэпкъхэр, темэнтачэр, чэщбзыур.
19Быбырэ хьацӀэ-пӀацӀэ пстэури шъоркӀэ къабзэхэпышъ шъумышхы. 20Ау къабзэу щыт сыдрэ бзыу лъэпкъи шъушхы хъущт. 21Шъуи Зиусхьанэу Тхьэм ицӀыф лъэпкъ лъапӀэу шъущытышъ, псэхалӀэр шъумышхы. Ар хымэ цӀыф лъэпкъ щыщэу шъуикъалэ пэпчъ дэсым ешъут е ешъущ – ащ ар ышх хъущт.
Янэ ибыдзыщэ хэлъэу чэцӀыр шъумыгъажъо.
Мылъкум ияпшӀэнэрэ Ӏахьэхэр
22Илъэс къэс шъуигубгъомэ къарышъухыжьырэ лэжьыгъэм ияпшӀэнэрэ Ӏахьэр къыхэжъугъэкӀ. 23Шъуи Зиусхьанэу Тхьэм щынагъо фышъуиӀэу ренэу жъугъэлъэпӀэныр зэжъугъэшӀэным пае, шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэм лэжьыгъэм, сэнэ кӀэфыгъакӀэм, дэгъэ кӀэщыгъакӀэм ащыщ япшӀэнэрэ Ӏахьэр, шъуибылым, мэл-пчэн Ӏэхъогъухэм ащыщ щыпэлъфыхэр Ащ ыпашъхьэ щышъушх. 24Шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэр зыгорэкӀэ чыжьащэу, шъуи Зиусхьанэу Тхьэм инэшӀущыфэныгъэкӀэ жъугъотыгъэ мылъкум ияпшӀэнэрэ Ӏахьэ ащ ешъухьылӀэныр къин къышъуфэхъумэ, 25а япшӀэнэрэ Ӏахьэр тыжьын ахъщэкӀэ къэшъухъожьи, ар зыдашъушти, шъуи Зиусхьанэу Тхьэм Ежь ЫцӀэ зэпхыгъэнэу къыхихыщт чӀыпӀэм шъукӀу. 26Джа тыжьын ахъщэмкӀэ шъузыфаер зэкӀэ: былыми, мэл-пчэни, сани, шъуати, нэмыкӀ горэу шъузыфаери зэкӀэ къэшъущэф. ЕтӀанэ ащ шъуиунагъокӀэ шъузэгъусэу шъуи Зиусхьанэу Тхьэм ыпашъхьэ шъущышх, шъущычэф. 27Шъуикъалэмэ адэс лэуйхэм яунаеу Ӏахьи кӀэни яӀэпышъ, ахэр зыщышъумыгъэгъупш. 28Илъэсищ тешӀэ къэс зэ зэкӀэ лэжьыгъэу къэшъухьыжьыгъэм ызыпшӀэнэ Ӏахьэхэр къыхэжъугъэкӀхи, шъуипсэупӀэхэм ащызэӀужъугъакӀ. 29Яунаеу Ӏахьи кӀэни зимыӀэ лэуйхэу, хымэ цӀыф лъэпкъыхэм ащыщхэу, ибэхэу, шъузабэхэу шъуикъалэмэ адэсхэр къэрэкӀохи загъэшхэкӀыфэ ахэм ащэрэшхэх! Джаущтэу шъуи Зиусхьанэу Тхьэм сыдрэ шъуиӀоф пстэукӀи ынэшӀу къышъущыфэщт».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023