Апэрэ Самуел 30
30
ЯщэкӀэнэрэ шъхьэр
Ӏамалэкъхэм зэратекӀуагъэхэр
1Даутрэ ицӀыфхэмрэ Цыкълагъ зэкӀохэм ыуж мэфищ тешӀагъэу Ӏамалэкъхэр къыблэ лъэныкъомкӀэ хэгъэгум къытебэнагъэх. Къалэу Цыкълагъ аубыти тырагъэстыкӀыгъ. 2Бзылъфыгъэхэри къалэм адрэ дэсыгъэхэри, анахь цӀыкӀум къыщегъэжьагъэу анахь иным нэсыжьэу, амыукӀхэу, гъэрэу зыдыращажьэхи ягъогу техьажьыгъэх. 3Даутрэ ащ ицӀыфхэмрэ а къалэм зыдахьэхэм машӀокӀэ ар тырагъэстыкӀыгъагъ, ахэм яшъузхэр, яшъаохэр, япшъашъэхэр зэгъусэхэу гъэрэу Ӏуафыгъагъэх. 4Арти Даути игъусагъэхэми хьадэгъэшхо къаӀати, гъын амылъэкӀыжьыфэ гъыгъэх. 5Даут ишъузитӀуи гъэрэу аубытыгъагъэх: ИзрыӀэл щыщ АхъынэӀамрэ Къармэл щыщэу, Нэбал игощагъэу, шъузабэу къэнэгъэ Абигаилрэ. 6КъащышӀыгъэм апсэ хигъэӀэжьыгъэхэти, нэбгырэ пэпчъ ыкъохэмрэ ыпхъухэмрэ ыгу афэгъущтыгъэти, мыжъокӀэ еохэзэ аукӀынэу цӀыфхэр зэрэфэягъэм Даут гузэжъогъу хидзагъ. Ау къыщышӀыгъэм еуцолӀэнымкӀэ и-Зиусхьанэу Тхьэм фыриӀэ шӀошъхъуныгъэм Даут кӀуачӀэ къызхыригъэгъотэжьыгъ.
7Ахъымэлэх ыкъо къурмэнышӀэу Абыетар мыжъогъуазэр къыхьынэу Даут риӀуагъ. Абыетар мыжъогъуазэр Даут къыфихьыгъ. 8ЕтӀанэ «Мы дзэ мацӀэм ыуж сихьащта, сылъежьэмэ, сыкӀэхьашъущта?» ыӀуи, Даут Зиусхьаным еупчӀыгъэти, джэуап къыритыжьыгъ: «Ары, ыуж ихь, уакӀэхьащт, къатепхыжьыщт». 9Арти Даутрэ игъусэгъэ дзэкӀолӀ нэбгырэ шъихымрэ ежьагъэх; псы игъукӀыгъэу Бэсэр ылъэгу зынэсхэм, пшъыгъэхэти, къэуцугъэх. 10ЕтӀанэ Даутрэ нэбгырэ шъиплӀымрэ апэ рагъэхъугъ. Нэбгырэ шъитӀум псы игъукӀыгъэу Бэсэр ылъэгу зэпачынэу кӀуачӀэ яӀэжьыгъэпти, а чӀыпӀэм къыщыуцугъэх. 11КӀохэ пэтзэ зы мысырылӀ горэ шъофым апэ къыщифагъэти Даут дэжь къащагъ. Ащ хьалыгъу зыратым, ышхыгъ, псыри тыришъухьажьыгъ; 12шхынцумпэр зыдэлъ хьалыгъу ӀашӀуитӀурэ сэнэшъхьэгъэгъугъэ блэритӀурэ ратхи рагъэшхыгъ. ЕтӀанэ зэшхэм, чэщ-мэфищым хьалыгъуи пси Ӏуфэгъагъэпти, ыкӀуачӀэ къихьажьыгъ. 13Даут ащ еупчӀыгъ: «Хэтмэ уащыща, тыда узщыщыр?» Адрэм къыриӀожьыгъ: «Сэ мысыр лъэпкъым сыщыщ кӀал, Ӏамалэкъ горэм сырипщылӀ, мэфищэ сысымэджагъэти сизиусхьан сыкъычӀидзыжьыгъ. 14Къырэт лъэпкъыр зыщыпсэурэ чӀыпӀэм икъыблэ, Ехъуд хэкуми, Къалэб икъыбли тарыхьэщтыгъэ, Цыкълагъ машӀокӀэ тедгъэстыкӀыгъ». 15Даут ащ риӀуагъ: «А дзэм сепщэлӀэщта?» Адрэм къыӀуагъ: «СымыукӀынэу, сизиусхьан семытыжьынэу Тхьэ къапӀомэ, а дзэм уесщэлӀэщт».
16 # 30:16 Мы чӀыпӀэм мыщ фэдэ къэӀуакӀи иӀ: [Даут тхьэлъанэ ащ фишӀыгъ]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп. ЕтӀанэ ар ащ ыщагъ; мары Ӏамалэкъхэр, а хэгъэгум щизэрэтэкъухьагъэхэу ешъох, ешхэх, фылистхэм ячӀыгурэ Ехъуд хэкумрэ мылъкушхо къызэраращыгъэр агъэмэфэкӀы. 17Даут ахэм атебани, пчыхьэ чэпэзэхэогъум къыщегъэжьагъэу ятӀонэрэ мафэм ипчыхьэ нэс язэуагъ, махъшэмэ затезыдзи хэлъэдэжьыгъэ кӀэлэ шъиплӀым анэмыкӀэу, ахэм ащыщ гори псэоу ӀэкӀэкӀыжьыгъэп. 18Ӏамалэкъмэ аштэгъагъэхэр зэкӀэ Даут къатырихыжьыгъ, ишъузитӀуи Даут къатырихыжьыгъ. 19Арти зи ахэм ашӀокӀодыгъэп, акъохэми, апхъухэми, Ӏамалэкъмэ атырахыгъагъэми ащыщ гори ахэмызэу зэкӀэри Даут ыӀэ къыригъэхьажьыгъ. 20Былымхэри, пчэн-мэлхэри Даут къатырихыгъэх, ежьхэм ябылымхэм ахэр апэ итхэу, «Мыхэр Даут къатырихыгъэх» аӀозэ, къафыщтыгъэх.
21ЕтӀанэ Даут псы игъукӀыгъэу Бэсэр ылъэгу къимыкӀышъугъэгъэ нэбгырэ шъитӀум къякӀолӀэжьыгъ, ахэр Даут къыпэгъокӀыгъэх. А цӀыфхэм якӀуалӀи Даут сэлам арихыгъ. 22Арти Даут игъусэмэ ахэтыгъэ цӀыф бзаджэхэм аӀуагъ: «Зэрэтимыгъусагъэхэм пае къатетхыгъэ мылъкур ахэм адэдгощыщтэп; шъхьадж ишъузрэ икӀалэхэмрэ ерэштэжьхи, зырарэгъэхь». 23Ау Даут къыӀуагъ: «Сикъошхэр, Зиусхьаным мыр къызытитыгъэм, псэоу тыкъызигъэнэжьыгъэм, къытэзаощтыгъэ дзэр тӀэ къызырилъхьагъэм ауж арэущтэу шъумышӀы. 24Хэта ащ фэдэ ӀофымкӀэ къыжъудезгъэштэщтыр? Заом щыӀагъэхэм атефэрэ Ӏахьэм фэдиз ӀапӀэхэм къапэдгъэнэгъагъэхэм атефэу зэкӀэми зэфэдэу афэдгощын фае». 25Джащ къыщегъэжьагъэу ыужми джары зэрашӀыщтыгъэр; ИзраилкӀэ хабзэу ыкӀи бзыпхъэу ар джы къызнэсыгъэми агъэуцугъ.
26ЕтӀанэ Даут Цыкълагъ къакӀуи, мылъкоу къатырихыгъэм щыщ иныбджэгъу ехъуд анахьыжъ упчӀэжьэгъухэм афаригъащи араригъэӀуагъ: «Зиусхьаным ипыйхэм къатетхыгъэм щыщ шӀухьафтынэу къышъосэты». 27Зыфаригъэщагъэхэр зыщыпсэущтыгъэхэр Бэтэл, къыблэмкӀэ щыӀэ Рамот, Ятыр, 28ӀарэӀэр, Сифмэт, АштымаӀ, 29Рахэл, ерахъмыелхэм якъалэхэм, къэнхэм якъалэхэм, 30Хъорым, БорӀащан, Ӏатэх, 31Хъэурэн, ежь Даутрэ ицӀыфхэмрэ зынэсыгъэ чӀыпӀэ пстэури.
Currently Selected:
Апэрэ Самуел 30: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 30
30
ЯщэкӀэнэрэ шъхьэр
Ӏамалэкъхэм зэратекӀуагъэхэр
1Даутрэ ицӀыфхэмрэ Цыкълагъ зэкӀохэм ыуж мэфищ тешӀагъэу Ӏамалэкъхэр къыблэ лъэныкъомкӀэ хэгъэгум къытебэнагъэх. Къалэу Цыкълагъ аубыти тырагъэстыкӀыгъ. 2Бзылъфыгъэхэри къалэм адрэ дэсыгъэхэри, анахь цӀыкӀум къыщегъэжьагъэу анахь иным нэсыжьэу, амыукӀхэу, гъэрэу зыдыращажьэхи ягъогу техьажьыгъэх. 3Даутрэ ащ ицӀыфхэмрэ а къалэм зыдахьэхэм машӀокӀэ ар тырагъэстыкӀыгъагъ, ахэм яшъузхэр, яшъаохэр, япшъашъэхэр зэгъусэхэу гъэрэу Ӏуафыгъагъэх. 4Арти Даути игъусагъэхэми хьадэгъэшхо къаӀати, гъын амылъэкӀыжьыфэ гъыгъэх. 5Даут ишъузитӀуи гъэрэу аубытыгъагъэх: ИзрыӀэл щыщ АхъынэӀамрэ Къармэл щыщэу, Нэбал игощагъэу, шъузабэу къэнэгъэ Абигаилрэ. 6КъащышӀыгъэм апсэ хигъэӀэжьыгъэхэти, нэбгырэ пэпчъ ыкъохэмрэ ыпхъухэмрэ ыгу афэгъущтыгъэти, мыжъокӀэ еохэзэ аукӀынэу цӀыфхэр зэрэфэягъэм Даут гузэжъогъу хидзагъ. Ау къыщышӀыгъэм еуцолӀэнымкӀэ и-Зиусхьанэу Тхьэм фыриӀэ шӀошъхъуныгъэм Даут кӀуачӀэ къызхыригъэгъотэжьыгъ.
7Ахъымэлэх ыкъо къурмэнышӀэу Абыетар мыжъогъуазэр къыхьынэу Даут риӀуагъ. Абыетар мыжъогъуазэр Даут къыфихьыгъ. 8ЕтӀанэ «Мы дзэ мацӀэм ыуж сихьащта, сылъежьэмэ, сыкӀэхьашъущта?» ыӀуи, Даут Зиусхьаным еупчӀыгъэти, джэуап къыритыжьыгъ: «Ары, ыуж ихь, уакӀэхьащт, къатепхыжьыщт». 9Арти Даутрэ игъусэгъэ дзэкӀолӀ нэбгырэ шъихымрэ ежьагъэх; псы игъукӀыгъэу Бэсэр ылъэгу зынэсхэм, пшъыгъэхэти, къэуцугъэх. 10ЕтӀанэ Даутрэ нэбгырэ шъиплӀымрэ апэ рагъэхъугъ. Нэбгырэ шъитӀум псы игъукӀыгъэу Бэсэр ылъэгу зэпачынэу кӀуачӀэ яӀэжьыгъэпти, а чӀыпӀэм къыщыуцугъэх. 11КӀохэ пэтзэ зы мысырылӀ горэ шъофым апэ къыщифагъэти Даут дэжь къащагъ. Ащ хьалыгъу зыратым, ышхыгъ, псыри тыришъухьажьыгъ; 12шхынцумпэр зыдэлъ хьалыгъу ӀашӀуитӀурэ сэнэшъхьэгъэгъугъэ блэритӀурэ ратхи рагъэшхыгъ. ЕтӀанэ зэшхэм, чэщ-мэфищым хьалыгъуи пси Ӏуфэгъагъэпти, ыкӀуачӀэ къихьажьыгъ. 13Даут ащ еупчӀыгъ: «Хэтмэ уащыща, тыда узщыщыр?» Адрэм къыриӀожьыгъ: «Сэ мысыр лъэпкъым сыщыщ кӀал, Ӏамалэкъ горэм сырипщылӀ, мэфищэ сысымэджагъэти сизиусхьан сыкъычӀидзыжьыгъ. 14Къырэт лъэпкъыр зыщыпсэурэ чӀыпӀэм икъыблэ, Ехъуд хэкуми, Къалэб икъыбли тарыхьэщтыгъэ, Цыкълагъ машӀокӀэ тедгъэстыкӀыгъ». 15Даут ащ риӀуагъ: «А дзэм сепщэлӀэщта?» Адрэм къыӀуагъ: «СымыукӀынэу, сизиусхьан семытыжьынэу Тхьэ къапӀомэ, а дзэм уесщэлӀэщт».
16 # 30:16 Мы чӀыпӀэм мыщ фэдэ къэӀуакӀи иӀ: [Даут тхьэлъанэ ащ фишӀыгъ]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп. ЕтӀанэ ар ащ ыщагъ; мары Ӏамалэкъхэр, а хэгъэгум щизэрэтэкъухьагъэхэу ешъох, ешхэх, фылистхэм ячӀыгурэ Ехъуд хэкумрэ мылъкушхо къызэраращыгъэр агъэмэфэкӀы. 17Даут ахэм атебани, пчыхьэ чэпэзэхэогъум къыщегъэжьагъэу ятӀонэрэ мафэм ипчыхьэ нэс язэуагъ, махъшэмэ затезыдзи хэлъэдэжьыгъэ кӀэлэ шъиплӀым анэмыкӀэу, ахэм ащыщ гори псэоу ӀэкӀэкӀыжьыгъэп. 18Ӏамалэкъмэ аштэгъагъэхэр зэкӀэ Даут къатырихыжьыгъ, ишъузитӀуи Даут къатырихыжьыгъ. 19Арти зи ахэм ашӀокӀодыгъэп, акъохэми, апхъухэми, Ӏамалэкъмэ атырахыгъагъэми ащыщ гори ахэмызэу зэкӀэри Даут ыӀэ къыригъэхьажьыгъ. 20Былымхэри, пчэн-мэлхэри Даут къатырихыгъэх, ежьхэм ябылымхэм ахэр апэ итхэу, «Мыхэр Даут къатырихыгъэх» аӀозэ, къафыщтыгъэх.
21ЕтӀанэ Даут псы игъукӀыгъэу Бэсэр ылъэгу къимыкӀышъугъэгъэ нэбгырэ шъитӀум къякӀолӀэжьыгъ, ахэр Даут къыпэгъокӀыгъэх. А цӀыфхэм якӀуалӀи Даут сэлам арихыгъ. 22Арти Даут игъусэмэ ахэтыгъэ цӀыф бзаджэхэм аӀуагъ: «Зэрэтимыгъусагъэхэм пае къатетхыгъэ мылъкур ахэм адэдгощыщтэп; шъхьадж ишъузрэ икӀалэхэмрэ ерэштэжьхи, зырарэгъэхь». 23Ау Даут къыӀуагъ: «Сикъошхэр, Зиусхьаным мыр къызытитыгъэм, псэоу тыкъызигъэнэжьыгъэм, къытэзаощтыгъэ дзэр тӀэ къызырилъхьагъэм ауж арэущтэу шъумышӀы. 24Хэта ащ фэдэ ӀофымкӀэ къыжъудезгъэштэщтыр? Заом щыӀагъэхэм атефэрэ Ӏахьэм фэдиз ӀапӀэхэм къапэдгъэнэгъагъэхэм атефэу зэкӀэми зэфэдэу афэдгощын фае». 25Джащ къыщегъэжьагъэу ыужми джары зэрашӀыщтыгъэр; ИзраилкӀэ хабзэу ыкӀи бзыпхъэу ар джы къызнэсыгъэми агъэуцугъ.
26ЕтӀанэ Даут Цыкълагъ къакӀуи, мылъкоу къатырихыгъэм щыщ иныбджэгъу ехъуд анахьыжъ упчӀэжьэгъухэм афаригъащи араригъэӀуагъ: «Зиусхьаным ипыйхэм къатетхыгъэм щыщ шӀухьафтынэу къышъосэты». 27Зыфаригъэщагъэхэр зыщыпсэущтыгъэхэр Бэтэл, къыблэмкӀэ щыӀэ Рамот, Ятыр, 28ӀарэӀэр, Сифмэт, АштымаӀ, 29Рахэл, ерахъмыелхэм якъалэхэм, къэнхэм якъалэхэм, 30Хъорым, БорӀащан, Ӏатэх, 31Хъэурэн, ежь Даутрэ ицӀыфхэмрэ зынэсыгъэ чӀыпӀэ пстэури.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023