Апэрэ Самуел 29
29
ЯтӀокӀэнэрэ бгъурэ шъхьэр
Даут фылистхэм къызэрэзыхафыгъэр
1Фылистхэм ядзэхэр зэкӀэ Афэкъ къыращалӀэхи, израил цӀыфхэр ИзрыӀэл щыӀэ псынэкӀэчъым дэжь къыщыуцугъэх. 2Нэбгырэ шъэрышъэу, мин-минэу зэхэдзыгъэ ядзэхэр ягъусэхэу фылистмэ япщыхэр къакӀощтыгъэх. Даутрэ ащ ицӀыфхэмрэ Ахыщ ягъусэу ахэм ауж итыгъэхэти, 3фылистмэ япщыхэм зэраӀожьыгъ: «Мыхэр сыд джуртха?» Ахыщ фылистмэ япщыхэм ариӀожьыгъ: «Шъущыгъуазэба мыр израил пачъыхьэу Саул зэриӀумэтым, зэрэ-Даутым? Илъэсым къехъугъэу ар садэжь щыӀэшъ, къызыкӀуагъэм къыщегъэжьагъэу непэ къызнэсыгъэм мыхъун гори ащ хэслъэгъуагъэп». 4Ау фылистмэ япщыхэр къыфэгубжхи къыраӀуагъ: «Мы цӀыфыр утӀупщыжьи чӀыпӀэу фэбгъэзагъэм орэкӀожь, тигъусэу ар заом къэрэмыкӀу, заом пыи къыщытфэмыхъужьыным пае. Изиусхьан ыгу къыщэфынба мы лӀыхэм ашъхьэ харигъалъхьэу ащкӀэ ыгу къыдищаемэ? 5„Саул минхэм атекӀуагъэмэ, Даут зытекӀуагъэр минипшӀых“ зыфиӀорэ гущыӀэхэр зыхэлъ орэдыр цӀыф купышхомэ зыфызэхалъхьэгъэ Даутыр арба ар?»
6Арти Ахыщ Даут къеджи риӀуагъ: «Зиусхьаныр зэрэщыӀэр сэӀо! Шъыпкъагъэ пхэлъышъ, тызэгъусэу заом тызэдыӀухьэу тыкъызэдыӀукӀыжьщтыгъэмэ сигопэщтгъэ, сыда пӀомэ садэжь укъызыкӀуагъэм къыщегъэжьагъэу непэ къызынэсыгъэм мыхъун гори пхэслъэгъуагъэп, ау типщымэ агу урихьырэп. 7Арышъ, джы гъэзэжьи, зыгъэрэхьати кӀожь, фылистмэ япщыхэм агухэр къащымыгъахь». 8Даут Ахыщ риӀуагъ: «Сыда сшӀагъэри, уинэплъэгъу сыкъызиуцуагъэмрэ непэрэ азыфагу уиӀумэт мыхъунэу хэплъэгъуагъэри, сыд пае сизиусхьан ипыйхэм сязэонэу ащ сыкӀымыгъущта?» 9Арти Ахыщ Даут къыриӀожьыгъ: «Зиусхьаным имэлэӀич фэдэу сыоплъышъ, сэркӀэ узэрэшӀур пшӀошъ гъэхъу; ау фылистмэ япщыхэм аӀуагъ: „Ар тигъусэу заом къыддэрэмыкӀу“. 10Арышъ, ори уизиусхьанэу Саул ипщылӀщтыгъэхэу уигъусэхэми пчэдыжьым жьэу шъукъэтэдж#29:10 Мы чӀыпӀэм мыщ фэдэ къэӀуакӀи иӀ: [чӀыпӀэу шъуфэзгъэнэфагъэм шъукӀожь, угу Ӏэягъэ къысфимыгъэлъ, сыда пӀомэ сэркӀэ о ухъупхъ]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп., Пчэдыжьым шъукъыкӀэтаджи, нэф къызэрэшъэу шъукӀожь».
11ЕтӀанэ Даути ицӀыфхэри фылист чӀыгум агъэзэжьынэу пчэдыжьым къэтэджыгъэх. Фылистхэр ИзрыӀэл кӀуагъэх.
Currently Selected:
Апэрэ Самуел 29: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 29
29
ЯтӀокӀэнэрэ бгъурэ шъхьэр
Даут фылистхэм къызэрэзыхафыгъэр
1Фылистхэм ядзэхэр зэкӀэ Афэкъ къыращалӀэхи, израил цӀыфхэр ИзрыӀэл щыӀэ псынэкӀэчъым дэжь къыщыуцугъэх. 2Нэбгырэ шъэрышъэу, мин-минэу зэхэдзыгъэ ядзэхэр ягъусэхэу фылистмэ япщыхэр къакӀощтыгъэх. Даутрэ ащ ицӀыфхэмрэ Ахыщ ягъусэу ахэм ауж итыгъэхэти, 3фылистмэ япщыхэм зэраӀожьыгъ: «Мыхэр сыд джуртха?» Ахыщ фылистмэ япщыхэм ариӀожьыгъ: «Шъущыгъуазэба мыр израил пачъыхьэу Саул зэриӀумэтым, зэрэ-Даутым? Илъэсым къехъугъэу ар садэжь щыӀэшъ, къызыкӀуагъэм къыщегъэжьагъэу непэ къызнэсыгъэм мыхъун гори ащ хэслъэгъуагъэп». 4Ау фылистмэ япщыхэр къыфэгубжхи къыраӀуагъ: «Мы цӀыфыр утӀупщыжьи чӀыпӀэу фэбгъэзагъэм орэкӀожь, тигъусэу ар заом къэрэмыкӀу, заом пыи къыщытфэмыхъужьыным пае. Изиусхьан ыгу къыщэфынба мы лӀыхэм ашъхьэ харигъалъхьэу ащкӀэ ыгу къыдищаемэ? 5„Саул минхэм атекӀуагъэмэ, Даут зытекӀуагъэр минипшӀых“ зыфиӀорэ гущыӀэхэр зыхэлъ орэдыр цӀыф купышхомэ зыфызэхалъхьэгъэ Даутыр арба ар?»
6Арти Ахыщ Даут къеджи риӀуагъ: «Зиусхьаныр зэрэщыӀэр сэӀо! Шъыпкъагъэ пхэлъышъ, тызэгъусэу заом тызэдыӀухьэу тыкъызэдыӀукӀыжьщтыгъэмэ сигопэщтгъэ, сыда пӀомэ садэжь укъызыкӀуагъэм къыщегъэжьагъэу непэ къызынэсыгъэм мыхъун гори пхэслъэгъуагъэп, ау типщымэ агу урихьырэп. 7Арышъ, джы гъэзэжьи, зыгъэрэхьати кӀожь, фылистмэ япщыхэм агухэр къащымыгъахь». 8Даут Ахыщ риӀуагъ: «Сыда сшӀагъэри, уинэплъэгъу сыкъызиуцуагъэмрэ непэрэ азыфагу уиӀумэт мыхъунэу хэплъэгъуагъэри, сыд пае сизиусхьан ипыйхэм сязэонэу ащ сыкӀымыгъущта?» 9Арти Ахыщ Даут къыриӀожьыгъ: «Зиусхьаным имэлэӀич фэдэу сыоплъышъ, сэркӀэ узэрэшӀур пшӀошъ гъэхъу; ау фылистмэ япщыхэм аӀуагъ: „Ар тигъусэу заом къыддэрэмыкӀу“. 10Арышъ, ори уизиусхьанэу Саул ипщылӀщтыгъэхэу уигъусэхэми пчэдыжьым жьэу шъукъэтэдж#29:10 Мы чӀыпӀэм мыщ фэдэ къэӀуакӀи иӀ: [чӀыпӀэу шъуфэзгъэнэфагъэм шъукӀожь, угу Ӏэягъэ къысфимыгъэлъ, сыда пӀомэ сэркӀэ о ухъупхъ]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп., Пчэдыжьым шъукъыкӀэтаджи, нэф къызэрэшъэу шъукӀожь».
11ЕтӀанэ Даути ицӀыфхэри фылист чӀыгум агъэзэжьынэу пчэдыжьым къэтэджыгъэх. Фылистхэр ИзрыӀэл кӀуагъэх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023