Апэрэ Самуел 15
15
ЯпшӀыкӀутфэнэрэ шъхьэр
Ӏамалэкъхэм зэрязэуагъэхэр
1Уахътэ зытешӀэм Самуел Саул риӀуагъ: «Илъэпкъ, Израил, урипачъыхьэным пае дагъэр къыпщызыфэнэу Зиусхьаным къыгъэкӀуагъэр сэры. Арышъ, Зиусхьаным ыдэжь къикӀэу къыпфэсхьыгъэ псалъэм джыдэдэм къедэӀу. 2Зиусхьанэу ошъогу дзэхэр зиӀэрылъхьэм ыӀорэр мары: „Израил къыришӀагъэр, Мысырым къикӀыжьхэ зэхъум, гъогум тепшъыхьэхи ауж къинэгъэ джуртхэр зэраукӀыгъагъэхэр сыгу къэкӀыжьыгъэшъ, Ӏамалэкъ лъэпкъым сыкъыфырехыщт. 3Арышъ, джы о кӀуи Ӏамалэкъхэм язау, ащыщ гори къэмыгъанэу укӀых#15:3 Мы чӀыпӀэм мыщ фэдэ къэӀуакӀи иӀ: [яеу зыпари къэмышт, яӀэр зэкӀэ кӀодыкӀае игъаф, бгыбзэ атеӀу]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп., хъулъфыгъи, бзылъфыгъи, кӀэлэ Ӏэтахъуи, быдзашъуи, цуи, мэли, махъши, щыди псэоу зыпари къэмыгъанэу зэкӀэ зэтеукӀэх“».
4Арти Саул идзэ Тылаим щызэӀуигъэкӀагъ. Нэбгырэ пчъагъэу зэрэхъурэр къызелъытэм лъэсыдзэр нэбгырэ мин шъитӀоу, Ехъудэм къытекӀыгъэхэр минипшӀ хъухэу къычӀэкӀыгъ. 5ЕтӀанэ Саул ежьи, Ӏамалэкъхэм якъалэ нэси, псы игъукӀыгъэм ылъэгу щапэтӀысыгъ. 6Ащ ыуж Саул къэнхэм макъэ аригъэӀугъ: «ШъуадэсымыгъэкӀодыным пае Ӏамалэкъхэм шъуакъыхэкӀыжь, сыда пӀомэ израил цӀыфхэр Мысырым къикӀыжьхэ зэхъум шӀукӀэ шъуакъыпэгъокӀыгъагъ». Арти къэнхэр Ӏамалэкъхэм къахэкӀыжьыгъэх. 7ЕтӀанэ Саул Хъэуил къыщегъэжьагъэу Мысырым игъунапкъэ щыӀэ Шыур нэсыжьэу атебани ащыпсэущтыгъэ Ӏамалэкъхэр зэхикъутагъэх. 8Ӏамалэкъхэм япачъыхьэу Агъагъ псэоу къыубыти, лъэпкъыр лъэпсэкӀод ышӀыгъ. 9Ау Саулрэ ащ игъусэхэмрэ Агъагъ аукӀыгъэп, ащ имэл, ицу анахь дэгъухэр, ишъынэ гъэшхэкӀыгъэхэр, нахьышӀоу иӀэр зэкӀэ псэоу къагъэнагъ, агъэкӀодынэу фэягъэхэп, ашӀомыхъэтагъэхэмрэ былым хьапцэхэмрэ ары ныӀэп агъэкӀодыгъэр.
Тхьэр Саул пачъыхьэкӀэ къызэрэфэмыежьыгъэр
10Зиусхьаным ыдэжь къикӀэу Самуел мыщ фэдэ псалъэ къылъыӀэсыгъ: 11«СыкӀэгъожьыгъ Саул пачъыхьэу зэрэтезгъэхьагъэм, сыда пӀомэ сыкъыридзэжьырэп». Самуел гухэкӀышхом зэлъишти, Саул пае чэщ ренэм зэпымыоу Зиусхьаным елъэӀугъ. 12Самуел пчэдыжьым жьэу къэтэджи Саул зыӀуигъэкӀэным пае ежьагъ. Арти Саул Ехъуд хэкум ит къалэу Къармэл зэрэкӀуагъэри, ежь пае саугъэт ащ зэрэщигъэуцугъэри, етӀанэ Гъылгъал зэрэдэхьагъэри Самуел къыраӀуагъ. 13Самуел Саул дэжь къызэсым, Саул ащ къыриӀуагъ: «Зиусхьаным ынэшӀу къыпщэрэф; Зиусхьаным къыӀуагъэр згъэцэкӀагъэ». 14Арти Самуел ащ еупчӀыгъ: «Адэ сыд мэл Ӏой макъа, цу быу макъа стхьакӀумэ къыридзэу зэхэсххэрэр?» 15Саул къыриӀожьыгъ: «Ахэр дзэкӀолӀхэм Ӏамалэкъхэм къатырахыгъэх. Уи-Зиусхьанэу Тхьэм къурмэн фашӀынхэм пае мэл, цу нахь дэгъухэр ахэм къагъанэхи къафыгъэх; адрэхэр зэкӀэ тыукӀыгъэх». 16Самуел Саул риӀуагъ: «Зэгу, Зиусхьаным нычэпэ къысиӀуагъэм къедэӀу». Саул къыриӀожьыгъ: «КъаӀо».
17Самуел къыӀуагъ: «ЗыпшӀоцӀыкӀужьэу узэплъыжьщтыгъэми, израил лъэпкъ пстэумэ уряӀэшъхьэтетынэу, Израилым урипачъыхьэнэу Зиусхьаным уакъыхихыгъэба? 18Зиусхьаным гъогу утыригъахьи къыпфигъэпытагъ: „КӀуи, Ӏамалэкъ псэкӀодышӀхэр зэкӀэ оукӀыфэ язау“. 19Сыд пае Зиусхьаным къыуиӀуагъэм уемыдэӀоу былымхэр къатепхыгъа, Зиусхьаным инэрылъэгъоу бзаджэ пшӀагъа?» 20Саул Самуел къыриӀожьыгъ: «Зиусхьаным къыӀорэм седэӀугъи, Зиусхьаным сыздиӀофтагъэм сыкӀуи, Ӏамалэкъхэм япачъыхьэщтыгъэу Агъагъ къэсщагъ, ахэр зэкӀэ лъэпсэкӀод сшӀыгъэх. 21ДзэкӀолӀхэр армэ, ахэм къыздафыгъэ былымхэр адрэ тыукӀыгъэхэм нахь зишӀугъоу ахэтыгъэ мэлхэмрэ цухэмрэ арышъ, уи-Зиусхьанэу Тхьэм ахэр Гъылгъал къурмэн щыфашӀыщтых». 22Арти Самуел къыриӀуагъ: «Тара Зиусхьаным нахь игуапэр: къурмэнгъэстхэри нэмыкӀ къурмэнхэри фэпшӀыныр ара, хьауми ыӀорэр бгъэцэкӀэныр ара? УдэӀоныр къурмэн пшӀыным нахьышӀу, ыӀорэр бгъэцэкӀэныр мэлышэм нахьышӀу, 23сыда пӀомэ умыдэӀоныр шхъухьэ зепхьаныр зэрэпсэкӀодым фэд, уапэуцужьынри тхьэ нэпцӀхэм уялъэӀунри зэфэдэх. Зиусхьаным ыӀуагъэр зэрэмыгъэцэкӀагъэм пае, Израилым уримыпачъыхьажьынэу Зиусхьаным ущигъэзыягъ». 24Саул Самуел къыриӀожьыгъ: «ПсэкӀод сшӀыгъэ, Зиусхьаным иунашъорэ о къысэпӀуагъэмрэ згъэцэкӀагъэхэп, ау цӀыфхэм сащыщыни аӀорэм дезгъэштагъ. 25Джы сыолъэӀу сипсэкӀодшӀыгъэ къысфэбгъэгъунэу, Зиусхьаным шъхьакӀафэ фэсшӀыным пае сыуигъусэу къэбгъэзэжьынэу». 26Ау Самуел Саул риӀожьыгъ: «Сыуигъусэу къэбгъэзэжьыщтэп, Зиусхьаным ыӀуагъэр щыбгъэзыягъэшъ, Израилым уримыпачъыхьажьынэу Зиусхьаным ущигъэзыягъ». 27ЕтӀанэ Самуел ӀукӀыжьынэу фежьагъ. Ау Саул кӀэлъыбани, джэнэ ӀэпакӀэр къыӀэкӀэфагъэти, щыгъыныр зэӀитхъыгъ. 28Арти Самуел къыриӀуагъ: «Джы Зиусхьаным Израилым къыщыуитыгъэгъэ пачъыхьагъур пӀэкӀитхъыжьыгъ, къыппэблэгъэ ощ нахьышӀу цӀыф горэм ар ритыгъ; 29Израилым и-Щытхъузехьэ мышъыпкъэ гори ыӀощтэп, ыӀорэм пае кӀэгъожьыщтэп, сыда пӀомэ цӀыфэп ар кӀэгъожьынэу». 30Саул къыриӀожьыгъ: «ПсэкӀод сшӀагъэ, ау джы силъэпкъ инахьыжъ упчӀэжьэгъухэмрэ Израилымрэ апашъхьэ уасэ къыщысфэшӀ, зэдэтэгъэзэжьи уи-Зиусхьанэу Тхьэм шъхьащэ фэсшӀын». 31Арти Самуел Саул ыуж итэу къыгъэзэжьыгъ, Саул Зиусхьаным шъхьащэ фишӀыгъ.
32ЕтӀанэ Самуел къыӀуагъ: «Ӏамалэкъхэм япачъыхьэу Агъагъ къысфашъущ». КӀэзэззэ, Агъагъ ащ къыкӀэрыхьи, къыӀуагъ: «Хьадэгъу дыджым сыпэӀуфэгъаха?» 33Ау Самуел риӀуагъ: «Уичатэ ныхэм ясабыйхэр зэрашӀуигъэкӀодыщтыгъэхэм фэдэу, о уяни зыкъо зышӀуагъэкӀодыгъэ бзылъфыгъэмэ афэдэ орэхъу». Самуел ар къыӀуи, Зиусхьаным инэрылъэгъоу Агъагъ Гъылгъал щызэхиупкӀэтагъ. 34ЕтӀанэ Самуел Рамэ къыгъэзэжьыгъ, Саул ядэжь, ГъыбӀэ, кӀожьыгъэ. 35Джащ къыщегъэжьагъэу Самуел олӀэжьыфэ ащ нахьыбэрэ Саул ӀукӀэжьыгъэп; ау Самуел Саул ыгу фэузыщтыгъ. Израилым ипачъыхьанэу Саул зэрэтыригъэхьагъэм пае Зиусхьаным ыгу егъущтыгъ.
Currently Selected:
Апэрэ Самуел 15: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 15
15
ЯпшӀыкӀутфэнэрэ шъхьэр
Ӏамалэкъхэм зэрязэуагъэхэр
1Уахътэ зытешӀэм Самуел Саул риӀуагъ: «Илъэпкъ, Израил, урипачъыхьэным пае дагъэр къыпщызыфэнэу Зиусхьаным къыгъэкӀуагъэр сэры. Арышъ, Зиусхьаным ыдэжь къикӀэу къыпфэсхьыгъэ псалъэм джыдэдэм къедэӀу. 2Зиусхьанэу ошъогу дзэхэр зиӀэрылъхьэм ыӀорэр мары: „Израил къыришӀагъэр, Мысырым къикӀыжьхэ зэхъум, гъогум тепшъыхьэхи ауж къинэгъэ джуртхэр зэраукӀыгъагъэхэр сыгу къэкӀыжьыгъэшъ, Ӏамалэкъ лъэпкъым сыкъыфырехыщт. 3Арышъ, джы о кӀуи Ӏамалэкъхэм язау, ащыщ гори къэмыгъанэу укӀых#15:3 Мы чӀыпӀэм мыщ фэдэ къэӀуакӀи иӀ: [яеу зыпари къэмышт, яӀэр зэкӀэ кӀодыкӀае игъаф, бгыбзэ атеӀу]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп., хъулъфыгъи, бзылъфыгъи, кӀэлэ Ӏэтахъуи, быдзашъуи, цуи, мэли, махъши, щыди псэоу зыпари къэмыгъанэу зэкӀэ зэтеукӀэх“».
4Арти Саул идзэ Тылаим щызэӀуигъэкӀагъ. Нэбгырэ пчъагъэу зэрэхъурэр къызелъытэм лъэсыдзэр нэбгырэ мин шъитӀоу, Ехъудэм къытекӀыгъэхэр минипшӀ хъухэу къычӀэкӀыгъ. 5ЕтӀанэ Саул ежьи, Ӏамалэкъхэм якъалэ нэси, псы игъукӀыгъэм ылъэгу щапэтӀысыгъ. 6Ащ ыуж Саул къэнхэм макъэ аригъэӀугъ: «ШъуадэсымыгъэкӀодыным пае Ӏамалэкъхэм шъуакъыхэкӀыжь, сыда пӀомэ израил цӀыфхэр Мысырым къикӀыжьхэ зэхъум шӀукӀэ шъуакъыпэгъокӀыгъагъ». Арти къэнхэр Ӏамалэкъхэм къахэкӀыжьыгъэх. 7ЕтӀанэ Саул Хъэуил къыщегъэжьагъэу Мысырым игъунапкъэ щыӀэ Шыур нэсыжьэу атебани ащыпсэущтыгъэ Ӏамалэкъхэр зэхикъутагъэх. 8Ӏамалэкъхэм япачъыхьэу Агъагъ псэоу къыубыти, лъэпкъыр лъэпсэкӀод ышӀыгъ. 9Ау Саулрэ ащ игъусэхэмрэ Агъагъ аукӀыгъэп, ащ имэл, ицу анахь дэгъухэр, ишъынэ гъэшхэкӀыгъэхэр, нахьышӀоу иӀэр зэкӀэ псэоу къагъэнагъ, агъэкӀодынэу фэягъэхэп, ашӀомыхъэтагъэхэмрэ былым хьапцэхэмрэ ары ныӀэп агъэкӀодыгъэр.
Тхьэр Саул пачъыхьэкӀэ къызэрэфэмыежьыгъэр
10Зиусхьаным ыдэжь къикӀэу Самуел мыщ фэдэ псалъэ къылъыӀэсыгъ: 11«СыкӀэгъожьыгъ Саул пачъыхьэу зэрэтезгъэхьагъэм, сыда пӀомэ сыкъыридзэжьырэп». Самуел гухэкӀышхом зэлъишти, Саул пае чэщ ренэм зэпымыоу Зиусхьаным елъэӀугъ. 12Самуел пчэдыжьым жьэу къэтэджи Саул зыӀуигъэкӀэным пае ежьагъ. Арти Саул Ехъуд хэкум ит къалэу Къармэл зэрэкӀуагъэри, ежь пае саугъэт ащ зэрэщигъэуцугъэри, етӀанэ Гъылгъал зэрэдэхьагъэри Самуел къыраӀуагъ. 13Самуел Саул дэжь къызэсым, Саул ащ къыриӀуагъ: «Зиусхьаным ынэшӀу къыпщэрэф; Зиусхьаным къыӀуагъэр згъэцэкӀагъэ». 14Арти Самуел ащ еупчӀыгъ: «Адэ сыд мэл Ӏой макъа, цу быу макъа стхьакӀумэ къыридзэу зэхэсххэрэр?» 15Саул къыриӀожьыгъ: «Ахэр дзэкӀолӀхэм Ӏамалэкъхэм къатырахыгъэх. Уи-Зиусхьанэу Тхьэм къурмэн фашӀынхэм пае мэл, цу нахь дэгъухэр ахэм къагъанэхи къафыгъэх; адрэхэр зэкӀэ тыукӀыгъэх». 16Самуел Саул риӀуагъ: «Зэгу, Зиусхьаным нычэпэ къысиӀуагъэм къедэӀу». Саул къыриӀожьыгъ: «КъаӀо».
17Самуел къыӀуагъ: «ЗыпшӀоцӀыкӀужьэу узэплъыжьщтыгъэми, израил лъэпкъ пстэумэ уряӀэшъхьэтетынэу, Израилым урипачъыхьэнэу Зиусхьаным уакъыхихыгъэба? 18Зиусхьаным гъогу утыригъахьи къыпфигъэпытагъ: „КӀуи, Ӏамалэкъ псэкӀодышӀхэр зэкӀэ оукӀыфэ язау“. 19Сыд пае Зиусхьаным къыуиӀуагъэм уемыдэӀоу былымхэр къатепхыгъа, Зиусхьаным инэрылъэгъоу бзаджэ пшӀагъа?» 20Саул Самуел къыриӀожьыгъ: «Зиусхьаным къыӀорэм седэӀугъи, Зиусхьаным сыздиӀофтагъэм сыкӀуи, Ӏамалэкъхэм япачъыхьэщтыгъэу Агъагъ къэсщагъ, ахэр зэкӀэ лъэпсэкӀод сшӀыгъэх. 21ДзэкӀолӀхэр армэ, ахэм къыздафыгъэ былымхэр адрэ тыукӀыгъэхэм нахь зишӀугъоу ахэтыгъэ мэлхэмрэ цухэмрэ арышъ, уи-Зиусхьанэу Тхьэм ахэр Гъылгъал къурмэн щыфашӀыщтых». 22Арти Самуел къыриӀуагъ: «Тара Зиусхьаным нахь игуапэр: къурмэнгъэстхэри нэмыкӀ къурмэнхэри фэпшӀыныр ара, хьауми ыӀорэр бгъэцэкӀэныр ара? УдэӀоныр къурмэн пшӀыным нахьышӀу, ыӀорэр бгъэцэкӀэныр мэлышэм нахьышӀу, 23сыда пӀомэ умыдэӀоныр шхъухьэ зепхьаныр зэрэпсэкӀодым фэд, уапэуцужьынри тхьэ нэпцӀхэм уялъэӀунри зэфэдэх. Зиусхьаным ыӀуагъэр зэрэмыгъэцэкӀагъэм пае, Израилым уримыпачъыхьажьынэу Зиусхьаным ущигъэзыягъ». 24Саул Самуел къыриӀожьыгъ: «ПсэкӀод сшӀыгъэ, Зиусхьаным иунашъорэ о къысэпӀуагъэмрэ згъэцэкӀагъэхэп, ау цӀыфхэм сащыщыни аӀорэм дезгъэштагъ. 25Джы сыолъэӀу сипсэкӀодшӀыгъэ къысфэбгъэгъунэу, Зиусхьаным шъхьакӀафэ фэсшӀыным пае сыуигъусэу къэбгъэзэжьынэу». 26Ау Самуел Саул риӀожьыгъ: «Сыуигъусэу къэбгъэзэжьыщтэп, Зиусхьаным ыӀуагъэр щыбгъэзыягъэшъ, Израилым уримыпачъыхьажьынэу Зиусхьаным ущигъэзыягъ». 27ЕтӀанэ Самуел ӀукӀыжьынэу фежьагъ. Ау Саул кӀэлъыбани, джэнэ ӀэпакӀэр къыӀэкӀэфагъэти, щыгъыныр зэӀитхъыгъ. 28Арти Самуел къыриӀуагъ: «Джы Зиусхьаным Израилым къыщыуитыгъэгъэ пачъыхьагъур пӀэкӀитхъыжьыгъ, къыппэблэгъэ ощ нахьышӀу цӀыф горэм ар ритыгъ; 29Израилым и-Щытхъузехьэ мышъыпкъэ гори ыӀощтэп, ыӀорэм пае кӀэгъожьыщтэп, сыда пӀомэ цӀыфэп ар кӀэгъожьынэу». 30Саул къыриӀожьыгъ: «ПсэкӀод сшӀагъэ, ау джы силъэпкъ инахьыжъ упчӀэжьэгъухэмрэ Израилымрэ апашъхьэ уасэ къыщысфэшӀ, зэдэтэгъэзэжьи уи-Зиусхьанэу Тхьэм шъхьащэ фэсшӀын». 31Арти Самуел Саул ыуж итэу къыгъэзэжьыгъ, Саул Зиусхьаным шъхьащэ фишӀыгъ.
32ЕтӀанэ Самуел къыӀуагъ: «Ӏамалэкъхэм япачъыхьэу Агъагъ къысфашъущ». КӀэзэззэ, Агъагъ ащ къыкӀэрыхьи, къыӀуагъ: «Хьадэгъу дыджым сыпэӀуфэгъаха?» 33Ау Самуел риӀуагъ: «Уичатэ ныхэм ясабыйхэр зэрашӀуигъэкӀодыщтыгъэхэм фэдэу, о уяни зыкъо зышӀуагъэкӀодыгъэ бзылъфыгъэмэ афэдэ орэхъу». Самуел ар къыӀуи, Зиусхьаным инэрылъэгъоу Агъагъ Гъылгъал щызэхиупкӀэтагъ. 34ЕтӀанэ Самуел Рамэ къыгъэзэжьыгъ, Саул ядэжь, ГъыбӀэ, кӀожьыгъэ. 35Джащ къыщегъэжьагъэу Самуел олӀэжьыфэ ащ нахьыбэрэ Саул ӀукӀэжьыгъэп; ау Самуел Саул ыгу фэузыщтыгъ. Израилым ипачъыхьанэу Саул зэрэтыригъэхьагъэм пае Зиусхьаным ыгу егъущтыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023