Апэрэ Самуел 14
14
ЯпшӀыкӀуплӀэнэрэ шъхьэр
Ионэтан лӀыгъэ зэрэзэрихьагъэр
1Зы мафэ горэм Саул икӀалэу Ионэтан иашъоджэнэзехьэ риӀуагъ: «МодрабгъукӀэ щыӀэ фылист дзэ купым дэжь тыгъакӀу». Ау а къэбарым ятэ щигъэгъозагъэп. 2Саул къалэу ГъыбӀэ къыпэгъунэгъу чӀыпӀэу Мигърэун къыщыкӀырэ нар чъыгым ычӀэгъ чӀэсыгъ. Нэбгырэ шъих фэдиз ащ кӀыгъугъ. 3Ахэм ахэтыгъ Зиусхьаным фэлэжьэрэ къурмэнышӀэу къурмэнышӀ чэтэнӀабгъур зыбг пыпхэгъэгъэ Ахъые. Ар Ихабод ышэу Ахъытыу икӀэлагъ. Ихабод къызхэкӀыгъэр Пинхъас, Пинхъас зыкъуагъэр Щылэу дэсыгъэ къурмэнышӀэу Алый ары. Ау Ионэтан зэрежьагъэм цӀыфхэр щыгъозагъэхэп. 4Ионэтан фылист дзэ купым зэрекӀолӀэнэу фэегъэ лъэныкъуитӀумкӀи къушъхьэ цэкӀэ лъэгэшхохэр къапэӀутыгъэхэти, ахэм дэкӀыпӀэу афэхъущтым Ионэтан егупшысщтыгъэ. Зы къушъхьэ цакӀэм зэреджэщтыгъэхэр Боцэц, адрэм – Сэн; 5зыр Мыхмэс итемыр лъэныкъокӀэ гъэзагъэу, адрэр ГъыбӀэ икъыблэкӀэ нахь дзыгъэу щытыгъ.
6Ионэтан иашъоджэнэзехьэ риӀуагъ: «Сунэт амышӀыгъэ фылист дзэ купым тегъэкӀу. Тэ тишӀуагъэкӀэ Зиусхьаным татыригъэкӀонкӀи мэхъуба. Зиусхьаныр къэзгъэуцушъун щыӀэп, нэбгырабэкӀи зы нэбгырэкӀи укъигъэнэжьын ылъэкӀыщт». 7Ашъоджэнэзехьэм къыриӀожьыгъ: «Угу къызэрэуиӀорэм тетэу зекӀо. Сэ сыуигъусэщт, угу зэрилъым фэдэу сызекӀощт». 8Ионэтан ащ риӀожьыгъ: «Фылистхэм якъэрэгъулхэм благъэу тякӀолӀэнышъ, тыкъалъэгъунэу тыуцущт. 9Ежьхэр къытэкӀолӀэфэхэ тымыхъыенэу, тыщытынэу унашъо къызытфашӀкӀэ, тыкъызэтеуцощт, къушъхьэм тыдэкӀоещтэп. 10Ау тякӀолӀэнэу унашъо къызытфашӀкӀэ, къушъхьэм тыдэкӀоещт, сыда пӀомэ Зиусхьаным ахэм тызэратыригъэкӀощтым инэшанэу тэркӀэ ар хъущт». 11ЕтӀанэ Ионэтанрэ иашъоджэнэзехьэрэ кӀохэзэ, фылист дзэ купым иплъапӀэ зефэхэм, фылист къэрэгъулхэм аӀуагъ: «Зызщагъэбылъыгъэ къушъхьэ тӀуакӀэхэм джуртхэр къызэрадэпшыжьхэрэм модэ шъуеплъ». 12Фылист дзэ купым хэтхэр Ионэтанрэ ащ иашъоджэнэзехьэрэ къякуугъэх: «Моу шъукъыдэкӀуай. Зыгорэ къышъодгъэлъэгъущт!» Арти Ионэтан иашъоджэнэзехьэ риӀуагъ: «Сауж къихь, Зиусхьаным ахэр джы Израилым ыӀэ къырилъхьагъэх». 13Ионэтан къушъхьэм дэпшыенэу зежьэм, иашъоджэнэзехьи ыуж ихьагъ. Ионэтан фылистхэр риутхи, иашъоджэнэзехьэ ахэр ыукӀыжьыгъэх. 14Ахэм яапэрэ илъыгъо а чӀыпӀэу гектарым ипшӀэниплӀ фэдиз хъурэм нэбгырэ тӀокӀ фэдиз щызэхаукӀагъ. 15Арти губгъэм итыгъэ фылист дзэ пстэури, апэ итхэу къэкӀорэ дзэ купхэри, аубытыгъэ чӀыгухэр зезыпхъощтыгъэхэри лъэшэу къэщтагъэх, чӀыгури зэрэщытэу къэтӀыгурыгугъ, зыздагъэзэщтри амышӀэжьэу гузэжъогъушхо хэфагъэх.
Фылистхэм зэратекӀуагъэхэр
16Саул иухъумакӀохэу Бынямин хэкум ит къалэу ГъыбӀэ дэсыгъэхэм фылист дзэкӀолӀхэр шъхьадж ыпакӀэ зэрэхэлъэдэжьхэрэр къалъэгъугъ. 17Саул игъусэ цӀыфхэм ариӀуагъ: «ЦӀыфхэр къызэпэшъуплъыхьэхи, тэ тиемэ ащыщэу уцупӀэм дэкӀыгъэр къызэжъугъашӀ». Къызаплъыхьэхэм Ионэтанрэ ащ иашъоджэнэзехьэрэ ахэмытыжьхэу къычӀэкӀыгъ. 18Арти Саул къурмэнышӀэу Ахъые риӀуагъ: «Зиусхьаным ипхъонтэ лъапӀэ къахь». Сыда пӀомэ а уахътэм Зиусхьаным ипхъонтэ лъапӀэ израил цӀыфхэм зыдаӀыгъыгъ. 19Саул къурмэнышӀым джыри зыгорэхэр риӀощтыгъэх фылистхэм яуцупӀэ гумэкӀыгъом нахь зыкъызщеӀэтым. Арти Саул къурмэнышӀым риӀуагъ: «Хъугъэ, икъущт!» 20ЕтӀанэ Саул цӀыфхэр къыугъойхи, зэуапӀэм зэдыӀухьагъэх, фылист дзэкӀолӀхэр къыкӀащтэхи, зэзэожьхэу рагъэжьагъ. 21Фылистхэм агохьэгъэ джуртхэу, ахэм яуцупӀэ щыӀагъэхэр Саулрэ Ионэтанрэ ягъусэгъэ джуртхэм къагохьажьыгъэх. 22Адрэ израил цӀыфхэу Ефраим къушъхьэмэ защызгъэбылъгъагъэхэм фылистхэм ашъхьэ зэрэрахьыжьэжьыгъэр зызэхахым, ахэм язаохэрэм къахэхьажьхи фылистхэр афыхэу аублагъ. 23Зиусхьаным а мафэм Израил атыригъэкӀуагъ. Бэтаон нэсэу заор щыкӀуагъ#14:23 Мы чӀыпӀэм мыщ фэдэ къэӀуакӀи иӀ: [Саул идзэ нэбгырэ минипшӀ фэдиз хэтыгъ. Къушъхьэлъэ чӀыпӀэу Ефраим ит къалэ пэпчъ заор щыкӀуагъ]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп..
Саул цӀыфхэм афигъэпытагъэр
24Израил цӀыфхэр а мафэм лъэшэу зэхэукӀэгъагъэх, сыда пӀомэ ипыйхэм яфэшъуашэр аремыгъэгъотыжьыфэ, пчыхьэ охъуфэ зы нэбгыри Ӏулъхьэ римыгъэхынэу Саул цӀыфхэм афигъэпытэгъагъ. Ар зымыгъэцакӀэрэм Зиусхьаным нэлат рихыщтэу ыӀуи афигъэпытагъэти, цӀыфхэм ащыщ горэми гъомлапхъэ зыӀуигъэфагъэп. 25ЕтӀанэ цӀыфхэр кӀохэзэ мэз горэм зынэсхэм, шъоур боу зэрылъ гъэхъунэм ихьагъэх. 26ДзэкӀолӀэу кӀощтыгъэхэм шакомэ къадэчъырэ шъоур къалъэгъугъ, ау ащыщ горэми ар зыӀуигъэфагъэп, сыда пӀомэ афагъэпытэгъагъэр аукъонкӀэ щынагъэх. 27Ионэтан ятэ цӀыфхэм зэрафигъэпытагъэр зэхихыгъэпти, бэщэу ыӀыгъым ыӀэпакӀэ шъоум хигъауи ыжэ зыфехьым, нахь къызэгурыӀожьи, ынэхэр къэлыдыгъэх. 28Арти дзэкӀолӀмэ ащыщ горэм мыразэу Ионэтан къыриӀуагъ: «„Непэ Ӏулъхьэ езыгъэхрэр Зиусхьаным ерэгъэунэхъу“ ыӀуи, уятэ къызэрэтфигъэпытагъэм къыхэкӀэу тышхагъэпышъ, цӀыфхэр къарыунчъэ хъугъэх». 29Ионэтан къыриӀожьыгъ: «Тятэ хэгъэгур къин хидзагъ. Мы шъоум щыщ тӀэкӀу зызӀосэгъафэм, скӀуачӀэ къихьажьыгъ. 30ДзэкӀолӀхэм непэ пыим къытырахыгъэм щыщ ашхыгъагъэмэ бэкӀэ нахьышӀугъ, фылистхэми нахьыбахэу ахэкӀодыкӀыныгъэба?»
31А мафэм Мыхмэс къыщегъэжьагъэу Аялэун нэсэу фылистхэр ащызэхакъутагъэхэти, дзэкӀолӀхэр лъэшэу улэугъагъэх. 32Ахэм фылистхэм мэлхэри, чэмхэри, шкӀэхэри къатырахыгъэхэти, мэлакӀэм зэригъалӀэхэрэм къыхэкӀэу былымхэр аукӀхи, лъыр джыри къызэрэпычъзэ лыр ашхэу аублагъ. 33Арти зыгорэм Саул къэбарыр къылъигъэӀэсыгъ: «Зиусхьаным къемыкӀурэр дзэкӀолӀхэм зэрашӀэрэм еплъ! Лъыр къызэрэпычъэу лыр ашхы». Саул ахэм ариӀуагъ: «Шъухэукъуагъэшъ, джы мыжъошхор моу сапашъхьэ къижъугъэукӀорай». 34Ащ ыуж Саул унашъо афишӀыгъ: «Шъхьадж ицуи имэли къыщэнышъ, мы чӀыпӀэм щышӀуибзынышъ, етӀанэ зэрэщишхыжьын фаем ехьылӀагъэу цӀыфмэ макъэ яжъугъэӀу. Зиусхьаным къемыкӀущтыр шъумышӀэ, лъыр къыпычъэу лыр шъумышхы». Арти чэщым хэти ицуи имэли къыщи ежь ыӀэшъхьитӀукӀэ шӀуибзыгъ. 35ЕтӀанэ Саул Зиусхьаным пае къурмэншӀыпӀэ ыгъэуцугъ: джары ащ Зиусхьаным ыцӀэкӀэ апэрэ къурмэншӀыпӀэу ыгъэуцугъэр.
36ЕтӀанэ Саул дзэкӀолӀхэм ариӀуагъ: «Чэщым фылистхэм талъежъугъажьи, такӀэжъугъахь, нэфылъэр къызэкӀимычзэ яӀэр зэкӀэ къатетхынышъ, зы нэбгыри къэмынэу зэхэтыукӀэщтых». Адрэмэ къыраӀожьыгъ: «ЗэрэпшӀоигъоу зэкӀэри шӀы». Ау къурмэнышӀым къариӀуагъ: «Ыпэ рапшӀэу Тхьэм тежъугъэлъэӀу». 37Арти Саул Тхьэм еупчӀыгъ: «Фылистхэм ауж сихьэмэ хъущта? Израил ахэм атебгъэкӀощта?» Ау Зиусхьаным а мафэм зи къыриӀожьыгъэп. 38Ащ ыуж Саул дзэпащэхэр зэкӀэ къызэӀуаригъэгъакӀэхи ариӀуагъ: «Шъуащыщэу непэ псэкӀод зышӀагъэр къыхэгъэщыгъэн фае. 39Израил къэзгъэнэжьырэ Зиусхьаныр зэрэщыӀэр сэӀо, хэтынкӀи фит, сикӀалэу Ионэтан орэхъу фаеми, псэкӀод зышӀагъэм, Ӏо хэмылъэу, ыпсэ Ӏусхыщт». Ау цӀыфмэ ащыщ горэми зыпари къыӀуагъэп. 40ЕтӀанэ Саул израил цӀыфхэм ариӀуагъ: «Шъо зы бгъумкӀэ шъукъэуцу, сэррэ сикӀалэу Ионэтанрэ адрэ бгъумкӀэ тыкъэуцущт». ЦӀыфхэм Саул къыраӀожьыгъ: «Нахь пшӀотэрэзыр шӀэ». 41ЕтӀанэ Саул къыӀуагъ: «А Зиусхьанэу Израилым и-Тхь! Зытет шъыпкъэр къэгъэнаф. Лажьэр зытефэрэр сэрмэ е сикӀалэу Ионэтанмэ, уримыр къигъэкӀ, ау лажьэр уиизраил лъэпкъ тефэмэ, туммимыр къигъэкӀ»#14:41 Тхьэм ыӀорэр ышӀэным пае къурмэнышӀым мыжъо лъапӀэхэу уримымрэ туммимымрэ пхъэдзым рилъхьэщтыгъэх. Ижъырэ джуртыбзэмкӀэ атхыгъэ Ӏэпэрытхым ахэм яхьылӀагъэу зыпари итэп. Ижъырэ урымыбзэмкӀэ атхыгъэ Ӏэпэрытхым ахэм ягугъу къызэрэщишӀырэм фэдэу зэтыдзэкӀыжьыгъ. Урыс синодальнэ Библием уримымрэ туммимымрэ яхьылӀагъэу зыпари итэп. Ау скобкэм зэрэдэтыр мары: [Сыд пае уиӀумэт непэ джэуап къемытыжьыгъа? Сэра лажьэр зиер хьаумэ скъоу Ионэтана? Зиусхьанэу Израилым и-Тхь! Зытет шъыпкъэр къэгъэнаф. Уиизраил лъэпкъ илажьэмэ, ащ зегъэукъэбз].. Мыщ дэжьым Саулрэ Ионэтанрэ лажьэ зэряӀэр, ау цӀыфхэр зэрэзафэхэр къыгъэнэфагъ. 42Ащ ыуж Саул «Сэррэ сикӀалэу Ионэтанрэ пхъэдзым тишъулъхь» зеӀом, пхъэдзым Ионэтан къикӀыгъэти.
43Саул Ионэтан еупчӀыгъ: «Сыда пшӀагъэр? КъысфэӀуат». Арти Ионэтан бэщэу ыӀыгъыгъэм ыӀэпакӀэ шъоум зэрэхигъэуагъэри, ар зэрэзыӀуигъэфагъэри къыфиӀотагъ. «Ащ пае сыуукӀыщтмэ, мары сыхьазырэу сыщыт», – Ионэтан ыӀуагъ. 44Арти Саул къыӀуагъ: «СӀуагъэр зысымыгъэцэкӀэжькӀэ сифэшъуашэр Тхьэм сигъэгъотынэу сэ тхьэлъанэ сшӀыгъэ. Арышъ, Ионэтан, улӀэн фае!» 45Ау цӀыфхэм ащ къыдырагъэштагъэп: «Ионэтан ары непэ текӀоныгъэр Израилым къыдезгъэхыгъэр. Ар джы лӀэн фая? Ар хъухэнэу щытэп! Зиусхьаныр зэрэщыӀэр тэӀо. Зы шъхьац налъи ащ ышъхьэ къыхэзынэу щытэп. Тхьэм къызэриӀорэм тетэу непэ ар зекӀуагъэ». ЦӀыфхэм Ионэтан къарагъэтӀупщыжьи, псэоу къагъэнагъ. 46Саул фылистхэм язэожьыгъэп, фылистхэм зыщыпсэухэрэ чӀыпӀэмэ агъэзэжьыгъ.
Саул заомэ текӀоныгъэу къащыдихыгъэхэр
47Саул Израилым ипачъыхьэ зэхъум ипыйхэу къыкӀэлъырысхэм язаощтыгъ. Мэуаб, Ӏамонхэм, Едом, Цэубэ ипачъыхьэ, фылистхэм зязаом текӀоныгъэр къыдихыгъ. Тыдэ зигъэзагъэми, тхьамыкӀагъо нэмыкӀ къыпыкӀщтыгъэп. 48Идзэ зэтыригъэпсыхьи Ӏамалэкъхэм язауи атекӀуагъ, ахэм яхъункӀакӀохэм Израил ащиухъумагъ.
49Саул къуищ иӀагъ: Ионэтан, Ишыуй, МэлкъэшыуаӀ. Ахэм анэмыкӀэу пхъуитӀу иӀагъ: апэрэр Мэраб, нахьыкӀэр Михэл. 50Саул ишъхьагъусэ ыцӀагъэр АхъынэӀам, ащ ятагъэр АхъымэӀац. Саул дзэпащэу иӀагъэр ятэшэу Нэр ыкъо Абинэр. 51Саул ятэу Къыщрэ Абинэр ятэу Нэррэ Абиел икӀэлагъэх.
52Саул опачъыхьэфэ зэпымыоу фылистхэм язэуагъ. КӀэлэ кӀочӀэшхоу, лӀэхъупхъэу ыпэ къифэрэр зэкӀэ Саул идзэ хигъахьэщтыгъэх.
Currently Selected:
Апэрэ Самуел 14: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Апэрэ Самуел 14
14
ЯпшӀыкӀуплӀэнэрэ шъхьэр
Ионэтан лӀыгъэ зэрэзэрихьагъэр
1Зы мафэ горэм Саул икӀалэу Ионэтан иашъоджэнэзехьэ риӀуагъ: «МодрабгъукӀэ щыӀэ фылист дзэ купым дэжь тыгъакӀу». Ау а къэбарым ятэ щигъэгъозагъэп. 2Саул къалэу ГъыбӀэ къыпэгъунэгъу чӀыпӀэу Мигърэун къыщыкӀырэ нар чъыгым ычӀэгъ чӀэсыгъ. Нэбгырэ шъих фэдиз ащ кӀыгъугъ. 3Ахэм ахэтыгъ Зиусхьаным фэлэжьэрэ къурмэнышӀэу къурмэнышӀ чэтэнӀабгъур зыбг пыпхэгъэгъэ Ахъые. Ар Ихабод ышэу Ахъытыу икӀэлагъ. Ихабод къызхэкӀыгъэр Пинхъас, Пинхъас зыкъуагъэр Щылэу дэсыгъэ къурмэнышӀэу Алый ары. Ау Ионэтан зэрежьагъэм цӀыфхэр щыгъозагъэхэп. 4Ионэтан фылист дзэ купым зэрекӀолӀэнэу фэегъэ лъэныкъуитӀумкӀи къушъхьэ цэкӀэ лъэгэшхохэр къапэӀутыгъэхэти, ахэм дэкӀыпӀэу афэхъущтым Ионэтан егупшысщтыгъэ. Зы къушъхьэ цакӀэм зэреджэщтыгъэхэр Боцэц, адрэм – Сэн; 5зыр Мыхмэс итемыр лъэныкъокӀэ гъэзагъэу, адрэр ГъыбӀэ икъыблэкӀэ нахь дзыгъэу щытыгъ.
6Ионэтан иашъоджэнэзехьэ риӀуагъ: «Сунэт амышӀыгъэ фылист дзэ купым тегъэкӀу. Тэ тишӀуагъэкӀэ Зиусхьаным татыригъэкӀонкӀи мэхъуба. Зиусхьаныр къэзгъэуцушъун щыӀэп, нэбгырабэкӀи зы нэбгырэкӀи укъигъэнэжьын ылъэкӀыщт». 7Ашъоджэнэзехьэм къыриӀожьыгъ: «Угу къызэрэуиӀорэм тетэу зекӀо. Сэ сыуигъусэщт, угу зэрилъым фэдэу сызекӀощт». 8Ионэтан ащ риӀожьыгъ: «Фылистхэм якъэрэгъулхэм благъэу тякӀолӀэнышъ, тыкъалъэгъунэу тыуцущт. 9Ежьхэр къытэкӀолӀэфэхэ тымыхъыенэу, тыщытынэу унашъо къызытфашӀкӀэ, тыкъызэтеуцощт, къушъхьэм тыдэкӀоещтэп. 10Ау тякӀолӀэнэу унашъо къызытфашӀкӀэ, къушъхьэм тыдэкӀоещт, сыда пӀомэ Зиусхьаным ахэм тызэратыригъэкӀощтым инэшанэу тэркӀэ ар хъущт». 11ЕтӀанэ Ионэтанрэ иашъоджэнэзехьэрэ кӀохэзэ, фылист дзэ купым иплъапӀэ зефэхэм, фылист къэрэгъулхэм аӀуагъ: «Зызщагъэбылъыгъэ къушъхьэ тӀуакӀэхэм джуртхэр къызэрадэпшыжьхэрэм модэ шъуеплъ». 12Фылист дзэ купым хэтхэр Ионэтанрэ ащ иашъоджэнэзехьэрэ къякуугъэх: «Моу шъукъыдэкӀуай. Зыгорэ къышъодгъэлъэгъущт!» Арти Ионэтан иашъоджэнэзехьэ риӀуагъ: «Сауж къихь, Зиусхьаным ахэр джы Израилым ыӀэ къырилъхьагъэх». 13Ионэтан къушъхьэм дэпшыенэу зежьэм, иашъоджэнэзехьи ыуж ихьагъ. Ионэтан фылистхэр риутхи, иашъоджэнэзехьэ ахэр ыукӀыжьыгъэх. 14Ахэм яапэрэ илъыгъо а чӀыпӀэу гектарым ипшӀэниплӀ фэдиз хъурэм нэбгырэ тӀокӀ фэдиз щызэхаукӀагъ. 15Арти губгъэм итыгъэ фылист дзэ пстэури, апэ итхэу къэкӀорэ дзэ купхэри, аубытыгъэ чӀыгухэр зезыпхъощтыгъэхэри лъэшэу къэщтагъэх, чӀыгури зэрэщытэу къэтӀыгурыгугъ, зыздагъэзэщтри амышӀэжьэу гузэжъогъушхо хэфагъэх.
Фылистхэм зэратекӀуагъэхэр
16Саул иухъумакӀохэу Бынямин хэкум ит къалэу ГъыбӀэ дэсыгъэхэм фылист дзэкӀолӀхэр шъхьадж ыпакӀэ зэрэхэлъэдэжьхэрэр къалъэгъугъ. 17Саул игъусэ цӀыфхэм ариӀуагъ: «ЦӀыфхэр къызэпэшъуплъыхьэхи, тэ тиемэ ащыщэу уцупӀэм дэкӀыгъэр къызэжъугъашӀ». Къызаплъыхьэхэм Ионэтанрэ ащ иашъоджэнэзехьэрэ ахэмытыжьхэу къычӀэкӀыгъ. 18Арти Саул къурмэнышӀэу Ахъые риӀуагъ: «Зиусхьаным ипхъонтэ лъапӀэ къахь». Сыда пӀомэ а уахътэм Зиусхьаным ипхъонтэ лъапӀэ израил цӀыфхэм зыдаӀыгъыгъ. 19Саул къурмэнышӀым джыри зыгорэхэр риӀощтыгъэх фылистхэм яуцупӀэ гумэкӀыгъом нахь зыкъызщеӀэтым. Арти Саул къурмэнышӀым риӀуагъ: «Хъугъэ, икъущт!» 20ЕтӀанэ Саул цӀыфхэр къыугъойхи, зэуапӀэм зэдыӀухьагъэх, фылист дзэкӀолӀхэр къыкӀащтэхи, зэзэожьхэу рагъэжьагъ. 21Фылистхэм агохьэгъэ джуртхэу, ахэм яуцупӀэ щыӀагъэхэр Саулрэ Ионэтанрэ ягъусэгъэ джуртхэм къагохьажьыгъэх. 22Адрэ израил цӀыфхэу Ефраим къушъхьэмэ защызгъэбылъгъагъэхэм фылистхэм ашъхьэ зэрэрахьыжьэжьыгъэр зызэхахым, ахэм язаохэрэм къахэхьажьхи фылистхэр афыхэу аублагъ. 23Зиусхьаным а мафэм Израил атыригъэкӀуагъ. Бэтаон нэсэу заор щыкӀуагъ#14:23 Мы чӀыпӀэм мыщ фэдэ къэӀуакӀи иӀ: [Саул идзэ нэбгырэ минипшӀ фэдиз хэтыгъ. Къушъхьэлъэ чӀыпӀэу Ефраим ит къалэ пэпчъ заор щыкӀуагъ]. Мы къэӀуакӀэр ижъырэ урымыбзэмкӀэ зэрадзэкӀыжьыгъэ Ӏэпэрытх горэхэм ахэт, ау ижъырэ джуртыбзэмкӀэ атхыгъэ Ӏэпэрытхым хэтэп..
Саул цӀыфхэм афигъэпытагъэр
24Израил цӀыфхэр а мафэм лъэшэу зэхэукӀэгъагъэх, сыда пӀомэ ипыйхэм яфэшъуашэр аремыгъэгъотыжьыфэ, пчыхьэ охъуфэ зы нэбгыри Ӏулъхьэ римыгъэхынэу Саул цӀыфхэм афигъэпытэгъагъ. Ар зымыгъэцакӀэрэм Зиусхьаным нэлат рихыщтэу ыӀуи афигъэпытагъэти, цӀыфхэм ащыщ горэми гъомлапхъэ зыӀуигъэфагъэп. 25ЕтӀанэ цӀыфхэр кӀохэзэ мэз горэм зынэсхэм, шъоур боу зэрылъ гъэхъунэм ихьагъэх. 26ДзэкӀолӀэу кӀощтыгъэхэм шакомэ къадэчъырэ шъоур къалъэгъугъ, ау ащыщ горэми ар зыӀуигъэфагъэп, сыда пӀомэ афагъэпытэгъагъэр аукъонкӀэ щынагъэх. 27Ионэтан ятэ цӀыфхэм зэрафигъэпытагъэр зэхихыгъэпти, бэщэу ыӀыгъым ыӀэпакӀэ шъоум хигъауи ыжэ зыфехьым, нахь къызэгурыӀожьи, ынэхэр къэлыдыгъэх. 28Арти дзэкӀолӀмэ ащыщ горэм мыразэу Ионэтан къыриӀуагъ: «„Непэ Ӏулъхьэ езыгъэхрэр Зиусхьаным ерэгъэунэхъу“ ыӀуи, уятэ къызэрэтфигъэпытагъэм къыхэкӀэу тышхагъэпышъ, цӀыфхэр къарыунчъэ хъугъэх». 29Ионэтан къыриӀожьыгъ: «Тятэ хэгъэгур къин хидзагъ. Мы шъоум щыщ тӀэкӀу зызӀосэгъафэм, скӀуачӀэ къихьажьыгъ. 30ДзэкӀолӀхэм непэ пыим къытырахыгъэм щыщ ашхыгъагъэмэ бэкӀэ нахьышӀугъ, фылистхэми нахьыбахэу ахэкӀодыкӀыныгъэба?»
31А мафэм Мыхмэс къыщегъэжьагъэу Аялэун нэсэу фылистхэр ащызэхакъутагъэхэти, дзэкӀолӀхэр лъэшэу улэугъагъэх. 32Ахэм фылистхэм мэлхэри, чэмхэри, шкӀэхэри къатырахыгъэхэти, мэлакӀэм зэригъалӀэхэрэм къыхэкӀэу былымхэр аукӀхи, лъыр джыри къызэрэпычъзэ лыр ашхэу аублагъ. 33Арти зыгорэм Саул къэбарыр къылъигъэӀэсыгъ: «Зиусхьаным къемыкӀурэр дзэкӀолӀхэм зэрашӀэрэм еплъ! Лъыр къызэрэпычъэу лыр ашхы». Саул ахэм ариӀуагъ: «Шъухэукъуагъэшъ, джы мыжъошхор моу сапашъхьэ къижъугъэукӀорай». 34Ащ ыуж Саул унашъо афишӀыгъ: «Шъхьадж ицуи имэли къыщэнышъ, мы чӀыпӀэм щышӀуибзынышъ, етӀанэ зэрэщишхыжьын фаем ехьылӀагъэу цӀыфмэ макъэ яжъугъэӀу. Зиусхьаным къемыкӀущтыр шъумышӀэ, лъыр къыпычъэу лыр шъумышхы». Арти чэщым хэти ицуи имэли къыщи ежь ыӀэшъхьитӀукӀэ шӀуибзыгъ. 35ЕтӀанэ Саул Зиусхьаным пае къурмэншӀыпӀэ ыгъэуцугъ: джары ащ Зиусхьаным ыцӀэкӀэ апэрэ къурмэншӀыпӀэу ыгъэуцугъэр.
36ЕтӀанэ Саул дзэкӀолӀхэм ариӀуагъ: «Чэщым фылистхэм талъежъугъажьи, такӀэжъугъахь, нэфылъэр къызэкӀимычзэ яӀэр зэкӀэ къатетхынышъ, зы нэбгыри къэмынэу зэхэтыукӀэщтых». Адрэмэ къыраӀожьыгъ: «ЗэрэпшӀоигъоу зэкӀэри шӀы». Ау къурмэнышӀым къариӀуагъ: «Ыпэ рапшӀэу Тхьэм тежъугъэлъэӀу». 37Арти Саул Тхьэм еупчӀыгъ: «Фылистхэм ауж сихьэмэ хъущта? Израил ахэм атебгъэкӀощта?» Ау Зиусхьаным а мафэм зи къыриӀожьыгъэп. 38Ащ ыуж Саул дзэпащэхэр зэкӀэ къызэӀуаригъэгъакӀэхи ариӀуагъ: «Шъуащыщэу непэ псэкӀод зышӀагъэр къыхэгъэщыгъэн фае. 39Израил къэзгъэнэжьырэ Зиусхьаныр зэрэщыӀэр сэӀо, хэтынкӀи фит, сикӀалэу Ионэтан орэхъу фаеми, псэкӀод зышӀагъэм, Ӏо хэмылъэу, ыпсэ Ӏусхыщт». Ау цӀыфмэ ащыщ горэми зыпари къыӀуагъэп. 40ЕтӀанэ Саул израил цӀыфхэм ариӀуагъ: «Шъо зы бгъумкӀэ шъукъэуцу, сэррэ сикӀалэу Ионэтанрэ адрэ бгъумкӀэ тыкъэуцущт». ЦӀыфхэм Саул къыраӀожьыгъ: «Нахь пшӀотэрэзыр шӀэ». 41ЕтӀанэ Саул къыӀуагъ: «А Зиусхьанэу Израилым и-Тхь! Зытет шъыпкъэр къэгъэнаф. Лажьэр зытефэрэр сэрмэ е сикӀалэу Ионэтанмэ, уримыр къигъэкӀ, ау лажьэр уиизраил лъэпкъ тефэмэ, туммимыр къигъэкӀ»#14:41 Тхьэм ыӀорэр ышӀэным пае къурмэнышӀым мыжъо лъапӀэхэу уримымрэ туммимымрэ пхъэдзым рилъхьэщтыгъэх. Ижъырэ джуртыбзэмкӀэ атхыгъэ Ӏэпэрытхым ахэм яхьылӀагъэу зыпари итэп. Ижъырэ урымыбзэмкӀэ атхыгъэ Ӏэпэрытхым ахэм ягугъу къызэрэщишӀырэм фэдэу зэтыдзэкӀыжьыгъ. Урыс синодальнэ Библием уримымрэ туммимымрэ яхьылӀагъэу зыпари итэп. Ау скобкэм зэрэдэтыр мары: [Сыд пае уиӀумэт непэ джэуап къемытыжьыгъа? Сэра лажьэр зиер хьаумэ скъоу Ионэтана? Зиусхьанэу Израилым и-Тхь! Зытет шъыпкъэр къэгъэнаф. Уиизраил лъэпкъ илажьэмэ, ащ зегъэукъэбз].. Мыщ дэжьым Саулрэ Ионэтанрэ лажьэ зэряӀэр, ау цӀыфхэр зэрэзафэхэр къыгъэнэфагъ. 42Ащ ыуж Саул «Сэррэ сикӀалэу Ионэтанрэ пхъэдзым тишъулъхь» зеӀом, пхъэдзым Ионэтан къикӀыгъэти.
43Саул Ионэтан еупчӀыгъ: «Сыда пшӀагъэр? КъысфэӀуат». Арти Ионэтан бэщэу ыӀыгъыгъэм ыӀэпакӀэ шъоум зэрэхигъэуагъэри, ар зэрэзыӀуигъэфагъэри къыфиӀотагъ. «Ащ пае сыуукӀыщтмэ, мары сыхьазырэу сыщыт», – Ионэтан ыӀуагъ. 44Арти Саул къыӀуагъ: «СӀуагъэр зысымыгъэцэкӀэжькӀэ сифэшъуашэр Тхьэм сигъэгъотынэу сэ тхьэлъанэ сшӀыгъэ. Арышъ, Ионэтан, улӀэн фае!» 45Ау цӀыфхэм ащ къыдырагъэштагъэп: «Ионэтан ары непэ текӀоныгъэр Израилым къыдезгъэхыгъэр. Ар джы лӀэн фая? Ар хъухэнэу щытэп! Зиусхьаныр зэрэщыӀэр тэӀо. Зы шъхьац налъи ащ ышъхьэ къыхэзынэу щытэп. Тхьэм къызэриӀорэм тетэу непэ ар зекӀуагъэ». ЦӀыфхэм Ионэтан къарагъэтӀупщыжьи, псэоу къагъэнагъ. 46Саул фылистхэм язэожьыгъэп, фылистхэм зыщыпсэухэрэ чӀыпӀэмэ агъэзэжьыгъ.
Саул заомэ текӀоныгъэу къащыдихыгъэхэр
47Саул Израилым ипачъыхьэ зэхъум ипыйхэу къыкӀэлъырысхэм язаощтыгъ. Мэуаб, Ӏамонхэм, Едом, Цэубэ ипачъыхьэ, фылистхэм зязаом текӀоныгъэр къыдихыгъ. Тыдэ зигъэзагъэми, тхьамыкӀагъо нэмыкӀ къыпыкӀщтыгъэп. 48Идзэ зэтыригъэпсыхьи Ӏамалэкъхэм язауи атекӀуагъ, ахэм яхъункӀакӀохэм Израил ащиухъумагъ.
49Саул къуищ иӀагъ: Ионэтан, Ишыуй, МэлкъэшыуаӀ. Ахэм анэмыкӀэу пхъуитӀу иӀагъ: апэрэр Мэраб, нахьыкӀэр Михэл. 50Саул ишъхьагъусэ ыцӀагъэр АхъынэӀам, ащ ятагъэр АхъымэӀац. Саул дзэпащэу иӀагъэр ятэшэу Нэр ыкъо Абинэр. 51Саул ятэу Къыщрэ Абинэр ятэу Нэррэ Абиел икӀэлагъэх.
52Саул опачъыхьэфэ зэпымыоу фылистхэм язэуагъ. КӀэлэ кӀочӀэшхоу, лӀэхъупхъэу ыпэ къифэрэр зэкӀэ Саул идзэ хигъахьэщтыгъэх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023