Waxye 17

Naba sharmuutha kee alluulatto

1 # Ermiyaas 51:13 Sarrah, amaa malxina shaxan luuk yine malxina malaykattooko inketti yemeeteyaako tahe yok yerhxe: “Amo! Amaa mango layehi bukalle defeyteh tane naba sharmuuthahi firde ku ayballaw kiyo. 2#Isayas 23:17; Ermiyaas 51:7Baarhot nuguusa uma-xibar teelih abeenih yanin, baarholle martam lel tee waynih uma-xibarah yiskiriinih yanin.” 3#Waxye 13:1Ufayeh yi yooqhoceh lel zibolle yi beye. Wuli casa alluulattok defeyte numa lel uble, amaa alluulatti lel waatot migocko ishi nabse yemegeh yine. Malxina amo kee tamana gashsha lel luuk yine. 4#Ermiyaas 51:7Amaa numa lel diimaynam kee casa sara saritteh tine, dahab, mila kee carha mece luuluh bilcitteh, tee uma-xibar hi batakna kee masxeeko yemmeege dahab kobbaaya mizgi gabadde tibbirheh tine. 5Tee dambaralle lel wuli mashthir migac yunkuttubeh yine: “Naba Baabiloon, sharaamuth kee baarhot najaasahi ina.” 6Amaa numa lel yinqiddise marahi biilo kee Yeesus shohodahi biiloh tiskireh tee uble.

Anu tee uble gedda, nabaatih bexsiite. 7Malaykatti laakin tahe yok yerhxe: “Aymih bexsittam? Anu amaa numa, malxina amo le alluulatto kee teya tooqhoceh tane tamana gashshahi mashthir koh warisho kiyo. 8#Daaniyeel 7:7; Waxye 11:7; Zaabur 69:28Tamaa atu tuble alluulatti, yine tiya, kado laakin anniye waya tiya kinni, adda dherh boozooko lel dhayih yewceyaako liyaati gabolle yadaw kinni. Usuk yine tiya, yane tiya kee yamaato le tiya kinamhi sabbatah, baarho tunkhulluqhemko taahe, aniinat kitaabadde ten migoc akko anniinnixe mari ta baarholle martaya, amaa alluulatto yabliinimih bexsiitoona kinon. 9Tayim kas-le xangal fadhdham kinni: amaa malxina amo, amaa numa alle defeyteh tane malxina kooma kinni. 10Usun malxina nugus kinon, tenko lel koon akko rabeenih yanin. Inketti yane, aketti lel tayek sarrah yamaato kinni, yamiite gedda lel dago waqhteh bisa kinni sugo alle tanem. 11Tamaa yineh, kado laakin anniinnixe alluulatti yekkemko, baxar-ya nugus kinni hanuk amaa malxinko kinni. Usuk lel liya fanah yadaw kinni. 12#Daaniyeel 7:24Tamaa atu tuble tamana gashsha lel nigsinna kabbaatinnixak yane tamana nugus kinni. Laakin amaa alluulattoolih inki saacah nuguusa yekkiinih reeza kabbaatoona kinon. 13Tamari inki niya le mara kinon, sinni xayla kee reeza lel amaa alluulattoh yaxawna kinon. 14Amaa Leemalle dhiba faakoona kinon, amaa Leemi laakin maddaritti Maddara kee nuguusat Nugus kinamhi sabbatah, akko yamlako kinni. Tamaa kaalih yane mari lel, akah deecimen mara, doorimtem kee umunaat kin mara kinon.”

15Amaa malaykatti lel tahe yok yerhxe: “Tamaa sharmuutha alle defeyteh tuble mango laye, xiyaw, mango mara, wathun kee waani kinni. 16Tamaa atu tuble tamana gashsha lel, ten kee amaa alluulatto amaa sharmuutha yancaboona kinon. Tee foyyayshoona, casiinih tee hayoona, xazo akko beetoona kee girah tee xararishoona kinon. 17Amayim lel, Yallih waani takmilendah, inki niya abiteenih kaa farhi aboona ciloh, amaa sinni nigsinnahi reeza amaa alluulattoh yaxaynim, Yalli ten afcaadodde hayemhi sabbatah kinni. 18Amaa atu tuble numa lel, amaa naba daafo umbuka baarhohi nuguusat bukalle reeza leyaya kinni.”

Currently Selected:

Waxye 17: SCC

Highlight

Copy

Compare