Markos Injiil Markos Orbeena
Injiil Markos Orbeena
Ta Injiil, Markos akah yarhxeekah, Yeesus Masiix aniina caddoyisha affara Kitaab Cusub Cahdedde geytimayaako kinni. Ten-ten migac lel “Injiil” kinni. Injiil yarhxiinim lel: “Mece ware”, hido “Bissiraata” yarhxiinim kinni. Yeesus rabek sarrah ta Kitob tuktubem lel Maatiyos, Markos, Luukas kee Yohannis kinon.
Ta Injiil Markos akah yarhxeekah affara injiilko urhurh tiya kinni. Ummannimko afti gabolle, Yeesus yoobokemko 60 iggidiyak sarrah yunkuttubem warrishimta. Mango idhdhiteenit (maarhagit) akah yarhxiiniikah lel Roomaati Kishtan aydukumuso ciloh Roomalle yunkuttube.
Yohannis Markosuh yamidhdhige Markos, fartotta kin Bawlos kee Barnabas zoobatto kuuk yine. Markos, Bithroosulle dhaye carkeh kuuk yinemih lel yakkeedo yamidhdhige (1 Bithroos 5:13). Markos Yeesus aniinadde ishi intih walaa adde garaye wayo kibah, Markos akah yarhxeekah, Bithroos yublem kaako yuktubem kee tayim ta Injiilhi masarrat kinam maarhagit yaaminin. Markos yaqhriye mara Yeesus zacabah akah warisho kee ten aydukumuso farham; laxuu, junuun kee rabiiko ten gargeero ciloh Yeesus xaylah yaminiinim kinni. Cusub aniinah imaan ruhuwam makinam kee, galle akhdumuk usuk akah abeekah yamcazzaboona farhi luuk kaa katattawna alle tanem yakkeedo ten duhsuuso farha.
Urhurh kuluuxa ta kitaabadde:
Yaythimmiqhe Yohannis farto 1:1-8
Yeesus anthammaq kee cakana 1:9-13
Yeesus ishi ciyyo Galiilalle erherhishe 1:14 — 9:50
Yeesus Galiilaako Yerusaalem yadiye 10:1-52
Yeesus abayshimat baxuuro: kaa firde kee raba 11:1 — 15:47
Yeesus rabaakohi ugut 16:1-8
Yeesus ishi katattaynitih yambulluwem kee naba farto 16:9-20
Currently Selected:
Markos Injiil Markos Orbeena: SCC
Highlight
Share
Copy
Want to have your highlights saved across all your devices? Sign up or sign in
©2024 Wycliffe Ethiopia