2 Tessaloniike 1
1
Salaamta
1 #
Fartottit hi Abittot 17:1
Bawlos, Silas kee Timoteyosko, ni Abba kin Yalla kee Maddara kin Yeesus Masiixidde tane Tessaloniikeeti xiyawhi kaniisa fanah:
2Ni Abba kin Yalla kee Maddara kin Yeesus Masiixko nicma kee maaxiyo sinlih takkoo.
Xamde
3Ni saculo, sin imaan meceetih anabuk, umman tiyak sittiyah litin kaxani lel ammanguk aduuk yanemhi sabbatah umman gedda sin idhdhadde Yallah xamde nadabbo nolle tane. 4Amaydo, nanu ninneh, sin agrar kee imaanah, umbuka sinni hadaano kee biyakadde litin curtayyoh, tamaa Yallih kanaayisidde sin zacabah falitak nane.
Masiix gaxnanallehi firde
5Yallih nigsinna akah eedda mara takkoona ciloh, atin gantah waaxelsiitak taniinim, Yallih firdi xaqqe kinamah seththe kinni. 6Tayim Yalli xaqqeh yublek sarrah, tamaa sin biyaaka marah biyak akah yafdaw kinni. 7Maddara kin Yeesus tamaa ishi naba malaykutlih carsheeko bololta giraalih yambulluwe gedda, biyaakita sinah, amayim balih nottah curfen yaxaw kinni. 8Tamaa Yalla sorha mara kee ni Maddara kin Yeesus mece ware aabbinnixe maraako xane akko yafdaw kinni. 9#Isayas 2:10Usun Maddari nifko yakko kaa nabneh xaylaako mirix-yarhxoona kee umman geedit liyah yanqatstsacoona kinon. 10Tayim lel sinah abne shahaada kabbaatimtemhi sabbatah, usuk yinqiddise ishi marah yanabeh, tamaa yaamine mari lel adde kaa yassokootin maxadde takko lem kinni. 11Tayim takko lel, ni Yalli ishi deecoh eeda mara sinak abo, umman gedda dhaaco sinah abak nane. Ishi xaylah lel tamaa mecaani abtoona litin farhi sinah yaskamalo, umman gedda dhaaco sinah abak nane. 12Amayim lel ni Yalla kee Maddara kin Yeesus Masiix nicmahi araxah, ni Maddara kin Yeesus migac yanabo, atin lel kaa araxah tanaboona ciloh kinni.
Currently Selected:
2 Tessaloniike 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia