1 Tessaloniike 3
3
1 #
Fartottit hi Abittot 17:15
Amaydo, curno mirhiicinomhi sabbatah, Ateenalle ninni ulah racnam farhneyaako, 2Masiix mece warehi araxah Yallih khidma nottaalih yangale ni sacal, Timoteyos sin imaanalle sin yaysabato kee aydukumuso sinalle farne. 3Amayim lel sinko walaa inketti ta waaxeltah yanzebeebelemko ciloh kinni. Nottah tayim ni cija kinam atin sinneh taarhigin. 4Nanu sinlih nine gedda, caggaboyno kinom gaxne-gaxneh nookomeh sinah warishneh nine. Akah taarhigiiniikah lel taykinna caggaboyneh nane. 5Tayimhi sabbatah, anu lel tayimko aganalle curo taane gedda, tamaa yacikkineti sin yiscikkineh, ni xawal lel foyya yekkemko, sin imaan aagina kinam ablo farto sinalle abe.
Timoteyosti aydukumusa ware
6 #
Fartottit hi Abittot 18:5
Kado laakin, Timoteyos sinko nottalle gaxeh yanemhi sabbatah, sin imaan kee sin kaxanooko xedenisha ware noh baahe. Umman gedda mecaanih ni xunsussaanam kee tamaa nanu sin nablo akah sinah sannaakah, atin gantah ni tabloona noh hamberertaanam noh warishe. 7Tayimhi sabbatah, yi saculo, umbuka ninni qadab kee waaxeltadde, sin imaanah rufto geyneh nane. 8Atin Maddari araxalle tasbitin gedda, nanu cusub aniinah marna. 9Nanu sinah arhxinuk, Yallih nifille xedenne xeden, sin zacabah aagina-le xamde kinni Yallah nadabbo linom? 10Nif kee nifih sin nablo kee sinak yunquse imaan sinah naskamalo, bar kee lellecih dhaaco abak nane.
11Kado, isheh ni Abba kin Yalla kee ni Maddara kin Yeesus sin gabolle ni santishoonaa. 12Tamaa nanu sina akah kixinnooka balih, Maddari sinne-sinneh kee aki xiyawlih, kaxano sinah ziyaadisheh sinah yaymangoo. 13Amaa Maddara kin Yeesus umbuka yinqiddise maraalih adde gaxa lellecidde, ni Yalla kee Abbahi nifille, cadale hin yinqiddise mara takkoona ciloh, sin afcaado sinah yaysabatoo.
Currently Selected:
1 Tessaloniike 3: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
