1 Tessaloniike 1
1
Salaamta
1 #
Fartottit hi Abittot 17:1
Bawlos, Silas kee Timoteyosko,
Abba kin Yalla kee Maddara kin Yeesus Masiixidde tane Tessaloniikeeti xiyawhi kaniisa fanah.
Nicma kee maaxiyo sinlih takkoo.
Tessaloniikeeti xiyawhi imaan kee misaal
2Umman gedda ninni dhaacodde daweena maleh sin xusak, umbuka sinah Yalla xamdishinna. 3Sin imaanhi ciyyo, tamaa kaxanolle dhishshiime sin xawal, tamaa ni Maddara kin Yeesusudde yane cagadde cikite sin curtayyo, ni Yalla kee Abbahi nifille xunsuusak nane. 4Ko Yallih kaxantoolit kin saculo, usuk sin doorem naarhige. 5Amayim lel tamaa nanu warroyishna mece wari, waanih bisa makiiki sinalle yemeetem; laakin xayla, Quddus kin Ufaye kee rummaahit ashshamanlih gantah kinamhi sabbatah kinni. Nanu lel sinah arhxinuk, sin fanadde aaginah marak ninem taarhigin. 6#Fartottit hi Abittot 17:5-9Atin mango waaxelta kabbatten hanuk, tamaa waanitta Quddus kin Ufayehi xedenlih kabbatteenimhi sabbatah notta kee Maddarah timmingidiinih tanin. 7Amaymih lel Makedooniya kee Akhaayalle yane yeemene marah misaal tekkiinih tanin. 8Sinko tewce Yallih waanitta, Makedooniya kee Akhaayalle bisa maki tomoobbemki, atin Yalladde litin imaan ummanille yomoobbeh yane. Amaymih nanu adde waanishnam mifarhshishsha. 9Atin yane rummaahit Yalla takhdamoona ciloh, aaginah asnaamko Yallalle gaxteenim kee nanu sinlih aninuk geyne kabbat hi zacabah usun sinneh ware noh yoxoynih yanin. 10Amayim lel, kaa Barha tamaa usuk rabaako uguseya, tamaa tamiite kuraako ni yayyaace Yeesus carsheeko ilalteenih, kayya takhdamoona abteenim kinni.
Currently Selected:
1 Tessaloniike 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
